MAFANIKIO HUWA YANAAMBATANA NA NYAKATI ZA KUTENGWA.

NENO LA LEO (AGOSTI 31, 2020): MAFANIKIO HUWA YANAAMBATANA NA NYAKATI ZA KUTENGWA.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni siku mpya katika uhai wa maisha yetu hapa Duniani. Ni siku ambayo tumepewa nafasi tena ya kuendelea na safari ya mafanikio ili hatimaye safari hiyo ihitimishwe kwa kishindo kikubwa cha mafanikio. Basi kwa pamoja tuianze siku kwa kusema “hii ndiyo siku bora aliyoifanya Bwana, nitafurahi, nitamshukuru na kuitumia vyema siku hii ili nipate yaliyo bora katika maisha”.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tujifunza kwa nini unatakiwa kuwa tayari kutengwa katika nyakati za safari ya kuelekea kwenye mafanikio unayotamani. Mara nyingi nimekuwa nikisisitiza kuwa unapokuwa na ndoto ni lazima ndoto hiyo itafsiriwe kwenye malengo na malengo hayo pia yatafsiriwe kwenye matendo ya kila siku. Hivyo, kukamilisha ndoto yako ni lazima pawepo matendo ambayo umejidhatiti kuhakikisha kila siku unayatekeleza. 

✍🏾 Ikumbukwe pia kuwa nilishawahi kuandika hapa kuwa ndoto ya mafanikio uliyonayo inatakiwa kuwa siri ambayo wewe pekee ndo mwenye kujua mapana na marefu yake. Hapa ndipo unaanza kutoeleweka kwenye jamii inayokuzunguka. Kuna matendo mengi ambayo kwako unafahamu kuwa yanachangia kwenye ukamilisho wa ndoto yako hila kwa wengine matendo hayo yataonekana ya hovyo.

✍🏾 Zipo nyakati ambazo utakimbiwa na marafiki kwa kudhania kuwa unakoelekea unapoteza dira. Kwa kuwa wewe ndo unaijua dira unayosafiria kuelekea kwenye mafanikio ya ndoto yako kamwe husikubali kuyumba au kurudi nyuma. Simama imara na endelea kwenye njia ambayo unaamini ni sahihi.

✍🏾 Zipo nyakati ambazo utapingwa na jamii. Katika nyakati kama hizo unatakiwa kutambua kuwa jamii haitambui misingi na kanuni unazotumia kuelekea kwenye kilele cha ndoto yako. Ni katika nyakati kama hizo ni lazima utambue kuwa kupingwa na kutengwa na jamii ni sehemu ya changamoto ambazo zinakukomaza kuelekea kwenye ile picha kubwa ya ndoto yako.

✍🏾 Zipo nyakati ambazo utaonekana kuwa tatizo kwa kuwa umeshindwa kusema ndiyo kwa kila unachoambiwa. Katika nyakati kama hizo endelea kusema hapana kwa kuwa kila unaposema ndiyo kwa kitu ambacho kipo kinyume na safari ya mafanikio yako moja kwa moja unakuwa umesema hapana kwa kitu chenye tija kwako. Hapa ndipo unatakiwa kutambua kuwa hakuna siku hata moja ambayo utawaridhisha binadamu wote. 

✍🏾 Mwisho, kupitia neno la tafakari ya leo tumejifunza umuhimu wa kuendelea kuishi kwenye misingi na kanuni tunazoamini ni sahihi katika kutimiza ndoto zetu. Amua kutengwa au kumkubalia kila mtu na hatimaye majibu utayapata kulingana na maamuzi yako. Fanyia kazi mafundisho haya na hakika utaona mabadiliko katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU MATUMIZI YA LAZIMA KATIKA BAJETI YAKO.

NENO LA LEO (AGOSTI 26, 2020): FAHAMU MATUMIZI YA LAZIMA KATIKA BAJETI YAKO.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni matumaini yangu kuwa umeamka salama ikiwa na nguvu za kutosha kuendeleza pale ulipoishia jana. Ni asubuhi ambayo naendelea kukumbushia kuwa husidharau hatua fupi unazopiga kila siku kwa kuwa hatua hizo endapo zitaendelezwa ndizo zitakamilisha mzunguko wa safari yako. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza namna ambavyo unaweza kubana matumizi kwa kuhakikisha unaepuka matumizi yasiyo lazima kwenye bajeti yako. Neno la tafakari ya leo linajibu swali ambalo liliulizwa na mwenzetu katika jukwaa hili. Tumefundishwa sehemu mbalimbali kuwa mahitaji ya msingi kwa binadamu ni Chakula (food), Mavazi (clothes) na Malazi (shelter). Hivyo, tafsiri ya haraka ni kwamba bajeti ni lazima izingatie mahitaji hayo ya msingi kwa kiwango stahiki kabla ya kuongeza mahitaji mengine kulingana na umuhimu wake kwako.

✍🏾  Hata hivyo angalizo ambalo tunatakiwa kuzingatia ni kwamba, mahitaji ya msingi katika bajeti yako yanatakiwa kupangiwa kiwango cha pesa kulingana na uhitaji halisi. Mfano, siyo lazima kila mwezi uweke bajeti ya mavazi. Pia, siyo lazima niweke bajeti ya chakula cha elfu ishirini kwa siku wakati kuna uwezekano wa kutimiza hitaji hilo kwa shilingi elfu kumi. 

✍🏾 Baada ya bajeti yako kuzingatia mahitaji ya msingi kwa kila mwanadamu kinachofuata kuweka mahitaji muhimu ambayo yanabadirika kulingana na vipaumbele vya mhusika. Mfano, kwa ajili ya maendeleo ni lazima bajeti yako izingatie kutenga pesa kwa ajili ya uwekezaji, kujiendeleza kimaarifa au ujuzi, mahitaji ya msingi kwa wategemezi wako, mahitaji ya kiafya, mahitaji ya kijamii pamoja na mahitaji ya kiroho. 

✍🏾 Mahitaji yasiyo ya lazima ambayo yanatumia kiwango kikubwa cha pesa kwa watu wengi kwa kutaja tu baadhi ni pamoja na: ulevi, uvutaji sigara, manunuzi ya vitu visivyo vya lazima kama vile nguo kila mara na kuigiza maisha ya juu ambayo hayaendani na pato lako. 

✍🏾 Mwisho, neno la tafakari ya leo linatufundisha mahitaji ya lazima na yale ambayo siyo ya lazima katika bajeti yetu. Kila mtu ana nafasi ya kuboresha bajeti yake kwa kuhakikisha inakuwa na mahitaji ya lazima kulingana na vipaumbele vyake. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU MBINU ZA USOMAJI VITABU KWA TIJA.

NENO LA LEO (AGOSTI 25, 2020): FAHAMU MBINU ZA USOMAJI VITABU KWA TIJA.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Hongera kwa asubuhi ambayo tumezawadiwa katika kipindi cha uhai wetu hapa Duniani. Ni asubuhi ambayo tuna kila sababu ya kumshukuru Muumba kwa kutuwezesha kuendelea kupiga hatua katika yale tunayofanya. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza mbinu ambazo unaweza kuzitumia kusoma vitabu mbalimbali kwa tija. Neno hili limeandaliwa kutokana na swali la mwenzetu ambaye aliuza jana kupitia jukwa hili. Mara nyingi huwa nasisitiza kuwa ikiwa unazeeka mwili kutokana na kuongezeka kwa umri, sehemu pekee ambayo hautakiwi kuiruhusu izeeke ni ubongo wako. Ubongo unahitaji chakula sawa na ilivyo sehemu nyingine za mwili. Chakula cha ubongo si kingine bali ni kuhakikisha unapata maarifa sahihi kila mara. Tumia mbinu zifuatazo kufanikisha usomaji wa vitabu:-

✍🏾 Mbinu #1: Chagua vitabu kulingana na hitaji lako kwa wakati mhusika. Unatakiwa kuchagua vitabu kwa kuzingatia malengo uliyojiwekea kwenye kila sekta ya maisha yako. Kila kitabu unachosoma ni lazima kijazie kimaarifa na ujuzi kwenye hitaji ulilonalo katika kujiendeleza kwenye kila sekta ya maisha yako. Ikiwa unahitaji kujiendeleza kwenye misingi ya familia na mahusiano, hakikisha unachagua kitabu chenye maudhui hayo. Vivyo hivyo, kwenye masuala ya ukuaji wa kipato, kiroho, kiafya na kijamii.

✍🏾 Mbinu 2: Weka lengo la idadi ya vitabu unayohitaji kusoma katika kipindi maalumu. Hakikisha usomaji wa vitabu unakuwa ni sehemu ya malengo unayojiwekea. Idadi hiyo ya vitabu unayolenga hakikisha inaendaendana na malengo ambayo umejiwekea katika kipindi hicho.

✍🏾 Mbinu #3: Hakikisha kila siku unasoma angalau kurasa mbili mpaka tano. Kila siku unatakiwa kuuliza ubongo maarifa kutoka kwenye kitabu ambacho kipo kwenye ratiba. Husilazimishe kusoma kurasa nyingi ili umalize kitabu mapema na badala yake hakikisha kila unachokisoma unakitafakari kwa kina kwenye uhalisia wa maisha yako.

✍🏾 Mbinu #4: Andaa ufupisho (summary) kile unachojifunza. Ufupisho huu unaweza kuuandika kwenye kijitabu (notebook) chako au hata kwenye simu janja kwa ajili ya rejea kwa baadae. Lengo la kuandaa ufupisho ni kutopoteza kumbukumbu ya maarifa muhimu unayojifunza kutoka kwenye kitabu husika.

✍🏾 Mbinu #5: Weka mpango kutekeleza kwa vitendo yale unayojifunza. Kama ambavyo tumeona kuwa kila kitabu unachosoma ni kwa ajili ya kukuza maarifa na ujuzi kwenye malengo uliyojiwekea katika kipindi maalumu. Baada ya kusoma kitabu wajibu unaofuata ni kuhakikisha unajenga tabia mpya kulingana na kile ulichojifunza. Kama ni kuboresha afya kupitia mazoezi ya viungo, hakikisha kwenye ratiba yako ya kila siku unakuwa na muda wa mazoezi. Kama ni kukuza kipato hakikisha bajeti yako inaonesha kiwango kinachotengwa kwa ajili ya kukuza pato lako. 

✍🏾 Mwisho, neno la tafakari ya leo linatufundisha unavyoweza kusoma vitabu kwa tija. Tumia mbinu hizo kuboresha usomaji wako wa vitabu kwenye kila sekta ya maisha yako. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU KUWA THAMANI YA MAISHA NI KWA VILE HAYAKUPATII KILE UNACHOHITAJI KILA MARA

NENO LA LEO (AGOSTI 24, 2020): FAHAMU KUWA THAMANI YA MAISHA NI KWA VILE HAYAKUPATII KILE UNACHOHITAJI KILA MARA.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni asubuhi mpya ambayo inatufungulia juma jipya. Ni siku ya kipekee kwetu kwa ajili ya kuendelea kutoa thamani kwa jamii inayotuzunguka. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza kwa nini siyo kila mara maisha yatakupatia hitaji lako. Tunaishi katika Ulimwengu ambao kila mara tunawajibika kuhitaji kupata zaidi kutoka katika Asili inayotuzunguka. Asili haijawahi kupungukiwa kwa kila anayehitaji ikiwa anajua namna ya kutafuta hicho anachotaka. Hata hivyo, Asili mara zote pamoja na kwamba haijawahi kupungukiwa watu wengi huwa wanapewa kinyume au pungufu na hitaji lao.

✍🏾 Maisha yana thamani kwa vile Asili haitabiriki. Fikiria kama ungeweza kutabiri mahitaji yako yote kwa siku zijazo na ikawa hivyo katika kipindi chote cha maisha yako. Hakika kama tungeweza kutabiri mahitaji yetu na Asili ikatuzawadia kulingana na hitaji la kila mmoja maisha yasingekuwa na maana. Fikiria upo katika Ulimwengu ambao unahitaji kuwa na mwenza wa ndoto yako na hakika unampata wa vile vile. Fikiria upo katika Ulimwengu ambao shughuli za utafutaji unafanikiwa kupata mahitaji yako yote ya kiuchumi bila ya changamoto yoyote.

✍🏾 Fikiria upo katika Ulimwengu ambao ungeweza kuwa na afya hisiyo na changamoto yoyote ya maradhi katika kipindi chote cha uhai wako. Fikiria upo katika Ulimwengu ambao hakuna kuondokewa na ndugu wala rafiki yako ambaye ulimpenda zaidi. Fikiria upo katika Ulimwengu ambao hakuna kupoteza mali au chochote unachomiliki na kukipenda zaidi.

✍🏾 Maisha hayako hivyo ili yawe na thamani. Kadiri unavyopewa au kupata kinyume na matarajio kuna somo unajifunza kuhusu maisha. Kadri unavyobahatika kumpata mwenza uliyempenda fahamu kuwa baada ya kumpata kuna changamoto za kutokuelewana humo ndani. Changamoto kadri unavyozitatua ndivyo maisha ya ndoa yenu yanakuwa na thamani inayotokana na kuvumiliana. Kadri unavyompoteza mpendwa au kitu chochote ulichokipenda zaidi ndivyo unapitishwa kwenye nyakati za kilio na huzuni ili kupitia nyakati hizo ujifunze somo muhimu kuhusu maisha.

✍🏾 Maisha hayatabiriki ili uweke jitihada ya kujifunza zaidi na bidii ya kazi. Ikiwa kama tungepata kila kitu kama ilivyokuwa kwa Adam na Eva enzi za bustani ya Eden hakika watu wasingejifunza mbinu za kukabiliana na maisha. Ikiwa hakuna changamoto yoyote katika utafutaji hata matokeo yasingekuwa na maana kwa mhusika.

✍🏾 Mwisho, neno la tafakari ya leo linatufundisha kuwa maisha hayatabiriki kwa kuwa Asili haitabiriki. Hata hivyo, tunafundishwa kuwa kutotabirika huko ndiko kunaleta thamani ya kwa nini tunaishi. Endelea kujifunza namna ya kukabiliana na Asili hisiyotabirika ili upate zaidi kwenye mahitaji yako. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

ELIMU YA DARASANI? FAHAMU MAMBO AMBAYO HAYAFUNDISHWI DARASANI!.

NENO LA LEO (AGOSTI 23, 2020): ELIMU YA DARASANI? FAHAMU MAMBO AMBAYO HAYAFUNDISHWI DARASANI!.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni asubuhi mpya katika siku hii ya jumapili ambayo tunapewa kibali cha kuendeleza thamani kwa jamii inayotuzunguka. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza tabia za mfanikio ambazo hautofundishwa shuleni. Mara nyingi tumezoea kusikia malalamiko ya watu kuhusu mfumo wa elimu kwa jinsi ambavyo unamuandaa mwanafunzi kujitegemea  mara baada ya kuhitimu. Malalamiko haya siyo tu kwa Tanzania maana mfumo wa elimu uliopo ni tatizo la kidunia. Nimesoma vitabu vingi ambavyo vimeandikwa na waandishi kutoka sehemu tofauti na wengi wanaogusia mfumo wa elimu wanaonesha jinsi ambavyo haumuandai mwanafunzi kujitegemea baada ya kuhitimu. Mfano, ukisoma karibia kila kitabu cha Robert Kiyosaki utaona jinsi ambavyo anapingana na mfumo wa elimu uliopo sasa. Karibu tupitie tabia ambazo hautofundishwa kwenye mfumo wa elimu ya darasani:-

✍🏾 Tabia #1: Darasani hautofundishwa jinsi ya kuuza (how to sell) na jinsi ya kukubaliana bei (how to negotiate). Ikiwa wewe ni mwanafunzi wa kozi ya biashara au masoko, utakachofundishwa darasani ni maana ya kuuza. Ukibahatika zaidi utafundishwa tabia za wauzaji bora kulingana na mtaala wa elimu unavyoelekeza. Hapa utafundishwa kinadharia zaidi kwa ajili ya kujibia mtihani. Ukitaka kujua kuwa elimu ya darasani haifundishi mbinu za kuuza tafuta mwanafunzi bora darasani na Machinga, halafu wote wapatie bidhaa ambazo wanatakiwa waziuze kila mmoja kwa mbinu zake. Matokeo yatakushangaza kwa kuwa Machinga yawezekana hajawahi kuingia darasani lakini mbinu za kuuza alizonazo ni zaidi ya mwanafunzi aliyehitimu chuo kwenye kozi ya biashara au masoko.

✍🏾 Tabia #2: Jinsi ya kufikiri. Zunguka kwenye Vyuo vyetu kote ambako maelfu ya wanafunzi wanahitimu kila mwaka lakini hautofanikiwa kuona sehemu ambapo mwanafunzi anafundishwa namna ya kufikiri (how to think). Ndiyo maana jamii imejaa wasome wengi ambao wana fikra finyu. Upeo wa fikra wa wasomi wengi umejikita kwenye vitu alivyosomea na kidogo kwenye maeneo ya majukumu yake ya kazi. 

✍🏾 Tabia #3: Kukabiliana na kushindwa au kuanguka. Mfumo wa elimu uliopo unakandamiza uwezo wa wanafunzi kujifunza kutokana na makosa. Elimu sasa mwanafunzi anayekosea au kushindwa katika mtihani anaonekana hana akili ikilinganishwa na wale wanafaulu mitihani. Katika uhalisia wa maisha watu wanaofanya makosa mengi na kujifunza kutokana na makosa hayo wana nafasi kubwa ya kufanikiwa kimaisha. Wasomi wengi wanaendelea kuishi maisha magumi kwa kuwa mfumo wa elimu umewafundisha kukwepa makosa.

✍🏾 Tabia #4: Jinsi ya kuwekeza (how to invest). Uwekezaji ni sayansi na sanaa ambayo darasani utafundishwa maana ya uwekezaji, utapewa mifano kadhaa na pengine utafundishwa kuhusu ongezeko la thamani kulingana na uwekwzaji tofauti tofauti. Kitu ambacho hautofundishwa darasani ni jinsi gani unaweza kuanza kuwekeza ukiwa na mtaji mdogo. Sehemu zipi uwekeze pesa zako katika udogo huo wa mtaji wako. Mfano, nilisoma miaka 18 lakini sikuwahi kufundishwa kuhusu Mifuko ya Uwekezaji wa Pamoja (UTT AMIS). Niliweza kujifunza kuhusu mifuko hiyo kwa kusoma makala moja tu.

✍🏾 Tabia #5: Jinsi ya kugunndua kusudi la maisha yako. Tuna Wasomi wengi ambao hawajui maisha yao ni kwa ajili ya ukamilisho wa kitu gani hapa Duniani. Kutokana na kutokujua jinsi ya kugundua kusudi la maisha yao wanaendelea kuishi maisha ya kuunga unga bila mafanikio. 

✍🏾 Tabia #6: Jinsi ya kuwasiliana (how to communicate well). Tuna wasomi wengi ambao hawawezi kuongea mbele za watu. Tuna wasomi wengi ambao haya kuwasilisha mada kwenye kundi la wanafunzi wenzao ni changamoto. Hali hii inatokana na wanafunzi hao kutokuufundishwa mbinu za kuongea mbele za watu.

✍🏾 Mwisho, neno la tafakari ya leo linatufundisha kuwa zipo tabia nyingi ambazo mfumo wa elimu uliopo hauzifundishi. Tabia hizi ni muhimu kwa mtu yeyote ambaye anahitaji kuishi maisha ya mafanikio. Kutofundishwa darasani si kigezo cha kwamba hauwezi kujifunza tabia hizo. Andaa mkakati wa kujifunza kila siku katika kipindi cha maisha yako. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

HIZI NI SIRI AMBAZO HAZIONEKANI KATIKA MAFANIKIO YA MTU

NENO LA LEO (AGOSTI 22, 2020): HIZI NI SIRI AMBAZO HAZIONEKANI KATIKA MAFANIKIO YA MTU.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni faraja kwangu kuona tumebahatika kupewa kibali cha siku za uhai wetu hapa duniani. Ni katika asubuhi nafarijika zaidi pale ninapoona nimefanikiwa kuendeleza kazi hii kwa faida ya kizazi hiki na vizazi vijavyo. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza kuhusu siri ambazo zimejificha kwa watu waliofanikiwa. Mara nyingi katika jamii tunayoishi tumezoea kuona watu wanajadili mafanikio ya watu wengine. Katika majadiliano hayo wengi huwa wanaishia kuponda ili mradi watu wenye mafanikio waonekane wamepata mafanikio waliyonayo kwa njia zisizo halali. Hapa ndipo huwa watu wanasahau kuwa wanapojadili mafanikio ya wengine wanachojadili ni kile kinachoonekana kwa macho. Hapa huwa wanasahau kuwa hayo yanayoonekana yanaaumbwa na siri zisizo onekana kwa wengi. Karibu tupitie siri ambazo zimejificha kwa watu wenye mafanikio:-

✍🏾 Siri #1: Mafanikio ni zao la kufanya kazi kwa bidii, weledi na kuwa na uvumilivu. Ni sheria ya asili ya kuwa kila mmoja anavuna kulingana na jitihada anazoweka wakati wa kupanda. Pia mavuno yana uhusiano mkubwa na jinsi mhusika  anavyovumilia katika kipindi cha kupalilia miche ili ifikie hatua za kuzaa matunda. Wanaojadili mafanikio ya watu huwa hawana muda wa kuangalia mhusika aliweka jitihada katika kazi na wala hawana muda wa kujiuliza amevumilia muda kiasi gani hadi kufikia hatua aliyonayo.

✍🏾 Siri #2: Kuchelewa kulala na kuwahi kuamka. Watu wengi waliofanikiwa mara nyingi huwa ni wa mwisho kulala na wa kwanza kuamka. Watu wenye akili nyepesi ambao kazi yao huwa ni kujadili wengine wenyewe huwa wanalala mapema na wanachelewa kuamka. Hapa unaweza kuona kuwa watu wenye mafanikio huwa wanafikia mafanikio hayo wakati wengine wamelala.

✍🏾 Siri #3: Kukataliwa, kukosolewa na kushindwa. Muulize mtu yeyote mwenye mafanikio jinsi alivyofikia  mafanikio yake moja kwa moja atakuambia haikuwa kazi rahisi kufikia hatua hiyo. Wengi wamekataliwa na kukosolewa zaidi kuhusu kile ambacho waliamini ni sahihi. Wengi walionekana kana kwamba wanapoteza muda pamoja na rasilimali na hawawezi kufika mbali. Wengi walianguka kutokana kushindwa mara ngingi hila walisimama na kujifuta vumbi na kusonga mbele. Watu hawa kwa KUJITAMBUA na kuwa na UVUMILIVU walisimamia kile wachoamini ni sahihi hadi kufikia mafanikio yanayoonekana kwa sasa.

✍🏾 Siri #4: Nidhamu pamoja na kutoa sadaka. Hauwezi kufanikiwa kama hauna nidhamu kwenye kanuni na misingi ya mafanikio. Vivyo hivyo, hauwezi kufanikiwa ikiwa haupo tayari kutoa sadaka. Mafanikio yanaambatana na kutoa sadaka ya muda, rasilimali na nguvu. Ni lazima uwe tayari kujinyima baadhi ya vitu au kukosa ukaribu na baadhi ya watu uliozoeana nao.

✍🏾 Siri #5: Hofu inayoambatana na kubeba hatari (risk) katika yale wanayofanya. Muulize mmiliki yeyote wa chombo cha usafirishaji wa mizigo au abiria ndipo utagundua hofu anayokuwa nayo wakati vyombo vyake vinapokuwa kwenye majukumu yake. Mafanikio yanahitaji kuwa na roho ngumu hasa pale unapotakiwa kuwekeza sehemu ambayo haujawahi kuwekeza. Fursa nyingi zinawezaonekana fursa awali lakini baada ya kuingia ndipo unagundua kuwa haikuwa fursa sahihi.

✍🏾 Mwisho, neno la tafakari ya leo linatufundisha kuwa mafanikio yoyote yale katika maisha yanaundwa na tabia ambazo hazionekani kwenye macho ya watu. Watu wanajadili yanayoonekana kwa macho na kusahau kuwa mafanikio hayaji kwa siku moja. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU UHUSIANO ULIOPO KATI YA PESA, ELIMU NA MAISHA.

NENO LA LEO (AGOSTI 21, 2020): FAHAMU UHUSIANO ULIOPO KATI YA PESA, ELIMU NA MAISHA.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni asubuhi mpya ambayo natumaini tumeamka salama na tupp tayari kuendeleza pale tulipoishia jana. Ni asubuhi ambayo nakukumbusha kuwa husisahu kuwa mafanikio makubwa yanatokana na yale unayoyapa kipaumbele katika ratiba yako ya kila siku. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza uhusiano wa fedha, elimu na maisha. Tunafahamu kuwa pesa na elimu vyote vina mchango mkubwa kwenye mtazamo wa mhusika kuhusu maisha. Kupitia neno hili tutaangalia makundi manne ya watu ambayo ni: mwenye pesa nyingi sana lakini hana elimu, mwenye elimu lakini hana pesa, mwenye pesa pamoja na elimu na hasiye na pesa wala elimu. Ieleweke hapa kuwa elimu inayozungumziwa hapa siyo tu elimu ya darasani bali ni pamoja na upeo was maisha kwa ujumla.

✍🏾 Kundi 1: Mtu mwenye pesa nyingi sana lakini hana elimu. Mara nyingi tumezoea kusikia misemo kama vile: pesa ni sabuni ya roho, mwenye pesa si mwenyenzako au pata pesa tujue tabia zako halisi. Hii ni misemo ambayo inaelelezea jinsi watu wenye pesa wanavyoendesha maisha yao. Yawezekana misemo hii hisiwe na uhalisia kwa watu wote lakini kwa asilimia kubwa inabeba ujumbe kuhusu watu wenye pesa nyingi. Unapokuwa na pesa nyingi sana na wakati huo hauna elimu moja kwa moja pesa zinakufanya hukose mtazamo chanya wa maisha. Unapokosa mtazamo chanya moja kwa moja pesa zako zitapelekea ufanye vitu ambavyo vinakandamiza wengine au kupelekea anguko kwako.

✍🏾 Kundi 2: Watu wenye elimu lakini hawana pesa. Tumezoea kuambiwa kuwa elimu ni ufunguo was maisha. Msemo huu una ukweli kwa nadharia kwamba elimu inakupatia ufunguo kwa ajili ya kuingia kwenye uwanja mpana was maisha. Mafanikio katika uwanja huo yanategemea jinsi gani unatumia elimu yako kupata pesa kwa njia halali. Unapokuwa na elimu pekee bila pesa unakuwa na mtazamo finyu kuhusu maisha. Katika jamii hapa ndipo unakutana na watu ambao wanajiona wanafahamu kila kitu wakati yale wasiyoyajua ni mengi hila elimu imepofusha upeo wao wa kujifunza zaidi kuhusu maisha.

✍🏾 Kundi #3: Watu wenye pesa na elimu. Elimu na pesa kwa pamoja vinakupa maisha yenye mlinganyo. Mtazamo halisi na chanya unapatikana pale ambapo pamoja na kuwa na pesa unalazimika kuendelea kujifunza kila mara. Ndiyo maana tunasisitizwa kujifunza kila mara ili kuwa na uelewa mpana kwenye kila sekta ya maisha yetu.

✍🏾 Kundi #4: Watu wasiyo na elimu wala pesa. Hili kundi ambalo halina mbele wala nyuma kuhusu maisha. Watu katika kundi hili hawana mpango wowote wa kujiendeleza kimaisha. Wengi  kila jambo kwao ni sawa kwa kuwa hawajisumbui kutafiti zaidi kuhusu jambo husika. Tafsiri yake ni kwamba unapokosa elimu pamoja na pesa unaishi kwenye maisha ya giza kutokana na kuwa na mtazamo hasi kwenye kila sekta ya maisha yako.

✍🏾 Mwisho, neno la tafakari ya leo linatufundisha kuwa pamoja na kuangaika kutafuta pesa tusisahau umuhimu wa kujifunza kila mara. Elimu na pesa ni vitu ambavyo vinatupatia mtazamo chanya kuhusu maisha. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

https://fikrazakitajiri.blogspot.com/2020/01/orodha-ya-vitabu-nilivyosoma-katika.html?m=1.

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

WEMA NI MUHIMU LAKINI HAKIKISHA WEMA WAKO HAUZIDI KIPIMO.

NENO LA LEO (AGOSTI 20, 2020): WEMA NI MUHIMU LAKINI HAKIKISHA WEMA WAKO HAUZIDI KIPIMO.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni siku mpya ambayo hatuna budi kusema asanthe kwa Muumba wetu kwa baraka ambazo anaendelea kutujalia. Ni Furaha yangu ni kuona kuwa tunaendelea kupata chakula cha ubongo kila asubuhi ambacho ndicho chakula muhimu kuliko vyote. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza umuhimu wa wema katika kuliishi kusudi la maisha yetu. Kila mmoja wetu kama binadamu wengine tunaishi katika jamii ambayo tunazungukwa na watu aina mbalimbali. Makundi haya ya watu yanaanzia kwa watu wa karibu katika familia, ndugu, jamaa na marafiki katika sehemu zetu za kazi. Katika makundi haya yote kinachotuunganisha kuwa wamoja ni matendo ya wema kati yetu.

✍🏾 Tunawajibika kutoa UPENDO kwa wengine kama sehemu ya matendo ya wema. Hata maandiko matakatifu yanasema mpende jirani yako kama unavyojipenda mwenyewe. Angalizo ninalokupa kupitia neno la tafakari ya leo ni kutoruhusu kupenda jamii inayokuzunguka zaidi ya unavyojipenda wewe. Tafsiri yake ni kwamba tunawajibika kutoa upendo kwa wengine lakini kadri tunavyofanya hivyo ni lazima tutangulize upendo wa nafsi zetu.

✍🏾 Kama sehemu ya wema tunawajibika KUSAIDIA wengine. Msaada wetu unaweza kuwa wa mawazo, vitu, ujuzi na matendo ya faraja kwa wahitaji. Hata hivyo, kadri tunavyotoa msaada kwa wengine neno la tafakari ya leo linatukumbusha kuwa kutoa msaada kulingana na uwezo wetu. Ni ajabu pale ambapo unajilazimisha kutoa msaada kwa wengine wakati wewe mwenyewe mambo yako hayapo sawa. Ishi maisha ambayo yanatokana na misingi unayoisimamia na siyo maisha ya kutaka uonekane mwema kwa wengine wakati ndani mwako unasikitika.

✍🏾 Mwisho, neno la tafakari ya leo linatufundisha kuwa WEMA ni sehemu ya maisha yetu ya kila siku. Tunawajibika kutoa au kufanya matendo ya wema kwa wengine katika safari yetu ya kuelekea kwenye mafanikio. Hata hivyo, hatupaswi kutoa wema uliopitiliza zaidi ya uwezo wetu. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

https://fikrazakitajiri.blogspot.com/2020/01/orodha-ya-vitabu-nilivyosoma-katika.html?m=1.

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU UGUMU ULIPO WAKATI WA KUANZA UTEKELEZAJI WA MAFANIKIO UNAYOTAMANI

NENO LA LEO (AGOSTI 19, 2020): FAHAMU UGUMU ULIPO WAKATI WA KUANZA UTEKELEZAJI WA MAFANIKIO UNAYOTAMANI.

👉🏾Habari ya asubuhi rafiki yangu na mwanafamilia ya FIKRA ZA KITAJIRI. Ni asubuhi mpya ambayo tumepata kibali tena cha kuendelea kuwa bora katika maisha yetu. Ni siku ambayo naendelea kukumbusha kuwa husiogope ndoto kubwa uliyonayo na badala yake hakikisha kila siku unafanya kitu ambacho kinakusogeza kwenye mafanikio ya ndoto hiyo. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza juu ya hatua ngumu wakati wa kuanza kutekeleza mafanikio unayotamani. Hadi sasa tunafahamu kuwa unapokuwa na hitaji  katika maisha yako husipochukua hatua yoyote ya kulitafsiri hitaji hilo katika vitendo litaendelea kuwa ndoto. Pia tunafahamu kuwa ndoto hisipotekelezwa huwa inapotea katika fikra za mhusika.

✍🏾 Kupitia neno la tafakari hii tunajifunza kuwa unapokuwa na ndoto hatua inayofuata ni kuitafsiri ndoto hiyo katika hatua za utekelezaji. Hata hivyo kati ya hatua zote ambazo utatakiwa kupiga ni lazima ufahamu kuwa hatua ya kwanza huwa ngumu kuliko zote. Hatua ya kwanza mara zote huwa inaogopesha na ndiyo maana watu wengi wanaishia kwenye kutamani tu (ndoto). 

✍🏾 Hatua ya kwanza huwa inakabiliwa na changamoto nyingi ambazo zinahusisha mhusika kujiona bado hajawa tayari kuanzisha safari. Utayari huu mara nyingi huwa unahusisha mhusika kujiona hana rasilimali, ujuzi, muda na watu sahihi wa kuanzisha safari yake. Ni kutokana na changamoto hii, watu wengi wanakabiliwa na ugonjwa wa kuhairisha ambao una dalili za kusogeza hatua za utekelezaji mbele. 

✍🏾 Hata hivyo, pale ambapo hatua ya kwanza inatekelezwa huwa njia ya kurahisisha hatua nyingine zote zilizopo mbele ya safari. Mfano, wakati unaanzisha biashara hakuna taasisi ya kifedha ambayo itakuwa tayari kukupatia mkopo kama tulivyoona kwenye neno la tafakari ya jana. Cha kushangaza ni kwamba ukishafanikiwa kuanzisha biashara ikasimama, kila taasisi ya fedha itaanza kukushawishi ukachukue mkopo kwao. Ndivyo ilivyo, ni lazima upambane kwenye kukamilisha hatua ya kwanza ili kupitia hatua hiyo hatua nyingine zote zionekane kuwa rahisi.

✍🏾 Mwisho, neno la tafakari ya leo limetufunulia wakati ambao ni mgumu pale tunapohitahiji kuziishi ndoto tulizonazo. Hata hivyo, hatupaswi kuogopa kuchukua hatua ya kwanza kwa kuwa kupitia hatua hiyo hatua nyingine zote huwa zinarahisishwa kutokana na mafanikio ya hatua za awali. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU WAKATI SAHIHI WA KUKUZA BIASHARA YAKO KWA KUTUMIA PESA ZA WATU WENGINE.

NENO LA LEO (AGOSTI 18, 2020): FAHAMU WAKATI SAHIHI WA KUKUZA BIASHARA YAKO KWA KUTUMIA PESA ZA WATU WENGINE.

👉🏾Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni matumaini yangu kuwa umeamka salama na upo tayari kuendeleza nguvu na hamasa ile ile ili kufikia mafanikio unayotamani au kuliishi kusudi la maisha yako kwa ujumla wake. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza jinsi ya kutumia pesa za watu wengine kukuza biashara yako. Moja ya mbinu ambayo inatumiwa na matajiri wengi kuendelea kuwa tajiri ni uwezo wa kutambua namna ya kutumia pesa za watu wengine kwa faida. Mbinu waandishi wengi wa vitabu vya mafanikio wanaifupisha kwa silabi tatu tu "OPM" ambazo ni kifupisho cha maneno "Other People's Money (pesa za watu wengine)".

✍🏾 Kwa ujumla mbinu ya OPM inahusisha kutumia fedha ambazo siyo zako kukuza au kuanzisha biashara yako kwa njia halali. OPM inahusisha kuchukua fedha ambazo siyo zako kwa njia mikopo kutoka benki au taasisi yoyote ambayo inatoa huduma hiyo huku ukiwekewa utaratibu wa kurejesha kiasi ulichopewa. Jambo la kujifunza hapa ni kwamba unapotumia mbinu ya OPM ni lazima utambue kuwa hiyo siyo pesa yako hivyo ni lazima itumike kwa umakini ili upate kurejesha lakini wakati huo huo ukitengeneza faida kwenye biashara zako.

✍🏾 Je ni lini naweza kutumia mbinu ya OPM? Wakati sahihi wa kutumia mbinu hii ni pale ambapo unahitaji kukuza au kupanua wigo wa biashara yako. Husitumie OPM kama hauna uzoefu wa kutosha kwenye sehemu ambayo unaenda kuwekeza pesa hiyo. Kwa maana nyingine ni kwamba unapoamua kutumia OPM ni lazima utambue kuwa pesa hiyo siyo kwa ajili ya majaribio. Watu wengi wamefilisika kutokana na kutumia mbinu ya OPM kufanya biashara ambazo hawakuwa na uzoefu nazo na matokeo yake wakajikuta wanashindwa kurejesha pesa ya watu. 

✍🏾 Mwisho, neno la tafakari ya leo limetufundisha wakati upi sahihi ambao tunaweza kutumia pesa za watu wengine kukuza biashara zetu. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

https://fikrazakitajiri.blogspot.com/2020/01/orodha-ya-vitabu-nilivyosoma-katika.html?m=1.

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

JE BIASHARA YAKO IMEDUMAA? FAHAMU MCHWA UNAOITAFUNA

NENO LA LEO (AGOSTI 17, 2020): JE BIASHARA YAKO IMEDUMAA? FAHAMU MCHWA UNAOITAFUNA.

👉🏾Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni siku mpya ambapo tunalianza juma jipya. Ni asubuhi hii ambapo tunaalikwa kuendeleza pale tulipoishia jana kama sehemu ya kuendelea kuwa bora zaidi. Basi kila mmoja wetu na aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza jinsi ya kusimamia biashara yako ili iweze kukua zaidi. Katika jamii tunayoishi kwa sasa watu wengi wana biashara bila kujali ukubwa wa biashara husika. Biashara hizi zinahusisha zile ambazo ni kwa ajili ya kuuza bidhaa au kutoa huduma kwa jamii. Kama ilivyo kwa viumbe hai kwenye hatua za ukuaji ndivyo ilivyo pia kwenye biashara. Kila mmiliki wa biashara anatamani kuona biashara yake ikiongezeka kutoka hatua ya biashara ndogo kuelekea kwenye biashara yenye mtaji mkubwa.

✍🏾 Hata hivyo, uzoefu unaonesha kuwa katika kundi kubwa la wamiliki wa biashara ndani mwao ni wachache ambao wamefanikiwa kukuza biashara zao. Biashara nyingi huwa zinadumaa na nyingine kufa kabisa katika kipindi cha awali toka kuanzishwa kwake. Wote tunakubaliana kuwa biashara yoyote ni lazima ihusishe mzunguko wa pesa. Usimamizi wa pesa inayoingia na pesa inayotoka huwa ndiyo roho ya ukuaji wa biashara ya aina yoyote ile.

✍🏾 Biashara nyingi zinakufa au kudumaa kwa kuwa wamiliki hawana mfumo mzuri wa kudhibiti mzunguko wa pesa. Biashara zinazokua ni zile ambazo wamiliki wana mfumo mzuri wa kudhibiti uingiaji na utokaji wa pesa. Tunapozungumzia pesa inayoingia kwenye biashara tunamaanisha mtaji unaouingiza kwa ajili ya kununulia bidhaa ili bidhaa hizo ziuzwe kwa faida. Hivyo pesa inayoingia inahusisha pesa unayopata kutokana mauzo ya bidhaa kama faida.

✍🏾 Kwa upande wa pesa inayotoka inahusisha gharama za kulipia pango la fremu, kulipa wasaidizi wa biashara kama wapo, kulipia umeme na gharama nyinginezo ambazo zinahusiana na uendeshaji wa biashara yako. Hapa unaweza kuona kuwa kuna sehemu ya mtaji ambayo inaingia kwenye biashara haizalisha faida ya moja kwa moja. Hapa ndipo wengi huwa wanakosea baada ya kuuza huwa wanachukulia kama vile mauzo ghafi yote ni sehemu ya faida katika biashara.

✍🏾 Kwa kushindwa kutofautisha mauzo ghafi na faida wengi huwa wanatumia pesa inayotokana na mauzo bila kufahamu kuwa pesa hiyo ndani mwake kuna mtaji. Zipo biashara nyingi ambazo wamiliki wanachukua pesa kutoka kwenye mauzo ya biashara husika bila kujua kuwa pesa hiyo inahusisha mtaji. Pia tabia nyingine ni pale wamiliki wanatumia faida yote bila kutenga sehemu ya faida kwa ajili ya kukuza biashara husika.

✍🏾 Mwisho, neno la tafakari ya leo limetufundisha kuwa kama ambavyo viumbe hai wanahitaji hewa ya okxyjeni na chakula kwa ajili ya kukua na kuongezeka, biashara pia uhai wake unategemea udhibiti wa pesa inayoingia na kutoka. Fanyia kazi mafundisho haya na hakika utaona tofauti katika maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

https://fikrazakitajiri.blogspot.com/2020/01/orodha-ya-vitabu-nilivyosoma-katika.html?m=1.

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com