JIUNGE NA KUNDI LA WHATSAPP LA FIKRA ZA KITAJIRI KWA KUBONYEZA HAPA NA KUJIUNGA BURE. Jiunge sasa nafasi ni chache.
✍🏾Karibu katika neno la tafakari ya leo ambapo nitakushirikisha umuhimu kuishi kulingana na bajeti katika kipindi hiki ambacho shughuli za uzalishaji zinakabiliwa na giza nene la ugonjwa wa mlipuko wa CORONA. Hiki ni kipindi ambacho matukio ya baadaye kwenye sekta ya uzalishaji hayatabiriki.
✍🏾Ni kipindi ambacho taharuki na hofu inatawala Maisha ya mwanadamu kwenye mazingira yanayomzunguka. Hii ni kutokana na ukweli kwamba hakuna anayejua ni sehemu ipi yenye usalama kwa kutokakuwa na maambukizi katika mazingira ya uzalishaji aliyozoea.
✍🏾Moja ya kampeni ya kupambana na ugonjwa huu ni kupunguza kutembelea sehemu ambazo siyo za lazima au kwa lugha rahisi kujitahidi kubaki nyumbani kwa kadri uwezavyo. Ni kutokana na kampeni hii mwingiliano wa watu utaendelea kupungua katika maeneo mengi ya kazi na biashara na moja ya athari yake ni kushuka kwa uzalishaji au mauzo kwenye sehemu za kazi na biashara.
✍🏾Ni kipindi ambacho baadhi ya bidhaa tulizozoea katika biashara au kazi zetu zitaadimika kutokana na kufungwa kwa mipaka ya nchi mbalimbali. Kwa kifupi, Maisha yanakumbwa na giza la kutengwa katika kisiwa ambako hakuna mwingiliano wa watu.
✍🏾Tafsiri yake ni kwamba kadri mwingiliano wa watu utakavyozidi kupungua ndivyo na pato kuanzia ngazi ya mtu mmoja mmoja litakavyozidi kupungua na hatimaye lindi la umasikini litazidi kuongozeka. Ukweli ni kwamba mzunguko wa pesa katika jamii yoyote ni matokeo ya mwingiliano mkubwa wa watu katika eneo hilo. Ndiyo maana sehemu zenye idadi kubwa ya watu ndizo senta nzuri za biashara ya kila aina.
✍🏾Tumeona kuwa kadri taharuki ya CORONA inavyozidi kuongezeka ndivyo uchumi binafsi utavyobadirika kiasi ambacho vyanzo vya mapato ulivyokuwa navyo vitapata mtikisiko. Katika kila aina mabadiliko yanayotokea dhidi yako unatakiwa kuwa na mpango ambao utakuwezesha kujihami na hatimaye ufanikiwe kuvuka salama katika kipindi hicho kigumu.
✍🏾Moja ya mabadiliko ambayo nakushirikisha kupitia neno la tafakari ya leo ni kuhakikisha unaanza kuishi kwa bajeti tena inayozingatia vitu muhimu pekee kwa sasa. Huu siyo wakati wa kutawanya pesa kidogo ulizonazo kwenye vitu visivyo na umuhimu kwa mahitaji ya familia. Wakati huu ni wa kuhakikisha unajenga Safina ambayo itaikulinda wewe na familia yako.
✍🏾Mwisho, neno la tafakari ya leo limetukumbusha umuhimu wa kuishi kwa bajeti tena inayozingatia vitu muhimu katika mahitaji ya familia katika kipindi hiki ambacho dunia inaendelea kufunikwa na giza la ugonjwa wa CORONA. Pia, nimewahi kuandika kuwa hiki ni kipindi ambacho unatakiwa kukitumia kujifunza tabia nzuri na kuachana na tabia ambazo zilikuwa zinakufanya upoteze pesa nyingi. Naendelea kukumbusha kuhakikisha unapata nakala yako ya uchambuzi wa kitabu cha Rules of Money ambacho ndani yake utajifunza kanuni 107 kuhusu pesa.
👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.
BORN TO WIN ~ DREAM BIG
🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com