JE NI KWA KIASI GANI UNAYATOA MAISHA YAKO KWA AJILI YA WENGINE?

NENO LA LEO (SEPTEMBA 23, 2020): JE NI KWA KIASI GANI UNAYATOA MAISHA YAKO KWA AJILI YA WENGINE?

👉🏾Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni asubuhi ambayo natumaini wote tumeamka salama tukiwa na nguvu na hamasa ya kuendeleza pale tulipoishia jana. Ni muda kama huu hatuna budi ya kusema asante kwa Muumba kutokana na wingi wa rehema ambazo anazidi kutujalia katika maisha yetu ya kila siku. Basi kila mmoja na aseme hii ndiyo siku aliyoifanya Bwana, nitafurahi, nitamshukuru na kuitumia vyema ili nipate kilicho bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza umuhimu wa kuyatoa maisha yetu kwa ajili ya wengine. Jana tuliangalia kuwa kulingana na mwanamafanikio Stephen Covey ili ufanikiwe unatakiwa kuwa mwadilifu dhidi ya misingi ya mafanikio ambayo unaiishi. Katika tafakari ya leo tutaona kuwa nyingine ambayo Stephen Covey anatushirikisha ni “utashi wa kujitoa kwa ajili ya wengine”. Hii ni nyenzo ya pili katika nyenzo 12 ambazo Covey anazitaja kama msingi wa mafanikio kwa mtu ambaye amedhamiria kufanikiwa kimaisha.

✍🏾 Mwandishi anatushirikisha kuwa maisha ya mafanikio yenye misingi halisi ya nafsi yako ni lazima yahusishe nia thabiti ya kuwasaidia wengine kupitia vipaji au kalama ambazo umejaliwa. Muda wote unahitaji kujiuliza ni kipi naweza kuchangia kwa ajili ya kuwanufaisha wengine badala ya kufikiria kunufaisha tu nafsi yako. Unahitaji kujifunza mara kwa mara kwa ajili ya kutambua wewe ni nani na umeumbwa kwa ajili ya kukamilisha kazi gani katika ulimwengu huu. 

✍🏾 Katika kujitoa maisha yako kwa ajili ya wengine, muda wote unahitaji kujiuliza maswali matatu; (a) Je ulimwengu unataka nini kutoka kwangu? (b) Je mimi ni mzuri katika sekta au kazi ipi (vipaji au kalama zipi unazo)? na (c) Je nawezaje kufanya vyema kwenye kazi nizipendazo katika sehemu yangu ya kazi na hatimaye kufanikisha matakwa ya jamii inayonizunguka?. 

✍🏾 Hata hivyo, kabla ya kufikiria kuwaongoza wengine unahitaji kwanza kujiongoza mwenyewe. Hii inamaanisha kwamba unahitaji kubadilisha sehemu zote za maisha yako ambazo zinaenda kinyume na uadilifu ambao ndio unabeba maadili mema. Jikomboe kwanza kabla ya kufikiria kuwakomboa wengine, huu ndio msingi wa kujitoa kwa ajili ya wenzako. 

✍🏾 Kumbe, unapodhamiria kujitoa sadaka ni lazima kwanza ubebe majukumu ya maisha yako badala ya kutegemea mtu flani atahusika nayo. Hali inaondoa nafasi ya kulalamikia wengine na kutambua kuwa kabla kulaumu wengine unapaswa kujilaumu mwenyewe pale unaposhindwa kufikia malengo. Pamoja na hilo katika kuishi maisha ya kujitoa kwa ajili ya wengine ni lazima uwe tayari kulipa gharama kwa ajili ya kuwa mtu yule unayetamani kuwa (mwadilifu). 

✍🏾 Mwisho, kupitia neno la tafakari ya leo tumejifunza kuwa maisha ya mafanikio yanahusisha kujitoa nafsi yako kwa ajili ya wengine. Moja, kipimo cha mafanikio ya kiroho ni jinsi unavyowapenda wengine sawa na unavyoipenda nafsi yako. Hivyo, pamoja na kupambana kwa ajili ya kufanikiwa kimaisha tunakumbushwa kuwa mafanikio hayo hayana thamani kama yatajikita kwenye nafsi yako pekee. Fanyia kazi mafundisho haya ili maisha yako yawe na thamani kwako na jamii inayokuzunguka. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Neno la tafakari ya leo limeandaliwa kutoka kwenye uchambuzi wa Kitabu cha “Primary Greatness” kutoka kwa mwandishi mahiri Stephen R. Covey” Hakikisha unajifunza zaidi kuhusiana misingi 12 ya maisha ya mafanikio kwa kujipatia nakala ya uchambuzi wa kitabu kwa gharama Tshs. 3,999. Wahi mapema hii ni OFA ya leo.

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com 

KIFO KINAOGOPESHA – FAHAMU JINSI YA KUKABILIANA NA HOFU YA KIFO.

NENO LA LEO (SEPTEMBA 21, 2020): KIFO KINAOGOPESHA – FAHAMU JINSI YA KUKABILIANA NA HOFU YA KIFO.

👉🏾Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni asubuhi mpya ambayo tumezawadiwa katika siku za uhai wetu hapa Duniani. Ni siku ambayo tunaalikwa kuendelea kutoa thamani ili kuacha alama ya jina letu mara baada ya ukomo wa maisha yetu hapa Duniani. Basi kila mmoja na aseme hii ndiyo siku aliyoifanya Bwana, nitafurahi, nitamshukuru na kuitumia vyema ili nipate kilicho bora katika maisha. 

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza namna ya kukabiliana na hofu ya kifo. Kifo ni miongoni mwa hofu ambazo zinamwandama kila mwanadamu. Inafahamika wazi kuwa hatima ya maisha ya mwanadamu hapa Duniani ni kifo (human beings are destined to death). Hivyo, kifo hakina tiba kwa mwanadamu yoyote kwa kuwa mwisho wa uhai ni kifo. Ukweli huu kuhusu kifo ndiyo ambao umewafanya wanadamu kuandamwa na hofu ya kifo kipindi cha maisha yao yote. 

✍🏾 Watalaamu wa kila aina wanazalishwa kwa ajili ya kupunguza vifo kupitia tiba mbalimbali pamoja na rishe bora. Yote hii ni kwa ajili ya kuhakikisha kizazi cha mwanadamu kinaendelea kuwepo vizazi na vizazi. Hivyo, tunaweza kuendeleza kizazi chetu lakini hatuwezi kukwepa kifo. Binadamu ni muunganiko wa mwili na roho, na ndiyo maana kuna dini kwa ajili ya kutuongoza ili pale tunapozama kwenye matendo ya mwili roho ipo kwa ajili ya kutukumbusha kujutia matendo hayo. 

✍🏾 Kupitia dini wote tunaweza kukabiliana na hofu ya kifo kwa kutambua kuwa kifo ni mpango wa Muumba kwa waja wake baada ya kukamilisha kazi waliyotumwa hapa duniani. Hivyo, kifo katika umri mdogo tafsiri yake ni kwamba mhusika amekamilisha kazi aliyotumwa kulingana na mapenzi ya Muumba. Lakini pia kupitia dini tunaamini kuwa kifo ni njia ya kuhama kutoka maisha ya Ulimwengu na kuingia kwenye maisha mapya ya utakaso yasiyo kuwa na mwisho. Hivyo, kifo ni utenganisho wa maisha ya ulimwengu ambayo yanatawaliwa na matakwa ya kimwili na kuingia kwenye maisha mapya ya kiroho maisha mapya ambapo hakutakuwa na kuoneana wivu, njaa, magonjwa au mateso. 

✍🏾 Si kweli kwamba watu wanaogopa kifo, ukweli ni kwamba katika nyakati ambazo watu wanaona kifo kipo karibu yao huwa kuna vitu vitatu ambavyo huwa wanaogopa ikilinganishwa na kifo chenyewe. Moja, katika nyakati za magonjwa hatari wahusika wanaogopa endapo wataendelea kupata msaada ipasavyo kutoka kwa watu wao wa karibu katika kipindi chote cha maumivu (kabla ya umauti kuwapata). Mbili, watu katika nyakati wa kukaribia kifo wanajutia kuwa huenda wamepoteza maisha yao kwa kufanya mambo ambayo hayakuwa na tija kwao na jamii iliyowategemea. Tatu, wanaogopa kuwa hawakutimiza wajibu ipasavyo kiasi ambacho hawajaacha alama ambayo ingekuwa ukumbusho wa maisha yao. 

✍🏾 Sababu hizi zote zinapeleka wahusika wengi waliopo katika hali ya kungojea umauti kujiona kuwa kuna mambo mengi ambayo hawajayakamilisha katika enzi ambazo walikuwa na uwezo wa kuyakamilisha. Huu ndiyo uoga mkubwa wa binadamu kuelekea kwenye kifo hivyo ukiwa unahitaji kukabiliana na hofu ya kifo huna budi kuhakikisha unaishi maisha kwa ukamilisho wake kwenye kila siku unayobahatika kuishi.

✍🏾 Mwisho, kupitia neno la tafakari ya leo tumejifunza kuwa kifo hakiondoi maana au thamani ya maisha yetu bali kifo kinasaidia kuelezea namna maisha yetu yalivyokuwa na thamani kwa siku hizo chache tulizobahatika kuishi. Tafsiri yake ni kwamba kutokana na hofu ya kifo tunatakiwa kuweka mipaka kwenye yapi tunaweza kufanya na yapi hatutakiwi kufanya katika enzi za uhai wetu. Fanyia kazi mafundisho haya ili maisha yako yawe na thamani kwako na jamii inayokuzunguka. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Neno la tafakari ya leo limeandaliwa kutoka kwenye uchambuzi wa Kitabu cha “Conquering Fear” kutoka kwa mwandishi Harold S. Kushner. Kujifunza zaidi kuhusiana na namna ya kukabiliana na hofu zinazomkabili mwanadamu hakikisha unapata nakata ya uchambuzi wa kitabu hiki kwa kulipia Tshs. 3,999/=. Hiki ni kitabu ambacho utajifunza mambo mengi hasa kwenye ulimwengu wa maendeleo ya kiroho. Wahi mapema hii ni OFA ya leo.

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

HIVI NDIVYO UNAWEZA KULITAMBUA KUSUDI LA MAISHA YAKO.

NENO LA LEO (SEPTEMBA 19, 2020): HIVI NDIVYO UNAWEZA KULITAMBUA KUSUDI LA MAISHA YAKO.

Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni siku nyingine ambayo tuna kila sababu ya kumshukuru Muumba kutokana na kibali cha uhai ambacho tumezawadiwa. Wajibu wetu ni kutumia kibali hiki kwa ajili ya kuendeleza bidii ya kubadilisha maisha yetu roho, kiafya, kiuchumi na kijamii. Basi kila mmoja wetu aianze siku kwa kusema hii ndiyo siku aliyoifanya Bwana, nitafurahi, nitamshukuru na kuitumia vyema siku hii kwa ajili ya kuongeza thamani ya maisha yangu hapa Duniani.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

👉🏾 Karibu katika neno la tafakari ya leo ambapo tutajifunza maana halisi ya kusudi la maisha na jinsi unavyoweza kuishi maisha ambayo umeumbiwa kuyaishi hapa Duniani. Mara nyingi nimekuwa nikiulizwa maswali na baadhi ya wasomaji wa Makala zangu ambayo yanalenga kujua maana ya kusudi la maisha na namna ambavyo mtu anaweza kuishi kusudi la maisha yake. Karibu tujifunze wote ili kupitia neno la tafakari ya leo tupate ufunuo wa kuishi kusudi halisi ya maisha yetu.

✍🏾 Je kusudi la maisha ni nini? Kusudi la maisha yako ni lile lengo pana la maisha yako ambalo ni: “imara, linajumuisha kila sekta ya maisha yako na unapaswa kulikamilisha katika kipindi cha uhai wako si tu kwa ajili ya faida yako bali kwa ajili ya jamii nzima”. Somo la kujifunza hapa ni kuwa kusudi la maisha ni (a) lengo kubwa ambalo ni msingi wa maisha yako yote (b) imara na halitakiwi kubadilika mara kwa mara (c) ni ufunguo wa kuujua ukweli wa uliumbwa kukamilisha nini hapa Duniani (d) linajikita kwenye kukamilisha kitu katika maisha yako si tu kwa faida yako bali kwa ajili ya wengine. 

✍🏾 Je kusudi la maisha yangu nitalipata wapi? Unaweza kupata kusudi la maisha yako sehemu yoyote ile. Kusudi la maisha yako linaweza kuwa kwenye jamii inayokuzunguka, marafiki, ndugu, familia, imani (kanisani au msikitini), jamii na hata kwa watu walio mbali na upeo wako. Mfano katika ngazi ya familia kusudi la maisha yako linaweza kuhusisha msaada kwa wanafamilia wote ili wapate kufikia ndoto zao au kuwasaidia wale wasiojiweza katika jamii inayokuzunguka. Vivyo hivyo, kwa ngazi ya familia kusudi la maisha yako linaweza kuwa baba/mama bora. Hivyo hauna sababu ya kuumiza kichwa sana kufikiria ni wapi utapata kusudi la maisha yako badala yake anzia hapo ulipo. 

✍🏾 Je natakiwa kuanzia wapi katika kuliishi kusudi la maisha yangu? Katika kutafuta ukweli wa umeumbwa kwa ajili ya nini hapa Duniani unatakiwa kupata majibu ya maswali mawili (a) Je wewe ni mtu wa aina gani? na (b) Je dunia unayoishi ina asili gani?. Majibu ya maswali haya ndio yanayopima kiwango na ubora wa mahusiano yako dhidi ya familia, marafiki, waajiri au waajiriwa wetu au jamii nzima kwa ujumla. Swali la kwanza linalenga kukufanya ujitambue kwa nini hasa uliumbwa na kwa nini bado unaishi wakati swali la pili linalenga utambue uhusiano wako na mazingira yanayokuzunguka.

✍🏾 Je nitajuaje kuwa tayari naliishii kusudi la maisha yangu? Katika hatua za ukuaji wa mwanadamu inafikia hatua ya kilele cha mabadiliko/maendeleo na hapa ndipo mwanadamu anakuwa kwenye hatua ambayo jitihada zake zimechanua matunda katika kila sekta ya maisha yake. Matunda haya yanajumuisha ukuaji wa kiroho, upendo, uvumilivu, kijitambua kimwili, uwezo wa kuchanganua mambo na uwezo wa mawasiliano dhidi ya wanaomzunguka.  Hapa ndipo mwanadamu analiishi kusudi la maisha yake kwa viwango vilivyokusudiwa toka enzi za kuumbwa kwake. Ni katika kipindi ambacho mhusika pamoja na jamii inayomzunguka wanafurahia matunda ya kusudi la maisha yake.

✍🏾 Je kuna athari gani za kutotambua kusudi la maisha yako? Mwanadamu anapokuwa hajajua kusudi la maisha yake anakuwa ni sawa na ombaomba ambaye siku zote anakalia boksi kuomba vicenti vya hela kumbe ndani ya hilo boksi kuna kila kitu cha thamani. Kila mmoja ndani yake ana mbegu za kufanya mambo makubwa huku akiongozwa na roho lakini kutokana na kwamba watu wengi hawatambui kusudi la maisha yao wanaishia kufanya vitu vya kawaida kwa ajili ya kuridhisha tamaa za mwili. Mwandishi anatushirikisha kuwa kama haujatambua kusudi la maisha yako kwa maana ya kufikia kilele cha ukuaji wa kiroho wewe ni ombaomba ambaye unahitaji kujitambua kuwa haupaswi kuwa ombaomba kwani ndani mwako kuna kila kitu cha thamani.

✍🏾 Mwisho, kupitia neno la tafakari ya leo tumejifunza kuhusu kusudi la maisha na jinsi ya kuliishi kusudi la maisha yako. Fanyia kazi mafundisho haya ili maisha yako yawe na thamani kwako na jamii inayokuzunguka. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Neno la tafakari ya leo limeandaliwa kutoka kwenye uchambuzi wa Kitabu cha “The Power of Now” kutoka kwa mwandishi Eckhart Tolle na uchambuzi wa kitabu cha “Noble Purpose” ambacho kimeandikwa na mwandishi William Damon. Hakikisha unajifunza zaidi kuhusiana na kusudi la maisha yako kwa kulipia Tshs. 4,999/= ili ujipatie nakala za vitabu hivi vyote. Wahi mapema hii ni OFA ya leo.

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

WAKATI MWINGINE KATIKA MAISHA NI VIGUMU KURIDHISHA KILA MTU.

NENO LA LEO (SEPTEMBA 18, 2020): WAKATI MWINGINE KATIKA MAISHA NI VIGUMU KURIDHISHA KILA MTU.

Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni asubuhi mpya ambayo imejaa mategemeo makubwa  kwa wale ambao wamedhamiria kuishi ndoto za maisha yao. Ni matumaini yangu kuwa tumeamka salama tukiwa na nguvu na hamasa ya kutosha kwa ajili ya kuendeleza yale yenye tija katika maisha yetu.  Basi kila mmoja wetu aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza umuhimu wa kutambua kuwa zipo nyakati ambazo hauwezi kuridhisha kila mtu iwapo unahitaji kusonga mbele. Ukweli ni kwamba mafanikio katika maisha ni zao la maamuzi katika kutoa kipaumbele kwenye mambo ya msingi na kuachana na yale ambayo kwako yanaonekana hayana tija.  

✍🏾 Tatizo huwa linaanzia hapo kutokana na ukweli kwamba yale yanayoonekana yenye tija kwako yanaweza kukufanya uonekane msaliti kwa wengine. Tunafahamu kuwa tunaishi katika familia tegemezi hasa katika bara la Afrika. Utegemezi huu ndiyo unafanya watu wengi washindwe kutimiza ndoto walizonazo kwa kuwa inafikia sehemu ambapo watu wanashindwa kufanya maamuzi sahihi. Yote hayo yanafanyika ili mradi tu kuridhisha wale wanaotuzunguka.

✍🏾 Hata hivyo, uzoefu unaonesha kuwa hakuna siku hata moja ambayo utaridhisha kila mtu. Kutokana na ukweli huu kuna kila sababu ya kuamua unataka nini katika maisha yako na kuamua kuziba masikio kwa kipindi cha muda maalumu ili kelele za watu zisikutoe kwenye mstari.

✍🏾 Suala la watu kutoridhika linaanzia kwenye ngazi ya familia mpaka kwenye ngazi ya makundi ya kijamii au uongozi wa juu. Mara nyingi tumeona katika ngazi ya taifa ambapo viongozi wengi huwa wanalamikiwa katika enzi za utawala wao lakini ghafla baada ya kutoka madarakani utashangaa watu wanaanza kusema bora flani. 

✍🏾 Hii yote inadhihirisha kuwa binadamu ni kiumbe ambaye ni vigumu sana kukidhi matakwa yake. Ukifanya jambo moja utaambiwa mbona hili hukufanya? Ukifanya yote utaambiwa kulikuwa na ulazima gani wa kugusa yote kwa wakati mmoja. Hapa ndipo unatakiwa kuziba masikio na kutekeleza maamuzi sahihi na kuachana na kelele za watu.

✍🏾 Mwisho, kupitia neno la tafakari ya leo tumejifunza kuwa utachelewa sana ikiwa unafanya mambo yako kwa ajili ya kumridhisha kila mtu. Tumeona kuwa ni vigumu sana kuridhisha matakwa ya watu kwa kuwa linaloonekana la msingi kwa mtu mmoja kwa mwingine linaonekana siyo kipaumbele. Ziba masikio, tekeleza maamuzi sahihi na hakika ipo siku watakuelewa. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU TABIA 5 AMBAZO ZITAKUWEZESHA KUJIFUNZA KWA HARAKA.

NENO LA LEO (SEPTEMBA 16, 2020): FAHAMU TABIA 5 AMBAZO ZITAKUWEZESHA KUJIFUNZA KWA HARAKA.

Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni matumaini yangu kuwa wote tumeamka salama na tupo tayari kuendeleza pale tulipoishia jana. Ni asubuhi naendelea kuwakumbusha kuwa ili tufikie mafanikio makubwa tunayotamani hakuna namna zaidi ya kuhakikisha yale tunayofanya yanakuwa na muendelezo kila siku.  Basi kila mmoja wetu aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza tabia 5 ambazo unatakiwa kuwa nazo ili kujifunza kwa haraka na hatimaye kufanikiwa kimaisha. Kujifunza ni moja ya misingi ambayo inaunda mafanikio ya watu waliofanikiwa. Ukiuliza siri ya mafanikio kwa kila aliyefanikiwa kwenye sekta yoyote ile moja ya majibu ambayo utapata ni kwamba anatumia muda mwingi kujifunza. Karibu tujifunze mbinu ambazo zinatumiwa na wenye mafanikio katika kujifunza maarifa na ujuzi mpya:-

✍🏾 Tabia #1: Jifunze kutoka kwa watangulizi wako. Katika jambo lolote ambalo unakusudia kufanikisha kuna watu ambao walishafanya jambo hilo. Katika hao ambao waloshafanya jambo hilo kuna ambao walifanikiwa na kuna wale ambao hawakufanikiwa. Ili uwe imara zaidi unatakiwa kujifunza kwa wale waliofanikiwa ni kwa nini walifanikiwa. Pia, unatakiwa kujifunza kwa wale ambao hawakifanikiwa ili kujua sababu zilizopelekea wakashindwa kufanikiwa.

✍🏾 Tabia #2: Epuka kufuata mkumbo. Tengeneza njia yako mwenyewe ili kuepuka kufanya yale ambayo kila mtu anafanya. Unatakiwa kuwa mbunifu zaidi ili ujitenganishe na msongamano wa watu kwenye njia unayosafiria. Zaidi unatakiwa kutambua kuwa njia ambayo unaifungua mwenyewe haina msongamano japo ina milima na mambonde kwa haijatumiwa na watu wengine. Wewe ndiyo wa kusawazisha mabonde na milima na wewe ndiyo wa kufyeka njia mpaka ufike kwenye kilele cha safari yako.

✍🏾 Tabia #3: Kuwa na maono mapana. Kupitia maono tunapata ndoto na kupitia ndoto tunapata malengo na tunapokuwa na malengo tunapata tumaini kwa maisha yajayo. Kubwa ni kwamba maisha yako ya baadae ni zao la maono uliyonayo sasa. Ikiwa hauna maono moja kwa moja hauna tumaini hai kwenye maisha yako ya baadae. Kwa ujumla unatakiwa kuishi kauli mbiu ya: "kesho inaandaliwa kutoka katika maisha ya sasa."

✍🏾 Tabia #4: Jifunze kusikiliza kuliko kuongea. Katika mkusanyiko wa watu lazima pawepo maongezi. Mara nyingi wengi wetu huwa tunapenda kuwa wazungumzaji kuliko kuwa wasikilizaji. Ni heri kuwa msikilizaji ili ujifunze kutoka kwa wengine. Hii ni kutokana na ukweli kuwa unapozungumza unatoa unachojua wewe ikilinganishwa na pale unaposikiliza kutoka wengine. Tuna masikio mawili ikilinganishwa na mdomo mmoja. Tafsiri ya viuongo hivyo vya mwili ni kwamba tunatakiwa kusikiliza mbali zaidi ya tuntunavyoongea.

✍🏾 Kundi #5: Tunajifunza kwa kufundisha. Ikiwa kuna maarifa au ujuzi husisite kushirikisha wengine maana kwa kufanya hivyo yapo mengi utajofunza zaidi. Jifunze kutoa maana kwa kadri unavyotoa ndivyo unaandaa mazingira ya kupokea.

✍🏾 Mwisho, kupitia neno la tafakari ya leo tumejifunza tabia 5 ambazo zitakuwezesha kujifunza kwa haraka. Pia tumeona kuwa kujifunza ni miongoni mwa misingi muhimu katika kufikia hatua ya mafanikio unayotamani kwenye kila sekta ya maisha yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

FAHAMU WATU AMBAO UNATAKIWA KUWAKIMBIA.

NENO LA LEO (SEPTEMBA 15, 2020): FAHAMU WATU AMBAO UNATAKIWA KUWAKIMBIA.

Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni siku nyingine tena katika siku za uhai wetu hapa Duniani. Wote tunaalikwa kuitumia siku hii kwa ajili ya kufanya yale yanayoleta thamani kwetu na jamii inayotuzunguka. Kubwa zaidi ni kuendelea kutambua kuwa maisha yetu ni kwa ajili ya ukamilisho wa kusudi maalum hapa Duniani. Basi kila mmoja wetu aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza aina ya watu ambao unatakiwa kujiweka mbali nao ili ufanikishe mipango yako. Tumeona katika utangulizi wa somo hili kuwa maisha yetu ni kwa ajili ya ukamilisho wa kusudi maalumu hapa Duniani. Na kusudi hilo linahusisha kujitoa kwa ajili ya watu wengine au viumbe wengine. Na katika kujitoa huko ndivyo na mhusika anafanikisha ndoto alizonazo kuhusu maisha.

✍🏾 Kutokana na ukweli kwamba mwanadamu ni kiumbe anayeishi katika makundi ya kijamii, hakuna namna kiumbe huyu ataweza kuliishi kusudi la maisha yake bila kujikuta anazungukwa na watu. Maisha ni kutegemeana, hivyo ili kufanikisha ndoto ulizonazo kuna makundi ya watu ambayo yatakuwa na msaada mkubwa kwako. Hata hivyo katika safari yako kuwa makini na watu hawa:-

✍🏾 Kundi #1: Wale ambao mara zote hawakuambii ukweli. Watu wa aina hii ni wengi katika jamii. Mara zote watakuambia uongo ili waendelee kuwa karibu na wewe. Pengine uongo huo huwa unahusisha kuficha mapungufu yako ili mradi waendelee kunufaika na mahusiano yenu. Kama unahitaji mabadiliko halisi katika maisha aina ya watu hao unatakiwa kukaa nao mbali.

✍🏾 Kundi #2: Ambao wanalenga kukutumia. Kwenye jamii huwa kuna watu wanaopendelea uhusiano wa upande mmoja kunufaika (symbiotic relationship). Kundi hili la watu litafanya kila linalowezekana ili mradi liendelee kujinufaisha kutoka kwako. Hawa nao unatakiwa kuwakimbia tena bila kuaga.

✍🏾 Kundi #3: Wanaopambana kukuangusha. Kundi hili huwa linahusisha watu ambao wanajifanya marafiki lakini ndani mwao ni wapinzani wako wakubwa. Hawa wanaweza kukuangamiza kimya kimya bila ufahamu wako na katika kipindi hicho ukawa unaendelea kuwashirikisha mipango yako.

✍🏾 Kundi #4: Ambao hawakuheshimu. Kundi hili linahusisha watu ambao hata ufanye nini ambalo jema kwao utaendelea kuonekana si lolote. Watu hawa ukiendelea kuwa karibu nao utakatishwa tamaa ya kuendelea kufanikisha ndoto ulizonazo. 

✍🏾 Mwisho, kupitia neno la tafakari ya leo tumejifunza kuwa kuna watu ambao ili ufanikiwe kimaisha huna budi kuwakimbia. Mara nyingi watu hao huwa ni watu wa karibu na sisi hivyo unatakiwa kufanya maamuzi magumu ya kuwakimbia. Fanyia kazi mafundisho haya na hakika biashara yako itastawi. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

MATOKEO YATAKUELEZEA ZAIDI KULIKO MIPANGO ULIYONAYO

NENO LA LEO (SEPTEMBA 14, 2020): MATOKEO YATAKUELEZEA ZAIDI KULIKO MIPANGO ULIYONAYO.

Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni asubuhi mpya katika juma jipya ambapo tunaianza wiki ya tatu katika mwezi Septemba. Ni siku ya kipekee ambapo tunaweza kusikia kwa mbali sauti za ndege wa kila aina ambazo zinadhihirisha ukuu wake Muumba. Kama ilivyo kwa ndege na sisi tunaalikwa kwa ajili ya kuendelea kumtukuza Muumba wetu kupitia kazi za mikono na akili yetu. Basi kila mmoja wetu aseme hii ndiyo siku bora aliyoifanya Bwana, nitafurahi, nitamshukuru na kuitumia vyema ili nipate yaliyo bora katika maisha.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza muhimu wa kuifanya mipango yetu kuwa siri ili kila inapokamilishwa matokeo yaongee kwa niaba yetu. Bahati mbaya tunaishi katika Ulimwengu ambao kila mtu anatamani kuonesha kile anachofanya hata kama kipo hatua za awali. Bahati mbaya zaidi ni pale ambapo matukio ya Ulimwengu wa sasa ni feki (the world of fake events).

✍🏾 Katika Ulimwengu huu wenye matukio ya uongo tunashuhudia watu waki "post" picha kwenye mitandao ya kijamii zenye kuonesha kuwa wamepiga hatua katika yale wanayofanya. Bahati mbaya sana picha nyingi zinazowekwa ni zile zinazoonesha upande wa mafanikio pekee na kuficha upande wa vikwazo au sehemu ambazo mhusika ameshindwa kufanikiwa. 

✍🏾 Ni katika Ulimwengu wa sasa ambapo tunashuhudia watu wapo radhi kupiga cha uongo na kuiweka kwenye mitandao ya kijamii ili kuwahadaa watu waliopo kuwa mhusika amepiga hatua kimafanikio. Ni katika Ulimwengu wa sasa watu wamegeuza mitandao ya kijamii kuwa sehemu ya kuhifadhia kumbukumbu zao hasa zinazoonesha picha zenye matukio mazuri pekee.

✍🏾 Yote hayo yanafanyika kwa kuwa watu wengi wanataka jamii ifahamu wanafanya nini. Wengi wanaitahiji jamii ijue kuwa wapo na wanajihusisha mambo muhimu ya kimaendeleo. Wengi wamefikia hatua ya kuongelea mipango yao hata kama hawajaulizwa. Ukweli ni kwamba watu wanafanya hivyo kama kujipatia heshima kwa jamii inayowazunguka kuwa wanapambana kimaisha kwa ajili ya kufikia mafanikio wanayotamani.

✍🏾 Hata hivyo, watu wengi wanatumia nguvu kubwa kuelezea mipango yao ya maisha kwa kuwa jamii haina muda wa kusikiliza mipango waliyonayo. Jamii hiyo hiyo ndo inakatiza mipango mingi ya hao wanaotumia nguvu kuelezea mipango yao kwa kuwa ndani ya jamii kuna watu wa kila aina. Wapo ambao wanajifanya kujua kila kitu faida na hasara zake wakati hawajawahi kufanya. Wapo ambao  mara zote wanawaza matokeo hasi kiasi ambacho kila utalowaambia unakusudia kufanya watakuambia hilo haliwezekani. Hiyo ndiyo jamii ambayo unapambana kuelezea mipango yako.

✍🏾 Kumbe, kuendelea kupambana kuelezea mipango yako kwa kila mtu ni kupoteza muda. Unatakiwa kuifanya mipango yako siri na kuhakikisha unaishi vitendo vya kuiweka mipango hiyo kwenye uhalisia wako. Kadri utakavyoishi vitendo ndivyo utapata matokeo ambayo yatajitangaza yenyewe. Ni rahisi jamii kuelewa uhalisia wako kupitia matokeo kuliko kupitia mipango uliyonayo.

✍🏾 Mwisho, kupitia neno la tafakari ya leo tumejifunza kuwa mipango tuliyonayo kwenye kila sekta ya maisha yetu inatakiwa kuwa siri. Jamii inataka kuona matokeo ndipo ikuelewe zaidi kuliko unavyopambana kuelezea mipango yako. Fanyia kazi mafundisho haya na hakika biashara yako itastawi. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com

Uchambuzi wa Kitabu cha Conquering Fear: Jinsi ya kuishinda hofu katika Ulimwengu huu wenye matukio yasiyotabirika.

Uchambuzi wa Kitabu cha Conquering Fear: Jinsi ya kuishinda hofu katika Ulimwengu huu wenye matukio yasiyotabirika.

Habari rafiki yangu mpendwa, hongera kwa kuendelea kuwa sehemu ya wanaojifunza kupitia Makala zangu za uchambuzi wa vitabu. Makala hizi nimekuwa nashirikisha jamii kupitia mtandao wa FIKRA ZA KITAJIRI pamoja na kundi la WhatsApp. Karibu katika uchambuzi wa kitabu cha leo ambacho ni cha 9 kati ya vitabu 30 ambavyo niliweka lengo la kuvisoma katika kipindi cha mwaka huu 2020.

Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku pamoja na kujumuika na watu wenye mtazamo sawa, tafadhali JIUNGE SASA.

Kitabu ninachokushirikisha kupitia makala hii ni “Conquering Fear” kutoka kwa mwandishi Harold S. Kushner. Katika kitabu hiki mwandishi anatushirikisha namna ambavyo tunaweza kuisha maisha yasiyo na hofu hata kama tunaishi kwenye Ulimwengu ambao umejaa matukio yasiyotabirika.

Mwandishi anatushirikisha kuwa watu wengi wanaishi kwa kuhofia mambo mengi kama vile kuhofia wapendwa wao kupatwa na changamoto kama vile magonjwa; ajali; athari zitokanazo na vita/ugaidi; Wanyama wakali; ukosefu wa fedha kwa ajili ya mahitaji muhimu ya maisha; vifo vya wapendwa wetu (watoto, wenza, wazazi au ndugu wengine); uoga wa kukataliwa au kusalitiwa; na majanga ya kidunia (mafuriko, ukame, tetemeko la ardhi au wadudu waharibifu).

Pia, jambo jingine ambalo linalopelekea hofu kwa watu ni kuhusiana na usalama wa kazi au biashara zao. Mara nyingi watu wanatimiza wajibu wao kwa ajili ya kuridhisha waajiri wao lakini hiyo haizuii kuondolewa kazi pale mabadiliko ya lazima kwenye taasisi yanapotokea. Hata hivyo, hofu hii inatufanya tushindwe kufurahia maisha kwa kiwango chake.

Athari zinazotokana na hofu ni nyingi kwenye maisha ya mwanadamu. Athari hizi zinajumuisha magonjwa yanayotokana na msongo wa mawazo; uhasama katika jamii; ulevi; urahibu (addiction) wa madawa ya kulevya; na kuongezeka kwa watu wenye matatizo yatokanayo na ulaji wa hovyo (eating disorders). Wajibu wetu namba moja ni kuhakikisha tunajifunza mbinu za kukabiliana na hofu ili tupate furaha halisi ya maisha. Ukweli ni kwamba bila kuishinda hofu hakuna chochote ambacho tutafanikisha katika kipindi cha uhai wetu.

Karibu ushirikiane nami kujifunza machache kati ya mengi ambayo tunashirikishwa katika kitabu hiki:

1. Ukweli ni kwamba mambo mengi ambayo huwa tunahofia ni ya kufikrika. Uhalisia ni kwamba si vyote tunavyohofia huwa vinajidhihirisha katika maisha yetu. Yapo mengi ambayo katika maisha tunayaohofia lakini huwa hayatokei na pengine tunajikuta kwenye kuhatarisha afya yetu kwa kuendekeza tabia ambazo tunasema zinatuliza hofu. Mfano, mtu kwa kuogopa mshutuko wa kishindo na mwanga wa radi anawasha sigara na kusahau kuwa sigara ina athari kuliko hicho kilichomshtua. Vivyo hivyo, watu wengi wanazama kwenye ulevi wa pombe kali wakihisi wanapoteza mawazo kwenye yale wanahofia maishani mwao.

2. Ukweli ni kwamba katika Ulimwengu huu kuna nafasi ya matukio mabaya kutokea na kuathiri maisha yetu. Na ukweli ni kwamba kwa uwezo wetu yapo mengi ambayo yakitokea hatuna uwezo wa kuyazuia lakini hii haimanishi kuwa muda wote tunatakiwa kuwa watumwa kutokana na hofu ya mambo hayo. Takwimu zinaonesha kuwa matukio tunayohofia huwa yanatokea mara chache sana katika kipindi cha uhai wetu. Fikiria yote uliyokuwa unahofia toka enzi za ukuaji wako na jiulize ni matukio mangapi yalijidhihirisha katika uhalisia wake. Mfano, jiulize ni mara ngapi ulisafiri kwenye chombo chochote cha usafiri huku ukiwa na hofu kwa kukumbuka ajali iliyowahi kutokea ikiuhusisha aina ya chombo ambacho unasafiria kwa wakati huo. Pamoja na hofu hiyo ulisafiri na kufika salama mwisho wa safari yako.

3. Katika kipindi ambacho tunajikuta kwenye hali ambayo moja kwa moja tunaona kuwa tukio lililopo mbele yetu lipo nje ya uwezo wetu wa kulitatua ndipo wengi hujawa na hofu zaidi. Mfano, kama unakabiliwa na ugonjwa ambao matibabu unayopewa hayaoneshi kusaidia au katika kipindi cha matukio ambayo yanapelekea vifo vya watu wengi katika taifa. Ni kipindi kama hichi ambapo nyumba za ibada huwa zinapokea waumini wengi kwa ajili ya kujikabidhi kwa Muumba wao. Kumbe, Sara/Dua ni moja ya moja ya mbinu ambayo inasaidia kukabiliana na hofu iliyopo mbele yetu. Kupitia Sara/Dua watu wanawasilisha hofu, matatizo na hisia walizonazo kwa Mungu kwa ajili ya kupata nguvu, hamasa na tumaini jipya dhidi ya changamoto zilizopo mbele yao.

4. Pamoja na kwamba Sara/Dua ni kwa ajili ya kuomba Muumba arejeshe tumaini jipya katika kipindi cha hofu na upweke, Mwandishi anatushirikisha kuwa njia bora ya kuongea na Muumba ni nyakati zote. Sara/Dua haitakiwi kuonekana na kumuita Mungu kwa ajili ya kutatua matatizo tu bali sara inatakiwa kuleta muunganiko wa mwanadamu na Muumba wake. Kupitia sara mwanadamu anamkaribisha Muumba ili awe ndani mwake na kila tendo analofanya liwe limepewa baraka na Muumba.

5. Kuna njia tatu ambazo watu hutumia kuufanya wenye matukio katili yaonekane ya kawaida katika maisha ya mwanadamu. Njia ya kwanza ni kukataa kuwa hakuna matukio (denial strategy) yanayotekea bila kustahili yatokee – Wanaokubaliana na njia hii, wana Imani kuwa Ulimwengu ni wa haki na chini ya mapenzi ya Muumba hakuna tukio ambalo linatokea kwa watu bila kustahili tukio husika. Watu wa mlengo huu wanaamini hakuna jambo linalowapata watu pasipo watu hao kulisababisha. Mfano, kama kuna janga la mafuriko limetokea sehemu flani – watu wa mlengo huu watajifariji kwa kusema mafuriko yametokea kwa kuwa sehemu hiyo imezidisha maovu kama ilivyokuwa wakati wa Nuhu akitengeneza Safina. Tatizo lililopo katika njia hii ni kwamba inatoa maamuzi (judgement) kwa wengine kuhusika katika tukio husika wakati mwanadamu hajaumbwa kumuona mwenzake kama adui/mkosaji. Mwanadamu ameumbwa kwa ajili ya kuaminiana na kutengeneza marafiki wao kwa wao.

6. Njia ya pili ni wale wanaopingana na nadharia ya Darwin maarufu kama Surivor of the fittest. Kulingana na Darwin Asili (Nature) iliruhusu viumbe wenye uwezo wa kupambana (fittest) kupitisha jeni (genes) zao kutoka kizazi kimoja hadi kingine na kadri viumbe hivi vilivyopambana na asili ndivyo viliimarika zaidi kimaumbile kwa ajili ya kuendeleza jeni vizazi na vizazi. Wanaoamini katika njia hii nadharia yao ni kwamba: “mafanikio ya mwanadamu yanapatikana kupitia ushirikiano na wanadamu wengine na siyo kwa mapambano kati yao”. Hivyo, Sheria ya asili ni kwamba “Mwenyezi Mungu ameumba mwanadamu na mafanikio ya mwanadamu dhidi ya Asili ni kuhakikisha anashirikisha wengine vipaji au rasilimali alizonazo kwa ajili ya mafanikio ya wote wanaomtegemea”. Hivyo, badala ya kupambana mwanadamu dhidi wanadamu wenzake katika kukabiliana na majananga ya asili, wanadamu wanatakiwa kushirikiana dhidi ya majango hayo.

7. Njia ya tatu ni wale ambao wanaamini kuwa tunaishi katika Ulimwengu hatarishi wenye kila aina ya matukio hatarishi na Mungu amempa uwezo mwanadamu wa kukabiliana na matukio hayo. Maisha yetu yapo kwa ajili ya matukio hatarishi kwa kuwa hakuna anayejua tukio baya litakalompata masaa yajayo. Hakuna anayejua kifo chake kitakuwa cha aina gani wala mateso na maumivu kiasi gani yatampata. Wale wanaoamini njia hii wanaishi nadharia kuwa: “maisha ya Sara/Dua na matendo mema kwa wengine yanasaidia kupunguza matukio hatarishi katika maisha yao ya baadae”.

8. Tofauti iliyopo kati ya maumivu (pain) na matesho ni kwamba: maumivu ni mwitikio wa mwili dhidi ya tukio lisilo rafiki wakati matesho ni mwitikio wa kihisia dhidi ya maumivu. Mfano, mtu kujihisi hana tumaini tena katika maisha au kuwa na huzuni kutoakana na maumivu anayopitia. Maana yake ni kwamba hakuna namna ya kuepuka maumivu lakini kitendo cha kuishi kwa mateso ya maumivu hayo ni maamuzi ya mhusika. Chukulia mfano wa maumivu ambayo mama anapitia wakati wa uchungu wa kujifungua. Mateso ya maumivu haya yanapungua pale anapofikiria zawadi ya mtoto iliyopo ndani ya maumivu hayo. Ndivyo ilivyo maumivu ya Ulimwengu huu, hatupaswi kuogopa au kuwa na hofu dhidi ya matukio hatarishi ambayo hatujui yatatokea lini na badala yake tunatakiwa kuzama kwenye matukio mema yanayotusubiria maishani. Ndiyo maana neno “husiogope” limetajwa mara kadhaa kwenye maandiko matakatifu. Hii ndiyo amri ya 11 ambayo tunatakiwa kuiishi katika maisha yetu ya kila siku.

HOFU YA UGAIDI (THE FEAR OF TERRORISM)

9. Moja ya hofu ambayo inawakabiri watu wa karne ya sasa ni matukio ya kigaidi. Hofu hii inakuwa kubwa hasa kwa mataifa ambayo yamewahi kukumbwa na matukio ya kigaidi. Mfano, Mwandishi anatushirikisha kuwa Marekani ni moja ya mataifa ambayo raia wake wanaishi kwa hofu kubwa kutokana na tukio la kigaidi la 11 Septemba, 2001. Tukio hili lilihusisha kulipuliwa ndege nne pamoja na majengo pacha ya eneo maalumu la biashara (World Trade Centre) yaliyokuwa na ghorofa 110 jijini New York. Kabla ya tukio hili ambalo lilitekelezwa na kundi la Al-Qaeda, Wamarekeni waliishi maisha ambayo walijiona wako salama ndani ya nchi yao kuliko taifa lolote lile. Mwandishi anatushirikisha kuwa kanuni ya gaidi huwa ni rahisi “kuua watu wachache na kuogopesha maelfu ya watu”. Hivyo, eneo lengwa la magaidi siyo tu eneo la tukio kwa kuwa maeneo ambayo hayafikiwi na athari ya moja kwa moja yanabakia kuishi kwa hofu ya tukio husika na hatimaye kubadilisha mfumo au tabia ya eneo husika.

10. Ni vigumu kama mtu mmoja mmoja kuzuia ugaidi lakini linalowezekana ni kuepuka hofu ya matukio ya kigaidi. Ili kuepukana na hofu ya magaidi, jambo moja muhimu ni kufahamu kuwa lengo la gaidi ni kusambaza hofu zaidi ya eneo analotekeleza tukio la kigaidi. Hivyo, shabaha ya gaidi siyo tu wale wanaokufa kwenye tukio analotekeleza bali idadi ya watakaoishi kwa hofu baada ya tukio husika. Hivyo, njia sahihi ya kukabiliana na ugaidi ni kuipinga hofu ya matukio ya kigaidi. Fanikio kubwa la magaidi ni pale ambapo watu wanabadilisha mfumo wa maisha mara baada ya tukio kutekelezwa. Tafsiri yake ni kwamba endapo jamii ikitambua kuwa baada ya matukio ya kigaidi ni lazima kuendeleza mfumo wa maisha wa awali moja kwa moja magaidi wanakosa nguvu. Hii imekuwa kinyume kwa Raia wa Marekani baada ya tukio la 11 Septemba, 2001 na ndiyo maana hadi sasa ugaidi ni tishio namba moja kwa taifa la Marekani.

11. Matukio ya kigaidi yanatakiwa kutazamwa sawa na matukio mengine ambayo huwa yanapelekea vifo na majonzi kwa baadhi ya familia na taifa kwa ujumla. Tatizo ni pale ambapo jamii inaogopa matukio ya kigaidi kuliko matukio hatarishi mengine kama vile ajali za vyombo vya usafiri, mlipuko wa njia au Vituo vya Mafuta, vimbunga na matukio mengine ya asili. Jamii imejifunza kukabiliana na matukio hatarishi kwa kuhuzuni kwa pindi yanapotekea na kusahau ili kuruhusu maisha yaendelee. Hatuwezi kukabiliana na ugaidi kwa kunyosheana vidole kutokana viashiria vya gaidi kati yetu sisi kwa sisi na badala yake ni kuruhusu maisha yaendelee kana kwamba hakuna tishio la ugaidi.

12. Ubaya huwa haudumu japo changamoto huwa ni pale ubaya unajificha ndani ya kivuli cha Imani ya dini. Changamoto ya ugaidi huwa ni pale magaidi wanajificha kwenye kivuli cha dini ya Kiislamu. Ugaidi ni moja ya udhahifu wa mwanadamu ambao unapelekea kutendeka mambo mengi mabaya dhidi ya mwanadamu. Hata hivyo kadri siku zinavyosogea ndivyo viongozi wa dini ya Kiislamu wanaelimisha makundi ya watu ili kuondoa dhana ya kuhusisha misimamo ya kigaidi na dini. Hali hii ni kutokana na ukweli kwamba hakuna dini inayohubiri utengano, dhuruma, uonevu au mauaji dhidi ya raia wasiyo na hatia.

HOFU YA MAJANGA YA ASILI (THE FEAR OF NATURAL DISASTER)

13. Katika historia ya maisha ya mwanadamu tumeshuhudia majanga ya asili ya kama vile tetemeko la ardhi, vimbunga, mioto, ukame au mafuriko katika kona mbalimbali za Ulimwengu. Majanga haya yamekuwa yakiambatana na vifo vya watu wengi kiasi cha kuacha kundi kubwa la watu kwenye huzuni na majonzi. Mara nyingi Wahubiri wa neno la Mungu wamekuwa wakihusisha majanga ya asili kuwa ni adhabu ya Mungu kutokana na kukithiri kwa maovu. Ukweli ni kwamba Mungu hatumii majanga ya asili kama adhabu ya kuongezeka kwa dhambi kwa kuwa majanga haya huwa yanaambatana yanadhuru watu masikini ikilinganishwa na wenye uwezo. 

Hii ni sehemu tu ya uchambuzi wa kitabu hiki. Uchambuzi wote una kurasa 15 na unapatikana kwa kuchangia Tshs. 3,999.00 kupitia namba ya Voda 0763745451 (Majina Augustine Mathias Mugenyi). Ukishalipia nitumie ujumbe wa sms ili nikutumie nakala tete ya uchambuzi wa kitabu hiki kwa mfumo wa Pdf. Unaweza kutumiwa kwa njia ya barua pepe (email) au WhatsApp.

BORN TO WIN ~ DREAM BIG

 

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com 

FAHAMU SIFA MUHIMU ZA KUWA MUUZAJI BORA.

NENO LA LEO (SEPTEMBA 13, 2020): FAHAMU SIFA MUHIMU ZA KUWA MUUZAJI BORA.

Habari ya asubuhi rafiki yangu mpendwa na mwanafamilia ya FIKRA ZA KITAJIRI. Ni wakati huu ambao tumepewa tena kibali cha kuendeleza bidii kwa ajili ya kubadilisha maisha yetu ili yawe na thamani kwa nafsi na roho zetu, jamii inayotuzunguka na mazingira tunayoishi kwa ujumla. Basi kila mmoja wetu aianze siku kwa kusema hii ndiyo siku aliyoifanya Bwana, nitafurahi, nitamshukuru na kuitumia vyema siku hii kwa ajili ya kuongeza thamani ya maisha yangu hapa Duniani.

JIUNGE NA KUNDI LA WHATSAPP LA FIKRA ZA KITAJIRI KWA  KUBONYEZA HAPA NA KUJIUNGA BURE. Jiunge sasa nafasi ni chache.

✍🏾 Karibu katika neno la tafakari ya leo ambapo tutajifunza mbinu muhimu za kufanikisha mauzo ya biashara yako. Katika neno la tafakari ya jana tulijifunza vitu muhimu vya kuzingatia wakati wa kuanzisha biashara. Wote kwa pamoja tunakubaliana kuwa ukuaji wa biashara yoyote unategemea uwezo wa mmiliki kufanikisha uuzaji wa bidhaa au huduma kwa wateja. Kwa ujumla ili ufanikiwe kuwa muuzaji mzuri ni lazima utambue kuwa wateja wanahitaji: “kukupenda, kukuamini, kuwa na tumaini na wewe na hatimaye wawe na uhakika na wewe” ili waendelee kununua biadhaa/huduma zako. Karibu tujifunze sifa muhimu:-

✍🏾 Sifa #1: Tambua kuwa wateja hawataki kuuzwa kwa maana ya kutapeliwa bali wanahitaji kununua. Hapa ndipo kila muuzaji ni lazima kwanza apate jibu la kwa nini watu wananunua kwake? Hili ni swali muhimu la kuzingatia kabla ya kuanza kuweka malengo ya mauzo japo wauzaji wengi huwa wanakosea na kujiuliza ni kwa jinsi gani nitauza? Hauwezi kufanikiwa katika jibu la swali la pili kwa maana ni kwa jinsi gani nitauza kama haujapata jibu la kwa nini watu wananunua. 

✍🏾 Sifa #2: Jivike sifa za muuzaji bora. Kinachowatoutisha watu au taasisi katika viwango vya mauzo ni namna ambavyo wanatumia mbinu za mauzo. Mbinu za mauzo ni nyingi lakini ni vyema kila muuzaji akafahamu kuwa ili uwe muuzaji bora ni lazima uzingatie mbinu hizi hapa (a) Kwanza kabisa ujiamini kuwa unaweza (b) Andaa mazingira ya kukuwezesha kuwa muuzaji bora ikiwa ni pamoja na kuchagua kundi la marafiki wanaokufaha (c) Pata muda kujifunza (d) Kuwa na majibu ambayo unahisi wateja watakuuliza maswali (e) Toa thamani kwa wateja (f) Kuwa mtu wa vitendo na mara zote husiogope kushindwa (g) Chunga sana matumizi yako ikilinganishwa na uwekezaji au akiba yako (h) Jenga tabia njema na muda wote kuwa macho kwa ajili kuliteka soko; na (i) Wapuuze watu wanaokubeza.

✍🏾 Sifa #3: Andaa malengo ya mauzo na hakikisha kila siku unayapitia. Ili kujipima kama unasonga mbele kimauzo ni lazima uwe na malengo na kila siku unatenga muda kwa ajili ya kufanya tathimini namna ambavyo umefanikisha malengo ya siku husika. Hapa unatakiwa kuongozwa na nidhamu ya hali ya juu yenye chimbuko la hamasa kutoka ndani mwako pasipo kusubiria kusukumwa na mwajiri wako au mtu yeyote. 

✍🏾 Sifa #4: Hakikisha upo tayari kuwajibika. Hautakiwi kulaumu mfumo au Serikali, mazingira au wafanyabiashara wengine wanaokuzunguka kutokana na kiwango duni cha mauzo.  Watu wengi wanafikia hatua ya kulaumu waajiri wao, Serikali, watu wao wa karibu au hata pengine wateja kabla ya kujiuliza wao wanahusika vipi kwenye kiwango duni cha mauzo. 

✍🏾 Sifa #5: Fahamu kuwa mauzo ni matokeo ya mambo mengi yanayokuhusu wewe. Kiwango cha mauzo kinategemea na (a) Imani yako – Je unajiamini kuwa unaweza kuuza kwa kiwango kile unachokusudia? (b) Mazoea ya kazi yako – Je unaenda kazini ukiwa umechelewa na jioni unafunga mapema lakini bado unategemea kuwa na kiwango kikubwa cha mauzo? (c) Hisia mbaya juu yako – Je unahisia mbaya juu ya bidhaa/huduma au una wasiwasi wa bei zako? (d) Tabia mbaya kama ulevi/uvutaji wa sigara ukiwa kazini (e) Hautimizi ahadi kwa wateja au pengine unatimiza kinyume na makubaliano. Hizi baadhi ya sehemu muhimu ambazo unatakiwa kujitathimini kwa ajili ya kuboresha kiwango cha mauzo yako.

✍🏾 Sifa #6: Kuwa na falsafa zako kuhusu mauzo. Falsafa zinazaa mtazamo, mtazamo unaleta vitendo na vitendo vinaleta matokeo na hatimaye matokeo yanaleta mtindo wa maisha yako. Kama haupendi mtindo wa maisha yako ni lazima kwanza uangalie falsafa zinazokuongoza na hatimaye uzibadilishe falsafa hizo kwa ajili ya kufikia mtindo mpya wa maisha. Watu wa mauzo mara nyingi wanafanya kosa kubwa la kutazama sehemu ya vitendo kabla ya kuangalia kwanza falsafa zinazowaongoza. Kwa kifupi falsafa ni vile vitu ambavyo una imani juu yake na katika maisha yako na umevifanya kuwa mwongozo wako kwenye kila sekta ya maisha yako. 

✍🏾 Sifa #7: Kuwa na mtazamo wa NDIYO. Mtazamo wa ndiyo ni nyenzo muhimu ya kukabiliana na kila aina ya mazingira au tukio kwa muuzaji yeyeto yule. Unapokua na mtazamo wa ndiyo moja kwa moja unakuwa tayari kufanya kazi kwenye mazingira ambayo wengine wanaona hayawezekani. Mtazamo huu unakufanya ujione kuwa kila kitu au tukio linaanza na NDIYO hata kama ni HAPANA hivyo kukujengea msingi imara wa kuona kuwa kila jambo linawezekana. 

✍🏾 Sifa #8: Kuwa na utambulisho wako (self branding). Utambulisho ni nyenzo ambayo itakutambulisha kwa wateja wako pamoja na kukutofautisha na wapinzani wako katika soko. Kadri watu wanavyokufahamu zaidi ndivyo watavutiwa kufanya biashara na wewe. Kabla ya kutangaza bidhaa/huduma zako unahitaji kujitangaza mwenyewe. Katika kujitambulisha unahitaji kujipambanua kama mtu mwenye dhamira ya kupigania kutatua matatizo ya jamii inayokuzunguka. Katika tasnia ya mauzo ni lazima utambue kuwa “si yule unayemfahamu bali ni yupi anakufahamu” hivyo unahitaji kujitangaza kwa hali na mali.

✍🏾 Sifa #9: Tambua kuwa bei siyo kigezo cha kuongeza mauzo. Thamani ya bidhaa zako pamoja na mahusiano yako na wateja ni sifa mbili muhimu za kuongeza kiwango cha mauzo ikilinganishwa na bei ya bidhaa/huduma zako. Ukweli ni kwamba thamani kwa mteja ni vile vitu vinavyofanyika kwa mteja au mteja tarajiwa kwa ajili ya faida yake pasipokutegemea utafaidika na nini. Kwa maana hii ni lazima kwanza utangulize thamani kwa mteja na hatimaye faida itakufuata yenyewe. Mfano, unaweza elimu juu ya bidhaa au huduma yako kupitia makala, mitandao ya kijamii au semina za bure huku ukiacha namba zako za mawasiliano kwa ajili ya wateja tarajiwa

✍🏾 Mwisho, kupitia neno la tafakari ya leo tumejifunza sifa muhimu ambazo zitakuwezesha kuwa muuzaji bora. Ukuaji wa biashara ni mauzo hivyo hakuna namna nyingine zaidi ya kuweka mpango maalumu wa kujifunza mbinu za uuzaji. Fanyia kazi mafundisho haya na hakika utaboresha mauzo ya biashara yako. Kumbuka, mbegu ikidodoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS: Unaweza kujipatia nakala ya uchambuzi wa Vitabu ambavyo vitakufanya upige hatua kwenye kila sekta ya maisha yako kwa gharama ndogo kabisa. Lipia sasa vitabu viwili ili upate na kimoja cha OFA. Kuchagua nakala za uchambuzi wa vitabu unavyotaka bofya kiunganisha hapo chini na kuchagua kitabu.

👇🏾👇🏾👇🏾👇🏾👇🏾 

BOFYA HAPA KUPATA ORODHA YA UCHAMBUZI WA VITABU

👐🏾 Nakutakia kila la kheri kwenye siku hii ya leo. Kumbuka husikose kutoa mrejesho wa kile ambacho unajifunza kutokana na uwepo wako kwenye kundi hili.

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

Tovuti: fikrazakitajiri.blogspot.com