JIUNGE NA KUNDI LA WHATSAPP LA FIKRA ZA KITAJIRI KWA KUBONYEZA HAPA NA KUJIUNGA BURE. Jiunge sasa nafasi ni chache.
✍🏾Karibu katika neno la tafakari ya leo ambapo nitakushirikisha jinsi unavyoweza kujitofautisha na wafanyakazi wenzako kama umeajiriwa. Ushauri huu pia unafaa kwa mtu yeyote ambaye amejiajiri hila anataka kujitofautisha na wapinzani wake wa kibiashara.
✍🏾Kupitia neno la leo naomba utambue kuwa kitakachokutofautisha na wafanyaka wenzako ni YALE UNAYOFANYA KWENYE MUDA WA ZIADA. Ikiwa umeajiriwa na wafanyakazi wenzao ambao mnalipwa kiwango sawa cha mshahara na malupulupu ili ujitofautishe nao ni lazima ubuni vitu vya kufanya kwenye muda wa ziada.
✍🏾Vivyo hivyo kama umejiajiri kitakachokutofautisha na wapinzani wako wa kibiashara ni namna unavyotumia muda wako wa ziada. Mfano, kama imezoeleka kwa wafanyabiashara wengi kufungua biashara zao muda wa saa mbili na kufunga saa kumi na mbili wewe jitofautishe kwa kufungua saa moja asubuhi na kufunga saa moja jioni. Kwa kufanya hivyo utakuwa umejiongezea masaa mawili kwenye muda wako wa kazi jambo ambalo tayari linakutofautisha na wafanyabiashara wenzako.
✍🏾Tukirudi kwa waajiriwa, wengi huwa wanatumia muda wao wa ziada kufanya mambo yasiyo na tija kwenye kipato chao. Mfano, wafanyakazi walio wengi muda wa kufika kazini huwa ni saa moja na nusu na kuondoka ni saa tisa na nusu. Ili ujitofautishe na wenzako unatakiwa kuianza siku kwa kuamka asubuhi na mapema kama vile saa kumi na mbili. Katika muda huo wa asubuhi unaweza kuutumia kufanya mazoezi, kuomba, kusoma kitabu au kuandika makala. Pia, baada ya muda wako wa kazi badala ya kurudi nyumbani na kuangalia TV au kuzurura mitaani unatakiwa kubuni miradi ya kukuingizia kipato. Miradi hiyo utaisimamia baada ya muda wa kazi na siku za mapumziko ya kazi.
✍🏾Mwanamashahiri maarufu William Shakespeare aliwahi kuandika "those men you see at high heights, they achieved those heights when their companion were asleep". Kwa tafsiri ya kiswahili ni "wale watu wanaoonekana kuwa katika kiwango cha mafanikio, walifikia mafanikio hayo wakati wenzao walikuwa wamelala". Hivyo silaha pekee ya kukutofautisha na wenzako ni jinsi gani unatumia muda wako wa ziada.
✍🏾Mwisho, neno la tafakari ya leo limetukumbusha kuwa kama tunahitaji kujitofautisha na wenzetu kwa maana ya kufanikiwa kimaisha ni lazima tuwe tayari kufanya shughuli za ziada. Jiulize shughuli zipi za au unaweza kufanya nini ambacho kitakutoufatisha na wenzako. Kwa nini mpaka sasa haujajipatia nakala ya uchambuzi wa kitabu cha ‘Kanuni za Pesa”?. Nakala ya uchambuzi wa kitabu hiki bado inapatikana kwa bei ya Ofa ya Tshs. 5,000/= na ndani ya nakala hiyo utajifunza kanuni 107 kuhusu pesa namna ya kutengeneza, kuwekeza na kutumia pesa.
👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.
BORN TO WIN ~ DREAM BIG
🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com