MAJUTO KWA WANAOKARIBIA KUKATA ROHO – SEHEMU YA MWISHO.

      NENO LA LEO (MACHI 31, 2021): [BURIANI JPM] MAJUTO KWA WANAOKARIBIA KUKATA ROHO – SEHEMU YA MWISHO.

Habari ya asubuhi rafiki yangu na mwanafamilia ya FIKRA ZA KITAJIRI. Ni matumaini yangu kuwa umeamka salama na upo tayari kuendelea na majukumu yako katika siku ya leo. Leo ni siku 14 kati ya siku 21 za maombolezo ya kifo cha mpendwa wetu, shujaa wa Afrika, Hayati Dkt. John Pombe Joseph Magufuli. 

Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA.

Katika neno la tafakari ya leo nitakushirikisha sehemu ya mwisho ya majuto kwa watu wanaokaribia kukata roho. Masomo haya kama nilivyodokeza katika sehemu zilizotangulia ni maalum kwa ajili ya kukuimarisha katika kukabiliana na kifo sambamba na kuishi maisha ambayo yatakuwezesha kufa kifo bora. Kifo ni kifo, lakini kila mmoja anatamani baada ya kifo apate kuacha alama kutokana na matendo yake katika kipindi cha muda mfupi wa uhai wake. Karibu tuendelee kujifunza:-

SOMA: MAJUTO KWA WANAOKARIBIA KUKATA ROHO – SEHEMU YA PILI. 

"NINATAMANI NISINGECHUKULIA POA UHAI WANGU.” Ni kawaida katika maisha yetu ya kila siku kutokuona thamani ya uhai wetu katika maisha ya kila siku. Kila siku tunaishi kana kwamba tuna tiketi mkononi kwa ajili ya maisha ya kesho. Pia, wengi wetu tunachukulia poa kila kinachotuzunguka katika mazingira tunayoishi pasipo kuona umuhimu au thamani ya vyote vinavyounda mazingira yetu. Mfano, nyuki wanachavusha mimea kwa ajili ya uendelevu wa vyakula tunavyokula – ni wangapi wanaoona thamani ya wadudu wa aina hiyo? Mimea inatupatia chakula, dawa, kivuli, hewa safi ya Oksijeni kwa ajili mwili kupata nguvu, inalinda vyanzo vya maji na kuvuta mvua kwa ajili ya kuendelea kupata mazao na miili yetu kupata maji ya kunywa – lakini ni wangapi wanaoona thamani ya mimea hiyo katika maisha yao ya kila siku? Kumbe, pamoja na kwamba kila siku tunabanwa na majukumu tuna kila sababu ya kusema asante kwa mengi ambayo yamewezesha tuendelee kuishi katika uso wa dunia hii. Hata kama huna mengi maishani, unaweza angalau kusema shukrani yako kwa kuwa na misingi ambayo ulimwengu hukupa.

SOMA: MAJUTO KWA WANAOKARIBIA KUKATA ROHO – SEHEMU YA TATU.

"NINATAMANI NINGEPATA MUDA KIDOGO WA KUREKEBISHA MAKOSA NILIYOFANYA." Katika nyakati za kukaribia kukata roho watu wengi wanatamani kama ingewezekana kifo kihairishwe na wapewe angalau muda kidogo kwa ajili ya kurekebisha sehemu ambazo wamekosea. Nyakati ya kusubiria kukata roho, mhusika anapata nafasi ya kuangazia maisha yake katika kipindi cha uhai wake. Hapa ndipo anagundua yapo mengi ambayo alikimbizana nayo hila angepata muda wa kuishi tena hasingeweza kukimbizana nayo. Pia, katika tathimini ya maisha yake anaona kuna mengi ambayo anaacha kabla ya kukamilika japo ikiwa angepata muda wa kuishi zaidi angetamani kukamilisha vipaumbele hivyo. Katika muda kama huo mhusika anaangazia watu ambao angetamani kuwa nao karibu zaidi na wale ambao angetamani kuwa mbali nao kwa ajili ya ukamilifu wa maisha ambayo kwa wakati anaona yangekuwa maisha yenye tija.

"NINATAMANI NINGEISHI KULINGANA NA WAKATI ULIOPO." Mara nyingi watu tunashindwa kuishi kulingana na wakati uliopo hali inayopelekea kutoyafurahia maisha. Yapo matukio yaliyowahi kutokea katika maisha yetu na yanaendelea kutuumiza katika maisha ya sasa. Pia, yapo matukio au nyakati ambazo zilikuwa za neema katika historia ya maisha yetu na tunatamani matukio hayo yawe sehemu ya maisha ya sasa lakini haiwezekani tena. Mbaya zaidi ni pale ambapo tunashindwa kufurahia maisha ya sasa kwa kutegemea kuwa huko mbeleni kuna maisha mazuri zaidi ya haya. Mfano, tunafikiria kuwa tutaishi maisha yenye furaha ikiwa tutafanikiwa kupata vitu flani katika maisha yetu. Hali hii kwa ujumla wake inapelekea tunashindwa kufurahia maisha wa wakati uliopo na mwisho wake hakuna siku ambayo tunayafurahia maisha. Wengi wameishi maisha hayo lakini katika kufikia ukomo wa maisha yao wakagundua kuwa walikuwa wanapoteza muda kwa maana yale waliyokimbizana nayo kipindi chote cha maisha yao hayakuweza kukidhi hitaji halisi la maisha waliyokusudia.

“NINATAMANI NINGEWEZA KUTAMBUA NA KUONESHA UBUNIFU WANGU.” Ubunifu ni zawadi ambayo kila mmoja amerithishwa toka alipoumbwa. Hata hivyo, ni wachache sana ambao wanafanikiwa kutumia hazina hii iliyopo ndani mwao kwa maana wengi wanaishi kwa mazoea katika jamii waliyopo. Unapofanikiwa kuwa mbunifu wa vitu mbalimbali hakika roho yako inafurahi kila mara unapoangalia kazi ambazo ni matunda ya ubunifu wako. Ikiwa umefanikiwa kutumia hazina ya ubunifu uliyopewa toka enzi za kuumbwa kwako, baada ya maisha haya utaacha ukumbusho halisi wa maisha yako kutokana shughuli au matendo uliyofanya. Yote hayo yatathiminiwa na familia yako, wafuasi wako au jamii kwa ujumla.

“NATAMANI NINGEPONYA UHUSIANO ULIOVUNJIKA.” Kuwa sehemu ya upatinisho na kuishi maisha ya msamaha ni jambo la heri na hekima katika jamii. Walakini, wengi wanaishi maisha ya kuchonganisha na kubeba vinyongo katika roho zao. Hakuna haja ya kuendelea kushikilia ugomvi au makosa uliyotendewa katika maisha ya sasa maana kuendelea kufanya hivyo unajiumiza mwenyewe. Ikiwa umemkosea mtu kuwa mwepesi wa kusema “naomba unisamehe” na ikiwa kuna mtu amekukosea kuwa tayari kusamehe hata husipoombwa samahani.  Kuwa sehemu ya mazungumzo yanayotafuta suruhisho badala ya kungangania kutafuta mkosaji ni nani.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI  

Mwisho, neno la tafakari ya leo ni sehemu ya mwisho wa mafundisho kuhusiana na majuto kutoka watu wanaokaribia kukata roho. Ni matumaini yangu kuwa sehemu hizi zote zimekufundisha maarifa muhimu katika maisha yako ya kila siku. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

 

PS:  Ongeza maarifa yako kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

MAJUTO KWA WANAOKARIBIA KUKATA ROHO – SEHEMU YA TATU.

NENO LA LEO (MACHI 30, 2021): [BURIANI JPM] MAJUTO KWA WANAOKARIBIA KUKATA ROHO – SEHEMU YA TATU.

Habari ya asubuhi rafiki yangu na mwanafamilia ya FIKRA ZA KITAJIRI. Ni siku 13 kati ya siku 21 za maombolezo ya kifo cha mpendwa wetu, shujaa wa Afrika, Hayati Dkt. John Pombe Joseph Magufuli. Naendelea kutumia siku hizi kukuletea tafakari zinazohusiana na kifo kwa maana sisi wote tutapitia njia hiyo. Ikiwa wote tutapitia njia hiyo, hatuna budi ya kuwa na uelewa mpana kuhusiana na kifo. 

SOMA: MAJUTO KWA WANAOKARIBIA KUKATA ROHO – SEHEMU YA PILI.

Katika maisha yetu ya kila siku kifo hakikwepeki, kwa maana, kuna kufiwa na wapendwa wet una siku ikifika kufa wenyewe. Ni kutokana na ukweli huo, kila mmoja wetu anatakiwa kutafuta maarifa ya kutosha kuhusiana na kifo ili kupitia maarifa hayo apate kufanya maamuzi sahihi katika maisha ya kila siku. Karibu tuendelee na mafundisho kuhusu majuto kwa wanaokaribia kukata roho katika sehemu ya tatu.

Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA.

"NINATAMANI NINGEJALI KIDOGO HISIA NA FIKRA ZA WENGINE.” Katika maisha yetu ya kila siku mara nyingi tunapuuza hisia, fikra na mtazamo wa watu wanaotuzunguka. Wapo watu wengi ambao wameishi maisha ya kujikita kwenye mambo wenyewe pasipo kufikiria mahitaji ya jamii inayowazunguka. Wapo watu wanaishi pasipo kujali hata kidogo shida wa watu wanaowazunguka kwa kudhania kuwa haya matatizo hayawahusu. Wapo watu wanaishi ndani ya familia moja lakini hakuna anayejali hisia za mwenza wake. Ishi maisha ambayo unatanguliza hisia zako ili mradi hauvunji sheria lakini toa nafasi ya kuguswa na matatizo au changamoto za watu wanaokuzunguka. Mwanadamu ni kiumbe ambacho kinaishi kwenye makundi ya kijamii, hakikisha unakuwa sehemu ya jamii kihisia, kifikra na kivitendo. Mara zote ishi kwa uhalisia, ishi maisha yasiyo na makuu na maisha yenye furaha huku kuamini na kupenda kile unachofanya na kutambua kuwa mtu pekee wa kukupa raha ya maisha unayoitaka yupo ndani mwako.

"NINATAMANI NISINGEISHI MAISHA YENYE HOFU MUDA WOTE." Katika maisha ya kila siku tunatumia muda mwingi kuwa na wasiwasi. Haijalishi una jukumu gani katika maisha yako, iwe ni kuhusu wewe kama mzazi, mwanafunzi, mtoto, Mkurugenzi, Mfanyabiashara, Mkulima, Mtumishi wa Mungu, au kundi lolote lile, kila siku maisha yanakupa kitu cha kuhangaikia. Lakini, kwa nini unaruhusu wasiwasi huu utawale maisha yako? Kwa nini unaruhusu uzito wa mzigo uliopo kwenye majukumu yako utawale maisha yako? Au, utatoa wasiwasi huu na utambue kuwa ulimwengu huu una wasiwasi sana? Ni lini utapunguza wasiwasi ulionao katika majukumu yako ya kila siku na kutambua kuwa mwanadamu mengi anayohofia si yote yanatokea katika maisha yake? Pamoja na kuendekeza hofu na wasiwasi katika maisha yako ya kila siku tumia muda wako kutafakari kuwa yote unayoangaikia siku ya mwisho wa maisha yako hayatakuwa na maana kwako. Siyo pesa, siyo deni la bili unazodaiwa, siyo matatizo ya wazazi au wanao, siyo majukumu ya kazi yako wala chochote ambacho kitakuwa na umuhimu katika muda kama huo. Kumbe kwa kuwa maisha yetu hapa Duniani ni mafupi mno ni ubatili mtupu kuishi maisha yanayotawaliwa na hofu, huzuni na wasiwasi wa kila aina kutokana na majukumu yetu ya kila siku.

"NINATAMANI NINGELITUNZA/KUJALI AFYA YANGU." Mwili wenye afya bora ndiyo kila kitu kwa mwanadamu. Ikiwa afya yako imeteteleka, huna chochote unachoweza kufanya kwa kufanisi kwa unajikuta katika maisha yasiyo kuwa na tumaini la baadae, hivyo, huna budi kuilinda afya yako. Tumia muda wako kukwepa maradhi au magonjwa ambayo yapo ndani ya uwezo wako wa kuyazuia. Mara zote katika maisha ya kila siku unatakiwa kutambua kuwa una mwili mmoja, akili, na roho moja na hivyo utimamu na ufanisi wake unategemea mwili wenye afya bora.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, neno la tafakari ya leo ni mwendelezo wa mafundisho kuhusiana na majuto kutoka watu wanaokaribia kukata roho. Yamkini majuto hayo ni sehemu ya maisha yetu ya kila siku. Kumbe, tunaweza kutumia majuto haya kuboresha maisha kila sekta ya maisha yetu. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS:  Ongeza maarifa yako kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

MAJUTO KWA WANAOKARIBIA KUKATA ROHO – SEHEMU YA PILI.

NENO LA LEO (MACHI 29, 2021): [BURIANI JPM] MAJUTO KWA WANAOKARIBIA KUKATA ROHO – SEHEMU YA PILI.

Habari ya asubuhi rafiki yangu na mwanafamilia ya FIKRA ZA KITAJIRI. Ni siku 12 kati ya 21 za maombolezo ya kifo cha mpendwa wetu shujaa wa Afrika, Hayati Dkt. John Pombe Joseph Magufuli. Katika kipindi hiki cha maombolezo naendelea kukushirikisha mafundisho mbalimbali kuhusiana na kifo. Kupitia mafundisho haya tunajifunza jinsi gani tunatakiwa kukabiliana na kifo pale tunapofiwa na wapendwa wetu sambamba na namna ya kujiandalia kifo chema. Karibu katika sehemu ya pili ya mafundisho kuhusiana na majuto kwa watu wanaokaribia kukata roho.

 Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA.

“NINATAMANI MAISHA YANGU YASINGETAWALIWA NA HISIA ZA MATUKIO YANGU YALIYOPITA.” Haya ni majuto namba tatu kulingana na orodha ya Bronnie Ware. Wagonjwa wengi walijutia muda wa Maisha yao kutawaliwa na hisia za matukio yaliyopita. Katika kundi hili wengi walitamani wangetumia muda mwingi kuishi maisha yao kulingana na nyakati zilizopo ili kuruhusu amani na furaha itawale maisha yao. Yawezekana ni miongoni mwa watu ambao wanaishi kwa kuandamwa na hisia za matukio yaliyopita katika historia ya maisha yako. Unatakiwa kuwa mkweli kuhusu hilo na ikiwezekana ongea kwa sauti katika sehemu ambayo upo peke yako kwa kuorodha matukio ambayo yamendelea kukuandama katika maisha yako ya kila siku. Tafakari kwa nini matukio hayo yameendelea kuwa sehemu ya maisha yako (sababu zinazopelekea matukio hayo yatawale hisia zako). Weka mkakati wa kuachana na matukio kama hayo hata kama itahusisha kupoteza marafiki.

"NINATAMANI NINGEISHI MAISHA YA KUWA KARIBU NA WAPENDWA WANGU MUDA WOTE." Watu katika kundi hili walijutia kutokuwa na muda wa kutosha kwa ajili ya familia, ndugu na marafiki. Waliona maisha waliyochagua yalipelekea kupoteza mawasiliano ya marafiki muhimu kwao. Katika muda ambao wanapambana kwenye dakika za mwisho za uhai wao, wanatamani wangeweka bidii zaidi katika mawasiliano na wapendwa wao. Tunaweza kuwachukulia marafiki zetu kwa urahisi katika maisha ya sasa, lakini kumbuka, hatuwezi kuwa karibu nao kila wakati. Pia, hatuna uhakika kama wataendelea kuishi mpaka mwisho wa uhai wetu maana hakuna anayejua mwisho wake ni lini. Katika muda ambao upo mbali na wapendwa wako jaribu kutumia kila mbinu za mawasiliano kwa ajili ya kuonesha hisia zako kwao. Marafiki wana mchango mkubwa katika maisha maana kupitia wao tunashikamana na kufanikiwa kuzishinda changamoto za maisha. Maisha yanaweza maisha yanaweza kukutenga na marafiki zako kwa njia tofauti, lakini hakikisha unakuwa karibu nao.

"NINATAMANI NINGEISHI MAISHA YA FURAHA." Ni kawaida watu wengi kufikiria kuwa nguvu za nje zinadhibiti hisia zao, lakini ukweli ni kwamba ufunguo wa udhibiti wa kila aina ya hisia upo ndani mwetu. Hatuwezi kuchagua kila tukio linalotokea kwenye maisha yetu ya kila siku lakini tunao uwezo wa kuamua jinsi gani ya kuitikia au kulichukulia tukio husika. Maisha yanaenda haraka sana, kwa nini utumie muda mwingi kubeba kinyongo na malalamiko ya kila mara dhidi ya matukio madogo madogo? Kuwa na furaha hakugharimu chochote, hukufanya uwe na afya njema, hufanya maisha kuwa ya kuridhisha zaidi, huvutia uhusiano mzuri zaidi, na kadhalika. Kwa hivyo, kutokuwa na furaha, basi, hugharimu ZAIDI mwishowe, na inaweza hata kusababisha magonjwa makubwa. Afya yetu ya kiakili, kihisia, na ya mwili hutegemea jinsi tunavyohitikia matukio ya kila siku kwenye maisha yetu. Kumbe, ikiwa unataka kuanza kuishi maisha bora na yenye furaha sasa huna budi kubdilisha mtazamo na mwitikio wa matukio unayokutana nayo kila mara.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, neno la tafakari ya leo ni mwendelezo wa mafundisho kuhusiana na majuto kutoka watu wanaokaribia kukata roho. Majuto hayo yanagusa maisha yetu moja kwa moja hivyo tunapata nafasi ya kuboresha maisha yetu ili kuepuka majuto ya aina hii katika kipindi cha mwisho wa uhai wetu. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

 

PS:  Ongeza maarifa yako kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

[BURIANI JPM] ONDOKA JPM, HAKIKA KIMWILI HAUPO NASI HILA TUTAENDELEA KUWA WOTE KIROHO.

       

NENO LA LEO (MACHI 27, 2021): [BURIANI JPM] ONDOKA JPM, HAKIKA KIMWILI HAUPO NASI HILA TUTAENDELEA KUWA WOTE KIROHO.

Habari ya asubuhi rafiki yangu na mwanafamilia ya FIKRA ZA KITAJIRI. Ni siku nyingine ikiwa ni mwendelezo wa siku za maombolezo. Jana tumeshuhudia jinsi ambavyo kama taifa tumeagana kimwili na mpendwa wetu shujaa wa Afrika, Hayati Dkt. John Pombe Joseph Magufuli. Ni tukio la huzuni kwa taifa hila limemalizika kwa heshima ya kipekee. Tunaweza kulia na kuomboleza kwa kila namna lakini ukweli utabakia kuwa Maisha ya Magufuli yalikuwa ni zawadi kwa Watanzania. Katika siku za uhai wake kila siku alipigana vita japo hatukuwahi kutangaziwa kuwa nchi ipo vitani.

 Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA. 

Tunapoagana na shujaa huyu wa Afrika kimwili tuna kila sababu ya kutambua kuwa “Mashujaa huwa hawafi bali wanalala katika usingizi mzito”. Mwili wao unaweza kuondoka lakini: KAULI zao zitaishi milele; MIFANO yao itaishi milele; HAMASA yao itaishi milele; ROHO itaishi ndani ya vizazi na vizazi; MATENDO yao yataishi milele. Tuna kila sababu ya kuomboleza kupotezana kimwili na shujaa huyu wa Afrika lakini katikati ya maomboelezo hayo tunatakiwa kumshukuru Mungu kwa shujaa kama huyu kuishi katika ardhi ya nchi yetu. Tuna kila sababu ya kuthamini kuwa tumepata fursa ya kujifunza mengi tena kwa mifano hai kutoka kwenye maono na matendo ya shujaa huyu mwenye ngozi nyeusi.

Kimwili umeondoka JPM lakini kiroho nakuona ukiwaambia Watanzania na Afrika kwa ujumla kuwa: “nimewachia kila kitu ambacho kitawawezesha kuishi Maisha ya yenye maendeleo halisi kulingana na rasilimali za nchi. Tanzania na Afrika kwa ujumla ni masikini kwa jina lakini kwa rasilimali, Afrika ni Tajiri kuliko mabara yote. Nimewaachia mifano halisi jinsi gani utajiri wa rasilimali unaweza kubadilishwa kuwa utajiri wa maendeleo ya nchi na watu wake”.

Kimwili umeondoka lakini naiona Roho yako ikisema “nitaendelea kufarijika ikiwa kila mmoja wenu ataendeleza vita dhidi ya UVIVU – natamani muendelee kuchapa kazi; NIDHAMU – kila mmoja aendeleze nidhamu ambayo nimewajengea kuanzia na nidhamu sehemu ya kazini; UADILIFU – kupitia uadilifu yote niliyoyaanzisha naamini yataendelezwa siku zote; KUJITEGEMEA – tupigane vita vyetu bila kutegemea kuwa kuna msaada kutoka nje maana kila msaada unaambatana na masharti yake; KUINUANA NINYI KWA NINYI – jengeni uchumi imara unaotegemea uchumi wa viwanda ambavyo vimejengwa na wawekezaji wa ndani na nje katika ardhi ya nchi yetu; IMANI – hakuna lisilowezekana ikiwa unaishi kwa Imani;  RUSHWA – popote nilipo nitaendelea kufutwa machozi ya kuachana nanyi ikiwa kila mmoja ataendeleza mapambano dhidi ya rushwa maana nimewaonesheni mfano na hakikisha mnaendeleza vita hiyo”.

Kimwili umeondoka lakini ukweli unabakia kuwa umeondoka kwa faida maana Maandiko Matakatifu yanasema “Mpanzi alikwenda kupanda mbegu zake. Alipokuwa akipanda hizo mbegu, nyingine zilianguka njiani na wapita njia wakazikanyaga na ndege wakazila. Nyingine zilianguka penye mawe na baada ya kuota zikanyauka kwa kukosa maji, nyingine ziliangauka kati ya miti na miiba, ile miti na miiba ilipoota ikazisonga. Nyingine zilianguka katika udongo mzuri zikaota na kuzaa matunda kwa asilimia mia…mwenye masikio na asikie” (Luka 8: 5 – 8). Kimwili imekubidi ufe ili uote na kuzaa matunda na matunda hayo yataendelea kuzaa matunda kizazi na kizazi.

Hakika Shujaa wa Afrika, mbegu yako imeota na kuzaa matunda kwa asilimia mia ndani ya ardhi ya Tanzania. Sasa ni jukumu letu kuhakikisha mbegu zilizozalishwa zinaendelea kuzaa matunda daima. Ni jukumu letu kama Watanzania kuishi kwa vitendo, kupitia mifano yako. Ni jukumu letu kuhakikisha maadui wakubwa wa rasilimali za taifa letu hafumbiwi macho na badala yake keki ya taifa itumike kwa manufaa ya Watanzania.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, hakika mashujaa huwa hawafii bali wanalala kimwili katika usingizi mzito, JPM umelala katika usinginzi mzito wa kimwili lakini Roho yako inaendelea kuishi katika mioyo ya Watanzania ambao uliyatoa sadaka Maisha yako kwa faida yao na vizazi vijavyo. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS:  Ongeza maarifa yako kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

 👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

MWENDELEZO WA MASWALI KUHUSU KIFO KULINGANA NA IMANI YA “KARMA”: SEHEMU YA MWISHO.

NENO LA LEO (MACHI 26, 2021): MWENDELEZO WA MASWALI KUHUSU KIFO KULINGANA NA IMANI YA “KARMA”: SEHEMU YA MWISHO.

Habari ya asubuhi rafiki yangu na mwanafamilia ya FIKRA ZA KITAJIRI. Ni wakati mwingine tena tunapata nafasi ya kutafakari juu ya hatma ya maisha yetu. Leo ni siku ya kipekee ambapo kama taifa tunaenda kumlaza mpendwa wetu, Rais na Jemederi Hayati Dkt. John Joseph Pombe Magufuli katika nyumba yake ya kudumu. Ni ngumu kumeza au kuamini kuwa ndiyo siku ya mwisho ya kuipoteza sura yake lakini hatuna namna zaidi ya kukubaliana na ukweli huo. Neno la tafakari ya leo ni mwendelezo wa kujifunza kuhusu maisha ya mwanadamu na kifo kupitia mafundisho ya “Karma”. Karibu tujifunze kwa pamoja.

Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA. 

Swali #5: Je kuna kuzaliwa upya baada ya kifo. Kulingana na Imani ya Wakristu au Waislamu hakuna kuzaliwa upya kwa mwili baada ya kifo japo Wakristu wanaamini katika ufufuko siku ya mwisho. Hila kulingana na Imani ya Hindu (Hinduism) wanaamini katika kuzaliwa upya kwa mwili na hiyo ni matokeo ya neema ya Mungu ambaye unamwamini. Muhimu ni kushikilia kile ambacho Imani yako inakufundisha japo unaruhusiwa kutumia mafundisho ya dini nyingine kama sehemu ya kukua kiimani. Jambo moja ambalo kila dini inafundisha ni kutenda wema, kuacha dhuruma, kuishi kwa tumaini la maisha ya baadae, na kuishi maisha yanayogusa wengine.

SOMA: MASWALI KUHUSU KIFO KULINGANA NA MAFUNDISHO YA “KARMA”: SEHEMU YA KWANZA

Swali #6: Baada ya kifo roho huwa inaenda wapi? Roho huwa haizaliwi na huwa haifi kwa kuwa ina umilele. Kinachozaliwa na kufa ni mwili. Kulingana na mafundisho ya Imani ya Hindu, baada ya kifo roho huwa inaachana na mwili na wakati huo huo kuingia kwenye tumbo jingine kwa kutafuta yai na manii kwa ajili ya kurutubishwa kwa mwili mpya. Hivyo, kuondoka kwa mwili mmoja ni maandalizi ya mwili mwingine, hivyo hakuna haja ya kuwa na wasiwasi juu ya kile kinachotokea baada ya kufa. Ni kipindi gani roho itaingia kwenye mwili mwingine inategemea na matendo ya mhusika katika kipindi cha uhai wake. Na kulingana na matendo yako inawezapelekea roho ya mhusika kujidhirihisha katika mwili wa Wanyama au kitu kingine kwa kuwa alishindwa kujifunza katika kipindi roho ikiwa kwenye mwili wa kibinadamu.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, neno la tafakari ya leo ni mwendelezo wa mafundisho kuhusu kifo hasa kulingana na imani ya dini ya Hindu. Katika kipindi hiki cha msiba wa Hayati Dkt. John Pombe Joseph Magufuli nimekuwa nikikuletea mafundisho mbalimbali kuhusu kifo na jinsi kukipokea kifo kwa kuwa wote njia yetu ni moja. Hivyo, tutumie mafundisho haya nyakati za huzuni pale tunapoondokewa na wapendwa wetu sambamba na kujiandalia kifo chema. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS:  Ongeza maarifa yako kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

 👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

MASWALI KUHUSU KIFO KULINGANA NA MAFUNDISHO YA “KARMA”: SEHEMU YA KWANZA

NENO LA LEO (MACHI 25, 2021): MASWALI KUHUSU KIFO KULINGANA NA MAFUNDISHO YA “KARMA”: SEHEMU YA KWANZA

Habari ya asubuhi rafiki yangu na mwanafamilia ya FIKRA ZA KITAJIRI. Ni siku nyingine ambapo tumepewa kibali kwa ajili ya kuendelea kuboresha maisha yetu. Leo ni siku ya nane kama taifa tukiwa kwenye maombolezo ya rafiki na mpendwa wetu, Rais na Jemederi Hayati Dkt. John Joseph Pombe Magufuli. Ikiwa ni sehemu ya maombelezo leo nitakushirikisha baadhi ya maswali ambayo kila mmoja wetu huwa anajiuliza kuhusu kifo. Kifo ni kitendawili ambacho kila mwenye uhai hakuna anayeweza kukitegua maana kila mmoja anaogopa kufa. Karibu tujifunze kwa pamoja kwa ajili ya kuboresha maisha yetu.

Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA. 

Karma ni neno la kiimani linalotumika kwenye mafundisho ya dini ya Hindu na Budha hasa katika katika bara la Asia. Neno hili linatumika kumaanisha kuwa toka siku mwanadamu anapoumbwa akaunti ya matendo yake inafunguliwa na chochote anachofanya kinaingia kwenye akaunti hiyo na na uwezekano matendo hayo kumrudia katika maisha sasa (maisha ya hapa duniani) au maisha ya baadae (maisha baada ya kifo).

Swali #1: Kifo ni nini? Tunaweza kufananisha kifo na kushona nguo au chochote unachoweza kuunda, unapounda kitu katika lugha ya ukuaji wa mwanadamu tunaweza kusema kitu hiko kinakuwa kimezaliwa na siku zake za matumizi zinahesabika toka siku kilipoanza kutumika. Hivyo, kifo hakikwepeki kwa kiumbe chochote ambacho kimezaliwa au chenye uhai. Ikiwa kuna kuzaliwa ni lazima pawepo kufa. Na ikiwa kuna kufa kuna kuzaliwa pia. Hata hivyo, katika kitendo hicho cha kuzaliwa na kufa, kinachokufa ni mwili hila roho kwa kuwa ni ya milele yenyewe haifi.

Swali #2: Kwa nini kifo? Tunaweza kusema mwanadamu ana betri tatu toka anapozaliwa: akili, kuongea na mwili. Betri hizi zinaanza kutumika na kuonesha athari zake toka mwanadamu anapoumbwa katika tumbo la mama na zitaendelea kufanya hivyo katika kipindi chote cha uhai wake. Mwisho wa matumizi ya betri hizo ni kifo. Pale ambapo athari za betri hizo inafikia ukomo ndipo tunasema mwanadamu husika amekufa. Hata hivyo, kadri betri hizi zinavyopungua uwezo wake (discharge) kadri umri wa mwanadamu unavyoongezeka, ndivyo, betri kwa ajili ya maisha ya baadae zinavyoendelea kuchaji (charging).

Swali #3: Kwa nini tunaogopa kifo? Kuna hofu ya muda wote kuhusu kifo katika ulimwengu huu kwa kuwa mara zote Ulimwengu kamwe huwa hauwezi kukosa hofu. Na ikiwa mtu anaishi katika hali ambayo hana hisia ya juu ya hofu ya kitu chochote basi mhusika anaishi kwa kutokujua asili halisi ya ulimwengu. Hali inawatokea watu wengi kwa kuwa ni kawaida watu kusinzia wakati macho yao yapo wazi, yaani mtu anaishi lakini hajui misingi halisi ya vitu vinavyomzunguka. Hivyo, ya kifo ni ya asili kwa kiumbe kilichopo katika ulimwengu huu. Hata hivyo, kulingana na “karma” wanaogopa kifo ni wale ambao hawajaitambua nafsi yao (self-actualization). Tumeona kuwa kamwe roho haifi, tunaogopa kufa kwa kuwa tunajifikiria katika mtazamo wa kimwili badala ya kujifikiria katika mtazamo wa kiroho. Unapohusianisha kifo na mtazamo wa roho, utagundua kuwa unakufa kimwili lakini roho yako inaendelea na maisha ya umilele.

Swali #4: Je watu wanahisi nini katika nyakati za kukata roho? Tumeona kuwa kulingana na mafundisho ya ”karma” toka mwanadamu anapoumbwa akaunti ya matendo yake inafunguliwa na chochote kinachoingizwa kwenye akaunti hiyo kitaendelea mbele. Katika saa ya mwisho kuelekea kwenye kifo, maisha yajayo baada ya kifo yatategemea na hali yake ya mabadiliko ya kiroho katika uchambuzi wa mizania ya maisha yake aliyoishi. Uchambuzi wa matendo yake unajikita hasa kwenye kuanzia kipindi cha kati na kuelekea kipindi cha mwisho cha maisha yake. Kwa mfano, ikiwa itatawaliwa na kuhoji maisha ya watu wa karibu yake ambao anawaacha, mada kubwa katika saa ya mwisho ya maisha yake, atafunga maisha kwa kuwaza watu hao na maisha yake yajayo yatajikita kwenye wanyama. Ndiyo maana inashauriwa ukiwa karibu na mtu anayekaribia kufa unatakiwa kumtamkia au kumwandikia maneno matakatifu kama sehemu ya kusaidia uongofu wa roho. Ushauri huu utamsaidia yule anayekata roho ikiwa anajua mafundisho haya la sivyo atajikuta akili yake inatawaliwa na vitu ambavyo anaviacha nyuma.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, kupitia neno la tafakari ya leo tumeendelea na mafundisho yanayotujenga kuhusiana na maisha yetu katika kukubaliana na kifo sambamba na kujiandaa katika kuelekea kwenye ukomo wa maisha yetu. Ieleweke kuwa mafundisho haya siyo kwa ajili ya kukutia wasiwasi bali ni kwa ajili ya kukupa ufunuo wa maarifa kuhusiana na kifo, maombolezo na maisha mapya baada ya maisha haya. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS:  Ongeza maarifa yako kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

 👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

JE KATIKA KIPINDI CHA HUZUNI NA MAOMBOLEZO TUNATAKIWA KUFANYA NINI?

       NENO LA LEO (MACHI 24, 2021): JE KATIKA KIPINDI CHA HUZUNI NA MAOMBOLEZO TUNATAKIWA KUFANYA NINI?

Habari ya asubuhi rafiki yangu na mwanafamilia ya FIKRA ZA KITAJIRI. Ni siku ya saba kati ya siku 21 ambazo kama taifa tunajumuika kwa pamoja kuomboleza kifo cha mpendwa wetu, Rais na Jemedari Shujaa wa Afrika, Dkt. John Joseph Pombe Magufuli. Tukiwa katika kipindi hiki cha maombolezo naendelea kukuletea mafundisho kuhusu kifo, huzuni na maombolezo ili kwa pamoja tutumie kipindi hiki kwa ajili ya kutafakari kuhusu hatma ya maisha yetu hapa Duniani. Katika neno la tafakari ya jana tuliona kuwa katika uninadamu wetu ni kawaida kuhuzunika kutokana na vifo vya wapendwa wetu.

 Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA.

Je wajibu wetu katika kipindi cha maombolezo? Kuna mambo mengi ambayo tunaweza kufanya ikiwa ni njia ya kusaidia wafiwa kupita salama katika kipindi cha huzuni, maombolezo, na kufiwa. Uwepo wetu karibu na wafiwa kwa njia yoyote ile ni muhimu sana na kunaleta mabadiliko na tumaini kubwa kwa wafiwa. Kama taifa tupo kweye msiba, lakini kadri tunavyoona mataifa mengine yalivyoguswa na msiba huu tunafarijika. Vivyo hivyo, familia ya Hayati Dkt. John Pombe Joseph Magufuli kadri inavyoona watu wengi kila kona wanalia inapata tumaini kuwa mpendwa wao aliyatoa sadaka maisha yake kwa watu wenye shukrani.

Je imani yako inasema nini katika kipindi kama hiki cha maombolezo? Kwa wale Wakatoriki, Imani yetu ina mengi ya kutufundisha hasa kuhusiana na siri ya kifo, nyakati za kuelekea kufa na maombolezo. Kupitia Kanuni ya Imani tunakili kuwa kuna: “Ushirika wa Watakatifu, Maondoleo ya Dhambi, Ufufuko wa Miili na Uzima wa Milele”. Maneno haya katika kanuni ya Imani kwa Wakatoliki yana mengi ya kutufariji katika kipindi kama hiki cha maombolezo. Ni kupitia maneno hayo tunatakiwa kuwaombea dua njema wale waliokufa sambamba na kufahamu kuwa hata sisi ipo siku tutakufa. Pia, tunakumbushwa kuwa kwa pamoja na tunaungana (Watakatifu, Waliokufa na Waliopo Duniani) kupitia ushirika wa Watakatifu na kutukumbusha kuhusu kuwa kuna uzima milele ambao unatungojea.

Kipindi cha maombolezo ni kipindi cha kuonesha upendo wa dhati dhidi aliyekufa na wafiwa. Uwezo wetu wa kuombeana na kupeana salamu za rambirambi zinazoambatana na matoleo ni tendo la kuheshimiana, sio tu kwa kile tunachoweza kufanya kwa wale ambao wametutangulia, bali pia kutambua kuwa tunaungana nao kiroho katika makazi yao mapya kwa kuwa tunaungana katika ushirika mmoja.

Je tunaweza kusema nini juu ya ufufuo wa wafu? Katika mafundisho mengi ya imani tunatafundishwa kuwa nafsi/roho kamwe haifi bali kinachokufa ni mwili. Je ni kweli kuwa mwili huu ambao tunao hapa Duniani utafufuliwa siku ya mwisho? Hilo ndilo fumbo la imani ambalo mimi na wewe tumefumbwa. Kwa imani tunaamini kuna ufufuo na ikiwa ufufuo huo upo maana yake kuna uzima wa milele baada ya kifo. Kwa imani hili ni fumbo ambalo linatupa faraja katika kipindi cha maombolezo kwa kunaamini ipo siku tutakuja kukutana na wapendwa wetu waliotangulia katika Maisha mengine baada ya Maisha haya.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, kupitia neno la tafakari ya leo tumeendelea na mafundisho yanayoendana na kippindi hiki cha maombolezo. Lengo la mafundisho haya ni kukumbusha kutumia kipindi hiki kwa ajili ya kutafakari upya maisha yako. Mimi na wewe hatujia siku wala saa lakini tunachojua ni kwamba ipo siku tuyaacha maisha haya ya hapa Duniani. Katika kila tunachofanya tuendelee kutambua kuwa yale tunayojihusisha nayo yana mchango mkubwa katika kuamua aina ya kifo chetu na maombolezo kwa wanaobakia. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

 

PS:  Ongeza maarifa yako kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

 👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

 Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

NENO LA LEO (MACHI 14, 2021): JE HISTORIA, MILA, IMANI NA TAMADUNI VIMEATHIRI VIPI MAISHA YAKO? 

Ni jumapili ambayo imejaa baraka zake Muumba, kiasi ambacho tumewezeshwa kuwa hai kwa ajili ya kuendelea kumtumkia yeye. Kipekee naamini unaendelea kuitumia siku hii kumtukuza Mungu kupitia yale unayofanya. Ikiwa unayofanya kila siku yana muunganiko wa vitendo na vitendo hivyo vina mchango katika kuliishi kusudi la maisha yako hakika una kila sababu ya kumshukuru Mungu kwa siku ya leo.

 Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA.

Mwanadamu ni kiumbe ambaye maisha yake mara nyingi yanatawaliwa na matukio ya yaliyopita. Yapo matukio yaliyopita ambayo yanaweza kuwa na mchango chanya na mengine yana mchango hasi katika maisha ya wakati uliopo na wakati ujao. Katika maisha yetu ya kila siku wengi tumeendelea kuteswa na matukio ya historia bila ufahamu wetu na wakati mwingine tunaishi katika fikra, mitazamo, mila na tamaduni zilizopitwa na wakati. Karibu tujifunze kwa pamoja kuhusu matukio ya historia na athari yake kwa maisha ya sasa:-

Katika jamii au familia watu huwa wana mila na tamaduni wanazoamini na mila hizo huwa zinapitishwa kutoka kizazi kimoja hadi kingine. Mila hizi zinajumuisha zile ambazo zinamuongoza mtoto kwenye namna ya kuwapenda wengine, kujithamini, kujiheshimu na kuwaheshimu wengine, namna ya kufanikiwa pamoja na kuwasaidia watu wanaomzunguka. Pia, zipo mila nyingine ambazo zinapelekea mtoto ashindwe kujiamini, awe mtu wa visasi, mchoyo, mwizi na mtundu.

Ikiwa unahitaji kuishi kulingana na kusudi la maisha yako huna budi kutambua mila ambazo zimekuwa zinakuzuia kusonga mbele. Mfano, yawezekana zipo nyakati unajiona unatengwa, zipo nyakati unajiona haupendwi, zipo nyakati unaona hakuna unalofanikisha, zipo nyakati unahisi wewe ni mtu wa kushindwa, zipo nyakati unahisi wewe ni kiwango flani cha maisha na hauwezi kuvuka ngazi hizo; au zipo nyakati unahisi wewe umeumbwa kuwa masikini. Vyote hivi vina uhusiano na historia ya maisha yako (malezi na makuzi).

Fanya tathimini inayolenga kujifunza kujifunza kuhusu Imani au mila zilizopo ndani ya ukoo wenu. Mfano, katika jamii zetu ni kawaida koo za kimasikini kuwa na mtazamo na kauli hasi dhidi ya koo tajiri. Wengi katika koo hizi utakuta wanakuambaia matajiri ni watu wabaya au wachoyo au free masoni. Kwa kauli kama hizo ni vigumu sana wanafamilia katika koo hizo kufanikiwa kifedha.

Unahitaji kusikiliza kutoka kwa ndugu zako pamoja na kuisikiliza sauti yako ya ndani ili utambue kauli ambazo zimekuwa zikikukwamisha kupiga hatua. Epuka kauli kama vile; “ni bora kuwa masikini kuliko kuwa tajiri maana matajiri hawana amani; sisi familia yetu huwa ni watu wa kukosa, wanaume/wanawake siyo wakuaminiwa; au mapenzi ni maumivu na mahusiano yanaumiza hivyo ni bora ya kuwa peke yangu”. Kumbuka maneno huwa yanaumba.

Jichunguze ni imani/mila zipi umeifadhi katika akili yako ya ndani (subconscious mind) ambazo zimekuwa zikikuzuia kusonga mbele. Mfano, inaaminika kwa watu wengi kuwa kuwa maisha ya furaha na heshima yanapatikana pale mtu anapokuwa na fedha nyingi; anamiliki magari na majumba; msomi wa juu sana na mengine mengi. Imani kama hizi zinaendelea kuwazuia wengi kuishi maisha ya furaha na heshima kwa vile wanajiona hawastahili maisha hayo kulingana na kiwango cha vitu wanavyomiliki. 

Je unahifadhi kumbukumbu na matukio ya sifa zipi? Mila/imani potofu zilizohifadhiwa kwenye mfumo wako wa kumbukumbu zina athari katika maisha ya sasa na maisha ya baadae. Binadamu ana mfumo wa kuhifadhi kumbukumbu kama ilivyo kompyuta hivyo unachotakiwa kufanya baada ya kugundua imani/mila ambazo zimekukwamisha kwa muda ni kuhakikisha unaondoa mila hizo kwenye mfumo wa kumbukumbu na nafasi yake ukiijaza na imani/mila ambazo zitakuwezesha kusonga mbele.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, kupitia Makala hii nimekushirikisha athari ya mila/tamaduni ambazo zimekuwa na athari hasi katika maisha yako. Kamwe husikubali maisha ya laana inayotokana na historia ya watangulizi wako. Kila kizazi kinaumbwa kuishi maisha ya kipekee ikilinganishwa na kizazi kilichotangulia. Tengeneza historia ya maisha yako kwa kwenda kinyume na imana, mila na kauli potofu ulizorithi kutoka kwa watangulizi wako. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS:  Unaweza kujipatia maarifa kwenye elimu ya pesa kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

DONDOO 10 KUHUSU MAFANIKIO KUTOKA KWA ALEX FERGUSON

 

NENO LA LEO (MACHI 09, 2021): DONDOO 10 KUHUSU MAFANIKIO KUTOKA KWA ALEX FERGUSON

Habari ya leo rafiki yangu mpendwa na mwanafamilia ya FIKRA ZA KITAJIRI. Ni siku nyingine ambayo ni matarajio yangu kuwa umeianza kwa kutekeleza yale ambayo yanakupa muunganiko wa matokeo kila siku. Ikiwa kila siku unafanikiwa kuunganisha jitihada zako hakika husikate tamaa kwa kuwa moja jumlisha moja haijawahi kuwa moja.

Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA.

Katika tafakari ya leo nitakushirikisha dondoo kumi za mafanikio kutoka kwa aliyewahi kuwa Kocha wa Timu ya Manchester United. Kocha huyu mwenye mafanikio makubwa kupitia Kitabu cha “Alex Ferguson My Autobiography” ameshirikisha hisitoria ya maisha yake. Itakumbukwa kuwa Sir Alex Ferguson ni kati ya makocha ambao hauwezi kutaja mafanikio ya klabu ya Manchester United pasipo kutaja jina lake kutokana na heshima ya mafanikio aliyojijengea kwa kipindi chote cha miaka 27 (1986/17 – 2012/13) akiwa timu hii. Karibu ujifunze dondoo kumi kati ya mengi anayotushirikisha katika kitabu hicho:-

Moja, Ili kupata mafanikio ya muda mrefu ni lazima uwe na uvumilivu. Maisha ya mafanikio yanaanzia kwenye kilima ambacho mwanzo wa safari utaona kama vile ni ndoto kufanikiwa kupanda kilima hicho. Hii ni kutokana na hali ambayo yeye mwenyewe alikumbana nayo kipindi anakabidhiwa timu mwaka 1986.

Mbili, Ili ufanikiwe ni lazima uwe na watu wanaokusapoti kwanza kabisa ukianzia na familia yako. Mara nyingi tumekuwa tukisikia msemo wa “kila kwenye mafanikio ya mwanamme fahamu kuwa kuna mwanamke nyuma yake”. Kocha Sir Alex Ferguson amedhihirisha msemo huu kwa kutuambia kuwa mafanikio yake kwa ujumla yalichangiwa na sapoti ya mwenza wake na watoto wake kwa ujumla.

Tatu, Mafanikio ya kesho yanajengwa na msingi imara wa leo. Sir Alex Ferguson anatushirikisha kuwa katika maisha yake kuna kipindi alifikiria kuwa angefukuzwa kutokana na imani yake ya kujenga timu ya vijana jambo ambalo lilipelekea timu kuyumba katika michezo ya ligu kuu. Lakini kwa vile alikuwa na nia thabiti kwenye kazi yake alifanikiwa kuwashawishi viongozi wake na hatimaye akajenga timu imara ambayo ilishinda mataji mengi.

Nne, Ili upate mafanikio ni lazima utafute changamoto mpya kwa kuhama mazingira uliyokulia na kutafuta sehemu mpya. Sir Alex Ferguson alianzia kazi yake nchini mwake (Scotland) lakini baada ya kuhamia Uingereza alifanikiwa kupata changamoto nyingi ambazo zilimjenga katika kazi na hatimaye kufanikiwa kustaafu akiwa kocha mwenye mafanikio zaidi.

Tano, Ili ufanikiwe ni lazima dhamira yako yote iwekwe kwenye kazi husika unayofanya. Sir Alex Ferguson anatushirikisha kuwa kuna kipindi aliwahi kuhojiwa kuwa kwa nini timu yake ikiwa uwanjani hajawahi onekana akiwa na tabasamu na yeye alijibu kuwa timu yake ikiwa inacheza sio sehemu ya kutabasamu bali ni sehemu ya kutafuta ushindi basi. Muhimu hapa tunafundishwa kuthamini kazi zetu kwa kutuliza akili zetu (mind concentration) pindi tunapowajibika.

Sita, Mafanikio ya aina yoyote ile yanajengwa kwenye msukumo wa dhati wa kuhitaji mafanikio kwa kila hali. Sir Alex Ferguson anatushirikisha kuwa yeye binafsi baada kuondoka Scotland na kuhamia Uingereza alienda akiwa na nia moja nayo si nyingine bali ni kufanikiwa katika kazi yake mpya.

Saba, Jamii inayokuzunguka inatazama mabaya yako na kusahau mema uliyotenda. Hii ni sawa na msemo uliyotumiwa na Bwana Yesu kuwa “watu wanataka mikate” kwa maana ya kwamba watu wapo kwa ajili ya mazuri unayofanya na hasa kwa faida yao na pale unapoteleza kidogo hakuna hata mmoja atakumbuka wema wako wa jana. Sir Alex Ferguson anatushirikisha kuwa katika kipindi chake chote ilikuwa ni kawaida mashabiki kumtukaba kutokana na timu kupoteza mchezo mmoja tu huku wakisahau makombe yote waliyowahi kushinda akiwa kocha wa timu.

Nane, Muda wote kuwa tayari kwa changamoto na fursa mpya pasipo kujali umri wako ili kuepuka kukaa bila kazi. Sir Alex Ferguson anatushirikisha kuwa yeye binafsi baada kustaafu akiwa na umri wa zaidi ya miaka sabini aliamua kutafuta fursa mpya ili apate changamoto na uzoefu mpya na hatimaye kuepuka kukaa bila kazi.

Tisa, Kubali kuteseka kwa ajili ya mafanikio ya baadae. Mwandishi anatushirikisha kuwa katika miaka 39 aliyofanya kazi ya ukocha mara nyingi alipata hamasa ya kusonga mbele pasipo kujali ugumu wa matokeo kwani aliamini katika msemo wa mazuri yanakuja kutokana na mateso ya sasa. Kwa maana nyingine mafanikio yako ya kesho yanaandaliwa na bidii na jitihada zako za sasa.

Kumi, Chimbuko/asili yako haina nafasi ya kuamua hatma ya mafanikio yako. Sir Alex Ferguson anatushirikisha kuwa wapo wengi ambao walimbeza kutokana na chimbuko lake hasa ikizingatiwa kuwa alizaliwa katika wilaya ambayo shughuli kubwa ya kiuchumi ilikuwa kutengeneza meli. Wengi walidhani kuwa hakuwa na lolote katika tasnia ya mpira ingawa kadri muda ulivyosogea walinyamazishwa na mafanikio yake. Na hapa mwandishi anatushirikisha kuwa ukifuatilia maisha ya watu wengi wenye mafanikio utagundua kuwa wengi wao wamekulia katika mazingira magumu kuanzia kwenye familia hadi jamii zilizowazunguka.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, kupitia neno la tafakari ya leo tumejifunza dondoo kumi kuhusu mafanikio kutoka kwa Sir Alex Ferguson. Ni dondoo rahisi ambazo tunaweza kuzitumia katika maisha ya kila siku na hatimaye kufanikiwa kupiga hatua katika yale tunayofanya. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS:  Unaweza kujipatia maarifa kwenye elimu ya pesa kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com

FAHAMU KANUNI 12 ZA KUISHI MAISHA YENYE MAONO

NENO LA LEO (MACHI 04, 2021): FAHAMU KANUNI 12 ZA KUISHI MAISHA YENYE MAONO.

Habari ya leo rafiki yangu na mwanafamilia ya FIKRA ZA KITAJIRI. Ni wakati mwingine napata nafasi ya kuongea na wewe kupitia makala hii ya siku ya leo. Makala ya leo ni mwendelezo wa mafundisho kuhusu maono na namna ambavyo kila mmoja wetu anaweza kuishi maisha yanayoongozwa na maono. Kupitia mafundisho ya leo tutajifunza kanuni kumi na mbili ambazo tunatakiwa kuziishi katika maisha ya kila siku ikiwa tunahitaji kuongozwa na maono. 

Kama bado hujajiunga na kundi letu la WhatsApp la FIKRA ZA KITAJIRI kwa ajili ya kupata neno la tafakari kila siku, tafadhali JIUNGE SASA.

Karibu tujifunze kwa pamoja:-

Kanuni #1: Mara zote ongozwa na maono yaliyo wazi. Kukamilisha maono yako unatakiwa kuongozwa na kusudi la maisha ambalo lipo wazi. Watu wote waliofanikiwa kimaisha; kwa kutaja tu baadhi Abrahamu, Musa, Daniel na wengine wote tunaowafahamu katika historia ya maisha mwanadamu kama vile J.K. Nyerere, Nelson Mandera, Kwame Nkrumah, Albert Einsten na wengineo kwa pamoja kila mmoja wao aliongozwa na kusudi maalumu ambalo lilimfanya atimize maono yake. Kusudi hilo linakuwa ni kiu yako ambayo kila siku unatamani kuona unafakisha hitaji husika.

Kanuni #2: Tambua uwezo ulionao katika kufanikisha kuishi maono yako. Unapogundua ndoto ya maisha yako pia utagundua uwezo uliyopo ndani mwako kwa ajili ya kutimiza ndoto hiyo. Kumbuka kuwa uwezo huo unategemea jukumu ambalo Muumba anakusudia ulitimize kupitia maisha yako. Na kulingana na jukumu hilo amekupa uwezo ambao unatakiwa kuutumia kukamilisha jukumu husika. Uwezo huu umejificha ndani mwako na haujatumika kutokana na kuishi maisha ya kujitathimini chini ya kiwango.  

Kanuni #3: Tengeneza Mpango wa Kufanikisha Maono yako. Ili ufanikiwe unahitaji kuwa na mpango ambao unakuongoza katika safari ya kuishi maono uliyonayo. Mwenyezi Mungu amekupa maono hila wajibu wako ni kuhakikisha unaandaa mpango kwenye karatasi kwa ajili ya kuutumia mpango huo kutimiza maono uliyopewa. Katika kuandaa mpango wa kutimiza maono yako ni lazima uanze kwa kujiuliza maswali haya: a) Mimi ni nani? b) Je nataka kuelekea wapi? na c) Je kwa sasa nina uwezo gani au namiliki nini?

Kanuni #4: Kuwa na Hamasa juu ya Maono yako. Hamasa ndio itakuongoza kugundua thamani halisi ya maisha yako. Hamasa ndio inawaongoza watu kugundua kitu cha muhimu na thamani katika maisha kuliko maisha yao yenyewe. Kumbuka kuwa maandiko matakatifu yanasema wale wenye kutaka kuokoa maisha yao wenyewe watayapoteza (Mathew 16:25). Tafsiri yake ni kwamba uzima wa kweli upo kwenye maisha yako kwa ajili ya wengine. Unatakiwa kuikana nafsi yako kwa ajili ya kusudi maalumu la maisha yako. Je una njaa/kiu kiasi gani kwa ajili ya kutimiza maono yako? Kiwango cha kiu/njaa uliyonayo ndicho kinaonesha hamasa yako kuishi maisha ya maono.

Kanuni #5: Jenga Imani dhidi ya maono yako. Kuona ni kazi ya macho wakati maono ni kazi ya roho. Unaweza kuwa na macho ya kuona lakini ukakosa maono kwa kuwa hiyo ndiyo zawadi kubwa ambayo Mungu amempa mwanadamu. Uwezo wa kuona vitu visivyoonekana au uwezo wa kuumba vitu ambavyo havijaumbika ndiyo zawadi ya kipekee ambayo inamfa Mwanadamu afanane na Muumba wake kwa sura na mfano wake (Mwanzo 1:26). Maono yanamwezesha mtu kuona vitu kwa jinsi vinavyotakiwa kuwa (ambavyo havijaumbika) wakati macho yasiyo na maono yanaona vitu jinsi vilivyo (vilivyoumbwa tayari). Tafsiri yake ni kwamba hatupaswi kuruhusu yale ambayo macho yetu yanaona kuamua kile ambacho roho yetu inaamini. Kwa maneno mengine ni kwamba tunatakiwa kutembea katika Imani kuliko kutembea kwa upeo wa macho yetu. Ukiwa na Imani ni rahisi kuona vitu unavyotarajiwa kuwa navyo na kuviishi katika maisha ya sasa. Imani inakuwezesha kuona vikwazo kama sehemu ya fursa za kukufikisha kwenye maisha ya maono yako. Na ni kupitia Imani unakuwa na tumaini la maisha na kuishi maisha yasiyo na chembe ya uoga wala hofu.

Kanuni #6: Fahamu mchakato wa Maono. Mwenyezi Mungu ana mpango na makusudi kwa kila maisha ya mwanadamu na mpango huo unajidhihirisha taratibu katika maisha ya mhusika. Hata hivyo, pamoja na kwamba Mungu ana makusudi na maisha ya kila mwanadamu ni mara chache sana kukufunulia kuhusu kusudi hilo bali anakuongoza hatua kwa hatua katika kulitambua na kuliishi katika maisha ya kila siku. Mungu amefanya hivyo ili kila mwanadamu ajifunze na kujenga tabia kadri anavyopiga hatua kuelekea kwenye kusudi la maisha yake. Kama kila mtu angepewa mafanikio anayotaka bila kutumia jitihada zozote maisha yasingekuwa na thamani. Wengi tunaona mafanikio tunayotamani katika maisha yetu katika picha kubwa hila tunatamani tupate mafanikio hayo kesho yake. Mpango wa Mungu haupo hivyo unahitaji kuona kilele cha mafanikio katika maisha yako na kuweka mikakati ya kuishi kila siku kwa ajili ya kufikia kilele hicho.

Kanuni #7: Jenga vipaumbele vya maono ya maisha yako. Maisha yako jinsi yalivyo ni majumuisho na matokeo ya maamuzi na machaguzi unayofanya kila siku ya maisha yako. Ili ufanikiwe kuishi maono ya maisha yako ni lazima uwe na vipaumbele ambavyo vinakusogeza kwenye kilele cha maono ya maisha yako. Vipaumbele hivyo ndivyo vinatakiwa kuwa msingi kwako katika kufanya maamuzi ya kuchagua yapi unaweza kufanya au kutofanya katika maisha yako ya kila siku. Maisha yamejaa mbadala unapochagua kuacha tukio moja unakuwa umeamua kuchagua mbadala wake. Hapa ndipo unatakiwa kujua thamani ya kutumia maneno NDIYO na HAPANA katika maisha yako ya kila siku. Kadri unavyosema NDIYO kwenye tukio moja unakuwa umesema HAPANA kwenye mbadala wake.

Kanuni #8: Tambua mchango wa watu wanaokuzunguka. Hakuna namna nyingine ya kufikia kusudi la maisha yako bila uwepo wa mchango wa jamii inayokuzunguka. Katika jamii unatakiwa kufahamu makundi ya aina mbili; kundi la kwanza ni la watu ambao wapo tayari kukusaidia au kukuwezesha kutimiza kusudi la maisha yako na kundi la pili ni watu ambao watakukwamisha kutimiza kusudi la maisha yako. Wapo watu ambao Mwenyezi Mungu amekuandalia tayari kwa ajili kukushika mkono katika safari yako ya kutimiza kusudi la maisha yako. Wajibu wako ni kuwatambua watu hao na kujua namna ya kuishi nao katika maisha yako ya kila siku.

Kanuni #9: Tambua uwezo ulionao katika kuishi maono yako. Mungu amekuumba na kukupa zawadi ya maono na zawadi hiyo inaambatana na uwezo wenye vipawa/vipaji ndani yake. Watu wengi wanakuwa waoga kufikia ndoto kubwa iliyopo ndani mwao kwa vile kila wanapoifikiria wanajitathimini kwa wakati husika na kujiona hawana uwezo wa kuiweka ndoto hiyo katika uhalisia wake. Wajibu wako ni kutambua nini unataka katika maisha yako na kuhakikisha unaandaa kwa maandishi mpango utakaokuwezesha kutimiza hitaji hilo la maisha yako. Pengine yawezekana ndoto yako ni kubwa kiasi ambacho unaogopa, pengine unajiona kwa sasa hauna rasilimali na uwezo wa kukuwezesha kuiweka ndoto yako katika uhalisia wake.

Kanuni #10: Kuwa Imara katika safari ya kufanikisha maono yako. Kila maono ni lazima yajaribiwe ili kupima ukweli na uimara wake. Unatakiwa kutambua kuwa safari ya kuelekea kwenye kilele cha mafanikio ya maono yako kutakuwepo na dhiki, msongo wa mawazo, kukatishwa tamaa, nyakati za machukizo, kupingwa au kukataliwa na mengine mengi. Uimara wako katika nyakati hizo ndio utakaokuwezesha kusonga mbele na hatimaye kusherekea mafanikio ya maono yako. Msimamo wako wa kuishi kulingana na kanuni au vipaumbele vya maisha yako ndio utakuwezesha kupita salama katika nyakati ngumu za maisha yako.

Kanuni #11: Kuwa mvumilivu kusubiria ukamilisho wa maono yako. Ukamilimisho wa maono yako unategemea na kiwango cha uvumilivu hadi pale ambapo utavuna matunda. Ni watu wachache sana ambao wanaweza kuvumilia hadi mwisho kwani walio wengi huwa wanahitaji mafanikio ya haraka haraka na matokeo yake wanakata tamaa. Wengi huwa wanaishia njiani kutokana na kushindwa kuvumilia hadi mwisho. Ni katika uvumilivu huu unatakiwa kutambua kuwa maisha unayopitia kwa sasa hata kama hayana uhalisia na matamanio ya maono yako ni kwa ajili ya kukuandaa kuelekea kwenye mafanikio ya maono yako.

Kanuni #12: Kaa katika Muunganiko na chanzo halisi cha maono yako. Kama ambavyo tumeona kuwa maono ni zawadi pekee ambayo Muumba amempa mwanadamu, kanuni hii inatukumbusha umuhimu wa kuwa na muunganiko na muumba wetu ambaye ni chanzo halisi cha maono yetu. Ni kupitia sara Mwanadamu anaunganika na Muumba wake. Kupitia sara Mwanadamu anaendelea anafunuliwa na Muumba wake kuhusu kusudi la maisha yake. Pia, kupitia muunganiko wa sara Mwenyezi Mungu anampa hamasa ya kuendelea kupiga hatua zaidi kutimiza kusudi la maisha yake.

KUJIUNGA NA PROGRAMU MAALUM YA "JILIPE KWANZA": SOMA MAKALA HII KWA KUBONYEZA MAANDISHI HAYA YENYE RANGI 

Mwisho, kupitia makala hii tumehitimisha mafundisho kuhusu maisha yenye maono kwa kujifunza kanuni 12 ambazo zinatakiwa kutuongoza katika maisha ya kila siku. Maisha ni maono, na kupitia maono utakombolewa kutoka kwenye vikwazo ambavyo unaviona kwa macho nakuingia kwenye nafasi ya kile ambacho roho yako inakuambia kuwa hapa ndipo maisha yako yanatakiwa yafikie. Kumbuka, mbegu ikidondoka ardhini ni lazima iote na kuzaa matunda, nami naiombea mbegu hii niliyodondosha kupitia neno la tafakari ya leo ipate kuzaa matunda mengi katika Maisha yako.

PS:  Unaweza kujipatia maarifa kwenye elimu ya pesa kupitia usomaji wa vitabu. Chagua nakala za uchambuzi wa vitabu unavyotaka kwa kubofya kiunganisha hapo chini. Kila nakala ya uchambuzi wa kitabu inapatikana kwa gharama ya Tshs. 3,999. Wahi mapema hii ni OFA ya leo.

👇🏾👇🏾👇🏾👇🏾👇🏾

BOFYA HAPA KUPATA ORODHA YA UCHAMBUZI WA VITABU

 

BORN TO WIN ~ DREAM BIG

Mwalimu Augustine Mathias

Mawasiliano: 0763 745 451/0786 881 155/0629 078 410

Barua pepe: fikrazakitajiri@gmail.com