Maisha Ni Mafupi Sana! Amua Sasa Kuishi Kwa Faida Kulingana na Misingi ya Asili

NENO LA SIKU_JANUARI 31/2022: Maisha Ni Mafupi Sana! Amua Sasa Kuishi Kwa Faida Kulingana na Misingi ya Asili

📝Ni siku nyingine ambayo tumezawadiwa ili tupate kuendelea kuwa bora zaidi ya jana. Hongera rafiki na mfuatiliaji wa masomo yangu kwa kufanikiwa kuifikia siku hii ambayo inaongeza idadi ya siku za uhai wako hapa duniani. 

Kujiunga kundi letu la WhatsApp la FIKRA ZA KITAJIRI, TAFADHALI BOFYA HAPA

📝Ni siku ambayo naamini unaendelea kuitumia katika kutimiza majukumu yako muhimu. Kupitia siku ya leo tumeongezewa muda wa kuendeleza jitihada za kuishi kwa faida ya nafsi zetu, jamii na mazingira yanayotuzunguka.

📝Karibu tutafakari kupitia makala ya siku ya leo ambayo ni mwendelezo wa tafakari kuhusu maisha haya tunayoishi. Katika makala ya leo nitapenda ufanye tathimini ya maisha yako kwa kipindi ambacho umefanikiwa kuishi hadi sasa. Jiulize maswali muhimu yanayolenga kukurudisha kwenye historia ya maisha yako.

📝Piga picha ya kipindi chote ambacho umepitia toka ulivyofikia umri wa kuweza kutambua mema na mabaya. Kwa maana, yaone matukio uliopitia katika maisha kama mfululizo wa matukio yanayounda filamu halisi ya maisha yako.

📝Kupitia filamu ya maisha yako, jiulize maswali ya tafakari ambayo yanalenga kuhoji kila tukio katika filamu hiyo. Kama ni matukio ya mateso, jiulize chanzo cha mateso hayo na ulifanya nini ili kuepuka mateso husika. Kama ni matukio yanayosisimua hisia za mwili wako hasa hisia za furaha, jiulize ni matendo gani yaliyopelekea furaha hiyo na hitimisha kwa kulinganisha na hali ya sasa. 

📝Endelea kupitia kila tukio kwenye filamu ya maisha yako! Jiulize ni matendo gani ambayo enzi hizo yaliwezesha kujiona mtu mwenye thamani japo yawezekana thamani hiyo haionekani kwa sasa. Jiulize ni watu gani muhimu ambao wamewezesha ufanikiwe kufikia hatua ya mafanikio uliyonayo! Je! Watu hao bado wana nafasi katika maisha ya sasa? Pia, jiulize watu ambao kwa njia moja au nyingine unajutia kukutana nao, kwa kuwa, kupitia wao kuna matukio ambayo unaona kwa kiasi yameharibu mtiririko wa matukio katika filamu ya maisha yako.

📝Husichoke endelea kupitia filamu ya maisha yako! Jiulize ni matendo gani ambayo yamekufanya mtu yule unayemuona kuwa ni wewe wa sasa bila kujali kama unajikadiria katika viwango vya juu au kuna kitu ambacho unaona lazima kifanyike ili ujivunie kuishi kwako hapa duniani. 

📝Jiulize ikiwa ungepewa nafasi ya kurudi nyuma na kurekebisha, ni matukio yapi ambayo hungependa yawe sehemu ya filamu ya maisha yako na yapi husingetamani yaonekana kabisa kwenye historia yako. Jiulize ni matukio yapi ambayo unaona yameweka msingi wa maisha yako. 

📝Kupitia filamu ya maisha yako jiulize ni matukio yapi ambayo unatamani yaonekane katika maisha yako ya kesho. Jiulize  hatua zipi muhimu ambazo unatakiwa kuchukua ili kuunda msingi imara wa maisha yako ya kesho. 

📝Hitimisha kwa kujiuliza kama leo ingekuwa siku yako ya mwisho kuishi hapa duniani historia ya matukio katika filamu ya maisha yako ingekuhumu kuelekea upande wa mema (upande wa Malaika) au mabaya (upande wa Ibilisi). Jiulize watu wangesema nini katika maombolezo ya msiba wako. Jiulize nani ambaye angelia au ni wangapi ambao wangelia zaidi kwa kuhuzunishwa na kifo chako. Kilio ambacho kinatokana na matendo mema uliyowatendea enzi za uhai wako. Jiulize ni watu wangapia ambao wangesherekea kusikia habari za kifo chako kutokana na unyama uliowatendea.

📝Tumia tafakari hii kurekebisha matukio ya filamu ya maisha yako. Amua sasa kuishi maisha yanayojikita kwenye uwanda mpana wa matendo mema dhidi ya nafsi yako, watu wengine na mazingira yanayokuzunguka. Amua sasa kuishi kwa faida ya kizazi cha sasa na vizazi vijavyo. Amua sasa kuibadilisha filamu ya maisha yako ili iwe na matukio yanayovutia dhidi ya nafsi yako na watu wote. Nakutakia kila lenye heri katika kuishi kwa faida kuanzia sasa.

PATA NAKALA YA KITABU CHA MAISHA YENYE THAMANI

 

Kitabu hiki bado kinatolewa kwa bei ya OFA kwa kuchangia cha Tshs. 10,000/= tu! Utatumiwa kwa barua pepe au WhatsApp Nakala tete (soft copy) yenye fomati ya Pdf.

Kupata kitabu hiki, lipia kupitia Mpesa kwenye namba +255 (0) 763 745 451 au Airtel Money namba +255 (0) 786 881 155 au Halopesa namba +255 (0) 629 078 410 zote majina ni AUGUSTINE MATHIAS MUGENYI.

Je! Wajua Fumbo Kuu la Maisha Yako Hapa Duniani?

NENO LA SIKU_JANUARI 30/2022: Je! Wajua Fumbo Kuu la Maisha Yako Hapa Duniani?

📝Ni siku nyingine ambapo tumefanikiwa kupata kibali cha kuwa hai. Hongera kwa kufanikiwa kupata kibali hiki ambacho ni tiketi ya kuendelea kuboresha maisha yako.

Kujiunga kundi letu la WhatsApp la FIKRA ZA KITAJIRI, TAFADHALI BOFYA HAPA

📝Karibu tena katika makala ya siku ya leo ambapo nitaangazia kuhusu maisha ya mwanadamu dhidi ya mafumbo yanayomkabili katika kipindi chote cha uhai wake. Ni dhahiri kuwa maisha ya mwanadamu yanaanzia kwenye utungisho wa mimba pale manii ya kiume inapokutana na yai la kike hadi ukomo wa maisha hayo, kwa maana, kifo.

📝Kipindi chote cha uhai wa mwanadamu utawaliwa na mafumbo ambayo humfanya mwanadamu kutokuwa na majibu ya moja kwa moja. Kiumbe mwanadamu akiwa bado tumboni mwa mama yake hukabiliwa na fumbo la giza linalomzunguka. 

📝Pamoja na giza hilo angalau maisha kwa kiumbe huyu yanakuwa siyo ya wasiwasi ikilinganishwa na maisha baada ya kuzaliwa. Baada ya kuzaliwa mtoto, siku yake ya kwanza anakabiliwa na hofu kutokana na mabadiliko ya ghafla kutoka gizani hadi kwenye nuru.

📝Kipindi chote cha utoto, mwanadamu anakuwa huru kiasi katika kufikiria mafumbo yaliyopo mbele yake kutokana na akili yake kutojisumbua kuwaza kuhusu maisha ya baadae. Hitaji lake kubwa katika kipindi hiki ni kuona anatimiziwa mahitaji muhimu kama vile usalama, chakula au mavazi. Zaidi ya hayo anataka apate muda wa kutosha kwa ajili ya kucheza na watoto wa rika lake.

📝Kipindi cha utoto, hufuatiwa na kipindi cha ujana hadi uzee ambapo mwanadamu mwenye akili timamu hutawaliwa na fumbo kuu la maisha ya baadae. Ni kipindi cha kujiuliza maswali yasiyo na majibu ya uhakika kuhusu kesho itakuwaje kiafya, kiuchumi, kiusalama, kikazi, kibiashara, kimahusiano au kiroho.

📝Kipindi hiki hutawaliwa na maswali mengi kuhusu asili ya mwanadamu (kwa maana yeye ni nani na chanzo cha uhai wake ni kipi); ulimwengu unaomzunguka (kwa maana jamii na mazigira), jinsi ya kuishi kwa fadia (yeye na wanaomzunguka) na hatima ya mwisho wa maisha yake. 

📝Kuhusu hatima ya mwisho wa maisha, mwanadamu anajiuliza maswali mengi yanayohusiana na mwisho wa maisha yake na kwa nini bado anaishi ikilinganishwa na wale ambao wametangulia mbele za haki. Kubwa zaidi katika hatua hii ni fumbo la lini na jinsi gani safari yake itahitimishwa kwenye uso wa dunia hii.

📝Kutokana na mafumbo hayo, mwanadamu anajikuta kwenye kutafuta mbinu mbalimbali za kuishi kwa kupunguza uoga wa maisha ya baadae yasiyotabirika (reducing the fear of uncertainty in future life). Hapa ndipo mwanadamu anajaribisha kanuni, mifumo na miongozo mbalimbali ya maisha.

📝Katika majaribio hayo, wapo ambao wanapotea njia na wapo wanaofanikiwa kuishi misingi bora inayopunguza maswali kwenye maisha ya baadae. Wale wanaopotea siyo kwamba wanapotea kwa kupenda, wengi wao wanakosa au huchelewa kupata miongozo sahihi.

📝Kusudi kuu kwangu mimi na wewe ni kuhakikisha tunakuwa miongoni mwa wanadamu wanaofanikiwa kupata majibu ya mafumbo ya maisha ili kufanikiwa kuishi maisha yasiyo na hofu juu ya maisha ya baadae. 

📝Tunatakiwa kuishi kwa kupunguza hofu kuhusu mstakabali wa maisha yetu kiafya, kiusalama, kiuchumi, kimahusiano, kikazi, kiroho na utayari wa kukabiliana na kifo katika maisha ya kila siku.

📝Nihitimishe kwa kusema kuwa, katika kuhakikisha napunguza idadi ya watu ambao wanapotea njia kutokana na kukosa au kuchelewa kupata miongozo sahihi ya kuishi maisha yasiyo na hofu kuhusu kesho, nimekuandalia kitabu bora cha MAISHA YENYE THAMANI. 

📝Hiki ni kitabu ambacho kitakuwezesha kuishi maisha ambayo yanajikita kwenye misingi ya asili ya kuumbwa kwako ili kupunguza uoga wa maisha yajayo. Ni kitabu ambacho natamani kisomwe na watu wengi ili kupunguza mateso ambayo mwanadamu wa sasa anapitia katika maisha ya kila siku.

📌Karibu ujipatie nakala yako!

Kitabu hiki bado kinatolewa kwa bei ya OFA kwa kuchangia cha Tshs. 10,000/= tu! Utatumiwa kwa barua pepe au WhatsApp Nakala tete (soft copy) yenye fomati ya Pdf.

Kupata kitabu hiki, lipia kupitia Mpesa kwenye namba +255 (0) 763 745 451 au Airtel Money namba +255 (0) 786 881 155 au Halopesa namba +255 (0) 629 078 410 zote majina ni AUGUSTINE MATHIAS MUGENYI.

Je! Wewe Ni Mzazi/Mlezi Mwenye Kiu ya Kukuza Wanao Kimaadili? Fahamu Jinsi Mtoto Anavyobadilika Kitabia!

NENO LA SIKU_JANUARI 29/2022: Je! Wewe Ni Mzazi/Mlezi Mwenye Kiu ya Kukuza Wanao Kimaadili? Fahamu Jinsi Mtoto Anavyobadilika Kitabia!

📝Hongera rafiki yangu kwa kupata kibali cha kuendelea na majukumu yako ya siku hii ya leo. Ni jambo la heri kuona tupo salama na tumefanikiwa kuendelea kusukuma gurudumu la kufanikisha ndoto muhimu za maisha yetu.

📝Katika neno la siku ya leo nitaangazia wajibu wa wazazi/walezi au mtu ambaye anakusudia kuwa na familia yenye watoto au wewe ambaye kwa namna moja au nyingine majukumu yako ya kila siku yanahusisha kujumuika na watoto wa rika tofauti.

📝Uendelevu wa jamii au taifa lolote, msingi wake ni idadi ya watoto wanaokua katika kila rika kwa kuzingatia misingi bora ya maadili. Jamii au Taifa ambalo misingi ya maadili inaporomoka ni wazi kuwa maendeleo ya jamii au taifa hilo yapo hatarini.

📝Ukweli huu unatokana na msingi kuwa maadili yanaunda sifa za utu ambazo hutuongoza kufanya maamuzi na hukumu juu ya kile tunachofikiri ni sawa au si sahihi katika maisha ya kila siku. 

📝Kwa kuwa watu wana uzoefu tofauti, maadili yanaweza kutofautiana kati ya mtu na mtu, jamii na jamii au taifa na taifa. Hata hivyo, pamoja na tofauti hizo katika jamii au taifa moja ni lazima pawepo tunu zinazoongoza watu wake. Tunu hizo ndizo zinaunda msingi wa maadili kwa wananchi wa taifa husika. 

📝Pamoja na uwepo wa tunu hizo, maadili hutakiwa kuanza kufundishwa katika ngazi ya kwanza ya utawala ambayo ni ngazi ya familia ambako walimu ni wazazi au walezi na watoto ndo wanafunzi. 

📝Wazazi au walezi wana jukumu kubwa la kuhakikisha kwanza wao wenyewe wanaishi maadili mema na wanatumia muda mwingi kuwa karibu na wanao kwa ajili ya kurekebisha tabia zao kulingana na hatua za ukuaji wanazopitia.

📝Hata hivyo, tunaishi katika Ulimwengu ambao idadi ya watoto wenye maadili yasiyofaa inaongezeka kila siku. Ukuaji wa teknolojia unaendelea kuzalisha kizazi ambacho asilimia kubwa ya kizazi hicho hakina maadili mema.

📝Ukuaji wa teknolojia na miundombinu ya kijamii umepelekea wazazi au walezi kukosa muda wa kutosha kuwa karibu na watoto wao.

📝Pia, ukuaji wa teknolojia hasa teknolojia ya mawasiliano unaendelea kuzalisha kizazi ambacho kinajifunza maadili kutoka kwenye TV, filamu au mitandao ya kijamii.

📝Ni kutokana na hayo, kila kukicha wazazi wanazidi kukosa muda wa kuwa karibu na watoto wao na baadhi wanachagua kutafuta watu wa kutekeleza jukumu la malezi kwa watoto tena watoto wachanga ambao wanahitaji misingi bora ya malezi. 

📝Waswahili husema; “Samaki mkunje angali mbichi”, kila hatua ya ukuaji wa mtoto ni hatua muhimu katika kuamua maadili ya mtoto husika katika kipindi cha utu uzima.

📝Hivyo, kadri jamii inavyozidi kuwa na idadi kubwa ya kizazi kisichojitambua, mtu wa kwanza kulaumiwa ni mzazi kwa maana ameshindwa kutekeleza jukumu lake la malezi.

📝Hata hivyo, wazazi au walezi wengi wanashindwa kutekeleza jukumu lao la msingi kutokana na kutokujua nadharia (theory) mbalimbali za maendeleo na ukuaji wa watoto. Wanafalsafa mbalimbali wameweza kuelezea nadharia mbalimbali kuhusiana na hatua za ukuzaji wa tabia kwa mtoto.

📝Je! Wewe ni miongoni mwa wazazi au walezi ambao wangependa kujifunza kuhusu nadharia za maendeleo na ukuaji wa watoto? Kama ndivyo, hakikisha unapata nakala yako ya kitabu cha MAISHA YENYE THAMANI.

📝Katika kitabu hiki utajifunza nadharia za Wanafalsafa tano tofauti ambao kila mmoja ameelezea jinsi binadamu anavyojifunza tabia mpya katika kila hatua ya ukuaji wake. Nadharia hizi ni muhimu katika kipindi cha sasa ambacho wazazi au walezi tunaangaika kutafuta mbinu bora za kurejesha maadili kwa kizazi chetu.

📝Kwa nini kila mmoja wetu anatakiwa kuweka mkazo wa kuboresha maadili ya watoto? Suala la maadili mema ya watoto ni la kila mmoja kwenye jamii kutokana na ukweli kwamba maadili sahihi huwezesha watoto:-

• Kujenga akili yao

• Kutofautisha kati ya mema na mabaya

• Kubadili mtazamo juu yao wenyewe na Ulimwengu unaowazunguka

• Ni msingi wa tabia njema katika kipindi chote cha ukuaji

• Kusaidia kuepuka ushawishi mbaya kutoka kwa makundi ya watoto wenzao

• Ni msingi wa utatuzi wa changamoto za kimaisha

• Husaidia watoto kuongeza uwezo wa kujiamini

• Husaidia watoto kukua katika misingi ya kufikiria mahitaji ya wengine katika jamii.

📝 Kumbe suala la maadili mema katika jamii ni jukumu letu sote. Iwapo kila mmoja wetu atachukua hatua stahiki ni wazi kuwa tutafanikisha kurejesha maadili mema kuanzia katika ngazi ya familia na jamii kwa ujumla. Kama mzazi au mlezi hakikisha unatimiza wajibu wako.

Kitabu hiki bado kinatolewa kwa bei ya OFA kwa kuchangia kiasi cha Tshs. 10,000/= tu! Utatumiwa kwa barua pepe au WhatsApp Nakala tete (soft copy) yenye fomati ya Pdf.

Kupata kitabu hiki, lipia kupitia Mpesa kwenye namba +255 (0) 763 745 451 au Airtel Money namba +255 (0) 786 881 155 au Halopesa namba +255 (0) 629 078 410 zote majina ni AUGUSTINE MATHIAS MUGENYI.

NENO LA SIKU: Je! Unahitaji Kuishi Maisha Hai? Fahamu Misingi Inayounda Utu Wako!

NENO LA SIKU_JANUARI 28/2022: Je! Unahitaji Kuishi Maisha Hai? Fahamu Misingi Inayounda Utu Wako!

📝Pole na majukumu ya siku ya leo. Naamini kuwa unaendelea vyema katika majukumu yako ya siku hii ya leo. 

📝Karibu kwenye neno la siku ili uendelee kujiongezea maarifa yanayolenga kupanua ufahamu wako kuhusu wewe ni nani katika mazingira yanayokuzunguka.

📝Katika makala hii kwa ufupi nitagusia kwenye ubinadamu wetu katika maisha ya kila siku. Katika ubinadamu huo, kipekee nitaelezea kuhusu utu na misingi inayounda utu wa mwanadamu.

📝Mwanadamu tofauti yake na viumbe wengine ni kupewa zawadi ya Uwezo wa kufikiri (reasoning), Kutatua matatizo yanayomkabili (ability to solve complex problems) na Mfumo wa mawasiliano kupitia lugha (well developed language communication skills). 

📝Pamoja na zawadi hiyo, uhusiano wa mwanadamu na watu wengine unakamilishwa na utu wa mhusika ambao ni zao la makuzi, malezi na mazingira ambayo mhusika amekulia. 

📝Mwanadamu hasiye na utu dhidi ya jamii inayomzunguka, tabia zake ni sawa na wanyama wengine kama vile Simba, Chui au Mbwa mwitu na wengineo. 

📝Hivyo, ndiyo utu unatufanya tuwe mwanadamu na una nafasi kubwa ya kuamua aina ya maisha tunayoishi hapa Duniani.

📝Kumbe, kwa kiumbe mwanadamu ambaye maisha yake hutegemea makundi ya kijamii, utu ni kiungo muhimu kwake katika kudumisha mahusiano. Hata hivyo, utu wetu hutofautiana kati ya mtu mmoja na mwingine katika jamii moja.

📝Hapa ndipo tunahitaji kufahamu misingi inayounda utu wetu. Utu wa mtu ni matokeo ya ukuaji au maendeleo ya vitu vitatu ambavyo ni: i) Id ii) EGO na iii) SUPER EGO. 

📝Je! Umewahi kujiuliza maneno hayo yanamaanisha nini katika maisha yako? 

📝Je! Jinsi ulivyo kwa maana ya mtazamo, tabia na vitendo vyako vya kila siku vina uhusiano gani na maneno hayo?

📝Kwa ufupi sana; Id ni sehemu ya utu inayotokana na hatua ya kwanza ya maendeleo ya ubongo wa mtoto. Mara nyingi huwa ni katika kipindi cha miaka ziro (0) hadi miaka miwili kuelekea mitatu (3) na kuna hatari mtu kuendelea katika hatua hiyo hata katika kipindi cha utu uzima ikiwa hakupata mwongozo sahihi. 

📝EGO ni sehemu ya utu katika ubongo ambayo inalenga kupunguza utawala wa Id ili mhusika apate kutambua kuwa kuna wengine zaidi yake. Inahusisha akili ya mwanadamu kuanza kutambua kuwa kuna kanuni ambazo anatakiwa kuzitii. EGO hukua kwa kasi kati ya miaka mitatu (3) hadi mitano (5).  

📝SUPER EGO ni sehemu ya tatu inayounda utu katika ubongo wa mwanadamu. Sehemu hii hudhibiti Id kuepuka maamuzi yasiyokubalika katika jamii. Inahusisha mtu kuanza kujua maswala ya kijamii kama vile misingi ya dini kwa ajili ya ukuaji wa kiroho. 

📝 Hata hivyo, Id, EGO na SUPER EGO hufanya kazi katika akili zetu kila mara, na mtazamo, tabia na matendo tuliyonayo ni matokeo ya kipi kinatawala dhidi ya wenzake, yaani mshindi kati ya Id, EGO au SUPER EGO.

📝Je! Mitazamo, tabia na vitendo vyako vina uhusiano upi na Id, EGO na SUPER EGO katika hatua ya ukuaji uliopo kwa sasa? 

📝Je! Una ufahamu wa kutosha kuhusu Id, EGO na SUPER EGO katika kuboresha mahusiano yako kwenye jamii sambamba na kukuza watoto wako vyema katika misingi ya utu unaofaa?

📝Je! Unahitaji kuboresha ufahamu wako kuhusu utu jinsi unavyoundwa kwa ajili ya kurekebisha mitazamo, tabia na matendo yako au kupata misingi bora ya malezi ya mwanao?

📝Kama ndivyo, husiangaike kwa kuwa kitabu cha MAISHA YENYE THAMANI, kimefafanua kwa mapana jinsi ambavyo tabia zetu zinaundwa kuanzia toka tukiwa watoto hadi kipindi cha uzee.

🖊️Kitabu hiki bado kinatolewa kwa bei ya OFA kwa kuchangia kiasi cha Tshs. 10,000/= tu! Utatumiwa kwa barua pepe au WhatsApp Nakala tete (soft copy) yenye fomati ya Pdf.

Kupata kitabu hiki, lipia kupitia Mpesa kwenye namba +255 (0) 763 745 451 au Airtel Money namba +255 (0) 786 881 155 au Halopesa namba +255 (0) 629 078 410 zote majina ni AUGUSTINE MATHIAS MUGENYI.

Kwa Asili Tumeumbwa Kuwa Watafutaji! Kwa Nini Tumepoteza Wajibu Huo?

 NENO LA SIKU_JANUARI 27/2022: Kwa Asili Tumeumbwa Kuwa Watafutaji! Kwa Nini Tumepoteza Wajibu Huo?

📝Habari ya rafiki yangu na mfuatiliaji wa masomo ya mtandao wa Fikra za Kitajiri. Ni wakati mwingine napata nafasi ya kukushirikisha machache kwa ajili ya ukombozi wa maisha yetu. 

Kujiunga kundi letu la WhatsApp la FIKRA ZA KITAJIRI, TAFADHALI BOFYA HAPA

📝Lengo la masomo haya ni kugusa maisha ya wengi ili jamii ipate kutambua kuwa ulimwengu unatudai vitu vya ziada kupitia maisha haya mafupi. Ikiwa wote tutambua Ulimwengu unataka nini kutoka kwetu, maisha kwa viumbe wote yatakuwa endelevu na kwa kufanya hivyo tutapunguza mateso ya kila aina katika maisha yetu.

📝Toka siku ambayo kila mmoja wetu aliumbwa, Ulimwengu ulianza kudai kitu cha ziada kutoka kwenye maisha yake na kitu hiko hauwezi kukilipa ikiwa hautambui thamani ya maisha yako ni ipi! Kumbe, hatua ya kwanza katika kutimiza deni unalodaiwa na Ulimwengu ni kutambua vitu muhimu vinavyoshikilia thamani ya maisha yako.

📝Katika hilo la kudaiwa na Ulimwengu, hatuna budi kutambua kuwa: “Kwa Asili Wote Tumeumbwa Kuwa Watafutaji.” Kwa maana, tumeumbwa kwa ajili ya kuutafuta “ukweli” ambao unahusisha kutafuta majibu ya maswili mengi kama vile: Ni kipi chanzo cha maisha yetu? Kwa nini tunaishi katika ulimwengu huu? Je! Sisi ni nani na maisha yetu ni kwa ajili ya nini? Je! Tunapaswa kufanya nini kwa ajili ya kuishi maisha ambayo yataacha alama vizazi na vizazi?

📝Hata hivyo, pamoja na kwamba kwa asili tumeumbwa kuwa watafutaji, tumepoteza asili kwa kujua au kutokujua. Mwanamahesabu na Mwanafalsafa wa Kifaransa Paschal Braise ndipo aliwaweka watu katika makundi mawili: Watafutaji (Seekers) na Wasio-watafutaji (Non-seekers). 

📝Kundi la Watafutaji mara zote wanatamani zaidi kuongeza uzoefu wa maisha na kutumia uzoefu huo kwa faida ya ulimwengu na wao wenyewe. Mara nyingi, Watafutaji hutamani kutazama nyuma kwenye nyakati za maisha yao na kufarijika kutokana na matendo ambayo wameishi huku wakitazamia kuendelea kutoa michango zaidi kwa ulimwengu wa kesho. 

📝Kundi la Watafutaji huongozwa na msukumo halisi kutoridhika na kwa kufanya hivyo hujiona wana deni kubwa la kuendelea kutafuta zaidi. Watafutaji ndani mwao huwa wana "hekima angavu" ambayo uwaongoza kuona umuhimu wa kutafuta zaidi kwa faida ya watu wote. Hekima hii angavu mara zote inalia ndani mwao kwa ajili ya kufungua njia mpya za kupunguza mateso kwa wanadamu na viumbe wote.

📝Mfalme Sulemani, mtafutaji na mwandishi wa kitabu cha Mhubiri katika Biblia Takatifu, aliona hekima hii angavu kama zawadi kuu na mzigo mkubwa. Aliiona hekima hii kama hamasa ya kuishi maisha yanayojikita katika kupata wema halisi na yenye thamani ya kweli ambayo inadumu hata baada ya ukomo wa maisha. 

📝Kwa kutumia hekima hiyo, Mfalme Sulemani alifanikiwa kuishi maisha yenye kila aina ya mafanikio. Hakuna mtu aliyefanikiwa zaidi katika maisha ya dunia hii kuliko Mfalme Sulemani. Alikuwa tajiri kupita kiasi. Alikuwa mfalme mwenye nguvu zaidi wa siku zake. Alijenga majengo makubwa ya usanifu, alipanda misitu, alilima bustani nzuri, alikuwa na mifugo wengi, dhahabu na kila aina ya utajiri. 

📝Mfalme Suleimani, alitumia utajiri wake mwingi kupata na kujionea starehe kuu zinazopatikana katika maisha haya—maisha ya anasa, mamlaka ya kijamii na kisiasa, anasa za kimwili za chakula, vinywaji, na ngono. Hata hivyo alikata kauli kwamba hiyo maisha yalikuwa sawa na “kufukuza upepo” tu ikilinganishwa na ukweli halisi wa kuishi maisha ya thamani aliyoyataka. 

📝Hilo ndilo fumbo kuu la maisha, fumbo ambalo watu katika kundi la watafutaji wanatakiwa kuliishi katika maisha yao ya kila siku. Ni kwa bahati mbaya kuwa Ulimwengu tunaoishi una watu wachache sana kwenye kundi la Watafutaji ikilinganishwa na wale ambao hawana la kupoteza yaani wale ambao asubuhi jua lichomoze na jioni jua lizame, kwao kila kitu katika maisha yao ni sawa tu.

📝Hata hivyo, watu wengi wapo kwenye kundi la Wasio-Watafutaji si kwa mapenzi yao bali kwa kuwa hawana msingi sahihi wa kutambua maisha yao si kwa ajili ya kutimiza matakwa yao tu bali faida ya Ulimwengu kwa ujumla.

📝Katika kuhakikisha nakuwa sehemu ya watu ambao wanaishi kwa ajili ya kuacha alama katika Ulimwengu huu, nimetumia kipindi cha maumivu kutokana na ajali niliyopata kuandika kitabu cha MAISHA YENYE THAMANI. Hiki ni kitabu ambacho kinaleta nuru palipo na giza. Hivyo, ni kitabu muhimu kwa ajili ya kupunguza idadi ya watu katika kundi la Wasio-Watafutaji.

📝Ni kitabu ambacho kitakufanya utambue kuwa umepewa kuishi mara moja si kwa faida ya nafsi yako tu au ndugu zako bali faida ya watu wote katika Ulimwengu na viumbe vyote vilivyomo ndani yake.

📝Ni kitabu ambacho kitakufanya kila mara utimize wajibu wako vijana kwa wazee, wazazi, mtumishi wa umma, mfanyabiashara, mkulima au mfugaji, kiongozi wa Serikali, tasisi za dini au taasisi binafsi.

📝Nihitimishe makala hii kwa kusema kuwa: “Hatuwezi kufanikiwa kimaisha ikiwa hatujui misingi halisi ya kuumbwa kwetu sambamba na umuhimu wetu kuendelea kuishi.” Kupitia kitabu cha MAISHA YENYE THAMANI utafanuliwa vya kutosha ili uweze kurudi kwenye misingi ya asili kulingana na makusudi ya kuumbwa kwako.

Kitabu hiki kwa sasa kinapatikana kwa mfumo wa Nakala tete (soft copy) KWA BEI YA ZAWADI ya Tshs. 10,000/= badala ya Tshs. 20,000/=

Kupata kitabu hiki, lipia kupitia Mpesa kwenye namba +255 (0) 763 745 451 au Airtel Money namba +255 (0) 786 881 155 au Halopesa namba +255 (0) 629 078 410 zote majina ni AUGUSTINE MATHIAS MUGENYI.

Born to Win ~ Dream Big

 
Mwalimu Augustine Mathias 
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com
Barua pepe:  fikrazatajiri@gmail.com

Ujumbe wa Jonathan Lucas KWIYEGA Kuhusu Maudhui ya Kitabu Cha MAISHA YENYE THAMANI

📝Namshukuru sana rafiki yangu Augustine Mathias Mugenyi  kwa kunipa heshima ya kuwa mtu wa kwanza kusoma kitabu cha MAISHA YENYE THAMANI.

📝Kwa heshima hiyo, nimefanikiwa kusoma na kufuatilia kwa karibu sana maudhui ya kitabu hiki kuanzia ukurasa wa kwanza hadi wa mwisho.

📝Hakika ni kitabu muhimu sana kwa mwanadamu wa karne hii ya 21 kwa kuzingatia kuwa idadi ya watu inaongezeka na kusababisha kasi ya ongezeko la changamoto za maisha katika kila kona ya dunia.

📝Hii ni karne ambayo kuna kila sababu ya mwanadamu aliye hai kimwili na kiroho kufahamu kwa nini anaishi na wajibu wake ni upi kwake yeye mwenyewe, watu wengine, mazingira na kubwa zaidi kwa Muumba wake.

📝Kutambua wajibu huo ni muhimili na msingi muhimu wa kumfanya mwanadamu wa sasa aweze kuishi maisha kamili, tosherevu na yenye furaha. 

📝MAISHA YENYE THAMANI ni kitabu kinachotoa ufafanuzi wa kina kuhusu nyakati za maisha, mahitaji na hatua za ukuaji wa mwanadamu tangu kuzaliwa hadi kufa.

📝Katika kitabu hiki mwandishi ameelezea namna mwanadamu anavyoweza kujitambua na kuishi maisha yenye manufaa, furaha na amani. Ameelezea kwa kina namna ambavyo nadharia mbalimbali za maendeleo na ukuaji wa mwanadamu zinavyoathiri utu wa mwanadamu ambao ni msingi mkuu wa maadili katika jamii.

📝Pia, mwandishi ameainisha misingi ya imani na mapokeo ya dini mbalimbali jinsi inavyojibu swali kuu la msingi wa kitabu hiki, yaani majibu kuhusu “chanzo na maana ya maisha hapa duniani.”

📝Mwanadishi amefafanua falsafa mbalimbali za maisha na jinsi zinavyoeleza mahitaji na mchango wa nafsi ya mwanadamu anayeweza kujitambua na kutoa mchango wake katika jamii.

📝Aidha, Mwandishi ameleezea kwa kina namna sahihi ambayo kila mwanadamu anavyoweza kutumia falsafa hizo kufanyika mtu wa thamani hasa kuwa mtu mwenye maono, mwenye kuwekeza katika maeneo ya uwezo binafsi na kuzalisha huduma na bidhaa zinazobadili au kuleta mabadiliko chanya katika mazingira yake.

📝Vile vile, Mwandishi amefafanua umuhimu wa  busara na hekima ya uongozi katika kuongoza wengine ili kuleta mabadiliko chanya wakati mwanadamu anapoishi ndoto yake ama kutekeleza maono yake kwa furaha.

📝Mwandishi pia amegusia mambo yanayomfanya mwanadamu kupoteza thamani ya maisha, ambayo kwa sehemu kubwa yanatokea ndani ya nafsi ya mwanadamu na mazingira yake ya karibu.

📝Pia, katika kuhakikisha unapata mwongozo wote wa maisha yenye kuacha alama, Mwandishi amechambua changamoto zinazokabili dunia ya sasa na kuonyesha jinsi gani kila mmoja wetu anaweza kushiriki katika utatuzi wa changamoto hizo.

📝Kama hiyo haitoshi, Mwandishi ameelezea baadhi ya Sheria za Asili (Universal Laws) ambazo ni msingi wa ufanisi katika maisha.

📝Hakika haya ni mambo ambayo mtu akifanikiwa kuyafahamu na kujua namna ya kuyaishi, inamuiya rahisi kuishi maisha yenye thamani kubwa sana kwa kizazi chake na kuacha alama kwa vizazi vijavyo.

📝Kitabu hiki ni muhimu sana kusomwa na kila mtu hasa vijana na watu wazima. Ni kitabu muhimu sana kwa wazazi na walezi wa familia, viongozi wa taasisi na ngazi zote ili kujiongezea uwezo na ufahamu wa maisha.

📝Nimalizie kwa kusema kuwa, kitabu cha MAISHA YENYE THAMANI ni msaada wa kumfanya kila mtu apate kuishi maisha yenye mchango chanya katika jamii.

📝Ni maono yangu kuwa katika jamii iliyoshiba maudhui ya kitabu hiki kutakuwa na amani, furaha, uadilifu, utosherevu na maendeleo endelevu.

📝Mtu akisoma kitabu hiki kwa makini anapata shauku  na hamasa kubwa ya kuacha alama, kuhudumia jamii  na taifa lake kwa uadilifu akijua kwamba amepewa kuishi mara moja na kwamba kila siku ni muhimu kwake kukua, kuchanua  na kuonesha tunu iliyopo ndani mwake.

Jonathan Lucas Kwiyega

🖊️Mkurugenzi wa Shirika la Wanasihi wa Uhifadhi na Mandhari ya Nchi (LCMO); 

🖊️Mchungaji Kiongozi wa Kanisa la Chemichemi za Urejesho (SRM); na 

🖊️Mwandishi wa Vitabu zaidi ya Nane (8) vya Maarifa mbalimbali.

Kitabu hiki kwa sasa kinapatikana kwa mfumo wa Nakala tete (soft copy) kwa bei ya zawadi ya Tshs. 10,000/= badala ya Tshs. 20,000/=

Kupata kitabu hiki, lipia kupitia Mpesa kwenye namba +255 (0) 763 745 451 au Airtel Money namba +255 (0) 786 881 155 au Halopesa namba +255 (0) 629 078 410 zote majina ni AUGUSTINE MATHIAS MUGENYI.

BAADA YA KIMYA KIREFU, HII NDIYO ZAWADI YANGU KWAKO

Hii ndiyo zawadi ya kipekee ambayo nimekuandalia kwa ajili ya kuboresha maisha yako

⏩Hongera kwa jumapili iliyo bora. Ni matumaini yangu kuwa siku imemalizika salama. Waswahili wanasema "kimya kingi kina mshindo wake". 

⏩Ni kweli kuwa toka tarehe 20 mwezi Aprili, 2020 hadi sasa nimepitia mawimbi ya maumivu ya mwili kutokana na ajali mbaya ambayo Mungu aliniepushia. 

Kujiunga kundi letu la WhatsApp la FIKRA ZA KITAJIRI, TAFADHALI BOFYA HAPA

⏩Pamoja maumivu hayo ilifikia sehemu nikawa kwenye tafakari nzito ya kujiuliza ikiwa ningekufa katika ajali ile ningeacha alama gani katika mioyo ya watu wanaofuatilia masomo yangu na familia yangu kwa ujumla. 

⏩Katika tafakari hiyo nikapata wazo la kuandika kitabu na ndipo nikaona nina deni la kuelimisha kuhusu jinsi gani kila mmoja wetu anaweza kuishi MAISHA YENYE THAMANI yaani maisha yanayoacha alama chanya katika Ulimwengu tunaoishi. 

⏩Hata hivyo, pamoja na maamuzi hayo changamoto ilibakia ni kwa jinsi gani nitaweza kuandika kitabu hicho katika kipindi ambacho napitia maumivu makali kiasi ambacho siwezi kukaa muda mrefu. Pia, ni kipindi ambacho Kompyuta yangu mpakato ilikuwa na hitilafu. 

⏩Yote hayo yakaonekana kama kikwazo cha kunizuia kukamilisha azma yangu ya kuandika kitabu ambacho ni msingi wa kuelimisha jamii hasa wafuatiliaji wa masomo yangu ili wapate kuishi maisha yenye kuacha alama baada ya ukomo wa maisha ya haya.

⏩Ili kuondokana na changamoto hiyo ilinibidi nitafute kwenye mitandao jinsi gani naweza kuandika kitabu kupitia simu yangu ya mkononi. 

⏩Majibu niliyopata yamewezesha leo hii niwe mwenye furaha kwa kufanikisha kuandika kitabu changu cha kwanza. Huwezi amini lakini huo ndiyo ukweli, nimefanikiwa kuandika kitabu chenye zaidi ya kurasa 150 kupitia simu yangu ya mkononi.

⏩MAISHA YENYE THAMANI ni kitabu kinachotoa ufafanuzi wa kina kuhusu nyakati za maisha, mahitaji na hatua za ukuaji wa mwanadamu tangu kuzaliwa hadi kufa. 

⏩Katika kitabu hiki nimeelezea namna mwanadamu anavyoweza kujitambua na kuishi maisha yenye manufaa, furaha na amani. 

⏩Nimeelezea kwa kina namna ambavyo nadharia mbalimbali za maendeleo na ukuaji wa mwanadamu zinavyoathiri utu wa mwanadamu ambao ni msingi mkuu wa maadili katika jamii. 

⏩Pia, katika kitabu hiki nimeainisha misingi ya imani na mapokeo ya dini mbalimbali jinsi inavyojibu swali kuu la msingi wa kitabu hiki, yaani majibu kuhusu “chanzo na maana ya maisha hapa duniani.”

⏩Aidha, nimechambua changamoto zinazokabili dunia ya sasa na kuonyesha jinsi gani kila mmoja wetu anaweza kushiriki katika utatuzi wa changamoto hizo. 

⏩Kama hiyo haitoshi,  nimeelezea baadhi ya Sheria za Asili (Universal Laws) ambazo ni msingi wa ufanisi katika maisha. 

⏩Hakika maudhui ya kitabu hiki, mtu akifanikiwa kuyafahamu na kujua namna ya kuyaishi, inamuiya rahisi kuishi maisha yenye thamani kubwa sana kwa kizazi chake na kuacha alama kwa vizazi vijavyo.

⏩Hakika hiki ni kitabu muhimu sana kwa wazazi na walezi wa familia, Vijana, viongozi wa taasisi na ngazi zote katika kujiongezea uwezo na ufahamu wa maisha.

Kitabu hiki kwa sasa kinapatikana kwa mfumo wa Nakala tete (soft copy) kwa bei ya zawadi ya Tshs. 10,000/= badala ya Tshs. 20,000/= 

Kupata kitabu hiki, lipia kupitia Mpesa kwenye namba +255 (0) 763 745 451 au Airtel Money namba +255 (0) 786 881 155 au Halopesa namba  +255 (0) 629 078 410 zote majina ni AUGUSTINE MATHIAS MUGENYI.