Mambo Niliyojifunza Kwenye Kitabu cha The Warren Buffet Way (Njia za Warren Buffet: Mwenkezaji na Bilionea wa Siku Nyingi)

Habari ya leo rafiki na msomaji wa mtandao wa fikra za kitajiri.

Ni matumaini yangu kuwa unaendelea kupambana kwa ajili ya kuboresha maisha yako. Karibu tena katika mtandao wa FIKRA ZA KITAJIRI kwa ajili ya uchambuzi wa kitabu cha wiki hii. Leo hii ikiwa ni wiki ya 33 katika kipindi cha mwaka 2017 naendelea kukushirikisha uchambuzi wa vitabu mbalimbali kwa ajili ya kukupa maarifa ambayo ni wajibu wako kuyatumia ili ubadilishe kila sekta ya maisha yako.

Ni matarajio yangu kuwa makala hizi zimekuwa na msaada mkubwa kwako kwa kadri ambavyo umekuwa ukichukua hatua za kubadilisha maisha yako. Hata hivyo, makala hizi haziwezi kubadilisha chochote kama umekuwa mtu wa kusoma na kutokufanyia kazi yale unayojifunza.  

Ili uendelee kunufaika na makala za mtandao huu BONYEZA HAPA na ujaze fomu kisha bonyeza “jiunge/subscribe” utakuwa umejiunga na mtandao wa fikra za kitajiri. Kwa kujiunga na mtandao huu utapata makala zinazochapishwa humu moja kwa moja kwenye barua pepe yako bila malipo yoyote.

Kitabu cha wiki hii ni “The Warren Buffet Way” kutoka kwa mwandishi Robert G. Hagstrom. Kitabu hiki nit oleo la pili na kimeandikwa kuelezea maisha ya bilionea Warren Buffett. Mwandishi anatumia kitabu hiki kutushirikisha mbinu ambazo mwekezaji bilionea Warren Buffet amekuwa akizitumia kukuza utajiri wake. Kwa kifupi kama ni mara yako ya kwanza kusikia jina la Warren Buffet unachotakiwa kufahamu ni kwamba bilionea huyu ni mwekezaji ambaye amewahi kuwa tajiri namba moja wa dunia kwa kipindi kirefu na amekuwa kati ya matajiri watano wanaoongoza kwa muda sasa.

Warren Buffet amekuwa tajiri kupitia uwekezaji katika kampuni yake ya Berkshire Hathaway ambayo inajihusisha na uwekezaji kwenye biashara tofauti. Mwandishi anatumia uzoefu aliopata kupitia ripoti mbalimbali juu ya kampuni ya Berkshire Hathaway na maongezi na watu wa karibu na Warren Buffet kutushirikisha mbinu ambazo zimekuwa zikutumiwa na Warren Buffett kupata mafanikio kiuwekezaji. Kwa ufupi ni kwamba Warren Buffet amekuwa ni mtu ambaye anachukua hatua mapema kama tahadhari dhidi ya nyakati zinazokuja na hivyo nyakati hizo (mbaya au nzuri) zinapowadia zinamkuta ameshajiandaa kiuwekezaji.

Karibu tujifunze wote machache niliyojifunza kwenye hiki:

1. Tofauti na mabilionea wengine Warrant Buffet ni bilionea ambaye amepata utajiri wake kupitia kwenye uwekezaji wa hisa na uwekezaji kwenye makampuni ya bima. Mabilionea wengine katika orodha ya matajiri wakubwa duniani wametengeneza utajiri wao kupitia teknolojia ya computa pamoja na teknolojia ya mtandao. Mfano, wa matajiri hawa ni kama Bill Gates na Mark Zuckerberg. Kupitia kitabu hiki tutajifunza mambo mengi muhimu kuhusu uwekezaji wa hisa. Warren Buffet tunaambiwa kuwa baba yake alikuwa ni dalali wa hisa (stock broker) na huu ulikuwa msingi kwa Warren kuhamasika kwenye uwekezaji wa hisa. Hamasa yake iliongezeka zaidi baada ya kusoma kitabu cha The Intelligent Investor cha Benjamin Graham kiasi ambacho alishawishika kuomba kozi katika Chuo ambacho Profesa Graham alikuwa anafundisha ili aweze kujifunza mengi kutoka kwake. Hii inatufundisha kuwa kama unahitaji kufanikiwa katika sekta uliochagua husichoke kujifunza maarifa mapya kwa njia yoyote ile.

2. Katika kununua hisa za kampuni, Warren Buffett amekuwa akinunua kwa bei ya chini hisa za kampuni ambazo ni rahisi kukadiria ukuaji wa uchumi wake kwa siku zinajazo. Kwa kufanya hivi imekuwa rahisi kwake kununua hisa za kampuni kwa bei ya chini na baada ya muda hisa hizo zinaongezeka thamani na hatimaye anapata faida kutokana na hisa anazomiliki kwenye kampuni husika. Sifa nyingine aliyonayo Buffet katika uwekezaji ni kwamba kamwe hawekezi kwenye biashara ambayo hana uzoefu nayo au haifahamu kwa undani.

3. Uwekezaji wenye tija ni ule ambao kupitia tathimini ya kina unaridhisha uhakika wa mwendelezo wa mtaji/kianzio na uhakika wa faida inayoridhisha.  Huu ni maana ya uwekezaji kutoka kwa Benjamin Graham ambayo Warren Buffett amekuwa akiitumia kuchagua biashara za kuwekeza. Maana hii ina sehemu kuu mbili ambazo katika sehemu ya kwanza unatakiwa kufanya tathimini ya kina dhidi ya kampuni ambayo unahitaji kuwekeza fedha zako – kwa maana unatahiji kuwa na taarifa sahihi za kampuni husika. Sehemu ya pili inakutahadharisha kuwa kabla ya kufanya uwekezaji wowote unatakiwa kujiridhisha kuwa sehemu unayotaka kuwekeza itakuwa salama dhidi ya kianzio/mtaji wako na uhakika wa faida kwa ajili ya kuongeza thamani kile ulichowekeza.

4. Njia nzuri ya kuitathimini kampuni kwa kina ni kuangalia taarifa za kampuni za kifedha kwa kipindi kisichopungua miaka mitano. Kama mapato ya kampuni yamekuwa mara tano au zaidi ya matumizi yote ya mwaka katika kipindi chote cha miaka mitano basi mwekezaji ana uhakika juu ya usalama wa fedha zake.

5. Kwa mujibu wa mafundisho ya Benjamin Graham kuhusu uwekezaji kuna sheria mbili; sheria ya kwanza “kamwe husipoteze” na sheria ya pili kamwe “husisahau sheria ya kwanza”. Kwa kifupi ni kwamba wekeza sehemu ambayo una uhakika na usalama wa fedha zako.

6. Thamani ya uwekezaji inapatikana kutokana mtiririko wa pesa (net cash flows) unaotegemewa kuzalishwa katika kipindi chote cha uwekezaji na mtiririko huo wa fedha ukipunguzwa kwa asilimia ya kiwango cha riba. Hapa kuna vitu viwili vya kujifunza; moja: umuhimu wa mtiririko wa fedha ili ya kutambua thamani ya sasa na ya baadae ya kampuni husika. Kwa upande wa uwekezaji wa hisa njia ya haraka ya kutambua mtiririko wa fedha wa kampuni husika ni kuangalia kiasi cha gawio kwa wanahisa katika kipindi kilichopita. Kwa ufupi ni kwamba hisa ni ya thamani kulingana na kiasi cha gawio ambacho utakipata kwa kila mwaka. Mbili: umuhimu wa kupunguza kiasi cha mtiririko wa fedha ili kutoa nafasi ya hatari (risk) ambazo zinawekuikumba kampuni husika.

7. Muda mzuri wa kununua hisa ni pale wengi wanapouza hisa zao na kuuza pale wengine wanaponunua. Hii ni kutokana na ukweli kwamba katika soko la hisa nyakati ambazo kila mtu anauza ni nyakati ambazo hisa zinauzwa kwa bei ya chini kuliko thamani halisi ya kampuni. Mara nyingi hii huwa inasababishwa na mabadiliko ya ghafla kwenye uchumi. Nyakati kama hizo kwenye soko la hisa wawekezaji wanazitumia kununua hisa za kampuni kwa bei ya chini na baadae kuziuza kwa bei ya juu.  

8. Siri ya mafanikio kibiashara ni rahisi na hii si nyingine bali ni lazima fedha zinazoingia ziwe nyingi kuliko zinazotoka. Mwandishi anatushirikisha kuwa hii ni kanuni ambayo ilimwezesha Warren Buffett kufanikiwa kupitia kampuni zake za bima chini ya umiliki wa kampuni ya Berkshire Hathaway.

9. Biashara ya bima ni kati ya biashara chache ambazo watu wapo tayari kufanya. Warren Buffett ametumia nafasi kumiliki makampuni ya bima kiasi ambacho amefanikiwa kukuza thamani ya kampuni yake Berkshire Hathaway kwenye. Hii inatufundisha kuwa kama unataka kufanikiwa ni lazima uwe tayari kufanya vitu ambavyo sio kila mtu anafanya. Hii ni kutokana na ukweli kwamba kadri unavyofanya vitu vya kipekee ndivyo unapunguza wapinzani wa bidhaa unayozalisha kwenye soko.

               

10. Kwake Warren Buffett kununua kampuni au kununua hisa za kampuni yoyote vyote ni vinachukuliwa kwa nidhamu sawa kwani kila uamzi unamfanya kuwa mmiliki kamili au sehemu ya wamiliki wa kampuni husika. Kutokana na msimamo huu, tahadhari anazochukua wakati wa kununua kampuni ni zile zile wakati wa kununua hisa kwenye kampuni nyingine. Hata hivyo, kipaumbele chake ni kukunua kampuni pale fursa inapojitokeza ili impe nafasi ya kudhibiti mtaji wa kampuni husika. Pia, pale ambapo hisa zinajitokeza zikiwa na thamani nzuri kiuwekezaji Warren Buffett amekuwa akiwekeza kwenye kampuni zinazomilikiwa na umma kupitia mfumo wa ununuaji wa hisa.

11. Pamoja na kwamba Warren Buffett amekuwa akiwekeza kwenye kampuni nyingi kupitia kampuni yake ya Berkshire Hathaway mara zote vigezo vyake ni vile vile: kuwekeza kwenye biashara rahisi na inayoeleweka, yenye uhakika wa kutengenaza faida, yenye uwezekano wa kufanya vyema kwenye soko la hisa, isiyo na madeni makubwa na ambayo tayari uongozi imara unaoendesha biashara husika. Hizi ini sifa ambazo Warren Buffet anatumia kufanya tathimini kwa kila kampuni ambayo ipo sokoni. Muda wote Warren Buffett anaamini kuwa haina maana yoyote kuwekeza kwenye kampuni au kiwanda ambacho haujui uendeshaji wake. Kwani kwa kufanya hivyo hautaweza kufahamu thamani ya kampuni/kiwanda husika na hivyo kushindwa kufahamu maenedeleo ya kampuni/kiwanda.   

12. Warren Buffett anaamini kuwa biashara bora ya kumiliki ni ile ambayo kwa muda inaweza kuwekeza mtaji mkubwa na kusambaa maeneo mengi huku ikizalisha faida kubwa ikilinganishwa na mtaji uliowekezwa. Ni kutokana na sifa hii, Warren Buffet alishawishika kuwekeza kwa kununua hisa za kampuni ya vinjwaji vya Coca – cola ambayo mpaka sasa imesambaa katika nchi zaidi 195.

13. Unapoenda kuwekeza kwenye hisa nenda na wazo la kumiliki biashara husika. Dhana hii itakufanya kabla ya kuwekeza ufanye upembuzi yakinifu dhidi ya uendelevu wa kibiashara kwa kampuni ambayo unahitaji kununua hisa zake. Warren Buffett amekuwa akitumia msingi huu na hivyo kila kampuni anayonunua hisa zake ni lazima ajione kama yeye ndo mmiliki mkuu wa kampuni husika na hivyo imani yake ni kwamba kuna muunganiko mkubwa kati ya mmiliki wa hisa za kampuni na mwenye kampuni.

14. Mtazamo wa Warren Buffett kwenye mafanikio ya wawekezaji ni “kadri mwekezaji anavyokuwa na taarifa/ufahamu sahihi kwenye biashara aliyowekeza ndivyo alivyo na nafasi kubwa ya kupata mafanikio makubwa kwenye uwekezaji husika. Hapa tunafundishwa kuwa kamwe usikimbilie kuwekeza sehemu ambayo hauna taarifa sahihi au kwenye biashara ambayo hauna ufahamu wa kutosha jinsi ya invyoendeshwa. Pia, unatakiwa kabla ya kuwekeza kwenye kampuni ujiridhishe kuwa kampuni husika itaendelea kufanya vyema kibiashara kwa muda mrefu.

15. Daima husikimbilie kununua hisa au kampuni ambayo inaonekana kufanya vyema kwa muda mfupi badala yake angalia uimara wa kampuni kwa siku za baadae. Mwandishi anatushirikisha kuwa Warren Buffett huwa hanunui hisa/kampuni kwa vile zinafanya vyema kwenye soko kwa wakati huo bali anaangalia mwenendo wa kampuni kibiashara kupitia taarifa za kifedha na matarajio ya kukua kwa kampuni kwa siku za baadae.  Huu ni msingi ambao unamfanya awe na sifa za kipekee kwenye uwekezaji kwani watu wengi huwa wanaongozwa na hisia (hasa tamaa kufanikiwa haraka) kwenye uwekezaji wa hisa. Watu wengi wananunua hisa/kampuni ambazo zinafanya vyema kwenye soko kwa wakati huo wakidhani kwa kufanya hivyo watapata mafanikio ya haraka. na tamaa ya kufanikiwa haraka

16. Kabla ya kuwekeza kwenye kampuni kwa mfumo wa hisa au kununua kampuni husika unahitaji kutathimini umakini wa watendaji wanaoiendesha kampuni kwa wakati huo. Buffett amekuwa na nidhamu ya kuhakikisha kila kampuni ambayo anawekeza fedha zake ni lazima iwe na uongozi imara ambao unatekeleza majukumu yake ipasavyo. Buffet anapenda watendaji ambao wapo tayari kujiona kama wamiliki wa kampuni badala ya kujiona kama waajiriwa tu. Kabla ya kuwekeza kwenye kampuni yoyote Buffet huwa anajiuliza maswali matatu juu uongozi unaoendesha kampuni husika;

     i.  Je uongozi uliopo una uadilifu pamoja weledi/uwezo wa kuchanganua mambo haraka? Hasa matawanjo sahihi wa mtaji kwa ajili uendelevu wa biashara.

    ii.  Je uongozi una uaminifu dhidi ya kampuni pamoja na wateja wa kampuni? na

   iii.  Je uongozi upo tayari kwenda na kasi ya mabadiliko ya soko?

Haya ni maswali ambayo mwandishi anatushirikisha kwa ajili ya kuyatumia katika maamuzi tunayofanya kabla ya kuamua kuwekeza kwenye kampuni yoyote.

17. Njia mojawapo ya kufahamu thamani ya kampuni ni kwa kuangalia mrejesho wa mapato kwa kila hisa uliyowekeza kwenye kampuni husika. Hapa Warren Buffett anachoangalia ni kiasi ambacho kila mwekezaji anapata kutoka kwenye kila hisa aliyowekeza kwenye kampuni husika. Ili kamouni iweze kuwa ni mrejesho wa mapato kwa kila hisa ni lazima kampuni husika isiwe na madeni mengi. Tunachotakiwa kujifunza hapa ni kwamba sio tu kununua hisa za kampuni bali tunatakiwa kabla ya kununua tujiridhishe kiasi kinachotolewa na kampuni husika kama gawio kwa kila hisa inayowekezwa.

18. Uwekezaji mzuri ni ule ambao kila shilingi inayozalishwa na kampuni inaweza kutasiliwa kwenye angalau thamani ya shilingi moja kwenye soko. Maana yake ni kwamba kama kila shilingi inayozalishwa ina thamani ya angalau shilingi moja katika soko tafsili yake ni kwamba thamani ya kampuni husika katika soko inaongezeka kwa kila shilingi inayozalishwa. Somo muhimu ni kwamba kama una biashara unapaswa kuhakikisha kila shilingi ya ziada inayozalishwa na biashara husika ni lazima iwekezwe sehemu ambapo itazalisha thamani shilingi nyingine au zaidi na matokeo yake ni kuongezeka kwa thamani ya uwekezaji wako katika soko. Hakikisha shilingi inazaa shilingi.

19. Bei ni kile unacholipia na thamani inapatakana kwenye kile unachopata. Kwa maana nyingine ni kwamba sio mara zote bei inaonyesha thamani ya kile unachopata. Thamani ya hisa za kampuni zinaweza kubadilika mara kwa mara kwani zinaongozwa na tamaa au hofu ya watu kwenye soko la hisa. Kama mwekezaji unahitaji kuangalia thamani ya kampuni na uzalishaji wake kuliko unavyoangalia thamani ya hisa zake kwenye soko. Watu wa kawaida wanauza au kununua hisa kwa kuangalia bei na thamani ya hisa za kampuni husika. Wawekezaji makini kama Buffett wanachoangalia ni kabla ya kununua ni:

     i.  Kutambua thamani halisi ya kampuni husika pamoja na uzalishaji wake badala ya kuangalia thamani ya hisa zake kwenye soko; na

    ii.  Kununua pale ambapo biashara inauzwa kwa bei punguzo kuliko thamani yake halisi.

20. Warren Buffet amekuwa akinunua hisa, dhamana (bonds) au kampuni katika bei ya punguzo na kusubilia mpaka pale bei inapokuwa imepanda anaziuza kwa faida. Hii imenfanya kuwa mwekezaji mkubwa kuliko wote katika uso huu wa duniani kwa kipindi kirefu. Hapa tunachojifunza ni kuhakikisha tunakuwa macho muda wote kwa ajili ya kuchangamkia fursa zinazojitokeza.

21. Kila mwekezaji ana staili yake ya uwekezaji kwani wapo ambao wananunua hisa za kila kampuni ambayo inaonekana kufanya vyema kwenye soko. Warren Buffet staili yake ni kutuliza rasilimali zake kwenye kampuni chache ambazo zinaonesha kuwa na matarajio ya kudumu kwenye biashara kwa muda mrefu na zinaendeshwa na watendaji wenye weledi wa kutosha kwenye tasnia ya biashara na uwekezaji kwa ujumla.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link ili hatimiliki za mwandishi wa makala ziheshimiwe). Nakutakia mapambano mema.

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 151 451 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

Karibuni kwenye fikra za kitajiri ili upate elimu hisiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

Mambo Niliyojifunza Kwenye Kitabu cha How Successful People Think: Change Your Thinking, Change Your Life (Jinsi Waliofanikiwa Wanavyofikiri: Badilisha Fikra zako Ubadilishe Maisha)

Habari ya leo rafiki na msomaji wa mtandao wa fikra za kitajiri.

Ni matumaini yangu kuwa unaendelea kupambana kwa ajili ya kuboresha maisha yako. Karibu tena katika mtandao wa FIKRA ZA KITAJIRI kwa ajili ya uchambuzi wa kitabu cha wiki hii. Leo hii ikiwa ni wiki ya 32 katika kipindi cha mwaka 2017 naendelea kukushirikisha uchambuzi wa vitabu mbalimbali kwa ajili ya kukupa maarifa ambayo ni wajibu wako kuyatumia ili ubadilishe kila sekta ya maisha yako.

Ni matumaini yangu kuwa makala hizi zimekuwa na msaada mkubwa kwako kwa kadri ambavyo umekuwa ukichukua hatua za kubadilisha maisha yako. Hata hivyo, makala hizi haziwezi kubadilisha chochote kama umekuwa mtu wa kusoma na kutokufanyia kazi yale unayojifunza.  

Ili uendelee kunufaika na makala za mtandao huu BONYEZA HAPA na ujaze fomu kisha bonyeza “jiunge/subscribe” utakuwa umejiunga na mtandao wa fikra za kitajiri. Kwa kujiunga na mtandao huu utapata makala zinazochapishwa humu moja kwa moja kwenye barua pepe yako bila malipo yoyote.

Kitabu cha wiki hii ni “How Successful People Think” kutoka kwa mwandishi John C. Maxwell. John C. Maxwell ni mwandishi mahiri ambaye vitabu vyake vimefanya vyema kwenye soko kiasi cha kuwa muuzaji bora wa vitabu kwenye jarida la New York Times. Mwandishi anatumia kitabu hiki kutushirikisha namna ambavyo watu wenye mafanikio wanavyofikiri na jinsi ambavyo kila mmoja anaweza kubadilisha fikra zake kwa ajili ya kubadilisha maisha yake kwa ujumla.

Kitabu hiki kinatoa mafundisho ambayo yanatuweka wazi juu ya umuhimu wa kudhibiti fikra zetu kwani wale ambao wanaweza kumudu fikra zao ndio wanaweza kufanikiwa katika kila sekta ya maisha yao. Kwa kifupi ni kwamba fikra ni nyenzo pekee inayotofautisha watu wenye mafanikio na watu wa kawaida. Habari njema ni kwamba kila mmoja anaweza kujifunza namna ambavyo watu wenye mafanikio wanavyofikiria katika maisha yao ya kila siku.

Karibu tujifunze wote machache niliyojifunza kwenye hiki:

1. Kama unahitaji kuwa kati ya watu ambao wanadhibiti fikira zao na hatimaye kufanikiwa kwenye kila sekta ya maisha yako mwandishi anatushirikisha njia sita za kufuata kwenye maisha yako ya kila siku. Moja, tumia muda mwingi kuwekeza kwenye mambo ya msingi. Mwandishi anatushirikisha kuwa watu wanaodhibiti fikra zao wanafahamu fika kanuni ya asili ya kuvuna kulingana na kile ulichopanda. Ndivyo ilivyo kwenye fikira kadri unavyotumia muda wako kuwaza mambo ya msingi kwenye maisha yako ndivyo unapata matokeo mazuri ya fikra zako. Hapa unahitaji kutumia muda wako kwa kusoma vitabu, kusikiliza vitabu vilivyosomwa (audio books), kusoma majarida ya biashara au kubadilishana mawazo na watu wenye mafanikio.

2. Mbili, tumia muda mwingi na watu wema. Kama ambavyo tumezoea kuwa ndege wanaofanana uruka pamoja ndicho mwandishi anatushirikisha kuwa kama utatumia muda mwingi na watu wenye uwezo wa kudhibiti fikra zao ndivyo na wewe utaongeza uwezo wako wa kufikiri. Tumia muda wako kukaa na watu ambao wanaweza kukupa changamoto za kimaendeleo na sio watu ambao wamekata tamaa wenye kutumia muda wao kulalamikia watu/vitu ambavyo vipo nje ya uwezo wao.

3. Tatu, kuwa na nidhamu binafsi kwenye vipaumbele vya fikira zako. Mwandishi anatushirikisha kuwa ili mfikiriaji mzuri ni lazima uwe na nidhamu binafsi ambayo ni nyenzo ya kukuongoza katika kupanga vipaumbele vya vitu vipi uvipe nafasi kwenye mfumo wa fikra zako. Muda wote jiweke kwenye mazingira ambayo hayatakuhamisha vipaumbele vya fikira zako.

4. Nne, fanyia kazi fikra zako nzuri. Mwandishi anatushirikisha kuwa ni muhimu kuhakikisha kuwa kuna muunganiko wa fikra na vitendo vyako katika maisha yako ya kila siku. Mawazo ni ya muda mfupi hivyo kama hayatafsiliwi kwenye vitendo yanakuwa hayana maana yoyote. Hapa unatakiwa kuhakikisha unafanyia kazi fikra zako kabla hazijapotea kwenye mfumo wa ubongo.

5. Tano, ruhusu hisia zako kuendelea kutengeneza fikra nzuri. Mwandishi anatushirikisha kuwa mfumo wa fikira hauwezi kutenganishwa na mfumo wa hisia. Vyote vinategemeana kutokana na ukweli kwamba hisia zinashawishi fikra na fikra kwa upande mwingine zinaamsha hisia za mwili. Ili uendelee kudhibiti fikra zako ni lazima mfumo wa hisia ulishe ubongo ili na ubongo nao ufanyie kazi vichocheo vya hisia. Hapa ni lazima ukumbuke kuchuja aina ya hisia ambazo zinatakiwa kuingia kwenye mfumo wako wa fikra.

6. Sita, rudia zoezi la kudhibiti hisia mara kwa mara. Mwandishi anatushirikisha kuwa zoezi la kujikita kwenye fikra nzuri sio la muda mfupi bali unahitaji kufanya jitihada za kurudia hatua zote hizi mara kwa mara katika maisha yako ya kila siku. Hapa unahitaji kujenga utamaduni wa kurudia kufikiria mawazo mema muda mwingi huku ukiendelea kuyafanyia kazi kwa vitendo. Kwa maana hii kadri inavyokuwa na utamaduni wa nidhamu ya kufikiri vyema ndivyo unakuwa na nafasi kubwa ya kufanikiwa katika kila sekta ya maisha yako.

7. Fikri katika mapana ya picha kubwa (big – picture thinking) kwani ndo njia ambayo itakupa ufanisi wa fikra zako. Sifa kubwa waliyonayo watu wanaofikiri kwa mapana ya picha kubwa ni kwamba daima huwa hawaridhiki na mazingira/hali inayowakabili bali muda wote wanakuwa macho kwa ajili ya fursa mpya. Watu hawa wanajifunza kila mara kutoka kwa watu wengine na hivyo wanafanya kazi kwa bidii na ubunifu katika shughuli zao kila siku. Watu hawa wanatambua nguvu kubwa iliyopo kwenye usikivu kutoka kwa wengine kuliko kuwa wazungumzaji wakubwa. Pia, watu hawa muda wote wanatazama nje ya boksi kwa ajili ya kupata fursa mpya. 

8. Jenga mtazamo wa fikra pana kwa ajili ya kuwa kiongozi bora. Mwandishi anatushirikisha kuwa sifa kubwa ya kiongozi bora ni kuwa na uwezo wa kuona vitu kwa mapana yake kuliko watu anaowaongoza. Uwezo huu unajumuisha ubunifu katika kutafsiri hali ya sasa na makadirio ya matukio yanayokuja – kutafsili matukio yajayo kutokana na matukio yaliyopita au yaliyopo. Faida nyingine ya kufikira kwa mapana ya picha kubwa ni kuwa na uwezo wa kuona vitu ambavyo watu wengine wanaviona. Uwezo huu ni nyenzo muhimu katika yale unayofanya kwani ni kupitia uwezo huu utaweza kuboresha bidhaa/huduma kwa wateja wako.

9. Zifuatazo ni mbinu ambazo zitakufanya ufikiri katika mapana ya picha kubwa;

     i.  Kubali kuwa tofauti kwenye mitazamo ya mazoea ya wengi – kuna nyakati utahitaji kupingana na ukweli uliozoeleka katika mazingira yako kwa ajili ya kudhihirisha kuwa ukweli huo ulikuwa ni uongo;

   ii.  Jifunze kutoka kwenye kila tukio unalokutanalo katika maisha yako ya kila siku – hii ni kwa matukio yote jema au baya ni lazima ujiulize fundisho gani unajifunza kutokana na tukio husika;

  iii.  Jifunze kwa kadri uwezavyo kutoka kwa watu wengine – watu wenye fikra pana wantambua kuwa wao sio wakamilifu kwa kila kitu hivyo muda wote wanajifunza kutokana na uzoefu wa watu wengine; na

  iv.  Fungua milango ya boksi linalokufunika ili ufanikiwe kuitawala dunia – jamii imezoea kuishi kwa mazoea na hatimaye kuhisi kuwa milango ya mafanikio imefungwa. Watu wengi wanahitaji usalama na majibu/kazi nyepesi na hivyo kuishia kupata matokeo mepesi.

10. Jifunze kuwa na utulivu wa fikra (focused thinking). Kama unahitaji kuboresha mfumo wako wa fikra huna budi ya kujenga nidhamu ya utalivu wa akili. Hapa ni lazima uwe tayari kufanya tathimini ya mara kwa mara juu ya yale unayowaza kwa wakati husika. Utulivu wa akili ni njia pekee ya kukuwezesha kuondoa mwingiliano wa fikra hasi pamoja na vikwazo vyote kwenye akili yako. Pia, njia ya utulivu wa akili inakupa nguvu na hamasa zaidi kwa ajili ya kutekeleza fursa zinazojitokeza. Kwa ujumla ni kwamba kadri changamoto ilivyo kubwa ndivyo unahitaji kuongeza utulivu wa akili kwa ajili ya kutatua changamoto husika.

11.        Zifuatazo ni njia ambazo zitakusaidia kuboresha utulivu wa akili kwa yale unayofanya;

     i.  Ondoa vikwazo vyote ambavyo huwa vinakuhamisha kutoka kwenye kazi unayofanya – hapa unahitaji kuhakikisha unafanya kazi kwa mtiririko wa vipaumbele. Yale ya umuhimu zaidi yape kipaumbele kwanza. Pia, hakikisha unaondoa mwingiliano wa vifaa vya mawasiliano kama vile simu, barua pepe na mitandao ya kijamii n.k;

   ii.  Tenga muda maalumu katika siku kwa ajili ya utulivu wa akili pasipo mwingiliano wowote – muda huu unaweza kuwa kabla ya kulala au asubuhi na mapema wakati kuna utulivu wa kutosha;

  iii.  Kuwa na orodha ya sehemu kwenye sekta ya maisha yako ambayo inahitaji kuwekewa kipaumbele; na

  iv.  Weka malengo na yapitie mara kwa mara kwa ajili kujitathimini – hakikisha malengo unayojiwekea yanapimika na kutekelezeka.

               

12. Tengeneza orodha ya vitu au tabia ambazo upo tayari kuachana nazo kwa ajili ya utulivu wa akili. Mwandishi anatushirikisha kuwa hakuna mafanikio bila kuwa tayari kupoteza baadhi tabia ambazo zimekuwa kandamizi kwako. Kwa maana nyingine hakuna mafanikio pasipo kuwa tayari kutoa sadaka, sadaka hiyo inaweza kuwa kwenye vitu ambavyo upo tayari kupoteza au mazingira mapya ambayo unahitaji kuyaishi. Ndivyo ilivyo hata kwenye mafanikio ya utulivu wa akili. Hapa unahitaji kuandaa orodha ya tabia, mila au tamaduni ambazo zimekufanya husiwe na utulivu wa akili kwa kipindi kirefu na hatimaye uzifanyie kazi kwa ajili ya kujirekebisha.

13. Tumia hazina ya ubunifu kwa ajili ya kuboresha mfumo wa fikra zako (creative thinking). Kufikiri kwa ubunifu ni hazina pekee ambayo imeendelea kutenda maajabu katika kubadilisha dunia hii kuwa mahala pazuri pa kuishi. Ni kupitia hazina hii ulimwengu umeendelea kubadilika kila kukicha. Ili uwe mbunifu kwenye fikra zako unahitaji kujifunza yafuatayo;

     i.  Ni lazima husiwe mtu wa kuogopa kushindwa – watu wenye fikra za ubunifu kamwe hawaogopi kushindwa kwani ubunifu wenyewe ni sawa na kushindwa kutokana na ukweli kwamba unabuni kitu ambacho hauna uhakika na uwepo wake;

   ii.  Ni lazima uwe tayari kuongeza thamani kwenye kila unachojihusisha nacho – watu wenye fikra za ubunifu muda wote wanaongozwa na macho ya kuongeza thamani kwa ajili ya manufaa yao na jamii inayowazunguka; na

  iii.  Utulivu wa akili unasaidia mhusika kujifunza zaidi – hii ni kutokana na ukweli kuwa hatuna majibu ya mambo yote tunayokutana nayo katika maisha yetu.

14. Ili uwe kati ya watu wenye fikra za ubunifu unahitaji kuondoa vikwazo vyote ambavyo vimekuwa kizuizi kwako muda mrefu. Mwandishi anatushirikisha kuwa watu wengi wameshindwa kuwa na fikra za ubunifu kutokana na imani ambazo wamekuwa wakinena juu ya nafsi zao. Baadhi ya kauli kandamizi ni kama vile: mimi siwezi kuwa mbunifu hata siku moja, mimi nafuata sheria zilizopo siwezi kwenda kufanya lolote nje ya sheria hizo, hakuna jipya katika dunia hii, mimi sio mtu wa kuuliza maswali n.k. Pia, ili uwe na fikra bunifu ni lazima uchague watu kutumia muda mwingi na watu wenye fikra bunifu. 

15. Tengeneza utamaduni wa kufikiria katika hali halisi ya nafsi yako (realistic thinking) – husiwe mwongo wa nafsi katika fikra zako. Faida mojawapo ya kufikiri katika hali yako halisi ni kwamba kufanya hivyo inakusaidia kubadilisha tabia zile ambazo unaona zipo kinyume na mahitaji ya maisha yako. Pia, kadri unavyokuwa mkweli katika fikra zako ndivyo unajijengea uadilifu na uaminifu kwenye jamii inayokuzunguka. Kwa kufanya hivyo itakusaidia kuvuta watu wengi na hivyo kuongeza ufanisi katika huduma zako.

16. Jifunze utamaduni wa kufikiri kimkakati (strategic thinking). Mwandishi anatushirikisha kuwa kufikiri kimkakati ni pale ambapo mhusika anaweza kutumia fikira kutengeneza na hatimaye kuuishi mkakati wa maisha yake. Mkakati wa maisha unahusisha mpangilio wa matukio ya maisha ya mhusika katika kila siku ya maisha yake. Kutokana na maana hii mtu mwenye mkakati wa maisha anatambua matukio ya maisha yake kwa siku zilizopo na siku zijazo. Fikra zinakuongoza kutengeneza mkakati wa maisha yako lakini pia ni kupitia fikra hizo hizo unaweza kuuishi mkakati wa maisha yako.

17. Ruhusu fikra zenye uwezekano (possibility thinking). Mwandishi anatushirikisha kuwa watu waliofanikiwa huwa wanatanguliza uwezekano wa kukamilisha jambo lolote kabla ya kuangalia vikwazo vilivyopo. Kadri unavyoruhusu fikra wezeshi ndivyo inakuwa rahisi kuona uwezekano wa kutatua changamoto zilizopo mbele yako na kinyume chake ni kwamba kama hauna fikra wezeshi muda wote mfumo wako wa fikra unatafsiri vikwazo na matokeo yake ni kushindwa kuchukua hatua. Pale unapoamini kuwa unaweza kutekeleza jambo gumu ni mwisho wake ukafanikiwa kulitekeleza unaruhusu milango mingi katika mfumo wako wa fikra kwa ajili ya kutekeleza magumu mengi unayokutana nayo. Pia, fikra wezeshi zinakusaidia kuwaza vitu kwa mapana yake na hivyo zinamfanya mhusika hasiwe mtu wa kawaida.

18. Jifunze kurudia fikra zako mara kwa mara kutokana na mafanikio au makosa unayopitia. Mwandishi anatushirikisha kuwa matukio mengi yanayotokea katika maisha yetu yanatokana na mafanikio au makosa yetu ya siku za nyuma. Watu wenye mafanikio wanafahamu juu ya msingi huu na hivyo mara kwa mara wanakuwa muda wa kufikiria juu ya mafanikio au makosa yao. Kadri unavyokuwa na muda wa kufikiria juu ya matukio yaliyopita ndivyo unaongeza nafasi ya kufanya maamuzi sahihi katika nyakati zilizopo. Kutokana na umuhimu wa kurudia matukio ya maisha yako, mwandishi anatushirikisha kuwa ni muhimu kutenga muda katika siku hasa kabla ya kulala kwa ajili ya kurudia matukio ya siku nzima.

19. Jifunze kujiuliza maswali dhidi ya fikra ambazo zimezoeleka (popular thinking) katika mfumo wako wa fikra. Mwandishi anatushirikisha kuwa binadamu ni kiumbe ambaye ameumbwa kwa ajili ya kuleta mabadiliko mema katika mazingira yanayomzunguka. Hata hivyo binadamu wengi wameshindwa kuleta mabadiliko chanya kutokana na ukweli kuwa wanaishi ndani ya minyororo ya mila na imani ambazo wamewekewa toka enzi za utoto wao. Ili ufanikiwe kudhibiti fikra zako ni lazima uwe na utaratibu wa kuhoji juu ya mila au desturi. Kwa kufanya hivi inakuwa rahisi kwako kubuni mawazo mapya ambayo yataboresha maisha yako. Hii ni kutokana na ukweli kwamba fikra ambazo zimezoeleka huwa zinaleta matokeo ya kawaida hivyo ni lazima utafute fikra mpya kwa ajili ya matokeo makubwa.

20. Jifunze kunufaika na thamani ya fikra za wengine. Mwandishi anatushirikisha kuwa tunaishi katika ulimwengu wenye mabadiliko ya kasi hivyo kwenda kutegea fikra zako pekee kamwe hauwezi kwenda sambamba na kasi ya mabadiliko ya ulimwengu huu. Kadri unavyothamini fikra za wengine ndivyo na wewe unaongeza nafasi ya kuwa na ubunifu zaidi katika mipango ya maisha yako. Hapa unahitaji kuondoa fikra za kishindani katika mfumo wako wa fikra na kuingiza fikra za kushirikiana zaidi na wenzio kwa ajili ya kuboresha maisha yako na jamii inayokuzunguka. Pia, unatakiwa kuondoa dhana ya “mimi” na kuingiza mtazamo wa “sisi”.

21. Jibidishe kuwa na fikra zisizokuwa na uchoyo (unselfish thinking). Mwandishi anatushirikisha kuwa hakuna kitu kinawanyima mafanikio watu wengi kama uchoyo kwani uchoyo una tabia ya kufunga milango ya mafanikio. Hivyo, katika maisha jifunze kuwasaidia binadamu wengine wanafanikiwe ili na wewe ufanikiwe zaidi kupitia wao. Pia, kadri unavyowasaidia wengine ndivyo na wewe thamani yako inaongezeka na hatimaye unafakiwa kuacha alama katika maisha yako.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link ili hatimiliki za mwandishi wa makala ziheshimiwe). Nakutakia mapambano mema.

PATA UCHAMBUZI WA KITABU CHA THE RULES OF MONEY ( KANUNI ZA PESA)   Mwandishi Richard Templar katika kitabu hiki ametushirikisha kanuni 107 ambazo kila mtu anaweza kuzitumia kutengeneza pesa na hatimaye kuwa tajiri. Uchambuzi wa kina wa kanuni zote (107) umeandaliwa kwa mfumo wa pdf na unapatikana kwa gharama ya Tshs. elfu tano tu (5,000/=). Kanuni zote zimechambuliwa na kuandaliwa kijitabu kidogo chenye kurasa 39 ambazo unaweza kusoma kwenye simu ya mkononi (smart phone) au kwenye kompyuta (pc). Kupata uchambuzi wa kanuni zote tuma pesa yako kwa njia ya M-pesa au Airtel Money kupitia namba zifuatazo:- M – Pesa tumia namba: 0763 745 451 (Majina ni Augustine Mathias) Airtel Money tumia namba: 0786 881 151 451 (Majina ni Augustine Mathias) Baada kutuma pesa hiyo nitumie ujumbe kwenye namba ya airtel (0786 881 151 451) ukiwa na barua pepe yako ili nikutumie uchambuzi wa kanuni hizi moja kwa moja kwenye mtandao wako. UTAJIRI NI HAKI YAKO YA KUZALIWA "BEING RICH IS YOUR BIRTH RIGHT"

Karibuni kwenye fikra za kitajiri ili upate elimu hisiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com

Mambo Niliyojifunza Kwenye Kitabu cha Healing Your Family History: (Uponyaji wa Tabia Ambazo Umerithi Kutoka kwa Watangulizi Wako)

Habari ya leo rafiki na msomaji wa mtandao wa fikra za kitajiri.

Ni matumaini yangu kuwa unaendelea kupambana kwa ajili ya kuboresha maisha yako. Karibu tena katika mtandao wa FIKRA ZA KITAJIRI kwa ajili ya uchambuzi wa kitabu cha wiki hii. Leo hii ikiwa ni wiki ya 31 katika kipindi cha mwaka 2017 naendelea kukushirikisha uchambuzi wa vitabu mbalimbali kwa ajili ya kukupa maarifa ambayo ni wajibu wako kuyatumia ili ubadilishe kila sekta ya maisha yako.

Ni matumaini yangu kuwa makala hizi zimekuwa na msaada mkubwa kwako kwa kadri ambavyo umekuwa ukichukua hatua za kubadilisha maisha yako. Hata hivyo, makala hizi haziwezi kubadilisha chochote kama umekuwa mtu wa kusoma na kutokufanyia kazi yale unayojifunza.  

Ili uendelee kunufaika na makala za mtandao huu BONYEZA HAPA na ujaze fomu kisha bonyeza “jiunge/subscribe” utakuwa umejiunga na mtandao wa fikra za kitajiri. Kwa kujiunga na mtandao huu utapata makala zinazochapishwa humu moja kwa moja kwenye barua pepe yako bila malipo yoyote.

Kitabu cha wiki hii ni “Healing Your Family History” kutoka kwa mwandishi Rebecca Linder Hintze. Rebecca ni mwandishi wa vitabu, mhamasishaji na mzungumzaji maarufu ambaye amejikta katika kuielimisha jamii ili iishi maisha ya mafanikio kwenye masuala ya kifamilia, mahusiano kati ya wazazi na watoto na maisha ya ndoa.

Mwandishi ameandika kitabu hiki mara baada ya kuona kuwa watu wengi wanaishi ndani ya minyororo ambayo imetokana na mazoea ambayo wamerithishwa kutoka kwa watangulizi wao. Watu wengi wamekuwa wakifanya vitu kwa mazoea pasipo kuwa na majibu sahihi ya kwa nini wanafanya yale wanayofanya. Hii ni kutokana na ukweli kwamba tabia zinarithishwa kutoka kizazi kimoja hadi kingine na endapo tabia hizo ni mbaya inakuwa ni chanzo cha kuendelea kudidimiza wahusika kizazi na kizazi.

Kila familia ina imani na mila ambazo zinarithishwa kizazi na kizazi kwenye familia husika. Imani hizi zinawezakuhusiana na mtazamo wa familia kwenye masuala ya imani, afya, fedha, na maisha ya jamii inayowazunguka. Imani hizi pamoja na mila potofu zinaweza kuwa ni kuta ambazo zimekuwa zikiwazuia wanafamilia kufikia mafanikio yanayotaka katika maisha yao.

Njia pekee ya kukabiliana na imani/mila potofu ni lazima mhusika aweze kutambua imani ambazo zimekuwa sehemu ya maisha yake huku zikiendelea kumsogeza nyuma kimafanikio. Hatua hii ni muhimu kwa ajili ya kuvunja ukuta ambao umekufanya uwe kama ulivyo kwa sasa na hivyo njia pekee ya kusonga mbele ni kufuata hatua tano ambazo mwandishi ametushirikisha katika kitabu hiki kwa ajili ya kuachana na makovu ambayo yamekuumiza kwa muda.

Karibu tujifunze wote machache niliyojifunza kwenye hiki:

1. Mama na baba katika familia wana nafasi kubwa ya kuwabadilisha watoto wao ili wakulie kwenye misingi ya imani na mila sahihi. Hii ni kutokana na ukweli kwamba mama na baba ni wahamasishaji na walimu wa kwanza kabisa katika kubadilisha ubongo wa watoto wao. Wazazi ndio wahusika wakuu kwenye kumfundisha mtoto namna avyotakiwa kuhishi yeye kama yeye, mtazamo wake kwenye jamii na dunia inayomzunguka kwa ujumla. Yamkini ni wazazi wachache ambao wamewekeza kwenye kujifunza namna bora ya kumlea mtoto katika misingi ya imani na mila sahihi na matokeo yake ni kwamba vizazi vinaendelea kuangamia kwa minyonyoro ya imani za ukoo au jamii zilizotangulia.

2. Kama wazazi mnatakiwa kuficha madhaifu yenu kwa watoto wenu pale inapotokea mmekorofishana. Mwandishi anatushirikisha kuwa watu wengi wameishi kwa kuumizwa na historia za mafarakano ya wazazi wao kiasi ambacho na wao wanashindwa kudumu ndani ya familia zao. Ni kawaida kukuta kuwa wazazi ambao walipeana taraka na vizazi vyao navyo havidumu kwenye maisha ya ndoa. Kumbe kinachosababisha ni minyororo ambayo inafunga wahusika ndani ya familia bila ya wao kutambua. Matokeo yake ni kwamba muda wote mtu anakaa ndani ya ndoa akiwaza kuwa ipo siku yaliyotokea kwa wazazi wao yatatokea na kwake pia.

3. Sisi ni zao la watangulizi wetu kwa maana ya mababu/mabibi zetu. Mwandishi anatushirikisha kuwa japo tafiti za kisayansi hazijaweza kudhihirisha kama hisia zinarithishwa kutoka kizazi kimoja hadi kingine kupitia jeni (genes) bado kuna dalili zinaonesha kuwa wajukuu wana sifa za kihisia zinazofanana na mababu/mabibi zao. Kulingana na ukweli huu upo uwezekano mkubwa wa watoto kurithi hisia kutoka kwa watangulizi wao na endapo wamerithi hisia ambazo sio nzuri zitaendelea kuwakandamiza katika maisha yao. Habari njema ni kwamba kila mmoja anaweza kuamua kuachana na hisia hizo ambazo zimekuwa kandamizi kwenye maisha yake.

4. Sisi ni zao la hisia zetu. Tupo jinsi tulivyo kutokana na namna ambayo tunakabiliana na hisia zetu. Mfano, kama unatawaliwa na hisia za hofu ni wazi kwamba maisha yako yatakuwa ya hofu na kama unatawalia na hisia za kutokukubalika ni wazi kwamba itakuwa ni nadra kukubalika kwenye jamii. Mwandishi anatushirikisha kuwa hatuwezi kuponya makovu ya historia ya familia zetu kama hatuwezi kudhibiti hisia zetu. Hii ni kutokana na ukweli kwamba hisia ndizo zinatusukuma kufanya yale ya muhimu au yale ambayo yamekuwa yakitukandamiza muda wote. Na hapa ni lazima tutambue kuwa ili ufanikiwe kuvunja minyororo ambayo imekufunga ni lazima uwe tayari kuisikiliza sauti yako ya ndani (roho au wewe wa ukweli) kwani hiyo ni sauti pekee ambayo itakuongoza hatua kwa hatua.

HATUA YA KWANZA – TAMBUA NI TABIA ZIPI UNAHITAJI KUBADILISHA

5. Kwa asili familia zote zinapitisha mila kutoka kizazi kimoja hadi kingine. Mila hizi zinajumuisha zile ambazo zinamuongoza mtoto kwenye namna ya kuwapenda wengine, kujithamini, kujiheshimu na kuwaheshimu wengine, namna ya kufanikiwa pamoja na kuwasaidia watu wanaomzunguka. Hata hivyo zipo mila nyingine ambazo zinapelekea mtoto ashindwe kujiamini, awe mtu wa visasi, mchoyo, mwizi na mtundu. Katika uponyaji wa makovu ya kihistoria ndani ya familia, mwandishi anatushirikisha kuwa ni lazima kwanza tutambue mila ambazo zimekuwa zinatuzuia kusonga mbele pasipo uelewa wetu kwani mila hizo ndizo chanzo cha kushindwa kupenda/kupendwa, kufanikiwa, kukua kiroho au kutambua kusudi la maisha yetu.

6. Sikiliza na kujifunza kutokana na imani zilizopo ndani ya ukoo wenu. Mfano, ni kawaida kukuta koo ambazo hazina uhuru wa kifedha zinakuwa na kauli mbaya dhidi matajiri. Wengi katika koo hizi utakuta wanakuambaia matajiri ni watu wabaya au wachoyo, hivyo kutokana na kauli kama hizo ni vigumu sana wanafamilia kufanikiwa kifedha. Unahitaji kusikiliza kutoka kwa ndugu zako pamoja na kuisikiliza sauti yako ya ndani ili hatimaye uweze kutambua kauli ambazo zimakuwa zinakukwamisha kupiga hatua. Kauli kama “ni bora kuwa masikini kuliko kuwa tajiri kwani utajiri utaninyima amani, sisi familia yetu huwa ni watu wa kukosa, wanaume/wanawake sio kuaminiwa, mapenzi ni maumivu na mahusiano yanaumiza hivyo ni bora ya kuwa peke yangu” ni baadhi ya kauli ambazo haupaswi kujisemea maishani mwako.

7. Jichunguze ni imani/mila zipi umeifadhi katika akili yako ya ndani (subconscious mind) ambazo zimekuwa zikikuzuia kusonga mbele. Katika koo nyingi kuna imani kuwa maisha ya furaha na heshima yanapatikana pale mtu anapokuwa na fedha nyingi, anamiliki magari na majumba, anapokuwa msomi wa juu sana na mengine mengi. Imani kama hizi zinaendelea kuwazuia wengi kuishi maisha ya furaha na heshima kwa vile wanajiona kuwa hawastahili kuwa na furaha au heshima kwa vile hawana fedha au elimu ya kutosha.  

8. Futa mila/imani potofu kwenye mfumo wako wa kumbukumbu. Binadamu ana mfumo wa kuhifadhi kumbukumbu kama ilivyo kompyuta hivyo unachotakiwa kufanya baada ya kugundua imani/mila ambazo zimekukwamisha kwa muda ni kuhakikisha uzifuta kwenye mfumo wa kumbukumbu huku nafasi yake ukiijaza na imani/mila ambazo zitakuwezesha kusonga mbele.

HATUA YA PILI – KUDHIBITI HUKUMU NA HOFU

9. Kutokana na imani/mila potofu ulizonazo umekuwa mtu hukumu vitu ambavyo sio sahihi. Katika hatua ya kwanza tumeona hukumu za moja kwa moja kama vile matajiri ni wachoyo au watu wabaya, mimi ni mtu wa kukosa na nyinginezo; hukumu hizi zimekufanya ushindwe kuufahamu ukweli na hivyo muda wote umekuwa ukiuishi uongo. Sasa unahitaji kuangalia katika historia ya familia yako na kuchambua hukumu ambazo mmekuwa mkiishi kama sehemu ya maisha na hatimaye uanze kuachana nazo mara moja. Hapa unahitaji kujiuliza maswali kama Je nawahukumu vipi wenzangu?, Je nawahukumu wengine kwa mwonekano wao?, Je nawahukumu wengine kwa dini zao? Je nawahukumu wengine kwa vipato vyao au rangi zao? na Je nafsi yangu naihukumu vipi katika kila sekta ya maisha yangu.

10.        Zipo imani/mila ambazo tumerithishwa kutoka kwa watangulizi wetu na bahati mbaya imani/mila hizi zimetujaza hofu. Hii ni kutokana na ukweli kwamba hofu au woga wa kukataliwa au kutokukubalika tumerithi kutoka kwa wazazi kupitia makuzi na malezi. Hofu hii imeendelea kutufanya tukose uthubutu wa kuchukua hatua na matokeo yake ni kushindwa kufikia mafanikio tunayotamani kupata. Mwandishi anatushirikisha kuwa kama unahitaji kuponya makovu ya historia ya famili ni lazima kwanza tufahamu ni hofu zipi ambazo zimetokana na imani/mila zetu na hatimaye tuanze kuzishinda hofu hizo.

11.        Migogoro mingi ya familia inatokana na hisia za kuhamishia tatizo kwa mwenza wako pasipo kufanya tathimini ya wapi wewe unakosea. Mwandishi anatushirikisha kuwa familia nyingi zimekulia katika utamaduni wa kusukumizia tatizo kwa mwingine kwani hakuna ambaye anakubali kuhusika kwenye tatizo linalowagombanisha. Pia, tatizo jingine linalosababisha mafarakano ndani ya familia ni ile mila/dhana ya kwamba furaha yako imeshikiliwa na mwenza wako. Kumbuka kuwa mwenza wako ni mwanadamu kama wewe hivyo ni vigumu kukupa furaha unayotarajia kutoka kwake.

               

HATUA YA TATU – CHUKUA HATUA ACHA KUISHI MAISHA YALEYALE

12. Kuwa tayari kuachana na maisha uliyozoea na kuanza kuisha maisha mapya (escape your comfort zone). Hapa mwandishi anatushirikisha kuwa ili uishi maisha mapya kwanza kabisa unatakiwa uanze kujifunza upya na kuachana na imani/mila ambazo awali zilikudanganya. Unahitaji kuutafuta ukweli na hatimaye uanze kuuishi ukweli huo. Tatizo kubwa ni kwamba watu wengi hawapo tayari kubadilika kwa vile ni rahisi kuishi maisha waliyozoea badala ya kuingia kwenye maisha mapya. Hata hivyo wale wachache ambao wanaamua kukabiliana na ugumu wa maisha mapya ndo hao hao ambao wanafanikiwa katika jamii inayozunguka. Hii ni kutokana na ukweli kwamba watu wapo tayari kuendelea kwenye imani/mila kandamizi kwa vile tayari zimekuwa sehemu ya maisha yao na hii inawafanya wawe na hofu ya kuanza maisha mapya.

13. Tambua ni matakwa yapi unayohitaji katika maisha yako na bado hayajakamilishwa katika familia yako. Mwandishi anatushirikisha kuwa ni kawaida kila mwenza ndani ya familia kuwa na mahitaji anayotaka yakamilishwe na mwenza wake na pengine matakwa hayo hayakamilishwi. Matakwa haya yanajumuisha mahitaji muhimu kama vile mavazi, chakula, maradhi, faraja kwa wenza au watoto wao pamoja na ukuaji wa kiroho. Baada ya kutambua matakwa yapi hayajakamilika, sasa unatakiwa kutathimini imani/mila ulizonazo dhidi ya matakwa hayo ambayo muda wote umekuwa ukiona kuwa wewe au mwenza wako mnapungukiwa. Chukua hatua ya kuanza kukabiliana na mila hizo. Mfano, kama katika makuzi yako umewahi kuambiwa kuwa hata ufanye kazi kwa bidii kiasi gani kamwe hauwezi kuwa na pesa ya kutosha – hii ni imani ambayo itakufanya maisha yako yote uhangaike kufanya kazi kwa bidii pasipo kupata pesa za kutosha. Kubadilisha imani hii unatakiwa kufahamu kuwa msingi wa kupata pesa unazotaka ni kufanya kazi kwa bidii na si vinginevyo.

14. Safisha hisia zote ambazo zimekufanya uwe mtumwa wa makovu uliyopata katika enzi za ukuaji wako pasipo wewe kufahamu. Mwandishi anatushirikisha kuwa katika hatua za ukuaji watu wengi wamekutana na mazingira/matukio hatarishi kutoka kwenye familia zao au jamii zinazowazunguka. Matukio hayo yamewafanya waishi maisha ya utumwa kwa kutumi vijibwana ambavyo vipo ndani mwao hila wao hatambui kuwa ni watumwa wa matukio hayo. Matukio hayo yanaweza kuwa ugomvi wa wazazi, kunyanyaswa, kubakwa, kutishiwa na mengine mengi. Haya ni matukio ambayo yanamfanya mhusika awe na hisia hasi muda wote wa maisha yake na hisia hizo zinakuwa kizuizi cha yeye kusonga mbele. Sasa unahitaji kufanya tathimini ya kila tukio katika enzi za ukuaji wako na kuona athari yake ni ipi katika maisha yako ya sasa.

15. Njia bora ya kusonga mbele na kuchukua hatua ni kuanzisha matendo ya kuwasaidia wengine wenye uhitaji wa ujuzi ulionao. Mwandishi anatushirikisha kuwa kadri mtu anavyojitoa kwa ajili ya kuwasaidia wengine kwa moyo wa dhati ndivyo na milango yake inavyofunguka na hatimaye kufanikisha mahitaji yake. Kwa ujumla tunaweza sema kuwa tunajazwa baraka katika ulimwengu huu kutokana na jinsi tunavyojitoa kutumia kalama zetu kwa ajili ya kuwasaidia wengine.

HATUA YA NNE – ITAFUTE HAZINA YAKO

16. Ipo hazina kubwa ndani mwako tena yenye thamani ambayo haijatumiwa ipasavyo. Ili uitumie vyema hazina iliyopo ndani mwako unahitaji kuanza kupingana na imani/mila kandamizi ambazo zimekuzuia kwa muda sasa. Hapa unatakiwa kuweka misingi ambayo itakuwa mwongozo wako katika maisha mapya. Misingi hii ni lazima iwe na sifa za kukuongoza katika ukuaji wako kwenye kila hatua ya maisha yako. Kumbuka kuwa ukuaji ndio maisha na pale unapoacha kukua ni sawa na kwamba unajichimbia kaburi. Pia, tambua kuwa ili uendelee kukua kwenye kila sekta ya maisha yako unahitaji kujifunza kila mara na hatimaye utumie mafundisho hayo kwa ajili ya kutunisha hazina yako.

17. Anza kujifunza kutokana na makosa. Mwandishi anatushirikisha kuwa njia mojawapo ya kuponya makovu ya historia ya familia ni kuanza kutazama makosa kama sehemu ya kujifunza. Makosa ambayo umekuwa ukifanya mara kwa mara unahitaji kuyaangalia kwa sura ya kujifunza kitu kutoka kwenye makosa hayo. Hii ni kutokana na ukweli kwamba makosa haya yametuzuia kwa muda sasa kufikia kwenye hazina kuu ambayo ipo ndani mwetu. Hivyo, kuanzia sasa tunapaswa kuangalia upande chanya kwenye kila kosa ambalo tunafanya, jiulize ni kipi naweza kujifunza kutokana na kosa husika. Hili ni zoezi gumu lakini pale unapofanikiwa ni rahisi kurudisha furaha na amani ambayo umeipoteza kwa muda sasa. Hii pia inaambatana na uponyaji unaotokana na kubadilisha madhahifu yetu kwenda kwenye uimara kwenye kila sekta ya maisha yetu.

18. Ifanye familia yako kuwa mahali sawa na peponi kwa maana ya kuhakikisha familia yako ni sehemu yenye furaha na amani muda wote. Huu ni uponyaji ambao utamgusa kila mwana familia na hivyo uponyaji huu utadumu kutoka kizazi kimoja kwenda kizazi kingine. Hakikisha kila mmoja ndani ya familia atambue kuwa mwanadamu anaweza kutenda makosa lakini kukosea sio mwisho wa safari bali kila kosa lina somo ndani yake. Hakikisha kila mwanafamilia anatambua umuhimu wa kupendana na kuwajali wengine badala ya kuangalia nafsi yake pekee.

19. Watazame wanaokuzunguka kwa jicho la Mungu anavyowatazama. Wote tunafahamu kuwa Mwenyezi Mungu ni mwema kwa watu wote na kwake kila mmoja anamtazama kwa jicho la upendo ndani mwake. Haijalishi umekosea kiasi gani mbele za Mwenyezi Mungu anaendelea kukukaribisha kwa ajili ya toba ili uendelee kufurahia ukuu wake. Mwandishi anatushirikisha kuwa uponyaji wa kuwatazama wengine kwa jicho la Mungu ni uponyaji wa aina yake kwa kuzingatia kuwa unapowatazama wengine kwa jicho la kimungu daima utawapenda, utawapa faraja na amani. Hii itakusaidia ujifunze vitu vingi kutoka kwa wenzako na hivyo kuendelea kupanua hazina yako.

HATUA YA TANO – KARIBISHA UWEPO WA ROHO MTAKATIFU

20. Kila mwanadamu ameumbwa na kupewa mwili ambao ndani yake umewekewa pumzi ya uhai ambayo ndiyo roho. Mwili muda wote unamsukuma mhusika kwenye mambo ya kidunia wakati roho kazi yake kubwa ni kumuunganisha mhusika na nguvu ya ajabu (Mungu). Kadri mtu anavyoujua ukweli ndivyo anajitambua kuwa yeye ni nani kwa maana kujitambua kimwili na kiroho na hivyo anakuwa na nafasi kubwa ya kuuishi ukweli. Mtu anayeishi ukweli ni yule anaye ongozwa na matendo ya roho mtakatifu badala ya kuongozwa na matendo ya mwili. Mtu huyu ambaye anaongozwa na roho mtakatifu muda wote ataishi maisha ya furaha na amani kimwili na kiroho na hivyo mafanikio yatamfuata kwenye kila sekta ya maisha yake.

21. Binadamu wote tumepewa uwezo wa kufikiri, kuchanganua mambo na kubadilisha vitu kwa kadri tupendavyo. Huu ni uwezo wa kipekee ambao unatutofautisha na wanayama wengine. Uwezo huu wote tumepewa sawa japokuwa tunatofautiana jinsi ambavyo tunautumia kwa ajili ya faida yetu. Ili ufanikiwe kutumia uwezo huu ni lazima uongozwe na roho kwani ni roho pekee ndo anatuongoza kwenye mabadiliko ya kweli badala ya kuzama kwenye matamanio ya mwili.

22. Kuwa na muunganiko na roho kupitia njia ya sara. Mwandishi anatushirikisha kuwa sara ni njia pekee ya kuboresha muunganiko wa mhusika na roho. Mfumo huu wa sara unafanya kazi kwa rika zote pasipo kujali umri wa mhusika kinachotakiwa ni imani ya kweli inayoambatana na matamanio ya kupata kile ambacho unaomba.

Haya ni machache ambayo nimeweza kukushirikisha kati ya mengi yaliyo kwenye kitabu hiki. Kupata nakala ya kitabu hiki BONYEZA HAPA na ujiunge na mtandao wa fikra za kitajiri kisha nitumie ujumbe wa kuomba kitabu hiki kupitia barua pepe fikrazakitajiri@gmail.com.

Niendelee kukuomba usambaze jumbe hizi kwa kadri uwezavyo ili yale unayojifunza yawafikie wengi na hatimaye tufanikiwe kuibadilisha dunia hii kuwa mahali pazuri pa kuishi (Unaposambaza makala hizi hakikisha haukopi na kupest badala yake share link ili hatimiliki za mwandishi wa makala ziheshimiwe). Nakutakia mapambano mema.

Karibuni kwenye fikra za kitajiri ili upate elimu hisiyokuwa na mwisho.

Born to Win ~ Dream Big 

Augustine Mathias Bilondwa
Namba ya Simu:      +255 786 881 155
Mwanzilishi wa Mtandao wa fikrazakitajiri.blogspot.com

Barua pepe:  fikrazatajiri@gmail.com