NENO LA LEO (MACHI 30, 2020): [ZINDUKA] TUMIA KANUNI HIZI KUFIKIA UTAJIRI UNAOTAMANI?

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni siku nyingine tena mwanzo wa juma tukiwa tunaelekea kwenye robo ya pili ya mwaka 2020. Hatuna budi kusema asanthe kwa baraka ambazo Mwenyezi Mungu anazidi kutujalia. Moja ya baraka kubwa iliyopo mikononi mwetu ni siku hii ya leo. Basi tukaitumie vyema kuendeleza jitihada za kuyafanya maisha yetu yawe na thamani.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambalo linatushirikisha baadhi ya kanuni muhimu ambazo unatakiwa kuzitumia kwa ajili ya kukuza utajiri wako. Hutake husitake pesa ina nguvu na itaendelea kuwa na nguvu katika kubadilisha ulimwengu tunaoishi. Ni kutokana na umuhimu huo tunatakiwa kujifunza mbinu muhimu ambazo zinatuwesha kuongeza pesa tunayomiliki. Karibu ujifunze kanuni ninazokushirikisha leo:-

✍🏾Tengeneza pesa za kutosha. Kila mara swali kubwa la kujiuliza linatakiwa kuwa: nifanye nini ili kukuza pato langu zaidi ya sasa. Hautakiwi kuridhika na chanzo kimoja cha pesa na badala yake chanzo kimoja kianzishe chanzo kingine na hatimaye uwe mifereji mingi inayotiririsha pesa kwenye mifuko na akaunti zako.

✍🏾Ilinde pesa yako. Ukiwa na pesa kuna vishawishi vingi ambavyo vinapelekea pesa ipotee mikononi mwako kwa kuwa haujui namna ya kuilinda pesa. Kuna maadui mengi wa pesa yako ambao wanaitolea macho. Mfano, ukiwa na pesa ndipo washauri wanaoongezeka, ukiwa na pesa ndipo watu wanaojiita marafiki wanakuwa wengi, ukiwa na pesa watu wanaokupenda wanakuwa ni wengi au ukiwa na pesa kesi nazo zinaoongezeka. Hivyo unatakiwa kuwa mbali na mazingira ambayo yatapelekea upoteze pesa yako kwa hasara.

✍🏾Jifunze kubajeti pesa yako. Pesa haijawahi kutosha mahitaji yaliyopo katika maisha ya kila siku. Tatizo linalopelekea kundi kubwa la watu katika jamii waendelee kuangaika kipesa ni tabia ya kutokuwa na bajeti. Watu wengi hawana vipaumbele kutokana na ukweli kwamba kila kinachopita kwenye macho wananunua. Matokeo yake ni kwamba pesa ambayo ingedumu kwa muda wa siku kadhaa inaisha ndani ya wiki moja. Baada pesa kuisha mhusika sasa ndo anatuliza akili na kuanza mipango ya kutafuta pesa nyingine tena.

✍🏾Jifunze namna ya kuifanya pesa iongezeke thamani. Pesa ambayo umeiweka kwenye akaunti ya kawaida haiongezeki thamani na sana sana inapungua thamani kutokana na makato ya gharama za huduma ya benki. Pesa inatakiwa kuvuja pesa (money should bleed money). Hivyo unatakiwa kuiwekeza pesa yako sehemu ambapo inaongezeka thamani. Pesa inatakiwa kuwekwa sehemu ambapo hata wakati umelala pawepo watu ambao wanaendelea kukufanyia kazi. Nieleweke kuwa pesa ili iwe na thamani ni lazima iwe kwenye mzunguko ambao unaifanya izalishe faida.

✍🏾Ongeza ufahamu au maarifa yako kuhusu pesa. Maarifa ni silaha muhimu ambayo itakuvusha salama kwenye safari yako ya kjufikia utajiri wa ndoto yako. Unahitaji kujifunza kwa kutumia mbinu zote ikiwa ni pamoja na kusoma vitabu, kuhudhuria semina za ujasiliamali na kuwa watu wa kukuongoza (financial coaches).

✍🏾Mwisho, neno la tafakari ya leo limetufundisha baadhi ya kanuni muhimu kuhusiana na pesa. Hakikisha unapata nakala ya uchambuzi wa kitabu cha Rules of Money ambacho utapata kanuni 107 kuhusu pesa.

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BON TO WIN ~ DREAM BIG

🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com

Kujiunga Kundi la WhatsApp la FIKRA ZA KITAJIRI, bofya link hii:https://chat.whatsapp.com/JACBxr9kX7K0qt58cQTrrw

NENO LA LEO (MACHI 29, 2020): *[JIBU] JE NAWEZA KUWA TAJIRI KWA KUAJIRIWA?*

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni siku nyingine tena ambayo tumezawadiwa uhai kwa ajili ya kuendeleza bidii za kuishi ndoto za maisha yetu. Hakika siku zinakimbia kama bado haujaanza kutekeleza kwa vitendo malengo uliyojiwekea katika kipindi cha mwaka huu 2020 ni wakati wa kuamka usingizini maana robo ya kwanza ya mwaka inaelekea ukingoni.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambapo nitajibu swali la mwenzetu ambaye aliuzia juu ya kwanini watu wengi wenye mafanikio kifedha hawapendi kuajiriwa. Kwanza nitoe pongezi kwa muuliza swali lakini pia kwa wale waliochangia mada ndani ya kundi. Naungana na mjadala uliokuwepo kuhusiana na mada hiyo japo sikuwa na wa kushiriki nanyi.

✍🏾 Ukweli ni kwamba kuna imani nyingi katika jamii tunayoishi kuhusiana na utajiri na wafanyakazi. Wapo watu wengi katika jamii ambao wanapowatazama wafanyakazi wanaona kuwa tayari wamefanikiwa kimaisha. Ni kutokana imani hizo watu wengi wanaamini wafanyakazi wana hela nyingi hasa kwa vile kila mwisho wa mwezi wana uhakika wa kupata mshahara.

✍🏾Hali hii inatokana na maisha ambayo wafanyakazi wengi wanaishi katika jamii inayozunguka. Ukweli ni kwamba wafanyakazi walio wengi wanaishi maisha ya kuigiza. Wengi kwa nje wanaonekana matajiri lakini ndani ya mioyo yao kuna msongamano wa mambo mengi. Wapo ambao ni watumiaji wakubwa kwenye kumbi za starehe, wapo ambao wanabadilisha magari tena yenye thamani kutokana na mikopo, wapo ambao wanapanga kwenye nyumba za kifahari na wapo ambao wamefanikiwa kujenga nyumba nzuri za kuishi na hata za kupangisha kutokana na mikopo au matumizi ya pesa za Serikali kinyume na taratibu. Hata hivyo, wapo baadhi ya wafanyakazi ambao wanaendesha maisha yao kwa kufuata misingi ya kanuni za pesa.

✍🏾Niweke wazi kuwa binafsi ni Mwajiriwa wa Serikali katika ngazi nzuri ya kiutawala (Afisa Misitu wa Mkoa). Kutokana na ajira hii nimejifunza mengi ambayo hakika ni kipindi muhimu katika maisha yangu. Nilianza kazi mwishoni mwa mwaka 2013 na nategemea kustaafu mwishoni mwa mwaka 2025 nikiwa na umri wa miaka 40. Hapa nalenga kukuonesha kuwa hata kama umeajiriwa unatakiwa ufanye kazi hiyo ukiwa na malengo binafsi.

*Zifuatazo ni faida za ajira kuelekea kwenye Uhuru wa kifedha*

✍🏾Ajira ni sehemu ambapo unaweza kukusanya mtaji wa kuanzisha uwekezaji mbalimbali. Unapofanya kazi hautakiwi kutegemea mshahara kuwa utakuwezesha kumaliza mahitaji yako ya kipesa. Wafanyakazi wengi ambao wanakidhi mahitaji yao ya kipesa bila kuwa na msongo wa mawazo ni wale ambao nje ya muda wao wa kazi wana miradi kadhaa ya kujiongezea kipato.

✍🏾Mfanyakazi ajira yake ni dhamana kwenye taasisi za fedha. Ukweli ni kwamba masharti ya kukopa kwenye taasisi za fedha kama hauna dhamana in mengi na yanaambatana na riba kubwa. Hila kwa mwajiriwa ni tofauti maana Mwajiri wake anabeba dhamana hivyo kuwa rahisi kupata mikopo yenye riba nafuu. Mfano kwa watumishi wa Serikali kuu kuna mikopo yenye riba ya asilimia 4℅. Hata hivyo wengi wanakopa bila kufuata kanuni za pesa na kujikuta mikopo hiyo inawaingiza kwenye shimo kubwa.

✍🏾Ajira ni sehemu ambapo unaweza kupata taarifa za fursa nyingi hasa zinazojitokeza kwenye taasisi unayofanyia kazi. Mfano, mwajiriwa wa Serikali ni rahisi kufahamu fursa zilizopo Serikalini kabla ya watu wengine nje ya mfumo. Ukiwa na macho pamoja na uwezo kifedha utafaidika na fursa hizo.

*Changamoto ya ajira katika kuelekea kwenye Uhuru wa kifedha*

✍🏾Ajira ni utumwa kutokana na ukweli kwamba ili upate mshahara ni lazima uuze muda, maarifa, uhuru na nguvu zako kwa mwajiri wako. Hapa ndipo changamoto inakoanzia unaweza kuwa unalipwa mshahara mkubwa lakini hauna muda wa kufanya shughuli zako za kukuza kipato chako. Mfano, wafanyakazi wengi wa mashirika yasiyo ya kiserikali wanapata mishaharamishahara mikubwa lakini hawana muda wa kufanya shughuli za ziada za kyjiongezea kipato. Matokeo yake ni kwamba mfanyakazi wa Serikali ambaye ana muda wa kutosha na anautumia vizuri anaweza kutengeneza kipato sawa na huyo aliyeajiriwa kwenye mashirika au sekta binafsi.

✍🏾Mshahara hauwezi kukufanya uwe tajiri. Wanaokokotoa kiwango cha mshahara huwa wanazingatia kiwango ambacho kitakidhi mahitaji ya kawaida ili mtumishi aweze kuendelea kuitimikia kazi yake. Kama mshahara ungetosheleza mahitaji yote na kubakiwa na ziada wengi wenye akili wangeacha kazi na kufanya shughuli zao. Pia wapo ambao wangeshindwa kufanya kazi kwa kuendekeza starehe kutokana na wingi wa pesa wanazopata.

✍🏾Ajira ni sehemu ambapo unatekeleza mipango ya mtu au taasisi na siyo mipango binafsi. Hapa ajira inaweza kuwa chanzo cha kujichelewesha kwenye mipango binafsi kwa kuwa mipango yako inaingiliwa na majukumu yako ya kazi.

*Je niache kazi na kujiajiri?* Ndiyo ili uwe na uhuru wa kushugulika na majukumu yako huna budi kuacha kazi na kujiajiri mwenyewe. Hila kabla ya kufanya hivyo hakikisha umeweka vitega uchumi ambavyo vinakuingizia kipato sawa/zaidi ya mshahara unaopata. Huwa kuna usemi maarufu kuwa husichome meli unayosafiria kabla kuwa na mbadala ambao utakuvusha salama. Hivyo kabla ya kuacha kazi weka mazingira ya kukuvusha salama katika kipindi ambacho utakuwa hauna kazi. Hii ni pamoja na kuweka mpango kazi ambao unaufanyia kazi kila siku kabla ya kuacha kazi.

✍🏾Mwisho, neno la tafakari ya leo limetukumbusha kuwa ajira inaweza kuwa sehemu ya kufikia utajiri wa ndoto yako au ikawa sehemu ya kuishi mshahara kwa mshahara. Wajibu wako ni kuhakikisha upata maarifa sahihi juu ya matumizi ya pesa unayopata kutokana na mshahara wako. *Naendelea kukumbusha kupata nakala yako ya uchambuzi wa kitabu cha Rules of Money ambacho utapata kanuni 107 kuhusu pesa.*

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

*BON TO WIN ~ DREAM BIG*

🗣🗣 *Mwalimu Augustine Mathias*
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com

Kujiunga Kundi la WhatsApp la FIKRA ZA KITAJIRI, bofya link hii:https://chat.whatsapp.com/JACBxr9kX7K0qt58cQTrrw

NENO LA LEO (MACHI 28, 2020): *[SWALI] KWA NINI UNAENDELEA KUFANYA KAZI ZENYE MALENGO YA BAADAYE?*

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Kadri tunavyoelekea mwezi April, 2020 naendelea kumshukuru Mungu kwa kuniwezesha kukuletea kazi hii kila siku asubuhi. Ni kazi ambayo inahitaji nidhamu ya hali ya juu kuikamilisha lakini dhamira yangu nikuiendeleza nikiamini kuwa wapo vijana wengi ambao watabadilika na kuishi kusudi la maisha yao kupitia kazi hii. Kati ya vijana 100 wanaosoma kazi zangu nikifanikiwa kuwabadilisha hata 10 kati yao kwangu ni ushindi.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambapo nitakushirikisha siri inayotusukuma kufanya kazi kwa ajili ya kukamilisha malengo muhimu katika maisha yetu. Kazi ni kipimo cha thamani yetu hapa Duniani kutokana na ukweli kwamba ni kupitia kazi tunaweza kutatua changamoto za jamii.

✍🏾 *Swali muhimu la kujiuliza ni kwa nini tunaendelea kufanya kazi kwa ajili ya maisha ya baadae?.* Ukweli ni kwamba kinachotusukuma kufanya kazi ni LILE TUMAINI JEMA kwenye maisha yajayo. Tumaini hilo ndilo linatusukuma kuendelea bidii kwa ajili ya kuwa na maisha bora kwenye siku za usoni.

✍🏾Yajayo yanafurahisha. Kama ulivyo msemo huu wa tangazo ndivyo unatakiwa kuwa na tumainia matukio ya maisha yako ya baadaye. Tumaini bora ndilo litakuondolea hofu na kuendeleza jitihada za kila siku zinazolenga kuboresha maisha yako.

✍🏾Ni ukweli kwamba hakuna mtu hata mmoja ambaye anajua kesho itakuwaje. Hila kwa pamoja tunakubaliana kuwa Ulimwengu wa kesho utakuwa bora zaidi ikilinganishwa na Ulimwengu wa leo.

✍🏾Ni kutokana na tumaini bora katika maisha watu wanaendelea kufanya kugunduzi/uvumbuzi wa vitu vipya ambavyo vinalenga kuboresha maisha ya mwanadamu kwa siku zijazo. Hakika maisha ni kutumainia yaliyo bora siku za baadaye.

✍🏾Biashara, kampuni na taasisi mbalimbali zinaanzishwa kutoka kwa watu ambao wanatumainia kesho iliyo bora ikilinganishwa na sasa. Kumbe unapokuwa na tumaini bora kwenye maisha ya baadae unaanza kufikiria na kufanya kazi zilizo nje ya boksi.

✍🏾Tumaini bora kwenye maisha yajayo linakujenga kupita kwenye nyakati ngumu za maisha. Haijalishi utaanguka mara ngapi au kuahindwa mara ngapi, ukiwa na tumaini hakika utafanikiwa kwenye kazi unayoiona kuwa ngumu. Mfano, *Thomas Edison* alishindwa zaidi ya mara 1000 katika jaribio la kutengeneza bulb ya mwanga. Hata hivyo kutokana na msukumo wa tumaini la baadae aliendelea mpaka kufanikiwa kutengeneza bulb ya mwanga. Ni kutokana na tumaini lake Ulimwengu wa sasa unatumia bulb za umeme kwa ajili kuondokana na Giza.

✍🏾Tumaini bora ndilo linatufanya kuendelea kuweka jitihada kubwa katika kazi bila kujali umri wetu. Hakika watu wanaofanikisha mambo makubwa katika maisha yao ni wale ambao wamejiwekea kuishi kanuni ya kuamini kuwa umri siyo kigezo cha kuweka mipango ya maisha ya baadaye. Mfano, *Colonel Sanders* alistaafu akiwa na umri wa miaka 65. Kutokana na tumaini bora aliweza kutumia pension yake kuanzisha biashara ya mgahawa baada ya kujifanyia tathimini na kugundua kuwa alikuwa anaweza kupika kuku kwa mapishi matamu sana. Ni kutokana na mgahawa huo alifanikiwa kubadilisha historia ya maisha yake katika umri huo.

✍🏾Mwisho, neno la tafakari ya leo limetukumbusha kuwa ili kazi zetu ziwe na thamani ni lazima tuwe na tumaini jema kwenye maisha ya baadaye. Hakikisha unajenga tumaini jema kwa kujifunza kila mara kupitia mbinu mbalimbali bila kusahau usomaji wa vitabu. *Naendelea kukumbusha kupata nakala yako ya uchambuzi wa kitabu cha Rules of Money ambacho utapata kanuni 107 kuhusu pesa.*

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

*BON TO WIN ~ DREAM BIG*

🗣🗣 *Mwalimu Augustine Mathias* 
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com

Kujiunga Kundi la WhatsApp la FIKRA ZA KITAJIRI, bofya link hii:https://chat.whatsapp.com/JACBxr9kX7K0qt58cQTrrw

NENO LA LEO (MACHI 27, 2020): UMESOMA VITABU VINGAPI?

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Namshukuru Mungu kwa ajili ya siku ya leo ambayo ni zawadi muhimu ya kuendelea kuujenga ukuta was mafanikio. Pia namshukuru Mungu kwa kuendelea kuniunganisha na wewe. Ni matarajio yangu muunganiko wetu humu ndani umetuwezesha kujifunza kitu kwa ajili ya kuboresha maisha yetu.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambalo linatukumbusha umuhimu wa kusoma vitabu katika maisha yetu ya kila siku. Jamii ina kundi kubwa la watu ambao hawana utaratibu wa kupata maarifa mapya kutoka kwenye vitabu vinavyohusiana na maendeleo binafsi katika kila sekta ya maisha yao.

✍🏾Ndani ya kundi hilo la watu wapo ambao wanaona kusoma kitabu ni kupoteza muda kwa kuwa kitabu husika hakina uhusiano na fani au kazi yake. Hivyo, ukiendelea library utakuta vitabu vingi vinavyofunuliwa kwa wingi ni vile ambavyo mara nyingi vinalenga kuwasaidia wahusika kwenye hitaji la wajibu wa lazima. Mfano, mwanafunzi atasoma kitabu kinachohusiana na mada anazotakiwa kujibia mtihani. Mbaya zaidi wanafunzi wa siku hizi hats nao hawasomi vitabu bali wanatumia notisi nyepesi ama walizopewa na wakufunzi wao au kutoka kwa watangulizi wao.

✍🏾Watu wengi baada ya kumaliza masomo wanasahau kabisa kuwa kuna kujisomea. Matokeo yake jamii imejaa watu ambao wana maarifa duni kuhusiana na maendeleo binafsi kwenye kila sekta ya maisha yao.

✍🏾Nasema maarifa duni kwa kuwa ni ukweli husiopingika kuwa elimu ya mafanikio haifundishwi popote katika silabasi za mfumo wa elimu. Ndio maana utakuta kuna Profesa lakini bado anaangaika kifedha.

✍🏾Tafsiri yake ni kwamba kama hauna utaratibu wa kujisomea vitabu maarifa ya kujiendeleza unayapata kupitia uzoefu binafsi, wazazi wako au jamii inayokuzunguka. Hapa ndipo kuna anguko la watu wengi katika jamii.

✍🏾Nasema kuna anguko kwa kuwa mtoto wa masikini atajifunza mbinu kuhusu misingi ya usimamizi wa fedha kutoka kwa mzazi masikini. Matokeo yake ni kwamba mbinu za kimasikini kuhusu pesa zinaendelea kutumiwa na mhusika na matokeo yake ataendelea kuwa masikini au na pato la kawaida.

✍🏾Kuendelea kuishi maisha ya kutojenga tabia ya kujisomea vitabu kwenye kila sekta ya maisha yako ni sawa na kutegemea muujiza wa mafanikio ndani ya giza nene. Kila unalotaka kufanikisha katika maisha yako lilishafunuliwa kutoka gizani na kuwekwa kwenye nuru ndani ya vitabu.

✍🏾Kitabu kimoja kina nguvu za kubadilisha mtazamo wa maisha yako kwa ujumla. Mfano nilibadirika kuhusiana na pesa kwa ujumla kupitia kitabu cha Robert Kiyosaki cha Rich Dad Poor Dad. Ni kitabu ambacho nashauri kila mmoja akisome na kutumia mbinu zilifunuliwa ndani yake.

✍🏾Mwisho, neno la tafakari ya leo limetukumbusha kuwa hakuna haja ya kuendelea kuishi katika giza wakati nuru ilishafunuliwa kupitia maarifa mbalimbali yaliyopo kwenye vitabu. Naendelea kukumbusha kupata nakala yako ya uchambuzi wa kitabu cha Rules of Money ambacho utapata kanuni 107 kuhusu pesa.

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BON TO WIN ~ DREAM BIG

🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com

Kujiunga Kundi la WhatsApp la FIKRA ZA KITAJIRI, bofya link hii:https://chat.whatsapp.com/JACBxr9kX7K0qt58cQTrrw

NENO LA LEO (MACHI 25, 2020): IWE MASIKINI AU TAJIRI WOTE WANA MATATIZO YA PESA.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Namshukuru Mungu kwa ajili ya asubuhi hii ya leo na kwa ajili yako ambaye unaendelea kujifunza kitu kutokana na masoko ninayokushirikisha kila siku. Wajibu wetu mkubwa ili kazi hii iwe na tija ni kuweka mipango ambayo tunaitekeleza kwenye majukumu yetu ya kila siku. Kumbuka kuwa hata mbuyu ulianza na kama mchicha hivyo husitishike wala kukatishwa tamaa na hali yako ya sasa.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambapo nitakushirikisha jinsi ambayo tajiri na masikini walivyo na matatizo ya kipesa japo matatizo yao yanatofautiana. Wakati masikini anaangaika kupata pesa za kukidhi mahitaji yake ya kila siku upande wa pili tajiri nae anaangaika kulinda pesa zake ili ziongezeke. Karibu tupitie kwa pamoja matatizo ya kipesa yanayowakabili tajiri na masikini.

✍🏾Kwa kuanzia ngoja tuangalie matatizo ya kipesa ya masikini. Masikini kila kukicha hana anakabiliwa na maisha ya wasiwasi yanayoambatana na jinsi gani ataweza kukidhi mahitaji ya maisha kama vile pango la nyumba, chakula, bili za umeme na maji, ada za watoto na mahitaji muhiu kwa ajili ya tiba na afya bora. Haya ni mahitaji makuu ya maisha ambayo masikini kila anapoamka anaweza ni jinsi gani ataweza kutoboa na kufanikisha maisha yake kwa siku za baadae. 

✍🏾Ni kutokana na matatizo hayo ya kipesa, masikini anaendelea kujitumbukiza kwenye mikopo ya mara kwa mara ili kukidhi mahitaji muhimu ya maisha. Kadri anavyokopa ndivyo anajiingiza kwenye shimo kubwa la umasikini na matokeo yake ni mzunguko husiyo kuwa na mwisho. Hata hivyo, matatizo mengi ya kipesa kwa masikini yanaambatana na kukosa elimu ya msingi ya kuhusiana na pesa hali inayopelekea aendelee kufanya maamuzi mabovu kuhusu sekta ya pesa. 

✍🏾Kwa upande wa tajiri yeye anakabiliwa na matatizo ya kipesa yanayoambatana na jinsi gani ataweza kulinda utajiri wake. Changamoto kubwa ambayo tajiri anapambana nayo kila siku ni namna gani ataweza kukuza utajiri wake huku akiendelea kuishi maisha yenye furaha. Hapa tajiri anakabiliwa na maamuzi magumu ambayo yanaambatana na uhakika wa kupata: washauri wazuri wa kifedha; wanasheria wazuri; wafanyakazi waliobora; miradi ipi anatakiwa kuwekeza kwa ajili ya kukuza mtaji; namna gani atalipia kodi na kukidhi matakwa ya kisheria bila kuathiri uwekezaji wake; na jinsi gani ataweza kutimiza mahitaji ya jamii inayomzunguka ili hasionekane mtu mbaya.

✍🏾Pia, changamoto nyingine ambayo tajiri anapambana nayo ni jinsi gani ataweza kumudu majukumu yake ya kibiashara huku akiendelea kuwa na familia yenye misingi bora ya malezi. Hapa ndipo unakuta watoto wa matajiri wengi wanakua bila kuwa na misingi bora ya malezi kwa vile wazazi wao wanakuwa hawana muda wa kutosha wa kukaa nao.

✍🏾Mwisho, neno la tafakari ya leo linatukumbusha kuwa tajiri au masikini wote wana matatizo ya kipesa. Matatizo hayo yanatatuliwa kwa kuwa na elimu sahihi ya msingi kuhusu pesa (financial education). Kumbe, uwe tajiri au masikini wote ni muhimu kuwa na elimu hii ya pesa ili kutatua changamoto za kipesa zinazokukabili. Pata nakala yako ya uchambuzi wa Kitabu cha Rules of Money kwa bei ya ofa ya TSHS 5,000/= upate maarifa sahihi kuhusiana elimu ya pesa. 

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

 BORN TO WIN ~ DREAM BIG 

🗣🗣 Mwalimu Augustine Mathias 

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

NENO LA LEO (MACHI 24, 2020): [SIRI] HIKI NDICHO KITAKUFANYA UWE TAJIRI.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni matumaini yangu kuwa umeamka salama na upo tayari kuendeleza majukumu yako ya kila siku. Hongera kwa siku hii ambayo Mungu anaendelea kutuzawadia kwa ajili ya kufanya kitu ambacho kitaweka alama kwenye maisha yetu. Alama hiyo ndiyo tunaweka bidii kila siku ili baada ya maisha yetu hapa Duniani, majina yetu yaendelee kuishi vizazi na vizazi.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambao nitakushirikisha siri moja muhimu ambayo kuanzia sasa unatakiwa kuitumia kwa ajili ya kufikia mafanikio ya uhuru wa kifedha. Ni ukweli husiopingika kuwa kila mtu kwenye Jamii tunayoishi anataka kuwa na uhuru wa kifedha. Pesa imekuwa ni nyenzo muhimu ambayo inasaidia mwanadamu apate mahitaji muhimu ya maisha yake ya kila siku.

✍🏾Ni kutokana umuhimu wa pesa kwenye maisha ya kila siku ya mwanadamu, zipo Imani nyingi zinazoambatana na upatikanaji wa pesa. Mfano, wapo wanaoamini kuwa pesa zipo kwa wateule wachache ambao wameandikiwa kufanikiwa kifedha na kundi kubwa la watu katika jamii limeandikiwa kuwa na fedha za kawaida.

✍🏾Wapo wanaomini kuwa ili tajiri ni lazima uwe pesa nyingi. Ni kutokana na Imani hii watu wengi wameshindwa kuchukua hatua hasa katika kuanzisha biashara kwa kuwa wanasubiria wawe na mtaji wa kutosha ndipo waanzishe biashara. Ukweli ni kwamba siyo kweli kwamba ili uwe tajiri ni lazima uwe na pesa nyingi. Wapo watu wengi ambao walipata pesa nyingi labda kutokanba na urithi, kushinda bahati na sibu au kupitia njia za wizi lakini cha kushangaza baada ya kipindi flani muda kupita walijikuta wamerudi kwenye hali yao ya zamani.

✍🏾Siyo kweli kwamba ukifanikiwa kupata madini ya thamani ndipo utakuwa tajiri. Wapo wachimbaji wengi wa madini ambao walibahatika kukutana na zari la mentari kwa kupata madini ya thamani kama dhahabu au almasi lakini baada ya muda walijikuta pesa yote imeyeyuka.

✍🏾Siyo kweli kuwa biashara au ajira vyote vikiambatana na kufanya kazi kwa bidii ndivyo vitakufanya uwe tajiri. Ukweli ni kwamba wapo watu wengi ambao wanajituma kila kukicha kwenye biashara au ajira zao lakini bado wanaangaika kifedha. Unatakiwa kufanya kazi kwa bidii lakini ili uwe tajiri ni lazima uwe na siri ambayo nitakushirikisha kupitia makala hii.

✍🏾Siyo kweli kwamba elimu ndiyo itakufanya uwe tajiri. Ukweli ni kwamba wapo Maprofesa ambao wanaishi kwa msongo wa mawazo uliopitiliza kutokana na uhaba wa fedha ikilinganishwa na mahitaji halisi ya maisha yao. Vivyo hivyo, siyo kweli kwamba aina ya fani ambayo umeajiriwa nayo ndiyo itakufanya uwe tajiri. Ukweli ni kwamba wapo Waandisi, Wanasheria, Wahasibu au Madaktari wabobevu ambao bado wanateseka kifedha.

✍🏾 Ili niwe tajiri natakiwa kufanya nini? Najua una hamu ya kufahamu siri ninayokushirikisha leo kwa ajili ya kuwa tajiri. Siri inasema “ili uwe tajiri unatakiwa kuwa na elimu sahihi ya pesa (financial education)”. Hapa simaanishi kuwa unatakiwa ukasomee fani za fedha kama vile uhasibu la hasha. Ninachomaanisha hapa ni kwamba ili uwe tajiri unatakiwa kuwa na maarifa sahihi kuhusiana na namna ya kutengeneza, kuwekeza na kutumia kila shilingi unayopata kwenye maisha yako ya kila siku. Kumbuka pesa inaenda kule inakopendwa zaidi – tafsiri yake siyo kwamba ukiwa na mapenzi na hela moja kwa moja pesa itakufuata. Tafsiri yake halisi ni kwamba ili upate pesa za kutosheleza mahitaji yako ni lazima ufuate kanuni zinazohusiana na pesa.

✍🏾Mwisho, neno la tafakari ya leo linatukumbusha kuwa siyo pesa, biashara, ajira au madini ya thamani ambavyo vitatufanya kuwa tajiri bali utajiri umejificha kwenye maarifa sahihi kuhusiana pesa. Mwandishi Richard Templar anatushirikisha kanuni 107 za kutengeneza pesa kupitia kitabu chake cha Rules of Money. Nimechambua kitabu hiki kwa lugha rahisi ya Kiswahili na uchambuzi huu una kurasa 48 ambazo zipo katika mfumo wa Pdf. Uchambuzi huu unapatikana kwa bei ya punguzo ya TSHS. 5000/= kwa wanafamilia ya FIKRA ZA KITAJIRI. punguzo hili ni sawa na asilimia 50 maana gharama halisi ni TSHS. 10,000/= karibu uwe wa kwanza kupata Ofa hii.

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

 BORN TO WIN ~ DREAM BIG

🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com

NENO LA LEO (MACHI 23, 2020): HIVI NDIVYO UNAENDELEA KUVUNA UNACHOPANDA

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Hongera kwa siku hii ya leo ambayo tunaianza wiki ya mwisho ya mwezi Machi, 2020. Ni siku ambayo wote kwa pamoja tuseme asanthe kwa Muumba kwa kutuwezesha kuwa hai kiasi ambacho bado tuna deni la kuibadilisha Dunia hii kuwa mahala pazuri pa kuishi kwa viumbe wote.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambalo linalenga kutukumbusha umuhimu kuishi kanuni ambazo waliotangulia wametumia kanuni hizo na hakika wameweka alama kwenye uso wa Dunia. Neno la tafakari ya leo linabeba kichwa cha habari kutoka kwenye moja ya sheria za asili ambayo inasema “mavuno yanategemeana na mbegu unayopanda (the Law of sow and reap)”.

✍🏾Kupitia neno hili nitakushirikisha tabia ambazo zimepelekea ushindwe kufikia malengo yako kwa kuwa unaendelea kuvuna kulingana na mbegu unayopanda. Tatizo kubwa ni kwamba watu wengi hasa Vijana wa sasa tunatamani kuvuna maharage kutoka kwenye shamba la viazi au tunatamani kuvuna tani kadhaa kutoka kwenye shamba lenye uwezo wa kuzalisha gunia kumi. Karibu upitie kwenye hizi mbegu kandamizi ambazo umekuwa ukipanda katika maisha yako ya kila siku.

✍🏾 Mbegu ya kwanza ni tabia ya kulalamika. Tabia hii unaweza kuiona ya kawaida lakini ukweli ni kwamba ina athari kubwa kwenye maisha yako. Tafsiri ya kulalamika ni kwamba mhusika anakuwa haridhiki na tukio au hali iliyopo mbele yake kutoka kwa mamlaka au watu wanaomzunguka. Maana yake ni kwamba kadri unavyolalamika ndivyo unajitoa kwenye kuhusika katika tukio/hali unayolalamikia. Mfano, ni kawaida kukuta Vijana wengi wakiulizwa kwa nini hawajapiga hatua kiuchumi, utapata majibu kama vile hatuna ajira maana Serikali imetutelekeza; hali hii ya uchumi imesababishwa na wazazi wangu; Serikali ina mifumo mibovu ya kuwainua Vijana n.k. Kati ya majibu yote hayo ni nadra sana kupata jibu ambalo lina mgusa mhusika. Hivyo, athari kubwa ya kulalamika ni kujiondolea uwajibikaji na kuona kuwa kuna mamlaka au kundi la watu ambalo linatakiwa kuwajibika kwa ajili yako.

✍🏾 Mbegu ya pili ni kuwa na matumizi yasiyo ya lazima. Wapo watu wengi katika jamii ambao kila akipata pesa hawezi kutulia mpaka aone pesa hiyo imeisha kabisa. Pesa inakuwa kama inamuwasha kiasi ambacho anajikuta kwenye matumizi yasiyo na mpangilio. Niliwahi kuandika kuwa pesa inakaa sehemu ambazo inapendwa zaidi, hivyo, unapopata pesa kama haujui misingi ya kuipenda pesa ni lazima itafute milango ambayo itarudi sehemu ambako inapendwa zaidi. Vijana wengi wa sasa wanahitaji kupata utajiri lakini ni wachache ambao wanaweza kuweka akiba kwenye kila shilingi inayoingia mikononi mwao. Matokeo yake ni kwamba hauwezi kuvuna mazao ambayo haupo tayari kujibidisha katika kupanda na kupalilia mbegu.

✍🏾 Mbegu ya tatu ni tabia ya kuhairisha. Dunia inazunguka na kadri inavyozunguka masaa yanasogea, siku zinapita na miaka inapita. Hata hivyo, kadri yote hayo yanavyotokea umri wako unasogea na siku ulizoandikiwa kuishi hapa Duniani zinapungua. Huo ndiyo ukweli wa maisha yetu hapa Duniani, pamoja na kwamba maisha yetu hapa Duniani yana ukomo watu wengi bado wanaendelea kuishi kwa kusogeza matukio muhimu mbele. Hali inapelekea wengi kujichelewesha wenyewe kwa kuwa jambo ambalo lingewezekana leo linasogezwa mbele hadi linasahaulika.

✍🏾 Mbegu ya nne ni tabia ya kutaka matokeo ya haraka. Nimekuwa nikipigwa simu na vijana wengi ambao baada ya kuona blogu yangu (fikrazakitajiri.blogspot.com) tafsiri yao ya haraka wanajua kuwa hapa kuna utajiri wa majini. Wengi wanahitaji kuunganishwa na utajiri wa majini ambao wanategemea walale masikini na kuamka tajiri. Ukiwa na mawazo hayo finyu hakika kamwe utajiri utakuwa ni ndoto kwako hata pale ukifanikiwa kuwa tajiri kwa mbinu hizo chafu hakika furaha katika maisha yako itakuwa ni kitendawili.

✍🏾Mwisho, neno la tafakari ya leo limetukumbusha kuwa chochote tunachotamani kufanikisha katika maisha yetu ni lazima tuweke jitihada zinazolenga kupata mafanikio hayo. Kwa kifupi ni kwamba tutavuna kulingana na jitihada tunazoweka katika uzalishaji kwenye kila sekta ya maisha yetu.

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

 BORN TO WIN ~ DREAM BIG
🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com

NENO LA LEO (MACHI 22, 2020): HAPA NDIPO UKOMBOZI WA KIFIKRA UNAKOANZIA.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni matumaini yangu kuwa umeamka salama na upo tayari kuendeleza moto unaolenga kutimiza malengo yako kwenye kila sekta ya maisha yako. Hongera kwa zawadi hii ambayo hakika ni deni kwako kuhakikisha unafanya kitu cha ziada ambacho kinalenga kukufikisha kwenye tumaini kuu la maisha yako.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambapo tutajifunza kuwa ukombozi halisi wa kifikra unaanzia kwenye kujitambua wewe ni nani na uhai ulionao una thamani gani katika uso wa Dunia hii. Pengine umezunguka sana huku na kule kwa kujaribisha kila aina ya kazi au biashara lakini unaona kila ukijitathimini unaona kuwa bado haujafikia hata chembe ya mafanikio unayotamani katika maisha yako.

✍🏾Huo ndiyo ukweli halisi kwa kundi kubwa la watu katika jamii. Watu wengi wanaishi bila kujitambua wao ni nani na kwa nini bado wanaishi. Tafsiri ya haraka ni kwamba wengi wanashindwa kutambua fumbo la maisha waliyopewa ni kwa ajili ya ukamilisho wa nini hapa Duniani. Hivyo, hatua ya kwanza kabisa kwenye ukombozi wa kifikra ni kujitambua wewe ni nani na maisha yako yapo kwa ajili ya ukamilisho wa jambo gani hapa Duniani.

✍🏾Kumbe, chochote unachofanya kwa lengo la kufanikiwa kimaisha itakuchukua muda sana kufanikiwa kama bado haujatambua thamani ya maisha yako. Mafanikio ya kweli utayapata pindi utakapogundua kusudi kubwa la maisha yako. Na baada ya kugundua kusudi la maisha yako ndipo utaanza kuishi maisha yenye furaha maana chochote utakachofanya kitakuwa ni ukamilisho wa furaha halisi katika maisha yako ya kila siku.

✍🏾Wapo watu wengi wanafanya kazi nzuri lakini moyoni mwao wamejawa na huzuni kubwa inayotokana na kutoridhika na mateso au usumbufu wa kazi hizo. Vivyo hivyo, wapo wafanyabiashara wengi wanapata faida ya kutosha kutokana na biashara zao lakini hawana furaha na maisha hayo. Tatizo hili linawakumba watu wengi katika jamii na chanzo chake kinaanzia pale ambapo wahusika wengi wanapochukulia kazi au biashara zao kama sehemu ya kutengeneza pesa.

✍🏾Ikiwa unafanya kazi au biashara kwa lengo kubwa la kutengeneza pesa hakika itakuchukua muda sana kufanikiwa kimaisha. Hapa naomba tuelewane kuwa mafanikio halisi katika maisha si pesa tu bali pamoja na pesa unayotengeneza ni lazima uone kuna kitu cha ziada ambacho kinakusukuma kufanya kazi au biashara. Hapa ndipo unatakiwa kujiuliza maswali haya: Je ninafurahia kazi au biashara yangu? Je kazi/biashara yangu inanipa uhuru kiasi gani? Je ningekuwa na pesa za kutosheleza mahitaji yangu na vizazi vyangu vyote ningeedelea kufanya kazi/biashara hii? Je kazi/biashara yangu inagusa vipi maisha ya jamii inayonizunguka?

✍🏾 Je nifanye nini kwa ajili ya kufikia ukombozi halisi wa kifikra? Ili ujitambue wewe ni nani na umeumbwa kwa ajili ya kukamilisha nini Duniani hapa huna budi ya kufanya mambo haya: unatakiwa kuwa na Muunganiko wa kweli na Muumba wako kupitia sara; unahitaji kujenga tabia ya kujisomea vitabu kwa ajili ya kupata maarifa kwenye kila sekta ya maisha yako; unatakiwa kuwa na watu waliofanikiwa kimaisha ambao unatamani kufikia mafanikio yao (role model); unatakiwa kutafuta watu muhimu wa kukuongoza kwenye kila sekta ya maisha yako (kiroho, kifedha, maendeleo ya nafsi yako na kijamii); na hakikisha unafanya unatanguliza thamani kwenye kila unalofanya badala ya kutanguliza pesa.

✍🏾Mwisho, neno la tafakari ya leo linatukumbusha kuwa pamoja na kukimbizana na pesa kila kukicha tuna wajibu wa kutambua kuwa ukombozi wa kifikra unaanzia pale tunapotambua thamani halisi ya maisha yetu. Hapa ndipo tunatakiwa kutambua kuwa maisha yetu si kwa ajili ya mafanikio binafsi pekee bali ni kwa faida ya viumbe vyote vyenye uhai katika uso wa Dunia hii.

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

 BORN TO WIN ~ DREAM BIG 

🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com

NENO LA LEO (MACHI 21, 2020): HIVI NDIVYO UBONGO WAKO UNA NAFASI KUBWA YA KUWEZESHA MAFANIKIO YAKO

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Namshukuru Mungu kwa ajili ya siku hii ya leo ambayo ni deni kwangu kuendeleza jitihada za kuliishi kusudi la maisha yangu. Pia, namshukuru Mungu kwa ajili yako ambaye unaendelea kujifunza kila kukicha kwa ajili ya kufikia mafanikio katika kila sekta ya maisha yako.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾Karibu katika neno la tafakari ya leo ambapo nitakushirikisha jinsi ubongo wa mwanadamu ulivyo kiungo muhimu cha kukuwezesha kufanikisha mahitaji ya maisha yako.  Neno la leo limetoka kwenye sehemu ya mafundisho niliyojifunza kutoka kwenye kitabu cha “Brain Rules” kutoka kwa mwandishi John Medina ambaye ni mtaalamu mbobevu wa elimu ya viumbe (biologist) na amejikita sana kwenye sehemu ya mfumo wa ubongo.

✍🏾Ubongo wa mwanadamu ni sehemu ndogo katika mwili wa mwanadamu ambapo sehemu hii ni takribabi ya asilimia 2 tu ya sehemu yote ya mwili wa binadamu. Sehemu hii pamoja na kwamba ni ndogo ikilinganishwa na sehemu nyingine za mwili inatumia karibia asilimia 20 ya nishati yote inayohitajika mwilini. Kama ilivyo kwenye sehemu nyingine za mwili, njia pekee ya kufanikisha seli za ubongo ziendelee kufanya kazi ni mzunguko wa damu kuendelea kusambaa.

✍🏾Hapa ndipo tunatakiwa kufanya mazoezi kwa ajili ya kuwezesha damu iweze kuzunguka haraka na kwa kasi na hivyo kufanikisha usambazaji wa hewa ya oksijeni katika seli za ubongo sambamba na kuwezesha kuondoa sumu kwa njia ya jasho katika sehemu mbalimbali za mwili.

✍🏾Mfumo wa ubongo ni sehemu ya hali ya juu katika viungo vya mwanadamu kiasi kwamba sehemu hii ndiyo inapima ufanisi wa kila mtu. Ufanisi huu unatofautiana kutoka kwa mtu mmoja hadi mwingine kulingana namna ambavyo kila mmoja amezoesha akili yake katika matukio ya maisha ya kila siku. Kwa maana hii mfumo wa ubongo ni teknolojia ya mawasiliano yenye ubora wa hali ya juu kuliko technolojia yoyote ile katika ulimwengu huu.

✍🏾Hata hivyo, watu wengi wameshindwa kutumia teknolojia hii ya hali ya juu kwa ajili ya kuboresha maisha yao kutokana na ukweli kwamba wengi hawafahamu namna ambavyo mfumo wa ubongo unavyofanya kazi. Hali hii inasababishwa na mfumo wa elimu ambao kuanzia elimu ya msingi hadi chuo hakuna sehemu ambapo wanafunzi wanafundishwa ni jinsi gani wanaweza kutumia mfumo wa ubongo kwa ajili ya kupata mafanikio makubwa katika maisha yao. Kinachofundishwa ni kumtaka mwanafunzi kukalili sehemu za ubongo na kazi zake basi.

✍🏾Matumizi ya ubongo yanatuwezesha kukabiliana na changamoto zinazotukabili katika maisha yetu. Katika kukabiliana na changamoto hizo, kuna njia mbili ambapo: Njia ya kwanza ni kutumia nguvu zaidi na njia ya pili ni kuwa na uwelevu/akili zaidi. Njia ya pili ni nzuri zaidi kwa vile inatuwezesha kutawala ulimwengu huu kwa kutumia nguvu kidogo huku tukitumia ubongo wetu. Njia hii ya pili ndiyo inamtofautisha mwanadamu na viumbe wenye ukaribu nae kama vile Gorila.

✍🏾Ubongo wa mwanadamu unamwezesha kuchanganua na kuumba vitu vipya kwa kutumia picha ya vitu husika inayojengeka akilini. Nyenzo hii ni muhimu kwani kupitia uwezo wa kuumba vitu kizazi kimoja kinaendelea kujitofautisha na vizazi vingine. Pia, kupitia uwezo wa uumbaji wa kila aina, mwanadamu anaendelea kuboresha mazingira yake ya utendaji kazi ikilinganishwa na vizazi vilivyotangulia.

✍🏾Ubongo ni kiumbe hai sawa na viumbe hai wengine, hivyo unahitaji haki zote ili uendelee kuishi. Haki kubwa kabisa ya kuwa hai si nyingine zaidi ya kuhitaji kuboreshwa kutoka chini kwenda juu kithamani (evolution) kupitia kwenye sheria ya asili ya kuchagua.

✍🏾Kiumbe yeyote anayeishi ni lazima apate chakula cha kutosha na baada ya kula ili kiumbe huyo aendelee kuwepo siku zijazo ni lazima pawepo kuzaliana kwa ajili ya kupitisha tabia moja kwenda kizazi kingine. Hivi ndivyo ubongo wa mwanadamu umekuwa ukiendelea kutoka kizazi kimoja hadi kingine. Hapa utagundua kuwa ubongo unaboreshwa kutoka kwenye ubongo wa kutegemea asili (mizizi na matunda) hadi kufikia kwenye ubongo wa kutaka kuishi katika mwezi.

✍🏾Mfumo wa ubongo wa mwanadamu umesukwa tofauti kutoka mtu mmoja kwenda mwingine kulingana na shughuli zinazofanywa na mhusika. Hii ndiyo inapelekea watu kuwa na vipaji tofauti. Ndiyo maana kuna mchezaji kama Christiano Ronaldo ambaye amefanikiwa katika soka lakini ukimpeleka katika mpira wa kikapu hawezi kufikia mafanikio ya Michael Jordan.

✍🏾Hali hii ndiyo inatofautisha mafanikio ya wanadamu katika jamii tunamoishi. Habari njema ni kwamba ubongo unaweza mfumo wa ubongo unaweza kusukwa upya kutokana na mazoea ya kazi unayofanya. Ni kutokana na ukweli huu mwanadamu anahimarika kila siku kutokana na kazi ambayo amezoea kuifanya mara kwa mara kwa vile ubongo unazoea kile ambacho kinafanyika mara kwa mara.

✍🏾Seli za ubongo ndani mwake zina vinyuzi vidogo ambavyo uitwa neurons. Vinyuzi hivi vinafanya kazi sawa na nyaya za umeme ambapo katika mfumo wa ubongo vinasaidia kusafirisha taarifa moja kutoka kwenye ubongo kwenda kwenye viungo vingine vya mwili. Kumbuka kuwa mfumo wa ubongo ni sawa na Kompyuta ukiweka “gabage in gabage – ukiingiza uchafu utegemee kupata uchafu”. Ndivyo ilivyo kwenye mfumo wa ubongo, ukiujaza na taarifa zisizo na maana moja kwa moja utegemee kupata matokeo ya ovyo. Kumbe, ili upate matokeo chanya mfumo wako wa ubongo unatakiwa kujazwa na taarifa zenye matokeo chanya tu.

✍🏾Mwisho, kupitia neno la tafakari ya leo tunajifunza kuwa mwanadamu ameumbwa katika hali ambayo inampendelea kuitawala Dunia hii. Hii ni kutokana na ukweli kwamba mfumo wa ubongo unamwezesha kila mmoja kujifunza vitu vipya na kutumia vitu hivi katika maisha yake ya kila siku. Kwa maana hii tunaweza kujifunza vitu vipya au kuboresha vitu vipya kwa kutumia silaha pekee ya seli za ubongo. Hapa ni mekushirikisha sehemu tu nilichojifunza kutoka kwenye kitabu hiki. Unaweza kupata uchambuzi wa kitabu chote katika mfumo wa nakala tete (pdf) kwa kuchangia kiasi cha Tshs. 4,000/= tu. 

👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

 BORN TO WIN ~ DREAM BIG 

🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com