JIUNGE NA KUNDI LA WHATSAPP LA FIKRA ZA KITAJIRI KWA KUBONYEZA HAPA NA KUJIUNGA BURE. Jiunge sasa nafasi ni chache.
✍🏾Karibu katika neno la tafakari ya leo ambapo nitakushirikisha njia muhimu unayotakiwa kufanya kwa ajili ya kuhakikisha kazi ninayoifanya inaendelea kukufikia pamoja na kuifikia jamii ya vijana wengi zaidi. Lengo letu kubwa ambalo nimekuwa nikisisitiza ni kuona kwa pamoja tunaibadilisha Dunia hii kuwa mahala pazuri pa kuishi na lengo hilo linaanzia kwenye Maisha ya kila mmoja wetu. Ili lengo hili litimizwe ni lazima fikra za vijana zibadilishwe kupitia kwa watu wanaothubutu kufikisha elimu ya mafanikio kwenye makundi mbalimbali ya jamiii kwa kutumia mbinu mbalimbali.
✍🏾Nilianza kazi hii toka mwaka 2016 ambapo nilifungua blog na fikrazakitajiri.blospot.com ambapo nilijikita kwenye kuishirikisha jamii maarifa mbalimbali kwa mfumo wa uchambuzi wa vitabu. Nilianza na hili la uchambuzi wa vitabu kwa kuwa nililenga kurahisisha usomaji wa vitabu kwa kuwa watu wengi ukiwauliza kwa nini hawajisomei vitabu watakujibu kuwa hawana muda wa kusoma kitabu ukurasa kwa ukurasa mwanzo mwisho. Pia, wengine watakuambia vitabu vingi vinavyopatikana kwa urahisi vimeandikwa kwa lugha ya kingereza ambayo siyo rafiki kwa watu wote kusoma kwa wepesi na kutafsiri wanachosoma.
✍🏾Hivyo, kutokana na sababu hizo nikaona kuna kila sababu ya kufupisha (summarize) vitabu vya mafanikio mbalimbali kwa lugha rahisi na kuishirikisha jamii kupitia mtandao wa FIKRA ZA KITAJIRI. Wakati naanzisha blog hiyo wafuasi (followers) kwa siku walikuwa kati ya 10 hadi 15 ambao walikuwa wametawanyika sehemu mbalimbali za Dunia. Kadri siku zilivyosogea ndivyo watembeleaji wa blog walivyozidi kuongezeka na hali hiyo ikapelekea wale wanaojiunga na mfumo wa kupokea barua pepe za uchambuzi wa vitabu kuendelea kuongezeka.
✍🏾Hali hii ilinifanya niendelee kufanya kile ambacho nilikuwa nafanya hata kama kuna nyakati nilijikuta naanza kukata tamaa hasa kutokana na utamaduni wa Watanzania wengi kutopenda kujisomea vitabu. Ili kuhakikisha kuwa kazi hii inaendelea kuwafikia wengi ndipo mwaka huu 2020 nikaona ni vyema nianzishe kundi la WhatsApp ambalo litawezesha kuendelea kukusanya vijana wengi na kuwapatia elimu inayolenga kubadilisha fikra zao. Hii ni kutokana ukweli kwamba mafanikio ya aina ya yoyote yanaanzia kwenye kubadilisha fikra za mhusika. Namshukuru Mungu kuwa kundi hili lilianzishwa likiwa na watu wasiozidi 15 lakini kuna watu zaidi ya 90. Mungu ni mwema maana kila siku naona kuwa kazi ninayoifanya ina uhitaji mkubwa kwa vijana waliowengi.
✍🏾Mafanikio yote hayo yananilazimisha kuhakikisha kila mara naendelea kuboresha kazi hii ili iendane na kasi ya ukuaji wa teknolojia. Ili kuendana na kasi hiyo ya ukuaji wa teknolojia hakuna namna zaidi ya kuendelea kuwekeza kwenye muda, nguvu, maarifa na rasilimali fedha ambavyo vyote kwa pamoja vinajikita kwenye kuiboresha kazi hii. Katika kufanikisha hilo nimekuwa kila mara najifunza kutona na usomaji wa vitabu au Makala mbalimbali kwenye mitandao sambamba na kuwa na ‘mentors’ watatu wawili wakiwa ni Watanzania na mmoja yupo nje ya nchi. Kwa mwaka natumia zaidi ya laki tano kwa ajili ya kuendelea kujifunza kutoka kwa mentors hawa lengo ni kuona natimiza lile lengo kuu la kazi hii.
✍🏾 Katika kipindi chote cha kazi hii nimejikita kwenye kutoa huduma kwa jamii kuliko kutanguliza pesa. Hivyo, kupitia Makala hii ombi langu kwako ni kuendelea kunisapoti hasa katika kununua uchambuzi wa vitabu mbalimbali ninavyokushirikisha sambamba na kushiriki kwenye semina ambazo nitakuwa naandaa. Gharama unazotakiwa kulipia kwa ajili ya kupata uchambuzi wa vitabu pamoja na kushiriki semina ni ndogo mno ikilinganishwa na kile mafunzo unayoyapata. Kupitia uchambuzi wa vitabu na semina hizo, mimi sifaidiki chochote zaidi ya kuwekeza kwenye kuiboresha kazi hii ili hatimaye iwafikie vijana wengi.
✍🏾Mwisho, kupitia neno la tafakari ya leo nimekushirikisha safari ambayo nimepitia na ile ambayo naendelea kuipitia hadi kuniona jinsi nilivyo kwa sasa. Tafsiri yake ni kwamba jinsi nilivyo kwa sasa siyo kitu cha bahati bali ni kitu ambacho ninakiishi kila siku. Hata hivyo, safari ya kufikia lengo kuu la kuielimisha jamii kupitia kazi zangu bado ni ndefu na ndiyo maana nimekuomba kwa njia moja au nyingine tushirikiane kwa pamoja kufikia lengo hilo. Naendelea kukumbusha kuhakikisha unapata nakala yako ya uchambuzi wa kitabu cha Rules of Money ambacho ndani yake utajifunza kanuni 107 kuhusu pesa.
👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.
BORN TO WIN ~ DREAM BIG
🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com