Mwendelezo wa Uchambuzi wa Kitabu cha 365 Wisdom Keys of Mike Murdock: Funguo za Hekima 365 za Mike Murdock

Habari ya leo msomaji wa mtandao wa Fikra za Kitajiri.

Naamini unaendelea vizuri na mapambano yanaendelea kwa ajili ya kuhakikisha kesho inakuwa bora zaidi.

Leo hii naendelea kukushirikisha funguo 365 za hekima kutoka kwenye kitabu cha Mike Murdock. Katika Makala hii nakushirikisha funguo za mwezi Julai na lengo langu ni kumaliza funguo zilizobakia kabla ya mwezi Januari 2020.

Karibu tujifunze wote funguo za hekima ambazo mwandishi anatushirikisha katika sehemu hii:

Julai 1 (182): Mbegu yako itadhihirisha tabia ya udongo. Kumbuka tunafahamu kuwa katika hali ya kawaida, udongo wenye rutuba unatoa mbegu zenye ubora wa hali ya juu. Vivyo hivyo katika maisha ya kawaida matunda yako katika jamii yatadhihirisha tabia zako.

Julai 2 (183): Zawadi tatu za Mwenyezi Mungu ni Kusamehe, Urafiki na Matumaini katika maisha ya baadae. Hakikisha zawadi hizo zinakuwa sehemu ya maisha yako ya kila siku. Jifunze kusamehe, hakikisha unakuwa rafiki mwema na hakikisha unakuwa na tumaini bora katika maisha yajayo.

Julai 3 (184): Uadilifu hauwezi kuthibitishwa bali kinachofanyika ni kuutambua tu. Hivyo katika jamii unahitaji kuwa na vipimo vyako kuhusu uadilifu katika maisha yako ya kila siku.

Julai 4 (185): Tatizo unalotatua linadhihirisha zawadi ambazo utapokea katika maisha yako. Kumbuka kuwa tunapata tuzo kwa kutatua changamoto zilizopo katika jamii tunamo ishi. Ukitatua tatizo dogo utapokea zawadi zinazoendana na udogo wa tatizo hilo na kinyume chake ni sahihi.

Julai 5 (186): Watu hawakumbuki unachosema bali wanakumbuka hisia walizopata kulingana na maneno yako. Kabla ya kutamka neno lolote jiulize litapokelewa vipi na jamii unayoilenga. Ni bora kunyamaza kuliko kutamka neno lenye hisia hasi kwa wengine.

Julai 6 (187): Lengo la adui ni kubadilisha haiba au mwonekano wako katika jamii inayokuzunguka. Hakikisha haumpi nafasi adui kujua undani wako kwani kufanya hivyo unamwongezea nafasi ya kufahamu mapungufu yako.

Julai 7 (188): Wakati utafunua yale ambayo hawezi kufunuliwa katika mahojiano. Kupitia mahojiano unaweza kuongea lolote kuhusu maisha yako lakini ni muda pekee amabo unaweza kudhihirisha ukweli wa kile ulichosema.

Julai 8 (189): Ubora wa udongo unaamua ubora wa mbegu. Ukiwa na udongo bora utapata mbegu bora na kinyume chake ni sahihi. Vivyo hivyo, mafanikio katika maisha yanategemea na matendo yako.

Julai 9 (190): Mapenzi ya Mungu ni tabia sio mahali. Chochote ambacho kinakamilisha tabia njema katika jamii kinadhihirisha uwepo wa Mungu. Hivyo, tenda mema kwa kadri uwezavyo kwani kufanya hivyo unatumia hazina/kalama ambayo umepewa na Mungu.

Julai 10 (191): Ufanye wakati ujao uwe mkubwa sana kwani jana imeshapotea. Ishi leo kwa ajili ya kesho kwani ya jana hayana nafasi tena. Muhimu ni kuhakikisha unatumia ya jana kuepuka makosa katika matendo ya leo na hatimaye kuboresha maisha yajayo.

Julai 11 (192): Ubora wa maswali yako hudhihirisha ubora wa uvumbuzi wako. Husikubali kuridhika na hali inayokuzunguka badala yake katika kila hali jiulize ni kipi unachoweza kufanya ili kuboresha hali husika.

Julai 12 (193): Umaarufu ni pale unapopendwa na watu lakini furaha ni pale unapojipenda mwenyewe. Jiulize je yale unayofanya yanamchango chanya katika kukamilisha furaha yako au yanalenga kutafuta umaarufu tu.

Julai 13 (194): Marafiki wa kweli wana maadui wanaofanana. Kumbuka msemo kuwa ndege wanaofanana huruka pamoja. Kama ni urafiki wa kweli ni lazima muwe mnashirikiana na kutatua changamoto zinazowakabili na kufanya hivyo mnatengeneza maadui. Kumbuka wapo ambao hawapendi urafiki au mahusiano yenu.

Julai 14 (195): Pale unapopenda kitu ndani yake kuna matamanio japo pale unapoheshimu kitu ndani yake kuna uthamani. Hivyo, tofauti katika ya kupenda na kuheshimu ni matamani na thamani. Tanguliza thamani katika kile unachopenda ili kudumisha upendo huo.

Julai 15 (196): Ubora wa mbegu yako unaamua ubora wa mavuno. Mara zote katika maisha fikiria zaidi kuboresha mbegu ambazo ni sawa na msingi wa nyumba ili kuwa na mavuno bora au nyumba imara. Tatizo ni kwamba asilimia kubwa katika jamii inahitaji mavuno bora bila kuwekeza kwenye kuboresha ubora wa mbegu ambazo katika maisha tunaweza kusema ni matendo au tabia yako.

Julai 16 (197): Kazi za Mwenyezi Mungu haziendani na hitaji lako bali maarifa uliyonayo kuhusu yeye. Jiulize je umewekeza kiasi gani katika maarifa yanayolenga kufunua makuu ya Mwenyezi Mungu katika maisha yako.

Julai 17 (198): Ni heri kutokuwa na kitu chochote ambacho Mwenyezi Mungu hajataka uwe na nacho. Yawezekana umeomba sana bila majibu na pengine umekata tamaa, kumbe unahitaji kutambua kuwa Mungu ana makusudi ya kutokupa kile unachoomba.

Julai 18 (199): Msimu wa tafiti sio msimu wa kutangaza bidhaa. Kumbuka kila msimu una matukio yake hivyo unahitaji kuhakikisha yale unayofanya yanaendana na msimu husika. Kuna wakati wa kupanda na wakati wa kuvuna hivyo husilazimishe kuvuna wakati wa kupanda.

Julai 19 (200): Awaye yoyote katika shida ni mlango wako wa kutokana na shida. Shida zako zinamalizwa kwa kutatua shida zinazowakabili wengine katika jamii au mazingira yanayokuzunguka.

Julai 20 (201): Vita ni ushuhuda kuwa adui yako amefahamu kesho yako. Hakikisha unaifanya mipango yako kuwa siri ili kuepuka mapambano na adui wasiopenda upige hatua katika maisha yako ya baadae.

Julai 21 (202): Yale unayosikia hudhihirisha yale ambayo upo tayari kubadilisha katika jamii yako. Chochote ambacho umedhamiria kufanya katika maisha yako ni lazima utumie muda mwingi kupata taarifa zake. Unatahiji kuwa na taarifa za kutosha kuhusu changamoto ambazo unakusudia kutatua.

Julai 22 (203): Mbegu inayoondoka mikononi mwake kamwe haiondoki katika maisha yako badala yake inaingia katika maisha yako ya baadae ambapo huwa inaongezeka zaidi au inazaa matunda. Kumbe unapoendelea kuishikilia mbegu uliyonayo itaendelea kudumaa jinsi ilivyo na hakuna siku itazaa matunda.

Julai 23 (204): Kuna njia mbili za kuongeza hekima nazo ni: kupitia makosa au kupitia kwa walimu/washauri. Jifunze kutokana na makosa au jifunze kutoka kwa wengine ambao unaweza kuwa kujifunza kwa kusoma maarifa mbalimbali au watu ambao unatamani kuwa kama wao (role models). Mfano, ningekuwa mchezaji wa mpira ningetamani mara zote nifanye vitu anavyofanya Ronaldo au Messi hivyo ningetumia muda mwingi kujifunza kuhusu uwezo wao.

Julai 24 (205): Macho yaliyochoka ni nadra kuona yajayo. Na kama macho yako hayawezi kuona yajayo hauna tumaini la baadae katika maisha. Na kama hauna tumaini katika maisha ya baadae ni vigumu sana kupata mafanikio katika kila sekta ya maisha yako.

Julai 25 (206): Wanaoridhika na madhaifu yako wanaweza kuwa maadui katika kufikia malengo yako. Kumbe unatakiwa kujiuliza kama wanaokusifia wanafanya hivyo kwa kumaanisha au wanafanya kwa lengo la kukudumaza husipige hatua zaidi. Husiridhike na hatua ulizofikia bali endelea kuboresha zaidi kwa kupunguza madhaifu yaliyopo.

Julai 26 (207): Yupo mtu ambaye mara zote anakuangalia na yupo tayari kubariki kazi ya mikono yako. Kumbe katika kila tendo unalofanya katika maisha yako unapaswa kukumbuka kuwa ipo nafsi inakuangalia na unaweza kubarikiwa au kulaaniwa kupitia tendo hilo.

Julai 27 (208): Hauwezi kushinda kile ambacho haupo tayari kukichukia. Hivyo, kama kuna tabia au matendo ambayo huyapendi katika maisha yako, hatua ya kwanza ya kubadilisha tabia au matendo hayo ni kuyachukia.

Julai 28 (209): Chochote unachojaribu kuishi bila mafanikio ni kwa sababu haujakipa thamani inatakiwa. Kumbe ili ufanikishe chochote katika maisha ni lazima kwanza ukithamini. Kwa maana hiyo tunafakiwa kupata vitu ambavyo vimepewa thamani katika maisha yetu.

Julai 29 (210): Kutoa zaka sio malipo ya deni bali ni kukubali kuwa ni sehemu ya majukumu yako. Hakikisha unalipia zaka kulingana na taratibu za Imani yako.

Julai 30 (211): Utii usio wa kawaida unafungua upendeleo usio wa kawaida. Muhimu ni kujiuliza kuwa utii wako unahusiana na nini. Pia hapa unatakiwa kutofautisha utii na uoga. Watu wengi wanakuwa waoga kwa kudhania kuwa kufanya hivyo wanatii mamlaka iliyopo juu.

Julai 31 (212): Kamwe husilalamike kuhusu hali ya sasa kama haupo tayari kuibadilisha kwa ajili ya mafanikio katika maisha ya baadae. Kumbuka kuwa kesho iliyo bora inatokana na mabadiliko katika mfumo wa maisha leo.

Sehemu hii niliyokushirikisha leo ina funguo za hekima kutoka kwa Mike Murdock ambazo ni katika Julai. Nitaendelea kukushirikisha funguo zilizobakia kwa kadri nitakavyokuwa napata muda. lengo ni kumaliza funguo zote 365 kabla ya mwezi Januari ili funguo hizi uanze kuzitumia katika kipindi cha mwaka 2020. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha tuma ujumbe wa kuomba kitabu hiki kupitia barua pepe fikrazakitajiri@gmail.com.

Endelea kusambaza makala hizi kwa kadri uwezavyo ili ndugu, jamaa na marafiki wanufaike kwa kujifunza maarifa mbalimbali kutoka kwa waandishi wa vitabu. Kumbuka umepata makala hii bila malipo yoyote hivyo hakikisha na wewe unaisambaza bure. (Unaposambaza makala hizi hakikisha haukopi na kupest badala yake share link). Nakutakia mapambano mema.

Karibuni kwenye fikra za kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA VITABU vifuatavyo kwa kulipia Tshs. 5000.00 kila kitabu (Ukinunua vitabu vyote vitatu utapata kwa ofa ya Tshs 10,000.00). 1.    Kitabu cha Kwanza ni “THE RULES OF MONEY (KANUNI ZA PESA)” kutoka kwa Mwandishi Richard Templar Katika kitabu hiki utafahamu kanuni 107 za pesa. Ndani ya kanuni hizo utagundua kuwa utajiri ni haki ya kila mtu hivyo ni wajibu wako kuwa tajiri. Kanuni zote (107) zimechambuliwa kwa kina na kuandaliwa kwa lugha Kiswahili. Uchambuzi huu unapatikana kwa kijitabu kidogo chenye kurasa 39 ambazo unaweza kusoma kwenye simu yako ya mkononi (simu janja – smart phone) au kwenye kompyuta mpakato (pc). 2.    Kitabu cha pili “THE RULES OF LIFE (KANUNI ZA MAISHA)” kutoka kwa mwandishi Richard Templar Mwandishi kupitia kitabu hiki anatushirikisha kanuni 106 za maisha. Kanuni hizi zimechambuliwa kwa kina kwa lugha ya Kiswahili na unaweza kukisoma kupitia simu janja au kompyuta mpakato. Kanuni zote zinagusa kila sekta ya maisha yako hivyo ni kitabu ambacho hautojutia pesa unayoitoa kwani utajifunza maarifa mbalimbali kwa ajili ya kuboresha maisha yako. 3.       Kitabu cha tatu ni “I CAN I MUST I WILL (NAWEZA, NALAZIMIKA, NITAFANYA)” kutoka Mwanamafanikio na Mtanzania Mwenzetu Marehemu Dkt. Reginald Abraham Mengi Kwa ujumla kupitia kitabu hiki Dr. Mengi anatushirikisha maisha yake kuanzia akiwa mtoto, akiwa mwanafunzi, wakati anaanzisha biashara yake ya kwanza, namna alivyopanua biashara zake, wajibu aliokuwa nao kwa jamii, misimamo yake kwenye mfumo wa Serikali kwa awamu zote tano, wajibu wake kwenye uhifadhi wa mazingira na matarajio yake kwenye kukuza biashara kwa siku za baadae. Kupata uchambuzi wa vitabu hivi tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kitabu husika. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

Naongea na Wewe Ambaye Kila Mwisho wa Mwezi Una Uhakika wa Mshahara: JILIPE KWANZA ili Ujiwekee Mazingira Mazuri ya Kuwa na Uhuru wa Kifedha.

Habari ya leo rafiki yangu na msomaji wa mtandao wa Fikra za Kitajiri.

Nianze kwa kukuomba radhi kuwa wiki hii kutokana na sababu zilizo nje ya uwezo wangu, sitaweza kukuletea makala ya uchambuzi wa kitabu. Hii ni kutokana na siku za wikiendi nipo safarini hivyo sijapata muda wa kutulia kukuchambulia kitabu kama ambavyo nimekuwa nafanya.

Kwa muda huu mdogo nilioupata nimeona ni vyema niongee na rika la waajiriwa ambao kila mwisho wa mwezi wana uhakika wa kupata mshahara kama ujira wa kazi zao. Kubwa ni kwamba waajiriwa wote wana sifa moja ya kuwa na uhakika wa kupata mshahara kila mwisho wa mwezi bila kujali mshahara ni mdogo au mkubwa kiasi gani.

Sifa ya pili ambayo inafanana kwa kundi hili ni kwamba asilimia kubwa ya waliopo katika kundi hili mishahara yao haiungi na hivyo wengi wanateseka kwa kusubiria kwa hamu mwisho wa mwezi ufike. Ukitaka kugundua ukweli wa hili tembelea taasisi za benki kwenye tarehe ambazo mishahara inalipwa.

Sifa ya tatu ambayo inafanana na sifa ya pili ni kwamba asilimia kubwa ya kundi hili wanaishi kwa mikopo iwe kwenye taasisi za kifedha au mikopo ya wajasiliamali wadogo katika maeneo wanakoishi. Na asilimia kubwa kati ya wenye mikopo wamekopa kwa hasara na mikopo hiyo inaendelea kutafuna maisha yao kutokana na ufinyu wa mshahara baada ya kuondoa makato ya mikopo.

Sifa ya nne kwa kundi hili ni kwamba asilimia kubwa kila mara wanaona mishahara yao haitoshi hivyo wanalalamikia kupandishwa vyeo sambamba na nyongeza ya mshahara ya kila mwaka.

Sifa ya tano ya kundi hili ni kwamba wengi ni watumiaji wa kubwa (spenders) kwa maana matumizi yao ni makubwa kuliko kipato walichonacho. Na hii inasababishwa na tabia ya wengi wao kuishi maisha ya kuigiza katika jamii zinazowazunguka.

Sifa ya sita ni kwamba wengi walio katika kundi hili hawana muda wa kujifunza maarifa mapya kwa ajili ya kujiendeleza kiuchumi, kiroho au kijamii. Sifa hii inatokana na ukweli kwamba walio wengi katika kundi hili wanajiona kukamilika katika kila sekta hivyo hakuna haja ya kujifunza zaidi nje ya fani walizosoma darasani au wanazofanyia kazi.

Sifa ya saba ni kwamba kundi hili wengi wao wanatumia kila wanachopata bila kutenga kiasi chochote kwa ajili ya dharura au uwekezaji wa maisha yao ya baadae. Ni wachache sana katika kundi hili ambao ukitaka wakupatie angalau milioni moja wanaweza kufanya hivyo bila kuathiri maisha yao. Hii ni kutokana na kushindwa kutambua kuwa maisha ya kesho yanaandaliwa leo.

Sifa hizi zinatoa picha kuwa waajiriwa wengi wanakumbwa na changamoto nyingi ambazo msingi wake ni kukosa maarifa sahihi katika sekta muhimu. Sekta ya fedha. Nasema sekta ya fedha kwa kuwa bila fedha hakuna kinachofanyika katika maisha yetu ya kila siku. Wapo wachache ambao watasema fedha sio muhimu lakini ukweli katika nyoyo zao wanatambua msongo wa mawazo walionao kutokana na mahitaji makubwa ya kifedha katika maisha yao ya kila siku.

Kumbe makala hii inakulenga wewe ambaye ni mwajiriwa au una ndoto za kuajiriwa. Lengo kubwa la makala hii ni kuona kuanzia leo unafanya maamuzi ya kukuza pato lako ili kupunguza utegemezi wa mshahara mwezi kwa mwezi au siku nenda rudi. Makala hii inalenga kuanzia sasa nione unaanzisha utaratibu mpya wa kutenga kiasi cha pesa kutoka kwenye mshahara wako kwa ajili ya KUJILIPA KWANZA.

Wachina wana msemo ambao unatafsiliwa kwa Kiswahili kama “Muda mzuri wa kupanda mti ilikuwa jana lakini muda mzuri zaidi wa kupanda mti ni leo (The best time to plant a tree was yesterday but the second best time is to day)”. Hivyo, kutokana na msemo huu wa Wachina ni wazi kuwa wakati sahihi wa KUJILIPA KWANZA NI SASA. Weka malengo ya kuwa mwezi huu katika mshahara wako ni lazima utenge asilimia yake kwa ajili malengo ya kesho.

Soma:Mambo Niliyojifunza Kwenye Kitabu cha Automatic Millionaire: A Powerful One-step Plan to Live and Finish Rich (Utajiri wa Moja kwa Moja: Mwongozo wa Kuishi Maisha ya Utajiri).

Nini maana ya JILIPE KWANZA? Kujilipa kwanza ni kuhakikisha unatenga asilimia flani ya kila shilingi inayoingia mkononi mwako kwa ajili ya kufanikisha mipango yako ya kifedha kwa siku za baadae.

Ili uwe na mafanikio ya kifedha (uhuru wa kifedha) ni lazima katika kila shilingi inayoingia mikononi mwako uhakikishe kabla ya kupanga matumizi ya fedha hizo unatenga asilimia yake kwa ajili ya kufanikisha ndoto ulizonazo katika sekta ya fedha kwa siku zijazo.

Siri hii ndio inaendelea kutofautisha waliofanikiwa na wale ambao ni masikini au wenye pato la kati katika jamii inayotuzunguka. Matajiri wanatumia siri hii kuendelea kuwa matajiri zaidi wakati masikini pamoja na kwamba wanaifahamu siri hii kwa kutoitumia wanaendelea kuwa masikini.

Kwa kuwa ninakupenda, nakuthamini na ninatamani uwe kati ya matajiri wa kesho, natumia makala hii kukushirikisha siri ya JILIPE KWANZA ili uweze kuungana nami katika safari ya kuutafuta utajiri. Toka nilipoifahamu siri hii kupitia kitabu cha Robert Kiyosaki cha “Rich Dad Poor Dad” hakika nilisema lazima nibadilishe maisha yangu kwa kutumia siri hii ambayo matajiri wanaitumia kutengeneza utajiri wao.

Hakika hadi sasa siri hii imetenda muujiza mkuu katika maisha yangu na nitaendelea kuitumia kufikia mafanikio makubwa sana ya kifedha katika maisha yangu yajayo. Namuomba Mwenyezi Mungu anipe maisha marefu ili nifike pale ninapokusudia kufika katika ulimwengu wa fedha.

Hata hivyo, siri ya utajiri unaotafutwa kupitia siri hii si utajiri wa kulala masikini na kuamka tajiri bali ni utajiri ambao unahitaji mipango maalumu ya kuufikia utajiri huo. Hapa ni lazima uwe na mipango ya muda mfupi, wa kati na muda mrefu.

Kwa nini nakutaka uanze KUJILIPA KWANZA? Nakuhamasisha ujilipe kwanza kwa kuwa:-

a)  Mfumo wa ukokotoaji wa mishahara haujawahi kukidhi mahitaji ya waajiriwa. Hata kama utalipwa fedha nyingi kiasi gani hakuna siku utaridhika na kiwango unacholipwa. Hivyo, ni muhimu uanze kuzalisha pato lako nje ya mshahara;

b) Unapojenga utamaduni wa kujilipa kwanza unajiweka kwenye mazingira salama ya kuwa na akiba kwa ajili ya kufanikisha maendeleo katika siku zako za baadae. Maana halisi ya ukuaji wa mwanadamu ni kukua kiuchumi, kiakili, kiroho, kijamii na kiumri. Husikubali kuendelea kukua kiumri na kuacha sehemu nyingine zimedumaa;

c)  Maono yangu ni kuona unafanikiwa kuwa na uhuru wa kifedha kwa kutenga fedha kidogo kutoka kwenye mshahara wako. Kumbuka hesabu hii rahisi: 1+0=1 lakini 1+1=2. Hii ni hesabu rahisi lakini katika ulimwengu wa kifedha ina maana kubwa sana. Kila unapojilipa unaongeza thamani ya fedha ulizonazo kwa ajili ya uwekezaji; na

d)  Nataka UJILIPE KWANZA ili kuongeza idadi ya Vijana ambao wapo tayari kuibadilisha Duni hii kuwa mahala pazuri pa kuishi kwa viumbe vyote.

Hivyo nikiwa Mwalimu na Mhamasishaji natambua kuwa hauwezi kuelewa maana halisi ya kujilipa kwanza kupitia makala hii. Ili twende pamoja nimedhamiria kushirikisha Siri hii ya KUJILIPA KWANZA kupitia kundi la WhatsApp la “JILIPE KWANZA” nikiwa na lengo kuu la kuwajumuisha vijana wa rika tofauti na wenye maono ya kuwa na uhuru wa kifedha katika maisha yao ya baadae.

Kundi hili limepewa jina la JILIPE KWANZA kwa kuwa linalenga kuzalisha Mamilionea wa kesho kupitia elimu na miongozo watakayopata. Kwa ujumla vijana hawa watafundishwa namna ya kujilipa kwanza kwa kutenga asilimia flani ya sehemu ya pato lao na kuiwekeza sehemu salama kwa ajili ya kufanikisha maisha yenye uhuru wa kifedha katika maisha yao ya baadae.

Kwa kujiunga na kundi hili – kijana ambaye ni tajiri wa kesho utafanikiwa kupata faida zifuatazo:-

ü  Kupata elimu ya kina (mentorship) juu ya kujilipa kwanza;

ü  Kujiwekea nidhamu ya kutenga asilimia ya sehemu ya pato lako na kuiwekeza sehemu salama;

ü  Kupata elimu juu ya sehemu sahihi ya kuwekeza fedha zako kwa ufanisi hasa ile fedha unayojilipa;

ü  Kuwa sehemu ya vijana wenye maono yanayoendana ambao kwa pamoja chini ya mwongozo wangu wataweka malengo ya kifedha kila mmoja kwa uwezo wake;

ü  Kuhakikisha kila mwisho wa mwezi wanajumuia waliopo katika kundi hili wote kwa pamoja wanawajibika kutoa taarifa ya mwenendo wao kwenye sekta ya fedha; na

ü  Kupata nakala za uchambuzi wa vitabu mbalimbali vinavyohusiana na mafanikio ya uhuru wa kifedha.

Ili kuwa sehemu ya kundi hili unatakiwa kulipia ada ya Tshs. 2,000/= kwa mwezi sawa na Tshs. 24,000/= kwa mwaka.

Kama unahitaji kuwa sehemu ya matajiri wa kesho nitumie ujumbe kupitia barua pepe fikrazakitajiri@gmail.com au kwa kupitia namba yangu ya WhatsApp +255 786 881 155 nitakupa maelekezo ya kulipia ada yako na baada ya kulipia utaunganishwa kwenye kundi hili.

KARIBU KATIKA KUNDI LA “JILIPE KWANZA” ILI KWA PAMOJA TUIANZE SAFARI YA UMILIONEA.

Kumbuka kama bado hujajiunga kwenye mfumo wetu wa kupokea makala za Mtandao wa Fikra za Kitajiri, tafadhali fanya hivyo KWA KUBONYEZA HAPA na kujaza fomu kisha bofya “jiunge/subscribe”. Ni fursa ambayo itakuwezesha kupata makala zenye maarifa mbalimbali kupitia barua pepe yako.

PATA UCHAMBUZI WA VITABU vifuatavyo kwa kulipia Tshs. 5000.00 kila kitabu (Ukinunua vitabu vyote vitatu utapata kwa ofa ya Tshs 10,000.00). 1.    Kitabu cha Kwanza ni “THE RULES OF MONEY (KANUNI ZA PESA)” kutoka kwa Mwandishi Richard Templar Katika kitabu hiki utafahamu kanuni 107 za pesa. Ndani ya kanuni hizo utagundua kuwa utajiri ni haki ya kila mtu hivyo ni wajibu wako kuwa tajiri. Kanuni zote (107) zimechambuliwa kwa kina na kuandaliwa kwa lugha Kiswahili. Uchambuzi huu unapatikana kwa kijitabu kidogo chenye kurasa 39 ambazo unaweza kusoma kwenye simu yako ya mkononi (simu janja – smart phone) au kwenye kompyuta mpakato (pc). 2.    Kitabu cha pili “THE RULES OF LIFE (KANUNI ZA MAISHA)” kutoka kwa mwandishi Richard Templar Mwandishi kupitia kitabu hiki anatushirikisha kanuni 106 za maisha. Kanuni hizi zimechambuliwa kwa kina kwa lugha ya Kiswahili na unaweza kukisoma kupitia simu janja au kompyuta mpakato. Kanuni zote zinagusa kila sekta ya maisha yako hivyo ni kitabu ambacho hautojutia pesa unayoitoa kwani utajifunza maarifa mbalimbali kwa ajili ya kuboresha maisha yako. 3.    Kitabu cha tatu ni “I CAN I MUST I WILL (NAWEZA, NALAZIMIKA, NITAFANYA)” kutoka Mwanamafanikio na Mtanzania Mwenzetu Marehemu Dkt. Reginald Abraham Mengi Kwa ujumla kupitia kitabu hiki Dr. Mengi anatushirikisha maisha yake kuanzia akiwa mtoto, akiwa mwanafunzi, wakati anaanzisha biashara yake ya kwanza, namna alivyopanua biashara zake, wajibu aliokuwa nao kwa jamii, misimamo yake kwenye mfumo wa Serikali kwa awamu zote tano, wajibu wake kwenye uhifadhi wa mazingira na matarajio yake kwenye kukuza biashara kwa siku za baadae. Kupata uchambuzi wa vitabu hivi tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kitabu husika. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

Mambo Niliyojifunza kwenye kitabu cha “An Hour to Live, An Hour to Love”: Ishi pendo la dhati katika kila saa ya maisha yako.

Habari ya leo rafiki na msomaji wa mtandao wa Fikra za Kitajiri. Naamini unaendelea vyema kiafya, kiroho na kiakili kwa ajili ya kuboresha Dunia hii kuwa mahala pazuri pa kuishi. Karibu tena katika makala ya uchambuzi wa kitabu cha wiki hii.

Kama bado hujajiunga na mfumo wetu wa kupokea makala za uchambuzi wa vitabu, tafadhali fanya hivyo KWA KUBONYEZA HAPA na kujaza fomu kisha bofya “jiunge/subscribe”. Ni fursa ambayo itakuwezesha kupata uchambuzi wa vitabu kwa lugha rahisi kupitia barua pepe yako.

Kitabu cha wiki hii ni “An Hour to Live, An Hour to Love” kutoka kwa mwandishi Richard Carlson na Kristine Carlson. Katika kitabu hiki tunashirikishwa umuhimu wa kuishi kwa upendo wa dhati kama familia. Aidha, tunashirikishwa kuwa yapo matukio mengi ambayo kama familia yakifanyika yanasaidia kukuza upendo tena bila gharama yoyote.

Katika kitabu hiki Kristine anakumbuka upendo wa kweli kutoka kwa mwandishi mwenza Richard Carlson (mme wake) kwa jinsi ambavyo katika siku za maisha yake ameacha alama kubwa katika familia yake. Pamoja na kwamba Richard ameondoka mapema lakini bado anaishi ndani ya familia yake. Hivyo, kitabu hiki ni muhimu kwa wale ambao wana familia au wanakusudia kuwa na familia bora katika maisha yao.

Karibu ushirikiane nami kujifunza machache kati ya mengi ambayo tunashirikishwa katika kitabu hiki:

1. Mara nyingi baada ya ukomo wa maisha yako hapa duniani hautakumbukwa kwa yale uliyokamilisha katika maisha bali kwa namna gani kila ulichofanya ulitekeleza kwa upendo katika enzi za maisha yako. Upendo ni zawadi ya kipekee ambayo tumepewa kama kiungo muhimu cha kutuunganisha katika jamii. Hivyo, haijalishi unajishughulisha na nini au nini umefanikisha katika maisha, kama yote hayo hakuna upendo ndani mwake, hakika hauwezi kuwa na furaha ya kweli katika maisha yako.

2. Maisha ni fumbo ambalo hakuna anayejua tukio linalokuja katika maisha yake ya baadae. Ni kutokana na ukweli huu, kila muda wa saa unaoishi unapaswa kujiuliza katika muda huu ni nani napaswa kuwasiliana nae na mawasiliano yetu yajikite kwenye mada ipi. Mfano, katika maisha mara nyingi tunakuwa mbali na familia zetu – ni katika kipindi hicho tunaweza kuendelea kuwa pamoja kwa kuwasiliana kwa simu na wote mkaunganishwa na neno moja – upendo. Aidha, neno moja linalonenwa kwa upendo wa dhati linaweza kuwa alama ya kukumbukwa kipindi chote cha maisha ya mhusika.

3. Katika nyakati ambapo mauti yanakaribia binadamu anakuwa na mfadhahiko kwa kujutia yale ambayo hakufanikiwa kutenda katika maisha yake. Mwandishi anatushirikisha kuwa mara nyingi yale ambayo wengi wanajutia yanakuwa ni mambo madogo madogo ambayo yalikuwa ndani ya uwezo wao. Wengi wanashindwa kukamilisha vitu vidogo japo ni viungo muhimu vya pendo la dhati kwa kuwa wanachukulia maisha kana kwamba mwisho wake bado. Hivyo, mwandishi anatushirikisha kuwa ni muhimu kupanga mipango yetu kwa ukamilisho kana kwamba kesho hatutakuwepo duniani hapa.

4. Jiulize swali kuwa katika kipindi ambacho mauti yanakunyemelea na ikatokea ukaambiwa kuwa una dakika sitini za kuishi, Je ungetamani kumpigia nani simu au kuomba uongee na nani? Je katika kipindi hicho utatamani kuongea na: Wapangaji wako? Mshauri wako wa masuala ya uwekezaji? Meneja wa Benki? Mwanasheria wako? Hakika utagundua kuwa hao wote nyakati kama hizo sio wa msaada tena.

5. Asilimia kubwa katika nyakati hizo watahitaji kuongea au kuonana na wenza wao (mme/mke), watoto, wazazi au ndugu kwa ujumla (familia). Pia, asilimia kubwa ya maongezi yao huwa ni kujutia yale ambayo hawakukamilisha katika enzi za maisha yao. Hivyo, wengi wanaishia kuomba msamaha au kutoa nasaha kwa wale ambao wanabaki duniani. Mwandishi anatushirikisha kuwa yale ambayo wengi wanajutia ni kati ya majukumu/wajibu waliotakiwa kukamilisha enzi za maisha yao. Kumbe, somo kubwa hapa ni kwamba katika maisha tunatakiwa kuishi kana kwamba tupo kwenye saa moja ya mwisho wa maisha yetu.

6. Lengo kubwa katika kila tunalofanya kwenye maisha ni lazima lijumuishe umuhimu wa kuwa na huruma, unyenyekevu, upole, fadhira, faraja na mengine yote yanayokamilisha maisha ya upendo. Hakika yote haya yanaleta faraja kwa mtu yoyote katika kipindi cha mhusika kupigania siku za mwisho wa maisha yake. Pia, ni matendo hayo yanaacha alama kwa kila aliyeguswa katika siku za maisha yake hata baada ya ukomo wa siku za maisha yako.

7. Ili kuishi maisha ya ukamilisho katika kila saa ya maisha yetu ni lazima tuisikilize roho iliyopo ndani mwetu kuliko kuishi kwa kufuata akili zetu au matakwa ya mwili. Mwandishi anatushirikisha kuwa mara nyingi maisha ya mwanadamu yanatawaliwa na matendo ya kimwili hasa kutokana na kujipenda zaidi kuliko jamii inayozunguka. Ni kutokana na tabia hii kusikiliza matakwa ya mwili kunapelekea wengi wajutie maisha waliyoishi katika nyakati za mwisho wa maisha yako. Kumbe, tunakiwa kuishi kwa kutanguliza maslahi mapana ya wale wanaotuzunguka ili katika kutimiza maslahi yao na sisi tunakamilisha kusudi la maisha yetu.

8. Unahitaji kutenga muda wa kukaa pamoja kama familia. Mwandishi anatushirikisha kuwa watoto ni zawadi ambayo wazazi wanapewa na Mwenyezi Mungu. Na kila zawadi ina sifa zake za kipekee. Kumbe, kama mzazi ili utambue sifa za kipekee zilizopo ndani ya wanao ni lazima uwe na muda wa kutosha kukaa nao. Katika muda huo unatakiwa kuwaonesha umuhimu wa kuishi maisha ya upendo kati yao kwa wao na jamii wanakoishi sambamba na kuwapa mwongozo sahihi katika kila hatua ya maisha yao.

9. Hakika haupaswi kujutia kusema hapana kwa kiongozi wako wa kazi au kwa mtu yeyote ile kama hapana hiyo ni kwa ajili ya kulinda maslahi mapana ya mwenza wako au watoto wako. Mwandishi anatushirikisha kuwa chochote unachofanya ni lazima utangulize maslahi ya wapendwa wako (mke/mme na watoto). Ni lazima uwe tayari kusimama imara kwa ajili ya kuwatimizia matakwa yao ambayo kubwa zaidi ni upendo wako dhidi yao. Nyakati nyingine inaweza kuwa ngumu lakini hakuna siku utajutia kufanya hivyo kwa kuwa hao ndipo moyo wako unatakiwa kuwa kwani kila unachofanya ni kwa ajili yao.

10. Furaha ndo kila kitu katika maisha ya mwanadamu. Katika kila dakika unayoishi unatakiwa kutafuta furaha hiyo sambamba na kuhakikisha wanafamilia wanapata furaha. Njia rahisi ya kukuza furaha kati yenu kama familia ni kila mmoja kumwambia mwenza wake upekee alionao kwake. Mfanye mwenza wako ajione kuwa na thamani kwa kuhakikisha kila mara unamwelezea juu uthamani wake kwako. Wanao pia wanastahili kusikia kutoka kwako kwa namna walivyo watoto wa kipekee hapa Duniani. Kwa kufanya hivyo unaongeza uwezo wao wa kujihamini katika mazingira yanayowazunguka.

11. Hakikisha maisha yako unayafanya kuwa filamu yenye matukio ya kuvutia ili hata katika nyakati za kupigania uhai wa maisha yako kwenye ukomo wa maisha ujisikie raha katika kila tukio unalokumbuka. Kumbuka kuwa maisha yako yanaundwa na matukio ya wanafamilia. Kama kila tukio lililofanyika linakufanya utamani kulirudia basi hakuna shaka kuwa umefanikiwa kuishi maisha yenye furaha ikilinganishwa na maisha ya uzuni.

12. Nyakati ngumu katika maisha hazikwepeki lakini hakikisha nyakati hizo zinatumika kuwa nyakati muhimu za maisha yako. Mwandishi anatushirikisha kuwa katika maisha kuna kupanda na kushuka. Kama familia mnatakiwa kuwa na umoja pamoja na kuhakikisha mnalinda upendo ili kuvuka katika nyakati hizo ngumu mpate kuvuka salama.

13. Katika kila mwanamme mwenye mafanikio nyuma yake kuna mwanamke shupavu. Mwandishi anatushirikisha kuwa wanawake wana nguvu kubwa ya kuhamasisha wenza wao japo ni wanaume wachache ambao wamefanikiwa kutumia nguvu hiyo. Nguvu hiyo inahusisha uwezo wao katika kusimamia maamuzi ya familia, kushauri, kutimiza wajibu, upendo wa kweli sambamba na kufanya kazi kwa bidii. Hata hivyo, ni wanaume wachache sana ambao wamevuna matunda ya wake zao. Kumbe, tunatakiwa kuwapa nafasi stahiki wake zetu au wake watarajiwa ili tupate kuvuna nguvu ya ushindi iliyopo ndani mwao.

14. Uchoyo wa mafanikio unapelekea kupoteza kusudio la maisha kwa kuwa unapelekea kupoteza upendo ndani mwetu. Mwandishi anatushirikisha kuwa katika kila tunachofanya tunatanguliza malipo kuliko lengo zima la kusaidiana kimaisha. Mbaya zaidi ni kwamba hakuna anayeridhika na kile anachopata na matokeo yake kila siku ni kujikita kwenye matukio ya kuridhisha nafsi zetu kuliko nafsi za wanaotuzunguka (familia kwanza). Hakika tunapoishi kwa mtazamo huu (mtazamo wa kuridhisha mwili) hakika katika nyakati za ukomo wa maisha yetu tutajikuta tuna pengo kubwa ambalo tumeshindwa kulitimiza katika siku za maisha yetu.

15. Kuwa tayari kumfariji mwenza wako katika nyakati za huzuni katika kipindi cha maisha yenu. Mwandishi anatushirikisha kuwa matukio yanayohuzunisha ni sehemu ya maisha ya wanafamilia. Katika nyakati kama hizo ni lazima utambue wajibu wako ili kumsaidia mwenza wako kuepuka maumivu yanayomkabili mapema iwezekanavyo. Tumia maneno yenye faraja kwa kadri uwezavyo ili kupunguza mawazo na maumivu yake. Nyakati ngumu katika maisha zinawezakuwa: kufiwa na mpendwa au ndugu; kufukuzwa kazi; kupata ajali; magonjwa; kufilisika au kufungwa jela.

16. Hakikisha unajenga utamaduni wa kusikiliza zaidi kuliko kuongea. Mwandishi anatushirikisha kuwa upendo wa familia unajengwa kwa kusikiliza zaidi wenza wako na hatimaye kutatua changamoto kwa pamoja. Hata hivyo, katika jamii wazazi wengi hawana muda wa kusikilizana wao kwa wao au kuwasikiliza watoto. Kumbuka kuwa bila kusikilizana ni vigumu kutambua changamoto mnazopitia kama wanafamilia. Kumbe wewe baba hakikisha unamsikiliza mke wako mpenzi sawa na ilivyo yeye kwako. Pia, hakikisha wote kwa pamoja mnakuwa kimbilio la watoto pale ambapo wanahitaji msikie sauti yao.

17. Maisha yanakuwa na mafupi na yasiyo na furaha kwa kuwa muda mwingi tunabanwa na majukumu ya kila siku. Ukweli ni kwamba kila siku tunaikimbiza furaha kwa kufanya kazi kwa bidii tukitegemea kuwa kesho itakuwa ya furaha zaidi kuliko sasa. Hata hivyo, baada ya kuifikia kesho na kilele cha yale tuliyojibidisha nayo jana tunajikuta katika hali ya kuhitahiji kukamilisha zaidi na zaidi katika ziku zijazo. Haya ndio maisha ya mwanadamu na ndio maana tuna msemo kuwa kila kukicha ni bora zaidi ya jana. Mwandishi anatushirikisha kuwa maisha haya ni sawa na mbio za panya ambazo mara nyingi zinaishia ukutani. Kumbe ili kuepukana na maisha ya namna hii mwandishi anatushauri kuwa furaha ya kweli inatengenezwa katika kila tukio tunalofanya kwenye kila dakika ya maisha yetu. Kwa maana nyingine, tunatakiwa kuishi katika sasa badala ya kuishi kulingana na jana au hofu ya kesho.

18. Kitu pekee ambacho kila mwanadamu anaweza kufanikisha katika maisha ni kuhakikisha anatekeleza kila jambo kwa kadri ya uwezo wake japo kwa mapendo ndani yake. Mama Theresa aliliweka hili sawa kuwa “hatuwezi kufanya mambo makubwa katika uso huu wa Dunia bali tunachoweza kufanya ni mambo madogo kwa pendo la dhati ndani yake”. Kumbe vitu vidogo vinaweza kuwa vitu vikubwa katika kukamilisha furaha yetu pale tu tunapohakikisha roho zetu zinakuwepo katika kila tunachofanya. Mfano, unaweza kuunganishwa kwa upendo na mwenza wako kwa matembezi tu cha msingi muwe mmekusudia kufanya hivyo. Katika matembezi hayo kila mmoja atajikuta kwenye muunganiko wa penzi la dhati.

19. Kusudi kubwa la msingi wa uwepo wetu hapa Duniani ni kuwatumikia wengine na kumtumikia Mungu. Malipo ya kazi hii yanadumu milele hata baada ya ukomo wa maisha yako. Hii ni kutokana na ukweli kuwa msingi huu unajengwa na upendo, dhamira, ukaribu, upole, ukarimu na huruma kwa wengine. Hivyo, wote tunatakiwa kutafuta ukamilisho wa msingi huu kwani mengine ni yote ni ziada.

20. Kuna neema katika nyakati za kilio. Mwandishi Kristine kama mwandishi mwenza wa sehemu ya pili ya kitabu hiki anatushirikisha namna ambavyo baada ya kifo cha mme wake aliweza kugundua kusudio la maisha yake katika nyakati za maombolezo. Pale unapoomboleza kifo cha mtu wako wa karibu hasa ambaye mmeishi katika penzi kwa muda mrefu kuna mengi ya kujifunza. Mengi kati ya hayo yanaweza kuwa mlango muhimu wa kubadilisha mtazamo wa maisha kwa ajili ya maisha bora ya baadae.

Haya ni machache niliyojifunza kutoka katika kitabu hiki, nimeona nikushirikishe kwa ajili ya kuboresha maisha yako. Jiunge na mtandao wa Fikra za Kitajiri kwa  KUBONYEZA HAPA.

Endelea kusambaza makala hizi kwa kadri uwezavyo ili ndugu, jamaa na marafiki wanufaike kwa kujifunza maarifa mbalimbali kutoka kwa waandishi wa vitabu. Kumbuka umepata makala hii bila malipo yoyote hivyo hakikisha na wewe unaisambaza bure. (Unaposambaza makala hizi hakikisha haukopi na kupest badala yake share link). Nakutakia mapambano mema.

Karibuni kwenye fikra za kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA VITABU vifuatavyo kwa kulipia Tshs. 5000.00 kila kitabu (Ukinunua vitabu vyote vitatu utapata kwa ofa ya Tshs 10,000.00). 1.    Kitabu cha Kwanza ni “THE RULES OF MONEY (KANUNI ZA PESA)” kutoka kwa Mwandishi Richard Templar Katika kitabu hiki utafahamu kanuni 107 za pesa. Ndani ya kanuni hizo utagundua kuwa utajiri ni haki ya kila mtu hivyo ni wajibu wako kuwa tajiri. Kanuni zote (107) zimechambuliwa kwa kina na kuandaliwa kwa lugha Kiswahili. Uchambuzi huu unapatikana kwa kijitabu kidogo chenye kurasa 39 ambazo unaweza kusoma kwenye simu yako ya mkononi (simu janja – smart phone) au kwenye kompyuta mpakato (pc). 2.    Kitabu cha pili “THE RULES OF LIFE (KANUNI ZA MAISHA)” kutoka kwa mwandishi Richard Templar Mwandishi kupitia kitabu hiki anatushirikisha kanuni 106 za maisha. Kanuni hizi zimechambuliwa kwa kina kwa lugha ya Kiswahili na unaweza kukisoma kupitia simu janja au kompyuta mpakato. Kanuni zote zinagusa kila sekta ya maisha yako hivyo ni kitabu ambacho hautojutia pesa unayoitoa kwani utajifunza maarifa mbalimbali kwa ajili ya kuboresha maisha yako. 3.       Kitabu cha tatu ni “I CAN I MUST I WILL (NAWEZA, NALAZIMIKA, NITAFANYA)” kutoka Mwanamafanikio na Mtanzania Mwenzetu Marehemu Dkt. Reginald Abraham Mengi Kwa ujumla kupitia kitabu hiki Dr. Mengi anatushirikisha maisha yake kuanzia akiwa mtoto, akiwa mwanafunzi, wakati anaanzisha biashara yake ya kwanza, namna alivyopanua biashara zake, wajibu aliokuwa nao kwa jamii, misimamo yake kwenye mfumo wa Serikali kwa awamu zote tano, wajibu wake kwenye uhifadhi wa mazingira na matarajio yake kwenye kukuza biashara kwa siku za baadae. Kupata uchambuzi wa vitabu hivi tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kitabu husika. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"