JIUNGE NA KUNDI LA WHATSAPP LA FIKRA ZA KITAJIRI KWA KUBONYEZA HAPA NA KUJIUNGA BURE. Jiunge sasa nafasi ni chache.
✍🏾Karibu katika neno la tafakari ya leo ambapo naendelea niakushirikisha utatu muhimu ambao unaunda Maisha yako. Mwanadamu yeyote ambaye anakusudia Maisha yake yawe na thamani hana budi kuelewa utatu huu na kuhakikisha ajiendelea kwenye kila eneo ndani huo utatu. Mwanadamu anaishi kwa ajili ya kujiendeleza katika vitu muhimu vitatu ambavyo ni: ROHO, MWILI na AKILI.
✍🏾Katika kipindi cha Maisha kila mtu mwenye kutaka kuishi Maisha yenye mafanikio ni lazima atambue kuwa sehemu hizi tatu katika Maisha yake ni muhimu na hakuna sehemu ambayo ni bora kuliko nyingine. Hivyo, mafanikio kwenye kila sehemu yanakamilishwa na mafanikio kwenye sehemu nyingine. Siyo sahihi kuendeleza roho na kusahau mwili na akili au kuendeleza akili huku ukisahau mwili na roho.
✍🏾Hapa ndipo tunaona umuhimu wa kuishi Maisha yenye uhuru wa kifedha kutokana na ukweli kwamba mtu hawezi kujiendeleza kimwili bila mahiaji muhimu ya chakula; mavazi; kinga dhidi ya mvua, jua kali au Wanyama wakali; na vitu muhimu vinavyomuwezesha kufanya kazi.
✍🏾Vivyo hivyo, mtu hawezi kujiendeleza kiakili kama hana uwezo wa kupata vitabu na muda wa kuvisoma; bila kuwa na uwezo wa kutembea nje ya mazingira aliyozoea na kujifunza kwa kuona; au uwezo wa kujifunza kutoka kwa marafiki wenye maarifa mbalimbali.
✍🏾Pia, ili kujiendeleza kiroho mhusika anatakiwa kuishi Maisha ya upendo na ni ukweli mtupu kuwa hakuna upendo katika Maisha ya dhiki kwa kuwa upendo msingi wake mkuu ni Maisha ya kutoa kwa wengine. Kwenye dhiki inayotokana na upungufu wa vitu kila mtu anatanguliza nafsi yake.
✍🏾Mwisho neno la tafakari ya leo limetukumbusha kuwa ukamilisho wa Maisha yetu unaegemea sehemu kuu tatu ambazo ni MWILI, AKILI na ROHO. Kila sehemu ina haki ya kuendelezwa na yeyote anayefanikiwa kuendeleza sehemu zote ndiyo tunasema amefanikiwa kuishi Maisha yenye mafanikio. Kwa nini mpaka sasa haujajipatia nakala ya uchambuzi wa kitabu cha ‘Kanuni za Pesa”?. Nakala ya uchambuzi wa kitabu hiki bado inapatikana kwa bei ya Ofa ya Tshs. 5,000/= na ndani ya nakala hiyo utajifunza kanuni 107 kuhusu pesa namna ya kutengeneza, kuwekeza na kutumia pesa.
👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.
BORN TO WIN ~ DREAM BIG
Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com