Mambo Niliyojifunza Kwenye Kitabu cha How To Write a Marketing Plan: Jinsi ya Kuandika Mpango wa Masoko

Habari ya leo rafiki na msomaji wa mtandao wa fikra za kitajiri.

Ni matumaini yangu kuwa unaendelea kupambana kwa ajili ya kuboresha maisha yako. Karibu tena katika mtandao wa FIKRA ZA KITAJIRI kwa ajili ya uchambuzi wa kitabu cha wiki hii. Leo hii ikiwa ni wiki ya 4 katika kipindi cha mwaka 2018 naendelea kukushirikisha uchambuzi wa vitabu mbalimbali vyenye mafundisho tofauti katika kila sekta ya maisha yako.

Makala hizi za uchambuzi wa vitabu zimekuwa zikikufikia kila wiki kwa kadri ambavyo napata muda wa kukushirikisha kile ninachojifunza kutoka kwenye vitabu hivi. Ni matarajio yangu kuwa muda ninaotumia kukushirikisha uchambuzi wa vitabu umekuwa wa msaada mkubwa kwako katika kubadilisha maisha yako.

Hata hivyo, mtandao huu unahitaji maoni/ushauri au shuhuda kwa namna ambavyo umekuwa wa msaada kwako (tuma maoni/ushauri/ushuhuda wako kupitia barua pepe fikrazakitajiri@gmail.com).

Unaweza kujiunga na mtandao huu, KWA KUBONYEZA BONYEZA HAPA na kujaza fomu kisha bofya “jiunge/subscribe” utakuwa umejiunga na mtandao huu. Kwa kujiunga na mtandao huu utapata makala zinazochapishwa humu moja kwa moja kwenye barua pepe yako bila malipo yoyote.

Kijitabu cha wiki hii ni “How To Write a Marketing Plam” kutoka kwa mwandishi John Westwood. Katika kitabu hiki tunashirikishwa namna ya bora ya kuongeza mauzo ya biashara kupitia kwenye mpango wa masoko.

Karibu tujifunze machache kati ya mengi ambayo mwandishi Robert Kiyosaki anatushirikisha katika kitabu hiki:

1. Biashara ili iwe ya mafanikio ni lazima iwe na mpango. Mpango huu katika sehemu zake ni lazima uwe na mpango wa masoko. Mpango wa masoko unaelezea juu ya namna ambavyo kampuni itapenya kwenye soko kwa kuonesha mbinu zitakazotumika pamoja na kiwango kinachokusudiwa kuingizwa kwenye soko na asilimia soko inayolengwa. Mpango huu ni nyenzo ya mawasiliano ndani ya kampuni kwani unaelezea mpango wa kampuni katika kuingia kwenye soko pamoja na namna kuendelea kulinda soko husika.

2. Katika kuandaa mpango wa masoko ni lazima kwanza utambue kuwa ili kampuni iweze kuzalisha faida ni lazima ifanikishe mauzo ya bidhaa au huduma zake kwenye soko. Hivyo, ili kampuni ifanikishe mauzo ni lazima iangalie uwezo ilionao katika kuzalisha biadhaa au kutoa huduma. Hapa ndipo mpango wa mauzo unahitaji kuzingatia mahitaji ya wateja kwani bila kuzingatia hilo kampuni haitaweza kuongeza mauzo yake. Kutokana na hilo, mpango wa mauzo ni lazima uzingatie sehemu tatu ambazo ni (a) uwezo wa kampuni kwenye kuzalisha bidhaa au kutoa huduma (b) mahitaji ya wateja kwenye soko husika na (c) mazingira ya soko husika.

3. Mpango wa mauzo katika kufikia mahitaji ya soko ni lazima ujikite kwenye sehemu kuu nne juu ya bidhaa/huduma zake. Sehemu hizi ni (a) aina ya bidhaa/huduma inayouzwa (b) sera ya mauzo kwa maana ya bei (c) namna ya kutangaza bidhaa/huduma zake na (d) njia za kusambaza bidhaa/huduma husika.

4. Usambazaji na utangazaji wa bidhaa/huduma vinahitajika hasa pale unapoingia kwenye soko jipya wakati bidhaa/huduma pamoja na bei vinalenga kwenye namna ya kuendelea kumridhisha mteja.

5. Mpango wa masoko unaandaliwa kwa kutumia taarifa za soko ambalo kampuni inalenga kuuza bidhaa/huduma zake. Hii ni maana kwamba kabla ya kuandaa mpango wa mauzo ni lazima ufanye ukaguzi wa soko husika kwa ajili ya kutafiti taarifa muhimu za soko na uzalishaji wa bidhaa za kampuni. Na mara nyingi inahusisha utafiti juu ya bidhaa, bei yake, njia sahihi za kutangaza bidhaa na njia sahihi ya kusambaza bidhaa husika.

6. Katika utafiti wa soko ni muhimu kuzingatia taarifa muhimu kama vile namna ambavyo soko linabadirika mara kwa mara, ukubwa wa soko, mchanganuo wa wapinzani wako wa karibu, hali ya soko, bidhaa zipi zinapendwa sana sokoni hasa zile ambazo zinaendana na bidhaa zako, taarifa muhimu za Serikali, kisiasa na kijamii. 

7. Mpango wa masoko ni lazima uweze kutofautisha mahitaji tofauti ya wateja katika soko husika. Mwandishi anatushirikisha kuwa sio wateja wote katika soko watahitaji aina moja au radha moja ya bidhaa zako. Ndio maana katika soko la vinjwaji mfano, kampuni ya Pepsi au Cocacola utakutana na radha zote. Hii ni pamoja na kuzingatia vifungashio vyenye ujazo tofauti kwa ajili ya kutofautisha bei ya bidhaa husika. Hali hii inamfanya mteja apate machaguo anayohitaji.

8. Unapoandaa mpango wa masoko ni lazima ufanye tathimini ya uwezo wako (strength), madhaifu ya kampuni yako (weakness), fursa zilizopo (opportunity) na hali hatarishi zilizopo (threat). Tathmini hii itakuwezesha kufahamu sehemu muhimu za kuboresha, kuchangamkia au hatua za kuchukua dhidi ya changamoto.

9. Mpango wa masoko ni lazima uwe na malengo ya mauzo na malengo haya ni lazima yawe na mikakati/njia zitakazotumika kutimiza malengo. Malengo haya ni lazima yajikite kwenye bidhaa/huduma inayotolewa kwenye soko husika wakati mikakati/njia inapaswa kujikita kwenye bei ya bidhaa/huduma, njia za usambazaji pamoja na mbinu za kujitangaza. Mikakati ya kufikia malengo ni lazima itengenezewe malengo pamoja na mikakati ya kufikia kusudio lengwa.

10. Malengo ya mauzo ni lazima yawe yanajieleza, yanapimika na yanatekelezeka. Malengo haya yanaweza kutengenezwa kwa asilimia au namba ili iwe rahisi kufanya tathimini ya utekelezaji wake. Hii itasaidia kutoa mwelekeo wa kampuni kwenye soko husika. 

11. Katika mpango wako wa mauzo ni lazima utambue kuwa bidhaa/huduma yako kwenye soko itapitia hatua kuu sita za mauzo. Hatua hizi ni; (i) kutambulika sokoni (ii) ukuaji wa mauzo ya awali (iii) ukuaji wa mauzo wa haraka/ghafla (iv) hatua ya ukomavu – mauzo ya bidhaa/huduma yamefikia hatua ya juu (v) hatua ya uwepo wa bidhaa/huduma kwa kiwango kikubwa na (vi) hatua ya kushuka kwa mauzo.

12. Katika kila hatua kampuni inabidi iwe na mbinu za kuendelea kuongeza mauzo ili iendelee kuteka soko. Mfano, katika hatua ya sita kampuni inaweza kubadilisha vifungashio au kuongeza ujazo kwa ajili ya kuendelea kuridhisha wateja.

13. Kadiri unavyoteka soko ndivyo unakuwa na nguvu kuuza bidhaa/huduma kwa bei unayopenda. Katika kuandaa mpango wa masoko ni lazima ujikite kwenye kuteka soko kutokana na bidhaa/huduma zako. Hii ni lazima ianzie kwenye ubora wa bidhaa/huduma unazotoa pamoja na uwezo wako wa kuzalisha/kutoa huduma husika. Pia, inabidi kukumbuka kuwa ili uteke soko husika ni lazima mzunguko wa fedha inayoingia kutokana na mauzo uwe juu.

14. Sera ya bei ya kampuni katika kuingia kwenye soko jipya inaweza kuwa (a) kuuza bidhaa kwa bei ya juu – kadri unavyouza kwa bei ya juu ndivyo faida inakuwa kubwa lakini idadi ya wateja inakuwa ndogo au (b) kuuza kwa bei ya chini – kadri unavyoingia kwenye soko jipya kwa bei chini ndivyo mauzo ya bidhaa/huduma yanavyoongezeka na ndivyo unavyoongeza uhitaji wa bidhaa/huduma husika kwenye soko.

15. Usambazaji wa bidhaa/huduma kama sehemu ya mpango wa soko ni lazima ieleze mtawanyiko wa masoko, njia za kusafirisha na huduma kwa wateja. Muunganiko wa vitu hivi ndivyo unakamilisha mpango wa usambazi kama sehemu ya mpango wa masoko.

16.Kama kampuni ni lazima kufahamu sehemu masoko yalipo na ili kutambua njia ya kuwafikia wateja ambayo ni bora katika kupunguza gharama za usafirishaji wa bidhaa/huduma. Hata hivyo, mpango wa usambazaji ni lazima uunganishwe na utoaji huduma kwa wateja kama sehemu ya kujitangaza zaidi.

17. Katika sehemu ya mpango wa usambazaji ni lazima uainishe mfumo wa mauzo ambao utatumika hadi kufikisha bidhaa/huduma kwenye soko. Je utatumia mfumo wa mauzo wa moja kwa moja au utatumia mfumo Wauzaji wa jumla na reja reja. Mfumo wa kampuni kuuza bidhaa/huduma zake moja kwa moja kwenye soko ni mgumu na kiuchumi ni wa gharama kubwa. Hata hivyo kuamua ni mfumo upi utumike itategemea na aina ya bidhaa/huduma inayotolewa na kampuni husika.

18. Utekelezaji wa mpango wa masoko ni lazima ndani yake pawepo mpango wa matangazo. Hii ni kutokana na ukweli kwamba mauzo ya bidhaa ni matokeo ya uwepo wa taarifa sahihi kwa mteja ambazo zimeambatana na uwepo wa bidhaa/huduma kwa muda sahihi. Kufanikisha zoezi hili ni lazima kampuni ianishe mbinu za matangazo zitakazotumika kwa ajili ya kuwafikia wateja. Je utatumia matangazo ya runinga, redio, magazeti au mitandao.

19. Kwa ajili ya ufanisi wa mpango wa masoko ni lazima bajeti/gharama za usambazaji pamoja na matangazo zianishwe kwenye mpango. Hii itasaidia kwenye utekelezaji wa mpango wa usambazaji na matangazo kama ulivyoainishwa kwenye mpango wa masoko.

20.  Mpango wa masoko ni lazima uhuishwe mara kwa mara kwa ajili ya kuingiza mabadiliko yanayojitokeza. Kutokana na ukweli huu ni lazima mpango husika uwe unafanyiwa tathimini kwa ajili ya kujipima utekelezaji wake katika nyakati tofauti.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link). Nakutakia mapambano mema.

Karibuni kwenye fikra za kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

Mambo Niliyojifunza Kwenye Kitabu cha Ultimate Trading Systems: Mifumo Sahihi ya Biashara

Habari ya leo rafiki na msomaji wa mtandao wa fikra za kitajiri.

Ni matumaini yangu kuwa unaendelea kupambana kwa ajili ya kuboresha maisha yako. Karibu tena katika mtandao wa FIKRA ZA KITAJIRI kwa ajili ya uchambuzi wa kitabu cha wiki hii. Leo hii ikiwa ni wiki ya 3 katika kipindi cha mwaka 2018 naendelea kukushirikisha uchambuzi wa vitabu mbalimbali vyenye mafundisho tofauti katika kila sekta ya maisha yako.

Makala hizi za uchambuzi wa vitabu zimekuwa zikikufikia kila wiki kwa kadri ambavyo napata muda wa kukushirikisha kile ninachojifunza kutoka kwenye vitabu hivi. Ni matarajio yangu kuwa muda ninaotumia kukushirikisha uchambuzi wa vitabu umekuwa wa msaada mkubwa kwako katika kubadilisha maisha yako.

Hata hivyo, mtandao huu unahitaji maoni/ushauri au shuhuda kwa namna ambavyo umekuwa wa msaada kwako (tuma maoni/ushauri/ushuhuda wako kupitia barua pepe fikrazakitajiri@gmail.com).

Unaweza kujiunga na mtandao huu, KWA KUBONYEZA BONYEZA HAPA na kujaza fomu kisha bofya “jiunge/subscribe” utakuwa umejiunga na mtandao huu. Kwa kujiunga na mtandao huu utapata makala zinazochapishwa humu moja kwa moja kwenye barua pepe yako bila malipo yoyote.

Kijitabu cha wiki hii ni “Ultimate Trading Systems” kutoka kwa mwandishi David Jenyns. Katika kijitabu hiki mwandishi anatushirikisha mbinu mbalimbali za ukuaji wa kibiashara.

Karibu tujifunze machache kati ya mengi ambayo mwandishi Robert Kiyosaki anatushirikisha katika kitabu hiki:

1. Ili ufanikiwe kibiashara ni lazima uwe na msukumo/hamasa kubwa ya kwanini unataka kufanikiwa kibiashara. Mwandishi anatushirikisha kuwa ukiwa na sababu kubwa za kwanini unahitaji kufanikiwa kibiashara ni rahisi kupenya kwenye changamoto zote za kibiashara. Jiulize kwa nini unataka kuwa mfanyabiashara.

2. Mafanikio ya kibiashara hayana ubaguzi wa aina ya rangi, sehemu unayotoka, kiwango cha elimu wala historia ya maisha yako bali kila mtu anaweza kufanikiwa kibiashara endapo atafuata mbinu za mafanikio ya biashara na mbinu hizi zipo wazi kwa kila mtu.  

3. Takwimu zinaonyesha kuwa watu wengi wanapoteza fedha katika biashara na hivyo kupelekea kuanguka kibiashara. Hali hii imepelekea watu wengi kuogopa kuanzisha biashara kwa vile wanahisi watapoteza fedha. Ukweli ni kwamba kama unafahamu mbinu za kibiashara na kuzitumia mbinu husika kwenye biashara yako nafasi ya kufanikiwa kibiashara ni kubwa sana.

4. Kama haujifunzi kutoka kwa wengine waliofanikiwa kibiashara au kuwa na mwalimu wako kwenye masuala ya biashara daima utaendelea kurudia makosa yale yale. Hii ina maana kuwa kufanikiwa kibiashara itakuwa na ndoto kwako.

5. Saikolojia ya mafanikio ya kibiashara ndio sababu pekee inayotofautisha watu wenye mafanikio na watu wa kawaida. Mwandishi anatushirikisha kuwa saikolojia katika mafanikio inachukua asilimia 60 ikifuatiwa na udhibiti wa pesa ambao ni asilimia 30 na asilimia kumi iliyobaki ni inategemea mfumo wa biashara au mazingira ya kazi. Kutokana utafiti huu, katika biashara kwanza kabisa ni lazima ujiweke sawa kisaikolojia. Na saikolojia inabeba hisia zako zote kwenye mazingira yanayokuzunguka. 

6. Muda wote katika biashara mfanyabiashara ni lazima ulenge kuongeza faida pamoja na kupunguza hali hatarishi katika uwekezaji wako. Hata hivyo, lengo hili linaweza lisifikiwe kutokana na hisia zako kama vile matumaini, uoga, hofu, ubinafsi, uchoyo au wivu wa kibiashara. Mara zote watu wanaofanya maamuzi kwa kuongozwa na hisia uishia kupata matokeo ya ovyo.

7. Hofu ya kupoteza inawafanya wafanyabiashara wengi kupoteza fursa ambazo ni sawa na mara mbili ya kile wanachohofia kupoteza. Mfano, kama ulihitaji kuwekeza shilingi milioni moja na mwisho ukashindwa kufanya hivyo kwa sababu ya hofu, matokeo yake ni kwamba umepoteza fursa yenye thamani ya mara mbili ya shilingi milioni moja. Somo kubwa hapa ni kwamba hisia zako zina nafasi kubwa ya kuamua mafanikio yako ya biashara.

8. Nidhamu ndo dawa pekee ya kutibu maamuzi ya kihisia. Kwanza kabisa ni lazima uwe na nidhamu binafsi ambayo itakuongoza kukabiliana na maamuzi ya kihisia. Pia, unahitaji kuwa na nidhamu ya kujifunza mara kwa mara – kamwe husiridhike na mafanikio uliyonayo.

9. Kufanikiwa kibiashara ni lazima uwe ni kanuni na sheria za kibiashara ambazo umejiwekea mwenyewe katika maisha yako ya kila siku.  Kanuni na sheria hizi ndo zinatakiwa kuwa mwongozo wako katika maamuzi yote ya kibiashara.

10.        Nidhamu kwa ajili ya kudhibiti hisia zako kibiashara ni muhimu kuliko kitu chochote kile. Hii ni kutokana na ukweli kwamba tabia mbaya ambazo utazifanya kwenye biashara zitadhibitiwa na soko husika na matokeo yake zitakurudia katika mfumo wa kupoteza faida au kupoteza mtaji wako.

11.        Kila mfanyabiashara aliyefanikiwa ni lazima awe na mfumo au njia ambazo zimepelekea afanikiwe kibiashara. Mfumo huu unakuwa ni siri ya mafanikio yake na kupitia mfumo huo anaendelea kufanikisha hatua zaidi. Unaweza kujifunza mifumo kutoka kwa watu wengine ikafanya kazi kwako au pengine ikashindwa kukufikisha kwenye hatua unazotamani. Muhimu ni kutengeneza mfumo wako wa mafanikio ya biashara na kuutumia mfumo husika katika masoko ya biashara.

12.        Katika kutengeneza mfumo wako wa kibiashara ni lazima uzingatie mfumo ambao unaupenda kutoka rohoni na mfumo huu uwe na uwezo wa kuongeza ukauaji wako wa biashara badala ya kuwa mfumo kandamizi. Njia bora ya kufanikisha katika kutengeneza mfumo wako wa biashara ni kupitia tathimini ya malengo yako ya biashara.

13.        Mfumo wako wa biashara ni lazima uendane na jitihada/bidii zako za kila siku katika kufikia mafanikio ya kibiashara. Hii ina maana kwamba mfumo wako wa kibiashara ni lazima uzingatie namna ambavyo umejipanga kuweka bidii kwa ajili ya mafanikio. Hakuna mfumo ambao utafanya kazi wenyewe bila jitihada/bidii zako.

14.        Ili ufanikiwe kibiashara ni lazima kwanza uchague soko sahihi na bidhaa sahihi kwa wakati sahihi. Mwandishi anatushirikisha kuwa watu wengi wanaanguka kibiashara kwa vile wanashindwa kuoanisha bidhaa, soko pamoja na nyakati husika. Kuna bidhaa ambayo itafanya vyema kwenye soko moja na ishindwe kufanya vyema katika soko jingine vivyo hivyo kuna bidhaa ambayo ilikuwa inafanya vyema siku za nyuma lakini kwa sasa haifai tena. Pia, hapa ni muhimu kuuza bidhaa moja kwenye soko kuliko kuchanganya kila kitu.

15.        Daima kwenye soko unatakiwa kufanya biashara kwa kigezo cha kwamba haujui hali ya soko kwa nyakati zijazo. Kupanda na kushuka kwa mahitaji ya bidhaa au thamani ya hisa ni kawaida sana katika soko lolote, japo ni vigumu sana kwa mfanyabiashara kutabiri hali ya soko kwa siku zijazo. Hapa ndipo unatakiwa kuwa makini katika maamuzi yako ili yasiendeshwe na mazoea.

16.        Ili ufanikiwe katika kufanya maamuzi kwa mazoea unatakiwa uwe na mpango wa kibiashara yako (trading plan). Maamuzi yako yote yanatakiwa yafanywe kwa kuzingatia mpango wako wa biashara. Mpango huu unatumika kama dira ya kukuongoza katika kipindi chote cha biashara bila kujali kupanda na kushuka kwa soko.

17.        Unapotengeneza mpango wa kibiashara ni lazima uzingatie mfumo wa biashara yako. Mpango wa biashara ni lazima uendane na mfumo wa biashara na hivyo ni rahisi kupenya kwenye soko kwa kutumia vitu hivi viwili bila kujali mawimbi ya soko.

18.        Mpango wako wa ufanyaji biashara ni lazima uwe na kipengele cha udhibiti wa fedha. Mwandishi anatushirikisha kuwa kama mfanyabiashara kitu pekee ambacho unaweza kudhibiti katika soko ni fedha zako. Hapa ni unatakiwa kuwa makini na dili za kibiashara ambazo unafanya. Daima epuka dili ambazo tija yake ni ndogo au zitasababisha hasara kubwa. Kwa ujumla katika udhibiti wa fedha ni lazima utengeneze kanuni ambazo zitakuongezea nafasi ya kushinda kifedha huku zikikusaidia kupunguza nafasi za kupoteza fedha zako.

19.        Chagua mtandao sahihi au mfumo wa kompyuta sahihi kwa biashara yako. Mwandishi anatushirikisha kuwa siku mambo mengi yanaendeshwa kwa mfumo wa kompyuta, hivyo hakuna namna utaweza kuendesha biashara yenye mafanikio bila kutumia mfumo wa kompyuta.

20.        Pale inapobidi chagua wakala bora kwenye biashara unayofanya. Mfano, kama ni kwenye uwekezaji wa hisa ni vyema ukachagua wakala ambaye anaonekana kufanya vyema ili awe kiungo sahihi kati yako na soko.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link). Nakutakia mapambano mema.

Karibuni kwenye fikra za kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

Mambo Niliyojifunza Kwenye Kitabu cha Rich Kid Smart Kid: Mtoto Tajiri na Mwelevu

Habari ya leo rafiki na msomaji wa mtandao wa fikra za kitajiri.

Ni matumaini yangu kuwa unaendelea kupambana kwa ajili ya kuboresha maisha yako. Karibu tena katika mtandao wa FIKRA ZA KITAJIRI kwa ajili ya uchambuzi wa kitabu cha wiki hii. Leo hii ikiwa ni wiki ya 2 katika kipindi cha mwaka 2018 naendelea kukushirikisha uchambuzi wa vitabu mbalimbali vyenye mafundisho tofauti katika kila sekta ya maisha yako.

Makala hizi za uchambuzi wa vitabu zimekuwa zikikufikia kila wiki kwa kadri ambavyo napata muda wa kukushirikisha kile ninachojifunza kutoka kwenye vitabu hivi. Ni matarajio yangu kuwa muda ninaotumia kukushirikisha uchambuzi wa vitabu umekuwa wa msaada mkubwa kwako katika kubadilisha maisha yako.

Hata hivyo, mtandao huu unahitaji maoni/ushauri au shuhuda kwa namna ambavyo umekuwa wa msaada kwako (tuma maoni/ushauri/ushuhuda wako kupitia barua pepe fikrazakitajiri@gmail.com).

Unaweza kujiunga na mtandao huu, KWA KUBONYEZA BONYEZA HAPA na kujaza fomu kisha bofya “jiunge/subscribe” utakuwa umejiunga na mtandao huu. Kwa kujiunga na mtandao huu utapata makala zinazochapishwa humu moja kwa moja kwenye barua pepe yako bila malipo yoyote.

Kitabu cha wiki hii ni “Rich Kid Smart Kid” kutoka kwa mwandishi Robert Kiyosaki. Kitabu hiki ni maalumu kwa ajili ya mzazi yeyote mwenye kuhitaji kumkuza mtoto katika ulimwengu wa mafanikio ya kifedha.

Mwandishi anatushirikisha kuwa zama zimebadirika, zamani ilikuwa ni kawaida kumwambia mtoto nenda shule soma kwa bidii kwa ajili ya kufaulu masomo ili upate kazi nzuri. Nasaha hizi kwa watoto enzi hizo wengi walifanikiwa kupitia taaluma zao lakini zama hizi mambo yamekuwa kinyume kwani ufaulu wa masomo haumaanishi kuwa ndio tiketi ya kufaulu maisha.

Katika kipindi hiki cha mapinduzi ya teknolojia ya habari mtoto anahitaji kufundishwa umuhimu wa kujifunza vitu vingi zaidi ya kile alichosomea. Zaidi wazazi pia wanahitaji kufahamu kuwa wao ni walimu namba moja hivyo watoto wanahitaji kujifunza kupitia matendo yao. Pia wazazi wanapaswa kutambua kuwa elimu inayotolewa haijitoshelezi kwa ajili ya kufanikisha maisha. Hivyo, mtoto anahitaji kufundishwa misingi muhimu ya maisha ya mafanikio ikiwa ni pamoja na elimu ya fedha ambayo haifundishwi kwenye mitaala ya shule zetu.

Karibu tujifunze machache kati ya mengi ambayo mwandishi Robert Kiyosaki anatushirikisha katika kitabu hiki:

1. Katika ulimwengu wa sasa ambao usalama wa kazi umeendelea kuwa mdogo siku hadi siku, mtoto ni vyema akafundishwa elimu ya pesa kwa ajili ya kulinda taarifa zake za kifedha. Elimu hii itamsaidia kuwa na msingi wa usalama wa kifedha katika kipindi cha maisha yake ikiwa ni pamoja na ufahamu wa kuwa mara zote pesa inatakiwa kumfanyia kazi badala yeye kuifanyia kazi. Ni misingi hii ya elimu ya pesa ambayo itamuwezesha mtoto kuwekeza fedha kidogo anazopata kutoka kwenye kazi/biashara yake kwa ajili ya maisha yake ya baadae.

2. Watoto wote wanazaliwa wakiwa tajiri na akili nyingi. Mwandishi anatushirikisha kuwa kadri mtoto anavyokuwa ndivyo anazidi kujifunza kuwa masikini au kujiona kuwa hana akili ikilinganishwa na watoto wengine. Haya ni matokeo ya mtoto kukosa miongozo sahihi kutoka kwa wazazi wake juu ya uwezo alionao kwenye ulimwengu wa utajiri na kiakili. Kumbe kama mzazi unahitaji kumfunda mwanao kwenye mihimili muhimu ya uhuru wa kifedha na fikra sahihi juu ya uwezo wake kiakili.  

3. Katika ukuaji mtoto anatakiwa afundishwe umuhimu wa kufahamu kuwa katika maisha hakuna jibu sahihi. Jibu la HAPANA au NDIYO yote ni majibu sahihi ikitegemewa na namna muhusika anavyosimama kutetea jibu lake. Hii ni elimu ambayo mtoto ataipata kwa wazazi pekee kwani elimu ya sasa inalenga kwenye kutambua watoto wanaoweza kutoa majibu sahihi na kuwafanya wengine waonekana hawana uwezo. Hii ni pamoja na umuhimu wa kutambua kuwa katika maisha maamuzi unayofanya ni lazima yawe na athari nzuri au mbaya kwa baadae.

4. Akili ya pesa inapimwa pale mtu pesa alizonazo zinaweza kumfanyia kazi na wakati huo huo yeye akiendelea kufurahia maisha yake kupitia uwekezaji wake. Kwa maana nyingine ni lazima uwe na furaha juu ya mifereji inayokuingizia pesa na kupitia mifereji hiyo uwe na uhuru wa kifedha kwenye maisha. Hii ni elimu ambayo watoto wengi wanaikosa kwa vile wengi wanafundishwa kuifanyia kazi pesa. Kwa kifupi akili ya pesa kwa kila mtu inapimwa na kiasi cha fedha ambacho mhusika anatengeneza na kwa namna gani pesa hizo zinampa uhuru wa kifedha na furaha katika maisha yake kwa ujumla.

5. Mtoto anahitaji kufundishwa kwa vitendo. Elimu ya sasa inajikita zaidi kwenye nadharia kuliko vitendo, elimu hii imepelekea kuzalisha vijana wengi ambao darasani wanafaulu kwa viwango vya hali juu japo katika maisha mafanikio yao ni ya kawaida. Hii ni kutokana na ukweli kwamba elimu ya sasa inazalisha watu ambao wanaweza kuelezea kwa kina mbinu mbalimbali za mafanikio lakini wao hawajawahi kutumia mbinu husika kwa ajili ya mafanikio yao.

6. Kuna aina tofauti za ‘ujiniasi’ japo jamii inachukulia majiniasi kuwa ni wale wanaofanya vyema kwenye masomo hasa wenye uwezo mkubwa wa lugha na hesabu. Hali hii inapelekea watoto wengi kupoteza kalama zao hasa wale ambao ujiniasi wao upo kwenye matumizi ya mwili kama vile muziki, wachezaji wa mpira na kikapu au wasanifu wa vitu. Kama mzazi unahitaji kutambua ujiniasi wa mwanao upo katika maeneo yapi na kuhakikisha unamsaidia katika kila hatua ya ukuaji wake ili afikie malengo yake.

7. Elimu ya kweli inaanzia pale mtoto anapomaliza masomo yake. Mtoto anahitaji kuandaliwa kwa ajili ya kuendelea kujifunza katika kipindi chote cha maisha yake. Hii ni kutokana na ukweli kwamba watoto wengi wanapomaliza masomo yao wanaona kuwa ndo mwisho wa kujifunza. Hali hii inapelekea watoto wengi waliokuwa wanafanya vyema shuleni/vyuoni kushindwa kufanikiwa katika maisha kwa vile wanashindwa kujifunza mbinu za mafanikio katika kimaisha.

8. Mtoto anahitaji kufundishwa toka akiwa mtoto kuwa ana uwezo wa kila aina kwa ajili ya kuwa tajiri – anaweza kupata fedha za ndoto zake kwani fedha zinatengenezwa kutoka kwenye mawazo na si kweli kwamba ili utengeneze pesa ni lazima uwe na pesa. Matajiri wanaendelea kuwa tajiri kwa kuwa wana mawazo ya kitajiri na masikini wanaendelea kuwa masikini kwa kuwa wana mawazo ya kimasikini. Na masikini wengi wanajifunza kuhusu pesa kutoka kwa wazazi wao ambao pia wana matatizo ya kipesa. Hivyo kama unahitaji mwanao awe tajiri ni lazima umpe nguvu ya utajiri ambayo si nyingine bali ni elimu ya namna jinsi fedha zinavyotengenezwa.

9. Kati ya umri wa miaka 9 hadi 15 ndipo mzazi anatakiwa kuwa makini kwenye mwenendo wa mtoto wake katika kuchagua maisha yake ya baadae. Katika kipindi hiki ndipo mzazi anahitaji kujua ni vipaji vipi mtoto alivyonavyo kwa ajili ya kusaidia kuendeleza vipaji husika.  Hapa ndipo mazazi anapaswa kuwa makini kwa ajili ya kumsaidia mtoto apitie kwenye njia sahihi ambazo kwa baadae zitakuwa na msaada katika kufanikisha ndoto za mtoto.

Hata hivyo, katika jamii zetu kwa wazazi walio wengi ni katika kipindi hiki mtoto anaweza kuonekana mkorofi kwa vile anaenda kinyume na mahitaji ya wazazi wake. Hali hii inatokea pale mzazi analazimisha mtoto kutumia kanuni za maisha ambazo zinaenda kinyume na matamanio ya mtoto. Mfano, mtoto anapenda kucheza mpira lakini mzazi anamlazimisha kukaa darasani kwa ajili ya masomo.

10. Mtazamo juu ya nafsi yako ndio nguzo kuu ya kufanikisha kila jambo katika maisha. Jukumu kubwa la mzazi ni kuhakikisha mtoto anafundishwa msingi wa kuwa na mtazamo chanya juu ya nafsi yake katika kila aina ya matukio ambayo atakutana nayo katika maisha yake. Mtoto anahitaji akuzwe katika mazingira ya ya na mtazamo kuwa anaweza kufanikisha jambo lolote.

11. Kinachotofautisha watu kiuchumi sio malipo ya kazi wanazofanya bali kile wanachofanyia pesa wanazolipwa. Kwa maana nyingine, hatuwezi kupima utajiri wa mtu kwa kuangalia mshahara wake. Hii ni kutokana na ukweli kwamba mtu anaweza kulipwa mshahara mkubwa lakini akawa anatumia pesa zote kwenye mambo ambayo hayana msingi wa kumwezesha kuwa na uhuru wa kifedha. Mtu huyu pindi akiacha kazi ataishi maisha ya msongo wa mawazo kwa sababu ya mahitaji ya kifedha. Kipato/mshahara uwe mdogo au mkubwa ni lazima ujenge nidhamu ya kuwekeza kwa ajili ya maisha ya baadae.  

12. Utajiri unaanzia kwenye vitu vidogo ambavyo vinafanyiwa kazi kwenye muda wa ziada nje ya muda wako wa kazini. Je muda wako wa ziada unautumia kufanya nini? Huu ni muda maalum ambao ukitumiwa vizuri utakuwa na manufaa kwako na watoto wako kwa ujumla. Hii ni kutokana na ukweli kwamba katika muda wa ziada ni rahisi kufanya kazi ambazo unaweza kuwashirikisha watoto kwa vitendo au wenyewe kuona kazi unazofanya na hivyo inakuwa rahisi kuiga kazi zako.

13. Mtoto katika ukuaji wake afundishwe kuwa ili ufanikiwe kimaisha ni lazima utengeneze mifereji mingi ya vipato. Kadri unavyokuwa ni mifereji mingi ya kipato ndivyo unaongeza nafasi ya kuwa na uhuru wa kifedha. Hivyo katika ukuaji mtoto anatakiwa kufundishwa misingi mikuu mitatu kwa ajili ya mafanikio. Msingi wa kwanza ni elimu ya fedha, msingi wa pili ni umuhimu wa kujifunza kila mara katika kila sekta ya maisha yake (kiroho, kijamii na kiuchumi) na msingi wa mwisho ni namna ya kukua/kujiendeleza kwenye kada ambayo atachagua.

14. Mzazi/mlezi daima ujitahidi kuepuka maneno ambayo yanamfanya mtoto ajione wa tofauti badala yake unatakiwa utamke maneno ambayo yanamjenga au yana baraka ndani mwake. Epuka kutamka maneno kama mjinga wewe, mpumbavu, mtundu, mkorofi na badala yake jitahidi kutamka meneno kama mwanangu wewe ni wa kipekee, wewe ni jiniasi, una akili sana mwanangu na mengine kama hayo.

15. Nyakati zimebadilika kwani zamani ilizoeleka kuwa kadri unavyozeeka ndivyo thamani yako inavyoongezeka. Siku hizi katika zama hizi za taarifa mambo yamebadilika kwani kadri unavyozeeka ndivyo na thamani yako inavyopungua. Siku hizi suala la uzoefu halina nafasi kubwa badala yake muda wote wanatakiwa kuwa na taarifa au maarifa sahihi. Hii ni kutokana na ukweli kwamba taarifa/maarifa yanabadilika kila mara na hivyo mtoto anatakiwa kufundishwa juu ya mabadiliko hayo ili aishi maisha yanayoendana na nyakati zilizopo.

16. Zama hizi hazina nafasi kwa mtoto anayemaliza na maksi nzuri bali zinahitaji mtoto anayemaliza akiwa na ujuzi sahihi kwenye uzalishaji au utendaji kazi. Ni katika zama hizi tunaona wale waliokuwa wanafanya vibaya mashuleni/vyuoni ndo wanaongoza kwenye mafanikio. Hizi ni zama za kutumia ujuzi ulionao kwa ajili ya kubuni vitu vipya. Ni katika zama hizi watoto wadogo kabisa wanakuwa mamilionea tofauti na zamani ilivyozoeleka kuwa hadi kuwa milionea ni lazima uwe mzee.

17. Zama hizi sio za kumfundisha mtoto kuwa nenda shule usome kwa bidii kwa ajili ya kupata kazi nzuri. Katika zama tulizopo na tunakoelekea nafasi za ajira zinazidi kupungua kutokana na ukweli kwamba kwa sasa kazi nyingi zinafanywa na kompyuta badala ya kufanywa na watu. Hizi ni zama sahihi za kumfundisha mtoto kwa ajili ya kujiajiri au kuzalisha ajira zaidi kwa ajili ya wengine.

18. Kila jambo linalofanywa iwe kujifunza au kitu chochote kile ni lazima kiwe na kinaongozwa na msukumo wa kiroho. Msukumo huu ndio unaosababisha mwili upate nguvu ya kutenda vitu mbalimbali. Ni msukumo huu ambao daima unaendelea kutukumbusha sisi ni nani na tumeubwa kwa ajili ya kutimiza makusudi maalum katika ulimwengu huu. Kama mtu amekosa msukumo huu kamwe hawezi kufanikiwa katika maisha yake.

19.  Watoto wengi wanamaliza masomo kabla ya kujiandaa kwenye ulimwengu wa maisha baada ya shule. Watoto hawa wanamaliza masomo wakiwa na shauku ya usalama wa kazi pasipo kufahamu kuwa kazi salama inatatoka ndani mwao. Matokeo yake ni kwamba vijana hawa wanaishia kuzunguka na baasha wakitafuta kazi miaka hadi miaka. Hapa kuna tatizo la kimalezi, kama wazazi wangetimiza wajibu wa kuwafundisha vijana hawa mbinu za kujitegemea na kukubali kutimiza wajibu tusingeona wimbi kubwa la vijana wanaosubilia kuajiriwa.

Soma: BARUA YANGU YA WAZI KWA WAHITIMU WA VYUO

20. Kupandishwa mshahara si suluhisho la matatizo ya kifedha. Mwandishi anatushirikisha kuwa mfumo wa elimu ya sasa unamfanya mtoto afahamu kuwa kadri anavyopandishiwa mshahara ndivyo anamaliza matatizo yake ya kifedha. Ukweli ni kwamba kadri Serikali inavyopandisha mshahara ndivyo na mfumuko wa bei unavyoongezeka na matokeo yake mambo yanarudi kwenye mlinganyo. Pia, kama hauna elimu ya fedha kadri kipato chako kinavyoongezeka ndivyo na matumizi yanavyoongezeka mara dufu.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link). Nakutakia mapambano mema.

Karibuni kwenye fikra za kitajiri ili upate elimu isiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 155 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"