JIUNGE NA KUNDI LA WHATSAPP LA FIKRA ZA KITAJIRI KWA KUBONYEZA HAPA NA KUJIUNGA BURE. Jiunge sasa nafasi ni chache.
✍🏾Binafsi nilikuwa kati ya watu ambao walikuwa na tabia hiyo ya kujifunza maarifa mapya na kujihoji juu ya uhalali wa hayo ninayojifunza. Matokeo yake nilijikuta najifunza maarifa mengi kuhusu maisha lakini kati ya yote hayo niliyojifunza hakuna ambacho nilikuwa natekeleza katika maisha yangu ya kila siku. Matokeo yake ni kwamba maarifa niliyokuwa najifunza yalikuwa hayanisaidii kubadilisha chochote katika maisha yangu.
✍🏾Kwa mara ya kwanza kujifunza kuhusu KUJILIPA KWANZA ilikuwa mwaka 2015 katika kitabu cha Robert Kiyosaki cha Rich Dad Poor Dad. Kitabu hiki kilinifunulia mambo mengi kuhusu maisha yenye Uhuru wa kifedha kiasi ambacho nilijutia kwa nini sikupata kitabu hicho miaka kama minne nyuma. Hata hivyo baada ya kusoma kitabu hicho sikuweka mkakati wowote wa kutekeleza kwa vitendo yale niliyojifunza.
✍🏾Mwaka 2016 mwezi wa 6 ndipo nikakutana na makala moja ya Dkt. Amani Makirita ambaye pia ni moja wa mentors wangu ambayo ilikuwa na kichwa cha habari "Jinsi unavyoweza kuwa tajiri kwa shilingi elfu moja". Katika makala hiyo alieleza namna ambavyo unaweza KUJILIPA shilingi elfu moja kila siku na matoke ya fedha hiyo baada ya kipindi flani cha muda.
✍🏾Safari hii niliweka mkakati wa kuanza KUJILIPA KWANZA sambamba nakuwa moja wa wanafunzi wake ambapo ada ya kujiunga na kundi hili ilikuwa Tshs 50,000/ kwa mwaka. Baada ya kujiunga kwenye mafunzo yake mkakati mwingine ulikuwa ni kuhakikisha ndani ya kipindi cha mwaka mmoja niwe nimejilipa laki tano na sitini (560,000/=).
✍🏾Ili kufanikisha lengo hilo nilifungua akaunti maalum ya kuwekeza pesa hiyo kwenye mfuko wa Uwekezaji wa Umoja (Umoja fund) ambao ni moja ya mifuko ya uwekezaji wa UTT Amis. Baada ya akaunti hiyo kufunguliwa nikahakikisha kila asilimia 10 ya kila pesa iliyoingia mikononi mwangu niliiweka kwenye akaunti hiyo ya uwekezaji. Kilichonishangaza ni kwamba ndani ya miezi mitano nilijikuta nimefikisha 980,000/= wakati lengo langu lilikuwa laki tano na sitini katika kipindi cha miezi 12.
✍🏾 Toka hapo ndipo nikagundua umuhimu wa kutekeleza kwa vitendo maarifa ninayojifunza. Nimeendeleza muujiza huo wa KUJILIPA KWANZA kwanza kwenye kila shilingi inayoingia mkononi mwangu hali ambayo imeniwezesha kukusanya mtaji kwa ajili ya kuwekeza kwenye mashamba, viwanja na ufugaji. Hakika KUJILIPA KWANZA kuna kitu ndani yake ambacho kwa haraka haraka kabla ya kuanza kuishi kanuni hii hauwezi kukiona.
✍🏾Mwisho, neno la tafakari ya leo limetukumbusha umuhimu wa kuishi kwa vitendo maarifa tunayojifunza kila siku. Wajibu upo mkononi mwako kutekeleza haya unayojifunza ili ubadilishe maisha yako. Kwa ni mpaka sasa haujajipatia nakala ya uchambuzi wa kitabu cha ‘Kanuni za Pesa”?. Nakala ya uchambuzi wa kitabu hiki bado inapatikana kwa bei ya Ofa ya Tshs. 5,000/= na ndani ya nakala hiyo utajifunza kanuni 107 kuhusu pesa namna ya kutengeneza, kuwekeza na kutumia pesa.
👐🏾Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.
BORN TO WIN ~ DREAM BIG
🗣🗣 Mwalimu Augustine Mathias
Mawasiliano: 0763 745 451/0786 881 155/0629 078 410
Barua pepe: fikrazakitajiri@gmail.com
Tovuti: fikrazakitajiri.blogspot.com