Hongera Rafiki Yangu kwa Kujiunga Chuo Kikuu Lakini Katika Safari Yako ya Masomo Tekeleza Haya: Barua ya Wazi Kwa Wanachuo wa Mwaka wa Kwanza Kwa Vyuo Vikuu Vyote

Habari ya leo rafiki yangu na msomaji wa mtandao wa Fikra za Kitajiri. Ni matumaini yangu kuwa una afya njema na mapambano yanaendelea kwa ajili ya kuifanya kesho yako iwe bora zaidi ya leo. Leo hii katika makala za kila wiki nakuletea makala maalumu kwa ajili yakufikisha nasaha zangu kwa wanafunzi wote waliojiunga na vyuo mbalimbali kwa ajili ya masomo yao ya elimu ya juu. Wewe kama unafuatilia mtandao huu na sio mlengwa wa makala hii naomba tu unisaidie kuisambaza kwa walengwa kwa kadri unavyoweza.

Kabla ya kuanza barua yangu ningependa nianze kwa kujitambulisha ili ifahamike kuwa anayeandika makala hii ni nani. Kwa majina anaitwa Augustine Mathias Bilondwa, ni mwajiriwa na mjasiliamali, ambaye alihitimu elimu yake ya uzamili (Masters Degree) katika Chuo Kikuu cha Sokoine mwaka 2015 ambako pia alihitimu elimu yake ya digrii ya kwanza mwaka 2011 katika fani ya sayansi ya misitu.

Baada ya kumfahamu japo kidogo nina ni huyu anayekuandikia barua hii ya wazi sasa angependa akushirikishe machache ambayo roho yake inamsukuma afikishe ujumbe huu kwako kwa ajili ya kupanua ufahamu wako katika safari yako yote uwapo unaitafuta elimu ya juu.

Nianze kwa kuweka wazi kuwa barua hii ya wazi haitoi mwongozo wa namna gani unatakiwa kuhishi kwa ajili ya kufaulu masomo ya elimu yako la hasha. Lengo la barua hii ni kukuongoza namna gani unatakiwa kuishi kwa ajili ya kufanikiwa kimaisha nyakati zote ukiwa Chuoni na hata maisha baada yachuo.

Kwa  ufupi nahitaji utambue kuwa namna unatavyoishi kwa mafanikio kwenye haya nitakayo kushirikisha ndivyo utakuwa umeweka msingi imara wa maisha yako na hata baada ya kumaliza chuo msingi huu hautayumbishwa na mawimbi ya aina yoyote ile katika maisha yako yote. 

Rafiki kazana na masomo yako ambayo umejiunga nayo lakini nisaidie kutekeleza haya kwa ajili ya ufanisi wa maisha yako na jamii kwa ujumla:­-

Moja, wekeza sana kuitafuta elimu ambayo inalenga kutatua changamoto zilizopo kwenye jamii yetu. Rafiki, uwapo Chuoni utakutana na mazingira ambayo yatakufanya usome kwa ajili ya kujibia mitihani badala ya kusoma kuelewa. Nakusihi sana kila unachojifunza jitahidi kujiuliza ni namna gani unaweza kutumia elimu yake kwenye mazingira ya jamii inayo kuzunguka. Katika kufanya hivyo unahitaji kuwa na picha ya familia yako ambayo umeiacha nyumbani pamoja na picha ya changamoto zilizopo kwenye jamii yako. Picha hiyo iwe chachu ya kujifunza na kuelewa na hatimaye kutafsiri elimu husika kwa vitendo. Tumia elimu hiyo kwa ajili ya kutatua changamoto za umasikini, maradhi na magonjwa, tumia elimu hiyo kwa ajili ya kuboresha mbinu za uzalishaji na hata kuboresha mbinu za mawasiliano. Kwa ujumla jamii inahitaji kupata kitu cha ziada kutoka kwako hivyo huna budi kuwa mfano bora kupitia yale unayojifunza na  kuyatafsiri kwa vitendo.

Mbili, jilipe kwanza kwenye kila shilingi inayoingia mikononi mwako kupitia  ‘Boom’ au chanzo chochote halali. Hapa namaanisha uwekezaji kwa kila shilingi inayoingia mikononi mwako. Husikubali kutumia hela yote unayopata bila kutenga asilimia yake kwa ajili ya uwekezaji. Kwa bahati mbaya sana elimu hii ya uwekezaji kwa maana ya elimu ya pesa pengine hujawahi kufundishwa mahali popote na ni mategemeo yangu kuwa hata katika masomo uliyo chagua hakuna sehemu ambayo utafundishwa elimu hii kwa ufasaha. Hii ni kutokana na ukweli kuwa mitahala ya elimu yetu na hata nchi nyingi haijaweza kufundisha elimu hii kama inavyotakiwa. Kutokana na elimu hii kutofundishwa kwa ufasaha tumekuwa tukifanya maamuzi yenye makosa katika suala zima la utawala wa fedha (financial management) na hivyo kuendelea kuwa kwenye mzunguko wa umasikini pasipo kujali kiwango cha elimu tulichonacho.

Rafiki yangu katika kujilipa kwanza nahitaji uwe na utamaduni wa kutenga asilimia 10 au 20% ya kila fedha inayoingia mikononi mwaka kwa ajili ya uwekezaji wa muda mfupi na muda mrefu. Unaweza ukafungua akaunti maalumu benki kwa ajili ya kuwekeza fedha hizo au ukanunua hisa za makampuni yanayofanya vizuri kwenye soko au ukafungua akaunti ya Mfuko wa Uwekezaji wa Pamoja (Mf. Mfuko wa Umoja) au ukanunua Dhamana za Serikali (Government Bonds). Kumbuka, katika yote hakikisha unawekeza fedha zako sehemu ambapo zitaongezeka kwa muda kupitia ongezeko la riba.

Rafiki kama maneno haya yamekuwa magumu kwako jitahidi sana kuyapa nafasi katika muda wako wa ziada ili kuhakikisha unachimba kwa undani ili uyafahamu kwa kina. Kumbuka ni kupitia uwekezaji utafanikiwa kuwa na maisha yenye uhuru wa kifedha (financial freedom) ambao naamini kuwa ndio ndoto yako kubwa.

Tatu, husikubali kuwa mtumwa wa teknolojia ya mawasiliano. Rafiki bahati nzuri sana umeingia Chuoni wakati ambao mapinduzi ya teknolojia ya mawasiliano yapo kwenye kilele chake na pengine bado uvumbuzi wa teknolojia hii unakuja zaidi ya sasa. Rafiki natambua kuwa ni katika kipindi hiki utahitaji kumiliki simu janja hata kama hukuwahi kuimiliki hapo nyuma. Nakuomba sana rafiki ufahamu kuwa simu janja hizi zimewafanya watu wengi kuwa watumwa kiuchumi, kiakili, kifikra na hata kiutamaduni. Rafiki fahamu kuwa watu hawa wamekuwa watumwa bila ya wao kutambua kuwa ni watumwa.

Utumwa huu unatokana na mitandao ya kijamii waliojiunga nayo kwenye simu zao. Mitandao hii kwa kutaja tu michache ni kama WhatsApp, Facebook, Insta na mingineyo. Rafiki ni katika mitandao hii unakuta watu hawa wana makundi zaidi ya kumi na yote hakuna hata moja ambalo linajadiri mambo ya maana hisipokuwa ni udaku tu. Rafiki kuwa unapokuwa na simu janja chagua makundi yanayoendana na vipaumbele vya maisha yako na sio tu kujiunga na makundi ya umbea na kusambaza picha na video sizizo kuwa na maana.

Rafiki kumbuka kuwa makundi haya si tu yanakupotezea muda kutokana na kushabikia meseji zisizokuwa na maana bali yanasababisha kuwa na bajeti kubwa ya mawasiliano na mtandao. Hii inatokana na ukweli kwamba kadri unavyofungua video au ujumbe wenye mb 200 ndivyo na kifurushi chako ulichojiunga kupitia simu yako kinavyopungua mb 200 hizo hizo.

Soma: BARUA YANGU YA WAZI KWA WAHITIMU WA VYUO

Nne, kuwa na vipaumbele vyako husikubali kupelekeshwa na makundi ya marafiki wapya. Rafiki nimekuwa Chuoni kwa muda wa miaka mitano na katika kipindi hicho chote nimeona vijana wengi wanaokuja wakiwa vijana wazuri na wapenda dini kulingana na imani zao. Hata hivyo, baada ya miezi michache vijana hawa waliangukia kwenye mikono ya Dunia hisiyo mizuri kwa vile walishindwa kuchagua marafiki wema. Rafiki kumbuka kuwa sasa wewe ni mtu mzima kwa maana sasa unajua ni kipi bora na kipi sio bora katika maisha yako na hapa ndipo tunasema kuwa tayari unajitambua. Rafiki kama bado hauna vipaumbele vya maisha yako nachelea kusema kuwa bado hujafikia hatua ya kuwa mtu mzima.

Rafiki kipindi chote uwapo Chuoni unahitaji kuwa na vipaumbele vya maisha yako na kuhakikisha kila siku unaishi kulingana na vipaumbele hivyo. Rafiki hapa ndipo unahitaji kukubali kuwa tofauti na wenzako ili mradi tu uwe kwenye mstari sahihi. Kamwe husikubali kujiunga kwenye kundi ambalo unaona ni kinyume na vipaumbele vyako kwa vile tu umeshawishiwa na marafiki. Kamwe husikubali kufanya au kushiriki kwenye matukio ya aina yoyote ambayo ni kinyume na vipaumbele vyako kwa vile tu umeona wenzako wanafanya hivyo. Daima kubali kujitofautisha na wenzio hakika rafiki utafika mbali.  

Tano, tenga muda wa kujisomea kwa ajili ya maarifa ya ziada nje ya kozi unayosoma. Rafiki nakusihi sana utenge muda wa kujisomea vitabu vya maarifa mbalimbali. Kama ambavyo nimekusisitiza kwenye umuhimu wa kujitambua, rafiki hauwezi kujitambua kama hauna muda wa kuboresha ubongo wako. Rafiki kumbuka kuwa ubongo wa mwanadamu ni kiungo ambacho kinahitaji kuendelezwa kwa kupata maarifa mbalimbali.

Hivyo, rafiki katika muda wako wa elimu ya juu unahitaji kuwa na muda wa kujisomea vitabu vya maarifa mbalimbali. Hii ni pamoja na kujisoma vitabu kuhusu mwanadamu kwa ujumla wake (mahusiano, kazi na historia), vitabu vya biashara, vitabu vya dini na vitabu falsafa mbalimbali. Hakika kama utafanikiwa kwenye hili utakuwa umeweka msingi imara katika maisha yako na kamwe ubongo wako hautazeeka.

Sita, lenga kuzalisha ajira zaidi kuliko kulenga kujiariwa hata mara baada ya kumaliza masomo. Kujiajiri ni bora zaidi kuliko kuajiliwa kwa vile kujiajiri kunakuweka huru zaidi katika fani ambayo umechagua kufanya. Rafiki najua kwa sasa umeingia Chuoni ukiwa na ndoto kuwa pindi utakapomaliza masomo yako utapata ajira kwa ajili ya kupata mahitaji yako muhimu. Vilevile natambua kuwa umechagua kozi hiyo kwa kujua kuwa kozi hiyo ndo yenye uhakika wa ajira au pengine kozi uliyochagua unajihisi kuwa umekosea unajutia kuwa sehemu ya wanafunzi wanaosoma kozi hiyo. 

Rafiki ukweli ni kwamba ajira kwa sasa zimepungua kwa fani zote ukilinganisha na miaka ya nyuma. Hii ni kutokana na idadi ya vyuo kuongezeka ambayo imepelekea kuongezeka kwa idadi ya wanafunzi wanaomaliza. Rafiki katika miaka yako yote Chuoni fikiria kujiajiri na kutengeneza ajira kwa wengine kwani uzoefu unaonesha kuwa hata waliopo kwenye ajira hawana uhuru wa kifedha.

Rafiki namalizia kwa kukuombea uwe na afya njema katika masomo yako. Pia, nakuombea upate roho wa kukuongoza kusoma barua hii ya wazi mara kwa mara ili kadri unavyoisoma uitafakari kwa macho ya ndani.

Karibuni kwenye Fikra za Kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

          

Mambo Niliyojifunza Kwenye Kitabu cha A Gift To My Children: Zawadi kwa Wanangu (Mwongozo wa maisha na uwekezaji).

Habari ya leo rafiki na msomaji wa mtandao wa Fikra za Kitajiri.

Naamini kuwa rafiki yangu unaendelea vizuri na mapambano ya kila siku kwa ajili ya kuboresha maisha yako. Kama kawaida yangu, leo katika uchambuzi wa vitabu kupitia mtandao wa Fikra za Kitajiri nakushirikisha uchambuzi wa kitabu cha wiki hii.

Kama bado hujajiunga kwenye mfumo wetu wa kupokea makala za uchambuzi wa vitabu, tafadhali fanya hivyo KWA KUBONYEZA BONYEZA HAPA na kujaza fomu kisha bofya “jiunge/subscribe” utakuwa umejiunga na mtandao huu. Ni fursa ya bure ambayo utaendelea kupata uchambuzi wa vitabu kwa lugha rahisi kupitia barua pepe yako.

Kitabu cha wiki hii ni “A Gift To My Children” ambacho kimeandikwa na mwandishi Jim Gogers. Mwandishi ametumia kitabu hiki kutushirikisha uzoefu wake wa maisha pamoja na uwekezaji. Uzoefu anaotushirikisha umetokana na maisha aliyoishi kama baba wa familia lakini pia kama mwekezaji kwenye upande wa fedha. Ikumbukwe pia kuwa Rogers ni mtu wa kwanza kuweka rekodi za dunia mbalimbali ikiwa ni pamoja na kuzunguka mabara sita (Dunia) kwa kutumia pikipiki.

Karibu ushirikiane nami kujifunza machache kati ya mengi ambayo mwandishi anatushirikisha katika kitabu hiki:

1. Maisha unayoishi ni yako mwenyewe hivyo kumbuka kutegemea sana akili yako pindi unapofanya maamuzi muhimu katika maisha yako. Mwandishi anatushirikisha kuwa katika maisha kuna watu wanatuzunguka ambao wapo tayari kutoa ushauri hata kama hawajaombwa kufanya hivyo. Mara nyingi washauri hawa wengi wao huwa wanashauri hata kwenye masuala ambayo hawana uelewa mpana. Jifunze kwa mapana juu ya changamoto inayokukabili ili kuwa na uelewa wa kutosha kuliko washauri wanaokuzunguka. Kumbuka wewe ndo wa kuchagua namna unavyotaka maisha yako yawe kabla ya kutegemea wengine wakusaidie kufanya hivyo.

2. Mtu akidharau wazo lako au mipango yako ya mafanikio itazame hali hiyo kama deni lako la kufanikiwa zaidi. Mwandishi anatushirikisha kuwa ni wewe pekee mwenye uhakika na wazo au mipango yako ya mafanikio na kutambua hivyo husijali pale ambapo mtu au kundi la watu wanashindwa kukuelewa. Husikabali kutoka kwenye mstari wako wa mafanikio kutokana na maneno ya watu. Muhimu ni kuhakikisha una uelewa wa kutosha kwenye kile ambacho umekusudia kutekeleza katika safari ya maisha yako.

3. Husifanye manunuzi ya vitu au starehe za hanasa kwa sababu ya kwamba una uwezo badala yake hakikisha kila unachoamua kinafanyika kwa kuongozwa na fikra za ndani mwako. Hapa mwandishi anatushirikisha kuwa tusipende kuishi maisha ya kuigiza bali kila tunachofanya kiongozwe na macho ya ndani mwetu. Kumbuka kuwa badala ya kuwekeza katika kununua vitu vya gharama na hanasa ili kutafuta umaarufu wa nje tuwekeze tulichonacho kwa ajili ya kuwa na maisha ya baadae kuliko tuliyonayo sasa.

4. Husikubali umri wako uwe kizuizi cha kutimiza ndoto yako. Mwandishi anatushirikisha kuwa pale unapochagua nini unataka kutimiza katika maisha yako moja kwa moja unatakiwa kuanza kufanyia kazi machaguo yako pasipo kutazama umri wako au nafasi uliyonayo kwa wakati husika. Muhimu katika kila hatua ni kufanya kufanya kufanya kufanya...... bila kikomo kuliko kuendelea na maneno yasiyokuwa na utekelezaji.

5. Njia rahisi ya kufanikiwa ni kufanya kazi ya tamanio la roho yako na kuhakikisha unawekeza jitihada/bidii ya kutosha kwa ajili kazi hiyo kuwa bora kila siku. Mwandishi anatushirikisha kuwa katika maisha hasa katika ukuaji utafanya kazi nyingi lakini katika zote chagua kazi ambayo ni tamanio la moyo wako na kuhakikisha unaweka bidii ya kutosha. Hata hivyo, unatakiwa kulenga kuikuza kazi hiyo kutoka kwenye hali yake ya sasa ili kila siku iwe bora. Kumbuka kuwa hata husipofanikiwa kuwa tajiri kupitia kazi hiyo utakuwa na furaha katika maisha yako ya kila siku na utafanikiwa kukamilisha kazi iliyokuleta duniani humu.

6. Kuwa makini katika kila taarifa unayopata. Mwandishi anatushikisha kuwa siri kubwa inayotofautisha waliofanikisha maisha na watu wengine ni kuchukulia kila taarifa kwa umakini wake. Hii ni muhimu kutokana na ukweli kwamba kuwa taarifa ndizo zinachambuliwa kwa ajili ya kufanyiwa kazi iwe kwenye uwekezaji au mahusiano na watu wanaokuzunguka. Hivyo, ni muhimu kujenga utamaduni wa kufanya tafiti za kina juu ya taarifa zinazokufikia kabla ya kuzifanyia maamuzi. Tafiti hizi zinatakiwa kuongozwa na bidii ya kutaka kujua zaidi hasa juu ya kile ambacho umeamua kufanyia kazi katika maisha yako.

7. Hakikisha unaishi maisha yenye ndoto tena ndoto kubwa ambayo inakuogopesha. Mwandishi anatushirikisha kuwa katika kufanya kazi ya matanio ya moyo wako ni lazima uwe na ndoto ambayo ni chachu kwako kuendeleza kufanya makubwa katika maisha. Kadri unavyoendelea kuifanyia kazi ndoto yako utagundua kuwa kukamilika kwa ndoto hiyo ni mwanzo wa ndoto nyingine tena kubwa ambazo hukuwahi kuzitarajia katika maisha yako.

8. Kumbuka sio kweli kuwa kila jibu unaloambiwa ni HAPANA kweli ni hapana na kila unachoambiwa NDIYO kweli ni ndiyo. Mwandishi anatushirikisha katika safari ndefu ya maisha hatutakiwi kukubaliana na mitazamo ya watu moja kwa moja na badala yake ni lazima tuwe na kanuni zinazotuongoza ambazo hata hivyo sio lazima zikubaliwe na watu wanaotuzunguka.

9. Tembea na kuona mapana ya dunia na kujifunza mengi kwenye kila nchi unayotembelea. Mwandishi anatushirikisha kuwa ili kufanikiwa kimaisha unahitaji kujifunza tamaduni mbalimbali zaidi ya eneo ambalo umekulia. Hata hivyo, unatakiwa kutumia tamaduni hizo katika kufanikisha safari yako ya uwekezaji au mafanikio ya maisha kwa ujumla. Ni kupitia kutembea utaweza kujijua vyema na pia kuweza kuifahamu vyema nchi yako kwa kulinganisha na mazingira ya nchi nyingine. Ni katika kutembea pia utajifunza kuwa watu wote ni sawa na hivyo unaweza kuishi mahali popote na kutengeneza maisha unayotaka.

10. Kuwa muwazi kwa watu wote bila kujali tamaduni, asili au rangi zao. Mwandishi anatushirikisha kuwa siri ya kufanikiwa kimaisha ni kuhakikisha watu watu wote unawapa uzito sawa. Siri hii itakufanya uishi na watu wa aina mbalimbali hata kama upo kwenye mazingira ya ugenini.

                                               

11. Wekeza kwenye nchi au maeneo ambayo hayana ubaguzi wa rangi. Mwandishi anatushirikisha kuwa uwepo wa ubaguzi wa rangi hasa kwenye baadhi ya nchi zilizoendelea imesababisha uwepo wa machafuko mengi katika maeneo hayo. Hii ni pamoja na kuendelea kukua kwa matukio ya ugaidi ambayo chanzo chake kikubwa ni mwendelezo wa chuki baina ya watu wa asili au imani tofauti.

12. Katika hatua zote za ukuaji kuwa na fikra uhuru na jitahidi kuwa raia wa mataifa au dunia kwa ujumla wake. Mwandishi anatushirikisha kuwa kizazi cha sasa kipo kwenye zama za fikra huru na chenye nafasi kubwa ya kuishi kidunia zaidi kuliko vizazi vilivyotangulia. Hii ni kutokana na kukua kwa teknolojia ya mawasiliano ambayo imerahisisha upatikanaji wa taarifa kutoka pande zote za dunia. Ukiwa na fikra uhuru za namna hii utaishi maisha yenye furaha hasa kwenye kile ambacho umeamua kufanya katika maisha yako na hii ndio itakufanya uwe uhuru kuishi na watu wa asili tofauti. Kumbuka kuwa kama kila mtu angeishi kama raia wa dunia, dunia hii ingekuwa ni mahali pazuri na salama kwa kila kiumbe kuishi.

13. Kumbuka kuwa vita haijawahi kuwa na manufaa kwa mtu au hata nchi inayoshinda. Katika hatua za ukuaji na uwekezaji jitahidi kukwepa nchi ambazo zinapigana vita mara kwa mara. Hii ni pamoja na kuwa mmoja kati ya majeshi ya nchi na badala yake jitahidi kufanya kazi ambayo itakuwa ni mapenzi kutoka moyoni mwako lakini pia inakufanya uwe na fikra uhuru na pana katika maisha yako yote kwenye ulimwengu huu.

14. Jifunze falsafa (philosophy) kwani kupitia elimu hiyo utaweza kujitambua na kufikiri kwa kujitegemea. Mwandishi anatushirikisha kuwa njia ya kwanza ya kukamilisha hitaji lolote la maisha yako ni kujitambua kwanza na elimu pekee ambayo inaweza kufanikisha hilo ni kupitia falsafa. Katika elimu hiyo ya falsafa hautaji kuzama sana ili ufanikishe hilo bali unahitaji kujikita kwenye kipengele cha kujitegemea kifikra au fikra huru. Hapa unahitaji kujifunza kufikiri nje boksi kwa maana ya kufikiri nje ya mazoea, kweli, imani au tamaduni zilizojengeka katika jamii unayoishi.

15. Kuna njia mbili za kufikiri na mwisho kufanya maamuzi. Njia ya kwanza ni kufikiri kwa kutegemea uchunguzi au mwonekano/uhalisia wa jambo husika. Njia ya pili ni kufikiri kwa kutegemea nadharia (evidence) za kweli ambazo tayari zimewekwa wazi juu jambo husika (kufikiri kwa mantiki). Mwandishi anatushirikisha kuwa hakuna njia ambayo ni bora kuliko nyingine kati ya hizi njia mbili za kufikiri. Hivyo, unahitaji kujifunza kuzitumia njia zote ili kuwa na mfumo msawazo wa kufikiri (balanced way of thinking).

16. Jifunze historia ya ulimwengu kwa mapana na tumia historia hii kujua mwenendo wa ulimwengu na vilivyomo ndani yake. Katika historia hii unahitaji kupata picha kubwa ya namna ambavyo mabadiliko mbalimbali yametokea katika Dunia hii na hivyo utumie matukio hayo kwa ajili ya kukadiria matukio yanayokuja siku zijazo. Ni kupitia historia hii utajifunza kuwa kilichosahihi leo hii kwenye mitazamo ya watu yawezekana baada ya miaka 10 au 20 hakitakua sahihi tena. Ni kupitia historia ya tamaduni au nchi mbalimbali utafahamu ni sekta ipi unaweza kuwekeza kwa mafanikio.

Soma: Mambo Niliyojifunza Kwenye Kitabu cha A Brief History of Humankind (Historia Fupi ya Mwanadamu)

17. Hakuna jipya chini ya jua. Mwandishi anatushirikisha kuwa matukio yote yanayotokea katika ulimwengu wa sasa yamewahi kuwepo siku za nyuma bali kinachofanyika matukio hayo yanawasilishwa kwa njia zenye ubunifu tofauti lakini asili yake ni ya tokea enzi hizo. Katika safari ya maisha yako unahitaji kuongozwa na kanuni ya kwamba yanayotokea katika ulimwengu wa sasa yamewahi kuwepo na yatatokea katika ulimwengu wa baadae. Hii ndiyo siri kubwa ya kutumia historia kwa ajili ya mafanikio yako hasa katika ulimwengu wa uwekezaji.

18. Jifunze lugha mbalimbali lakini kama utaweza hakikisha unajifunza kichina na kingeleza. Mwandishi anatushirikisha kuwa katika ulimwengu wa uwekezaji mwenyekujua lugha ya sehemu husika ana nafasi kubwa ya kufanikiwa kuliko yule ambaye hajui. Lugha ambazo zinakuwa kwa kasi ni kichina pamoja na kingeleza hivyo katika kujifunza lugha ambazo sio za asili yako hakikisha lugha hizo mbili zinakuwa sehemu ya malengo yako. Kumbuka kuwa ukweli unajionesha wazi kuwa sasa ni karne ya China kuwa taifa kubwa kiuchumi, kisiasa na kijamii duniani.

19. Jitambue wewe ni nani na muhimu zaidi tambua madhaifu yako ikiwa ni pamoja na namna unavyokabiliana na makosa unayofanya. Mwandishi anatufundisha kuwa njia pekee ya kujifunza kutokana na makosa yetu katika ulimwengu wa uwekezaji au maisha ya kila siku kwanza ni kukubali kuwa tumekosea. Kama haukubali kuwa unakoseaga kamwe hauwezi kujifunza kitu na mara zote utaendelea kufanya makosa yaleyale.

20. Jifunze saikolojia. Mwandishi anatushirikisha kuwa pamoja na kujifunza historia, falsafa pamoja na lugha unahitaji zaidi kujifunza saikolojia. Katika ulimwengu wa uwekezaji unahitaji kufahamu zaidi saikolojia ya watu kwa kuwa hii ndio inasababisha mabadiliko ya soko. Ni kutokana na mabadiliko hayo watu wengi wanapaniki kiuwekezaji na hivyo kupelekea kuuza kile walichowekeza kutokana na kuongozwa na hisia. Ni lazima uwe tayari kutumia paniki za watu kwa ajili ya mafanikio yako.

21. Tambua mabadiliko mbalimbali yanayotokea kwenye jamii na yatumie kwa faida yako. Mwandishi anatushirikisha kuwa msingi mkuu wa uchumi unatokana na “kusambaza bidhaa – supply” na “mahitaji ya bidhaa husika – demand”. Mabadiliko yoyote kati ya mahitaji au kusambaza yanaweza kuathiri uchumi wan chi au mtu binafsi endapo hajajua kucheza kulingana na mabadiliko katika soko.

22. Fanya utafiti wa kutosha kwenye sekta ambayo kila mtu anakimbia. Mwandishi anatushirikisha kuwa kutokana na kuongozwa na hisia watu wengi wanakimbia fursa kwa kuongozwa na maneno ya kusikia. Kama unahitaji kuwa mwekezaji makini unahitaji kufanya tafiti zako mwenyewe na wekeza bila kujali kuwa wengi wanakimbia sekta husika. Hii ni pamoja na kuhakikisha kuwa mara zote unahitaji kuwekeza kwenye kitu kipya.

23. Fanyia kazi ndoto yako na kamwe husikubali kukatiza ndoto hiyo kwa vyovyote vile. Mwandishi anatushirikisha kuwa watu wengi wanakatiza ndoto zao kwa vile wanakubali kuyumbishwa na mawimbi wanayokutana nayo njiani. Unahitaji kufanya kazi usiku na mchana kuhakikisha kuwa unatimiza ndoto yako.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link). Nakutakia mapambano mema.

Karibuni kwenye fikra za kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

Mambo Niliyojifunza Kwenye Kitabu cha How to Build a Multi – Billion Dollar Business in Africa: Jinsi ya Kuanzisha Biashara yenye thamani ya Mabilioni katika Arfica.

Habari ya leo rafiki na msomaji wa mtandao wa Fikra za Kitajiri.

Naamini kuwa rafiki yangu unaendelea vizuri na mapambano ya kila siku kwa ajili ya kuboresha maisha yako. Leo hii pia katika uchambuzi wa vitabu kupitia mtandao wa Fikra za Kitajiri nakushirikisha uchambuzi wa kitabu cha wiki hii.

Kama bado hujajiunga kwenye mfumo wetu wa kupokea makala za uchambuzi wa vitabu, tafadhali fanya hivyo KWA KUBONYEZA BONYEZA HAPA na kujaza fomu kisha bofya “jiunge/subscribe” utakuwa umejiunga na mtandao huu. Ni fursa ya bure ambayo utaendelea kupata uchambuzi wa vitabu kwa lugha rahisi kupitia barua pepe yako.

Kitabu cha wiki hii ni “How to Build a Multi – Billion Dollar Business in Africa” ambacho kimeandikwa na mwandishi Strive Masiyiwa. Kupitia kitabu hiki tunashirikishwa namna ambavyo kila mtu anavyoweza kuanzisha biashara yenye mafanikio makubwa katika Bara la Afrika na kuweza kuwa utajiri mkubwa sana (bilionea). Ikumbukwa kuwa Strive ni mwekezaji mkubwa katika bara la Africa ambaye ni Mzimbabwe na amewekeza kwa mafanikio kwenye mitandao ya simu na vyombo vya habari.

Karibu ushirikiane nami kujifunza machache kati ya mengi ambayo mwandishi anatushirikisha katika kitabu hiki:

1. Misingi mikuu ya mafanikio katika biashara yoyote ni kuanza na kidogo ulichonacho, kuweka bidii ya kazi, kuwekeza sehemu ya faida unayopata ili hatimaye uweze kufanya mambo makubwa kiuwekezaji. Somo kubwa la kujifunza hapa ni kwamba kamwe husisubilie nyakati sahihi zifike kwani wakati ulio sahihi wa kuanzisha biashara ya matamanio yako ni sasa kwa kutumia kidogo ulichonacho. Somo jingine ni kwamba unahitaji kufanya kazi kwa bidii na mwisho ni nidhamu ya fedha hasa kwenye faida unayotengeneza.

2. Kukua kwa biashara ya aina yoyote ile ni matokeo ya kudhibiti fedha. Fedha ndo kila kitu, hapa mwandishi anatushirikisha kuwa kabla ya kuwekeza kwenye mradi wowote unatakiwa kujiridhisha kwenye uimara wa mradi huo katika kipengele cha fedha zinazoingia na kutoka. Namba ndo kila kitu – fahamu ni namba zipi zipo juu kati ya zile zinazohusu fedha inayotoka na zile zinazohusu fedha inayoingia.

3. Kuna fursa nyingi za kuzalisha mitaji kupitia mikopo na misaada inayotolewa ajili ya kuendeleza wajisiliamali wadogo hasa katika Bara la Africa. Je umejiandaa vipi kwa ajili ya kufanikiwa kupata mikopo au misaada hiyo. Kumbuka namba ndo kila kitu, je, una mpango wa biashara yako ambao ndio dira kuu ya kuombea mikopo au misaada husika?

4. Katika jitihada zako za kukuza mtaji au kukuza biashara yako unahitaji kutambua kuwa Mungu ndio jibu kuu. Anajibu pale husipotegemea hivyo wajibu wako ni kumuomba kwa kumaanisha juu ya nia unayohitaji. Unatakiwa kubakia kwenye nia hivyo bila kuyumbishwa na mawimbi ya dunia ambayo yanaweza kuwa na tivisho vikali kwa nyakati unazopitia.

5. Simama imara katika nyakati ngumu hasa pale unapokutana na vikwazo ambavyo vinakwamisha njia yako ya mafanikio. Mwandishi anatushirikisha kuwa kuna kipindi ambacho unajikuta kwenye nyakati ambazo unaona kuwa mradi wa ndoto yako hauwezi kutekelezeka labda kutokana na mazingira ya kisheria. Masiyiwa yeye binafsi alipitia kwenye nyakati hizo kipindi ambacho alikuwa kwenye hatua za awali za kuanzisha kampuni ya mawasiliano ya simu nchini Zimbabwe. Kwa nguvu za Mwenyezi Mungu alisimama imara mpaka kufanikiwa kutatua vikwazo vya kisheria vilivyokuwepo dhidi yake.

6. Uaminifu ni mtaji kuliko hata fedha zenyewe. Mwandishi anatushirikisha kuwa moja ya nyenzo muhimu pale unapopambana kukuza biashara ni uaminifu. Unahitaji kuwa mwanifu kwa wadeni wako hata nyakati zile ambazo unajikuta upo kwenye wakati mgumu wa kurejesha madeni yako kwa wakati.

7. Katika nyakati ngumu za vikwazo vya kisheria pamoja na rushwa hasa katika nchi zinazoendelea unahitaji kuzungukwa na Wanasheria makini. Mwandishi anatushirikisha kuwa pale ambapo unajikuta umekwama kisheria huna budi kuwa na timu ya wanasheria makini na watiifu ambao sio tu wanahitaji kupata pesa zako bali wanahitaji kufanikiwa kupitia utatuzi wa changamoto ulizonazo kwa wakati husika. Kufanikiwa kupata Wanasheria makini kama hao huna budi kuwashirikisha historia ya changamoto ulizonazo au pale inapobidi endelea kutumia timu ile ile kwa nyakati tofauti ili kuwa na uelewa wa ndani wa biashara/kampuni zako.

8. Unapokuza biashara yako ni lazima uwe tayari kuzungukwa na timu ya wataalam wenye weledi na uzoefu wa kutosha. Kwa kifupi ni kwamba katika kukua kwa biashara ni lazima uepuke washirika au wataalam wa bei nafuu kwani hawa ni chanzo cha kuua biashara. Tafuta watu wenye uzoefu na kaliba ya utendaji kazi ya hali ya juu. Watu hawa wawe na mchanganyiko wa taaluma, uzoefu wa taasisi tofauti na kutoka sehemu mbalimbali ndani au nje ya nchi.

9. Katika nyakati za kukuza mtaji wa biashara yako ni lazima uwe tayari kuuza mpango wako wa kibiashara kwa wafadhili/wawekezaji mbalimbali. Kumbuka kuwa ili ufanikiwe kupata ufadhili au kuwavutia wawekezaji wakubwa ni lazima mpango wako wa kibiashara uwe na uhalisia hasa kwenye mpango wa mauzo.

10. Katika kukuza biashara yako ni lazima uwe tayari kupanua wigo wa biashara kwa kufungua masoko mapya katika sehemu mbalimbali. Mwandishi anatushirikisha kuwa biashara nyingi zinashindwa kupanuka kwa vile zinaendelea kutegemea masoko yaleyale wakati kuna fursa nyingi katika nchi zilizoendelea au zinazoendelea. Unahitaji kuifanya biashara yako isafiri sehemu mbalimbali za dunia hii kwa kufungua masoko mapya ndani na nje ya mipaka ya nchi yako ya awali.

11. Je unaona nini? Mwandishi anatushirikisha kuwa kila mjasiliamalia anatakiwa awe tayari kuona fursa ambazo watu wengi hawazioni. Hapa ndipo unatakiwa kuwa na makadirio chanya (projections) ya ukuaji wa biashara yako ambayo hakuna hata mmoja anayeamini kuwa unaweza kutimiza makadirio hayo. Kumbuka kuwa katika kila hatua ya ukuzaji wa biashara yako ni lazima ufikirie kwa mapana.  

12. Jifunze kuwekeza. Mwandishi anatushirikisha kuwa kama hauna utamaduni wa kuwekeza fedha zote unazopata zitapitiliza na mwisho wake hautajua zimepotelea wapi. Kumbuka kila mtu ana fedha za kuwekeza pasipo kujali kiasi cha pesa alichonacho, anza kuwekeza ukiwa na hiki hiki kidogo ulichonacho kwa ajili ya kujijengea utamaduni wa kuwekeza. Hapa ndipo unatakiwa kujifunza kuhusu kuwekeza kwenye masoko ya hisa (stock markets) au mifuko ya pamoja (mutual funds).

Soma: Mambo Niliyojifunza Kwenye Kitabu cha How The Stock Markets Works (Mwongozo wa Jinsi Soko la Hisa Linavyofanya Kazi)

13. Je unawekeza wapi muda wako? Mwandishi anatushirikisha kuwa kama unataka kuwa mwekezaji mzuri ni lazima uwe tayari kuwekeza muda wa kutosha kwa ajili ya kufanya tafiti za uwekezaji. Unahitaji kusoma vitabu au magazeti yanayohusu uwekezaji hasa kwenye uwekezaji wa hisa kwa ajili ya kujua ni hisa za kampuni zipi ambazo zinafanya vyema kwenye soko kulingana na historia ya kampuni husika. Kama ambavyo maandiko matakatifu yanasema kuwa “watu wangu wanaangamia kwa kukosa maarifa” ndivyo ilivyo kwenye ulimwengu wa uwekezaji. Watu wengi wanashindwa kuwa wawekezaji wazuri kutokana na kushindwa kujifunza mbinu za uwekezaji.

14. Tekeleza majukumu yako ya kila siku kwa mpangilio. Hakikisha unaanza na yale yenye umuhimu wa kukamilishwa kwanza kabla ya kuanza yale ambayo si lazima yakamilishwe kwa wakati huo. Mwandishi anatushirikisha kuwa kama unahitaji kuwa tajiri ni lazima utambue kutumia muda wako vizuri kwani kinyume na hilo hautoweza kupiga hatua.

15. Jifunze miundo ya kampuni kubwa zilizofanikiwa na namna ambavyo kampuni hizi zinaongozwa kwa ufanisi. Mwandishi anatushirikisha kuwa kuna kampuni ambazo zina wafanyakazi wengi kuliko hata wafanyakazi wa Serikali kwa baadhi ya nchi za Africa. Lakini kampuni hizi zinaongozwa na mtu mmoja akisaidiwa na wasaidizi wake. Hivyo, kama unahitaji kumiliki na kuendesha kampuni kubwa kiabiashara ni lazima uwe tayari kujifunza. Anza kujifunza namna ya kuongoza wafanyakazi wako hata kwa biashara ndogo unayomiliki kwa sasa. Lenga kupanua biashara hiyo mpaka kufikia kwenye viwango vya biashara kubwa kimauzo katika soko.

16. Sifa ya mjasiliamali mzuri ni yule ambaye anaweza kuanzisha, kukuza na kuongoza biashara yake kwa ufanisi hata katika kipindi ambacho biashara hiyo imepanuka mpaka viwango vya kimataifa. Biashara zilizo nyingi zinashindwa kupanuka mpaka kwenye viwango vya kimataifa kwa vile wamiliki wanashindwa kuwa na ubunifu katika yale wanayofanya. Mwandishi anatushirikisha kuwa kila biashara inaweza kutanuka na kufikia viwango vya kimataifa bila kujali inajihusisha na nini au ndogo kiasi gani. Jambo la muhimu ni kuhakikisha kuwa kila unapoitazama biashara yako uitazame kwa mapana ya kimataifa na kuhakikisha kila mara unaweka mipango ya ukuaji kwa ajili ya kufikia viwango hivyo.

17. Katika kukuza biashara yako unahitaji kuwa makini katika kuchagua jina la biashara yako. Chagua jina ambalo ni rahisi kulitangaza na linaweza kupenya nje mipaka ya sehemu ulipo na bado likaendelea kukubalika kwa wateja. Jina linahitaji kuwa fupi, kipekee na lenye maana halisi ya kile unachofanya. Biashara za kampuni zinatangazwa kupitia jina la kampuni. Pia, mwandishi anatushirikisha kuwa ni muhimu kuhakikisha unatenga bajeti kwa ajili ya kujitangaza kibiashara.

18. Epuka kuendesha biashara peke yako badala yake jifunze njia mpya na za kisasa zinazotumika kuendesha biashara kupitia watu mbalimbali ambao wapo tayari kufanya kazi kwa ajili yako. Mwandishi anatushirikisha kuwa biashara nyingi ndogo katika maeneo mengi zinashindwa kuendelea kutokana na kuendeshwa na mtu mmoja na pale inapotokea mtu huyo akakosekana basi na biashara inakuwa ndo mwisho wake. Hapa ndipo unahitaji kuhakikisha unakuwa unatamaduni wa kurudisha sehemu ya faida kwa ajili ya kuendeleza kupanua biashara husika ili kila mara biashara hiyo iendelee kupanuka zaidi.

19. Upofanya maamuzi ya kifedha hakikisha kuwa ni maamuzi sahihi. Mwanidishi anatushirikisha kuwa njia pekee ya kukuza biashara ni kupitia maamuzi sahihi ya matumizi ya fedha ulizonazo kwa ajili ya biashara. Ukifanya maamuzi ambayo sio sahihi matokeo yake ni kudumaza biashara au kufilisika kwa ujumla. Kipo bora cha namna gani unafanya maamuzi sahihi ya kifedha ni matokeo ya kifedha juu ya maamuzi uliyofanya. Kumbuka maamuzi sahihi ya kifedha watu hawazaliwi na kuwa nayo bali taaluma ambayo kila mtu anaweza kujifunza, hivyo, unahitaji kuwekeza muda wako kujifunza zaidi. Kumbuka maamuzi sahihi ya kifedha yanaanzia kwenye fedha ulizonazo kwa wakati husika bila kujali uchache au wingi wake na bila kujali umri ulionao.

20. Tambua nyakati zipi biashara inajiendesha kwa kuzalisha pesa au bila kuzalisha pesa. Mwandishi anatushirikisha kuwa katika uendeshaji wa biashara kuna kipindi ambacho unaweza kuwa na mauzo makubwa lakini kumbuka kuwa wingi wa mauzo sio kwamba biashara inajiendesha kwa faida. Ni wajibu wako kama mmiliki wa biashara kufanya maamuzi sahihi ya kifedha kulingana na nyakati husika kwenye biashara.

21. Kila mchezo una sheria zake na ndivyo ilivyo hata kwenye biashara. Sheria moja wapo ambayo mwandishi anatushirikisha ni kwamba pale unapotaka kuingia kwenye ushirika wa biashara hakikisha unamfahamu vyema mshirikia wako kabla ya kushirikiana nae kibiashara. Pia, mwandishi anatushirikisha kuwa kama unahitaji kukua kibiashara huna budi kuunganisha nguvu na washirika mbambali japo kabla ya kufanya hivyo kumbuka ni lazima uwatambue vyema.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link). Nakutakia mapambano mema.

Karibuni kwenye fikra za kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"