Kila Linalotokea Maishani Mwako Mhusika Mkuu ni Wewe Mwenyewe

Mpendwa rafiki yangu karibu tena katika makala ya leo ambayo bado inajikita kwenye nguvu ya kubadili fikra na mtazamo wako katika maisha yako ya kila siku hasa katika kuelekea kwenye utajiri. Katika makala zilizopita tumeona jinsi ambavyo unaweza kuamua kuwa tajiri kwa kubadili fikra zako. Naamini unaendelea kufanyia kazi maarifa uliyoyapata kutoka kwenye makala zilizotangulia ili baada ya muda tuweze kusherekea pamoja mafanikio ya kubadili nchi hii kuwa mahala pazuri pa kuishi. 

Katika makala ya leo tutaangalia jinsi ambavyo katika maisha watu wengi wameshindwa kufikia malengo yao kwa vile wamekuwa wakijiona kama si wahusika wakuu kwa kila jambo linalotokea maishani mwao. Tabia hii imepelekea wahusika hawa kuwa walalamikaji pale mambo yanapokwenda kinyume na matarajio. Wakati mwingine mtu anaanza kulalamika hata kabla hajajaribu kufanya kile ambacho anaamini kingemtoa kimaisha.

Epuka kuwa mlalamikaji

Kwanza fikiria juu ya mafanikio ambayo umeweza kuyapata mpaka sasa katika nyanja mbalimbali na pili jiulize ni mikakatij/jitihada zipi ulizojiwekea wewe mwenyewe ili kufanikisha manikio hayo. Ni dhaihiri kuwa sehemu kubwa ya ushindi wako inatokana na mikakati unayojiwekea mwenyewe pasipo kumtegemea mtu. Kwa maana hiyo hakuna atakayekuja kukuambia kuwa muda umefika wa wewe kutimiza ndoto zako hisipokuwa wewe mwenyewe ndo mwenye jukumu la kuhakikisha unatimiza ndoto moja baada ya nyingine.

Katika kufanikisha hili inahitajika nidhamu ya hali ya juu kuhakikisha kuwa wewe unajiona kuwa ni meneja wa maisha yako mwenyewe ili pale mambo yasipoenda sawa uwe wa kwanza kujisuta mwenyewe. Siri kubwa iliyopo hapa ni kuwa pale unapokuwa mlalamikaji hali hii inakufanya ujitoe katika mbio za mapambano hivyo kupelekea kusubilia muhujiza ujitokeze ili kutimiza malengo yako. Kuanzia leo hii jione kuwa hakuna mtu au taasisi yoyote ile inayohusika kwa njia yoyote ile katika kuwezesha kutimiza ndoto zako bali ni wewe mwenyewe (no one to blame except yourself). Suala la ulalamikaji husilipe tena nafasi kwani itakuwa sawa na kujilalamikia mwenyewe kwamba umeshindwa kutimiza wajibu wako.

Mafanikio ni mchakato

 Mafanikio yanapatikana kwa mchakato maalamu wenye malengo mahususi ambayo ni lazima uyafanyie kazi katika maisha yako ya kila siku. Katika kutimiza ili naomba utambue kuwa mafanikio yanapatikana kwa kufuata kanuni ndogondogo ulizojiwekea kwa kipindi cha muda maalumu uliojiwekea pasipo kuvunja kanuni hizo (success is created by following simple fundamental principles consistently overtime). Kutokana na maana hii, mafanikio ya kesho yanatokana na kile unachokifanya kwa sasa katika kila siku ya maisha yako.

Kama utatimiza kanuni ambazo umejiwekea itakufanya uweze kuuona ushindi katika kila iitwapo leo. Ninachomaanisha hapa ni kwamba kanuni utakazojiwekea ili zikuwezeshe kupata utajiri kanuni hizo ni sawa na ngazi ambazo kila siku utakuwa unapanda kutoka ngazi moja hadi nyingine. Kwa hali hiyo itakuwa rahisi kwako kuona jinsi unavyopiga hatua tofauti na pale ambapo husingekuwa na kanuni zozote zinazokuongoza. Kinyume chake ni kwamba mtu ambae hana kanuni zinazomuongoza ni rahisi kukata tamaa kwa sababu atakuwa anadhani kuwa mafanikio ni suala la siku moja.

Hitimisho

Fikiria leo hii unafanya nini ambacho kinaweza kuwa msingi wa mafanikio yako kwa siku zijazo. Fikiria umejiwekea kanuni zipi ambazo zitakusaidia kutimiza ndoto zako kwa muda ujao. Fikiria mpaka sasa umepoteza fursa zipi kwa sababu tu ya kujiona kuwa mazingira hayaridhishi jambo lilopelekea uanze kulalamikia jamii inayokuzunguka au serikali. Mwisho malizia kwa kujisemea kuwa wewe ndo muhusika wa maisha yako na pale utakaposhindwa kutimiza ndoto zako jisemee mwenyewe kuwa umeshindwa kwa uzembe wako.

Kaulimbiu yangu……“FIKRI NA UCHAGUE UTAJIRI KWA KILA ULIFANYALO”

Imeandaliwa na Ndg. Augustine M. Bilondwa

Karibu kwenye fikra za kitajiri  tubadilishane mawazo kupitia mawasiliano yafuatayo:-

Namba ya Simu ya Mkononi                            0786 – 881155/0763 – 745451

Barua pepe                                                    bilondwam@yahoo.com

Blog                                                             fikrazakitajiri.blogspot.com

Kwani nini inakupasa kubadili fikra zako ili uwe tajiri?

Karibu msomaji wa makala zangu ambazo zaidi zinajikita katika jinsi gani ambavyo waweza amua kuwa tajiri kwa kubadilisha mtazamo wako. Mpendwa msomaji wangu ni matumaini yangu kuwa uko vizuri na unaendelea na mapambano ya kubadilisha maisha yako kila iitwapo leo. 

Kama ndo hivyo nakupongeza kwa jitihada zako kwani naamini ni kupitia jitihada hizi pamoja tutaibadilisha nchi hii kuwa mahala pazuri pa kuishi badala ya kuishia kulalamikia wanasiasa kuwa wameshindwa kutimiza matarajio yetu.

Ni jambo la kushangaza kulalamikia wanasiasa kuwa wameshindwa kukupa ajira kumbe wewe mwenyewe ni chanzo cha tatizo hilo kwani kila mmoja wetu Mwenyezi Mungu amemuumba na kumkilimia rehema tele za kubadilisha mahala alipo kuwa mahala pazuri pakuishi. Hivyo basi badala ya kulalamikia kukosekana kwa ajira jiulize unafanya nini leo hii ili uweze kuzalisha ajira kwa kizazi cha sasa au kizazi kijacho? You need to be problem solvers rather than problem creators.

Tuachane na hayo ya siasa na badala yake ngoja nijikite kwenye mada yangu ya leo ambao itajikita kwenye jinsi gani ambavyo utapata utajiri kwa kubadilisha fikra zako. Katika makala iliyopita nilielezea kuwa misingi mikuu ya kuwa tajiri ni kupitia (i) Fikra (ii) Malengo (iii) Elimu ya fedha na (iv) Kujali muda.

Leo hii naanza kwa kukuchambulia na kukufunulia siri ambayo huwajahi kuhifikiria kuwa ni muhimili mkuu wa kukufanya uwe tajiri tena tajiri mkubwa zaidi ya wale unaowaona kwenye vyombo vya habari na mitandao mbalimbali. Upo tayari kujua ni siri ipi hiyo?? Kama upo tayari hebu endelea kusoma ili husipitwe na uondo huu ambao utabadilisha maisha yako. 

Kila unalofanya linatokana na fikra zako za kila siku

Kila jambo linalofanyika katika maisha yako ya kila siku lazima lianzie katika mfumo wako wa mawazo. Mfumo huu wa mawazo umetengenezwa kiasi kwamba unafanyia kazi fikra zako ambazo unaziwaza mara kwa mara katika mazingira yako ya kila siku. Kwa maana hiyo kile ambacho unakiwaza sana ndicho mfumo wako wa ndani wa mawazo (subconscious mind) unakifanyia kazi na kukuwezesha wewe kukiweka katika hali ya umbile lake. Hebu tuangalie mfumo huu wa ndani wa mawazo unafanyaje kazi:-

Nguvu ya fikra hasi

Kadri unavyoufanya mfumo wako wa mawazo utawaliwe na fikra hasi ndivyo mfumo wako wa mawazo wa ndani utakavyo tafsiri fikra hizo na kukuletea matokeo hasi. Kinyume chake ni kuwa kama mfumo wako wa mawazo utataliwa na fikra chanya ndivyo mfumo wako wa mawazo wa ndani utakavyo kuletea matokeo katika umbile chanya. Mfano kama wewe unawaza kuwa hauwezi kuwa tajiri moja kwa moja tafsiri ya mfumo wako wa mawazo wa ndani utakuletea matokeo katika maumbile ya kiumaskini. Kumbuka kuwa binadamu tupo jinsi tulivyo kutokana na mitazamo yetu ya ndani (“The outermost of human being is the reflection of his/her innermost”). Kama wewe muda mwingi unawaza kutokukubalika katika jamii vivyo hivyo matokeo yake yatakuwa kutokukubalika. Kama unawaza kushindwa katika yale unayoyafanya matokeo yake yatakuwa kutofanikiwa katika yale unayoyafanya. Kama unawaza kutokupendwa ndivyo hivyo matokeo yake yatakavyokuwa.

Nguvu ya fikra chanya

Kutokana na tulichojifunza hapo juu, yafaa tujifunze kuwa na mawazo ambayo yataumba mambo na vitu tunavyovihitaji pekee na si vile vyenye kutuletea maumbile hasi. Jambo jingine la kushika ni kuwa huwezi kutenda kile usichowaza. Matendo yote ni matokeo ya mawazo. Na kama mtu akisema hutenda pasipo kuwaza, hiyo siyo kweli. Ubongo wa binadamu unazo sehemu kadha wa kadha zinazohusika na kumbukumbu na takwimu mbalimbali na kupitia ubongo huu ndimo kuna mfumo wa mawazo wa ndani wa mtu husika. Kwa mantiki hii kila tunachoamua ni matokeo ya taarifa fulani ambazo zimeshakuwamo katika mfumo wa mawazo wa ndani huko nyuma. Yawezekana hata muhusika hasiwe na habari kuwa taarifa hizo zipo katika mfumo wake wa mawazo wa ndani (subconscious mind), lakini kutofahamu huku hakuzuii taarifa hizo kuendelea kutumika katika maamuzi na maumbile mbalimbali.

Wapo watu ambao hujikuta wanafanya uamuzi wasioupenda ama wanapata matokeo wasiyoyapenda. Tatizo si matokeo, tatizo ni fikra ambazo zinakuja kwa sababu ya taarifa zinazoujaza ubongo wako. Nimesema kuwa ili upate matokeo unayoyataka ni lazima akili yako ijikite katika kutafakari yale tu unayoyataka. Hivyo basi siri kubwa ya kuwa tajiri ni kuufanya mfumo wako wa mawazo wa ndani utafakali juu ya neema za utajiri. Kufikilia juu ya maisha yako ya kitajiri unataka yaweje, kwa maana hiyo ubongo wako unatakiwa uujaze picha ya vitu vya kitajiri ambavyo ni matarajio yako kuvimiliki.

Hitimisho

Nahitimisha kwa kutoa angalizo kuwa kawaida asili ya binadamu inaongozwa na woga/mashaka. Tunakuwa na woga/mashaka kwa vitu vile ambavyo kutokea kwake hatuna nguvu ya kuvizuia ili visitokee. Hivyo, uamuzi mwingi wa binadamu utawaliwa na woga/mashaka kuliko kutawaliwa na kujiamini na matumaini mema. Na kama akili yako isipoona ama kutafakari yale unayoyataka ni vigumu sana kupata matokeo unayoyataka. Kwa maana hiyo siri ninayokuachia leo hii ni kuhakikisha muda wote unawaza yale unayoyataka yatokee katika mazingira chanya na hivyo utokeaji wake uweze kukufanya upige hatua moja kwenda mbele katika kutimiza ndoto zako za kuwa tajiri.

Imeandaliwa na Ndg. Augustine M. Bilondwa

Karibu kwenye fikra za kitajiri  tubadilishane mawazo kupitia mawasiliano yafuatayo:-

Namba ya Simu ya Mkononi                            0786 – 881155/0763 – 745451

Barua pepe                                                    bilondwam@yahoo.com

Blog                                                             fikrazakitajiri.blogspot.com